رواية العشق الممنوع كاملة بقلم مارلي ايهاب عبر مدونة دليل الروايات
رواية العشق الممنوع الفصل السابع و الخمسون 57
بعد مرور ثلاث ايام لم يحدث فيهم الكثير
في صباح يوم جديد
كان يجلس وجية في مكتبه في المنزل وهو بيفكر في خطواته اللي جاية
فتح تلفونه واتصل بواحدة وطلب منه بعض الحاجات وقفل
وجية بابتسامة غل… ماشي يا سهر ماشي هتشوفي العذاب الوان علي ايدي
وقام واخد الجاكت من علي الكرسي
وخرج بره المنزل وركب عربيته وطلع علي الشركة اللي من ساعة ما خرج من المستشفى مرحهاش
وجية وصل قدام الشركة ودخل ولكن تفاجئ من وجود مراد وانجي امام غرفة الارشيف وكان باين عليهم الابتسامة والضحك
وجية بضيق… اية ده بقي هي شركة ولا كافية الاساتذه بيضحكوا فيه
وجية قرب عليهم وقال بحده… صباح الخير
الاتنين انتبه ليه… صباح النور
وجية بحده… رجعت الملفات يا مراد
مراد بهدوء… ايوة انا وانجي بقالنا تلات ايام بنرجع فيهم ومش فاضل غير كام واحد
وجية بسخرية مش باينه… انجي اه
انجي كانت محرجة من وجية ومن مراد وبذات لما لمحت نظرات السخرية وهو بينطق اسمها…
وجية بسخرية… طيب ياريت نشوف شغلنا ها وبلاش كلام في مواضيع خارجية في معاد الشغل ممكن ولا لاء
مراد بهدوء… لا طبعا ممكن يافندم
وجية نظر لها بحده وقال… لو سمحتي عاوزك في مكتبي
انجي بتوتر… حاضر
مراد باستغراب بعد رحيل وجية… هو اية
انجي بتوتر.. مش عارفه هروح اشوف بعد اذنك
مراد باستغراب… اتفضلي
انجي طلعت في الاسانسير علي دور وجية وخبطت
وجية بحدة… اتفضلي
انجي دخلت بهدوء… وسكتت مستنية يتكلم
وجية بسخرية…. ما تقعدي يا انجي ولا اقولك يا مدام احسن
انجي اضايقت من سخريته لكن سكتت وجلست بهدوء… نعم
وجية بضيق….. خطوبة عمار و حورية يوم السبت الجاي علي معادنا
انجي بهدوء… عارفة
وجية بجدية…. الخطوبة هتتعمل في قاعة
انجي بهدوء… طيب
وجية بهدوء….. وانا اللي هعملها
انجي بهدوء…. مش حضرتك يهمك انها في قاعة الخطوبه علي العروسة مش كدة ولا ايةة
وجية بهدوء…. هسالك سؤال انتي المعازيم بتوعك يجوا قد اية
انجي بهدوء… حاولي 40.ولا حاجه
وجية بابتسامة… انا بقي هيعدوا 500 علشان هيجي رجال اعمال بالتالي انا معازيمي اكتر يبقي انا اللي هجيب القاعة وهحجزها واضح ولا لسه
انجي سكتت بضيق وبعدين قالت بضيق
…. اية حكاية جواز المحامي ده ما الناس كلها بتتجوز عند ماذون
وجية حاول يكون هادي…. وانتي اية اللي مضايقك
انجي بضيق…. يعني اجوز بنتي عند محامي ليه مدني مش عند ماذون شرعي
وجية بهدوء… وهو المحامي هيكتب الكتاب غير الماذون يا انجي احنا بنحب نكتب عند المحامين مش الماذون خلاص المهم انهم هيتجوزوا وخلاص
انجي بضيق….. تمام حاجه تانية ولا امشي
وجية بسخرية… لا اتفضلي امشي وياريت يكون الكلام في الشغل ممكن ولا لاء
انجي اتعصبت… هيكون الكلام في اية يعني ياريت تاخد بالك من كلامك بعد اذنك
وجية بسخرية…. حاضر هاخد بالي من كلامي
انجي بعصبية…. واحد مستفز
وتركت المكتب وخرجت بغضب.
اما وجية غصب عنه ابتسم علي عصبيتها
…………………
انجي نزلت تحت وحاولت تداري الغضب ده ودخلت المكتب
مراد بقلق.. في اية اتاخرتي فوق اوي
انجي بهدوء… مفيش حاجه
مراد باستغراب… ازاي امال كنتي بتعملي اية فوق كل ده
انجي بهدوء… ابنه عمار يبقي خطيب بنتي وكتب كتابهم الاسبوع الجاي وكنا بنتكلم في التفاصيل
مراد باستغراب…. عمار
انجي بهدوء… ايوة
مراد باستغراب…. الف مبروك وعقبال الليله الكبيره
انجي بابتسامة… شكرا نكمل شغلنا بدل ما ينزل ويتكلم معانا
مراد ابتسم… طيب يلا
…………………..
في البيت عند وجية نجلس سهر في غرفتها وهي تتذكر ما قاله وجية لها بالامس
فلاش باك
سهر بابتسامة… مالك يا وجية
وجية بضيق…. مفيش
سهر بابتسامة…. اتكلم فضفض معايا
وجية بابتسامة خبيثه…. واحد لعب معايا لعبة قذره زيه وحاول يضرني في حد من ولادي بس ميعرفش اني مش هسيبه تخيلي كان مأجر واحد يصاحب الواد عمار و يعلمه يشرب مخدرات طبعا لو حاجه زي دي حصلت اسمي في السوق يتدمر يا سهر
سهر بتوتر…. وعملت اية
وجية بخبث.. كل خير يا قلبي بعتله كام واحد ينصبوا عليه و يوقعوا شركته الارض مهو هو اللي غبي غبي وبعدين اسهمه كلها وقعت في الارض روحت اشتريت انا الاسهم دي وبعدين بعتله واحدة شمال وخلتها تصورهم سوا وفضحته
ده غير بقي اني خطفته لمدة اسبوعين وخليته مدمن مخدرات علشان يتعلم الادب يا سهر هل انا كدة غلطان
سهر بتوتر ودموع…. لا
وجية بخبث… بس كدة اصل انا اللي يجي علي حد يهمني هنسفه اذا كان قريب او بعيد.
سهر بتوتر…. معاك حق
وجية ابتسم… طيب يا حبيبتي انا هنام بقي لاني تعبان ومش قادر
سهر بابتسامة متوترة…. ماشي
نام وجية علي السرير وكان يبتسم بخبث
باك
سهر بدموع…. طيب لو عرف اللي عملته زمان هيعمل معايا اية ده وجية مش بيهزر بالعكس ممكن يقتلني فيها وحيد كان عنده بالدنيا كلها بس هو هيعرف منين الموضوع ده عده عليه اكتر من عشرين سنه مش هيعرف اكيد مش هيعرف
………………………….
في الشركة عند اسيل كانت تجلس بغل
اسيل وهي بتكلم معتز…. شوفت عمل معايا اية
معتز بضيق… يا اسيل انتي غلطانه ياماما وجية اصلا معملش ليكي حاجه ليه بتاذيه وبعدين وجية مش سهل مش سهل خالص وبعدين انتي مش قولتي مش هتعملي حاجه ليه دلوقتي راجعة بتقولي عملت وعملت في اية يا اسيل
اسيل بدموع… انا مش هسيبهم حتي لو سيبت وجية مش هسيب اكمل ولا شاهندا سهر وجية هيربيها كويس لكن انا طالبه منك تاخد بالك من كريم يا معتز لو سمحت
معتز بضيق…. معتز ده ابني انا اللي مربية متقلقيش عليه انا عايزك تسكتي وكفاية اللي عملتيه لو سمحتي مش هيسموا عليكي لو اتفقوا يخلصوا منك
اسيل بغل… مش هسيبهم ابدا سامع
معتز بضيق…. طيب يا اسيل انتي حره اعملي اللي انتي عايزة بس فكري في ابنك ابنك يتيم الاب عاوزه يبقي يتيم الام كمان كملي اللي بتعمله ومش هقولك لا مع السلامه
وقفل الخط وهي جلست تفكر في كلامه
………………………..
في الشركة بتاعة شاهندا واكمل
دخلت شاهندا بكل غرور وتكبر وهي ترتدي ملابس مكشوفة وطلعت علي مكتب اكمل اللي كان في اجتماع.
دخلت بدون اي استاذن اكمل اتصدم من وجودها
اكمل بضيق… اية يا شاهندا الداخلة دي
شاهندا بتكبر… كله بره يلا بسرعه
الموظفين اضايقوا من اسلوبها وخرجوا بره
اكمل بصدمة… في اية يا شاهندا انتي اتجننتي ولا اية
شاهندا ببرود… اه اتجننت بقولك. يا اكمل يا حبيبي انت كفاية عليك شغل لغاية كدة انت كبرت وعجزت والشغل من النهاردة انا اللي هديره
اكمل بصدمة…. انتي واعية اللي بتقوليه يا شاهندا
شاهندا ببرود…. اوي يا حبيبي واعية جدا لا وزود عليهم كمان انك هتطلقني
اكمل بصدمة….. انتي في اية انا عملت اية لده
شاهندا ببرود…… عملت اية هقولك يا اكمل يا حبيبي متجوز صافي صحبتي ومخلف بدل العيل اتنين البنتين بنتها دول اللي اقل بنت عندها 15 سنه مستغفلني بقالك 15 سنه وانا العبيطة اللي مش درينا بحاجة
وقالت بعصبية… خليتك بني ادم بعد ما انت وعيلتك مكنتوش لقين الجنية اتجوزتك و نضفتك وشغلت في شركة مكنتش تحلم بيها وفي النهاية بتخوني ومع مين صافي صاحبة عمري وانا كنت عايزة اخد بنتها لابني وانت رفضت علشان خاطر اخته وهي تقولي انا اتحوزت واطلقت بتسغفلوني و بتستغبوني دلوقتي هتطلقني وهتخرج بره وتروح لست صافي حبيبة القلب هي تشغلك ولا تصرف عليك ميهمنيش
اكمل بصدمة… انتي فاهمة غلط
شاهندا بغضب…. انت لسه فيك نفس للكدب يا اكمل انا التوكيل لغيته خلاص وكل حاجه بقت ليا يلا ارمي يمين الطلاق يا هفضحك واخلي سيرتك علي كل لسان اخلص
اكمل بدموع….. شاهندا هيهون عليكي ابو ولادك يتبهدل طيب سامحيني وانا هطلقها
شاهندا بغضب… ميهمنيش تتطلقها او لا انت هتطلقني دلوقتي يلا بسرعه يا هصرخ وهسمع كل الموظفين اللي حصل اخلص
اه نسيت اقولك معلومة اضافية كل الفلوس اللي في الحساب المشترك اللي ما بنا انا سحبت كل الفلوس اللي فيه يا حبيبي يعني انت حاليا لا تحتكم علي اي فلوس يلا طلقني بسرعه ولا اصرخ وافضحك
اكمل بسرعه.. لا لا خلاص انتي طالق
شاهندا بغل… غور بره مش عايزة اشوف وشك
اكمل خرج بغضب من اللي حصل…. عرفت ازاي دي
شاهندا جلست علي الكرسي تبكي بقهر….. مكنتش متوقعة ان الكلمة دي صعبة اوي كدة بعد الحب ده كله ويطلع خاين وصحبتي صاحبة العمر خاينة ليا وهي بتاكل وتشرب و تخرج معايا
………………………….
في البيت عند زياد روح بيته كانت امه تجلس مع فرحة
سعاد بهدوء…. تعالي يا واد يا زياد سلم علي فرحة
زياد بضيق…. ازيك
فرحة بخجل… الحمدلله
زياد دخل اوضته
سعاد بابتسامة… بت يا فرحة انا هاخدك لابني قريب
فرحة بخجل…. انا لازم امشي بعد اذنك
وخرجت بخجل وسعاد ضحكت علي كسوفها…. هيتجوزها يعني هيتجوزها انا اللي مختارها
………………….
في الشركة في وقت البريك
مراد كان يتحدث مع انجي
مراد بحزن… بصراحه انا مطلق بقالي اكتر من 22 سنه ومتجوزتش تاني
انجي بحزن… ليه مش لازم تجربة وحشة تاثر عليك
مراد ابتسم بحزن…. مش حكاية تجربة هي كويسة جدا جدا بس انا اللي بخلف علشان كدة اطلقنا وبدل ما اظلم واحده معايا خدتها من قصرها و قعت عازب
انجي بحزن…… بس الدنيا اتطورت العلاج اتقدم وتقدر تتعالج
مراد بحزن…. مين هترضي تتجوز واحده داخل علي الخمسين يا انجي غير.واحده قريبة من سنه واللي قريبة دي مش هتخلف
انجي بهدوء….. طيب ليه ما تجوزتش واحده مثلا معاها ولاد و تربيهم انت
مراد بحزن….. كنت خايف محبهمش واعاملهم وحش لانهم مش ولادي مش من صلبي علشان كدة متجوزتش معلش صداعتك بمشاكلي
انجي بحزن…. لا ابدا مفيش حاجه
مراد ابتسم بهدوء…. طيب انتي ليه متجوزتيش بعد جوزك الله يرحمه
انجي بإبتسامة…. مستحيل احمد مش مجرد زوج عادي احمد ده حبيبي من قبل ما نتجوز بنحب بعض جدا كنا جيران وعمري ابدا ما اتجوز بعده ولا افكر في راجل تاني علشان ربنا يجمعني بيه في الاخرة
مراد بهدوء….. كان بيحبك بنفس مقدار الحب بتاعك
انجي بإبتسامة…. اه بيحبني وعمره ما زعلني ولا ضايقني حتي عمرنا ما اتخنقنا قبل كدة طول الوقت حياتنا كانت هادية وبسيطة
مراد ابتسم……. ربنا يرحمه
انجي بإبتسامة….. يارب
مراد ابتسم…. هروح اجيب الاكل واجيب شاي واجي
انجي بإبتسامة… تمام
مراد خرج والابتسامة اتبدلت لضيق… يعني انا بجز نبضها تقولي كده طول عمرك نحس وفقر يا مراد
ومريم بعدت شوية عن مراد ووقفت مع سيدة
ماجد بهمس لمهاب… تصدق يا مهاب نفسي في واحده زي مريم
مهاب بغضب… اية اللي بتقوله ده يا متخلف
ماجد بإبتسامة…. يعم اهدي مقصدش حاجه وحشة بس مريم فينا كل الميزات الحلوة واللي تخلي اي راجل يبصلها طيبة وحنينة قلبها ابيض اي حد محتاج مساعدة بتساعده وجميلة
في ميزات كتير تخلي اي راجل يبصلها ابتسامتها اللي بتدي امل للناس في الحياة ضحكتها الجميلة و الجذابة كلامها الراقي
مهاب كان مركز معها وهو يستمع لكلمات ماجد
ولكن فاق…. انت مجنون دي مريم ازاي بتقول عنها كدة
ماجد باستغراب…. هو انا بشتمها يبني انا بمدح فيها.
مهاب بغيره… طب اخرس ممكن
ماجد… حاضر انا غلطان اني بتكلم معاك اصلا بني ادم قلبه حجر
مهاب كتم في نفسه وقال بضيق… امبارح جاك و انهاردة ماجد ياتري مين تاني هيعجب بالست مريم
…………………………….
يتبع الفصل التالي اضغط على ( رواية العشق الممنوع ) اسم الرواية