رواية عشقته فحطمت غروره (كاملة جميع الفصول) حصريا عبر دليل الروايات بقلم الشيماء ممدوح
رواية عشقته فحطمت غروره الفصل الخامس 5
بيشرب سيجارة وحاطط رجل علي رجل ودخلت مكتبه بنت شابه جميلة قالتله أوامرك ي فندم
ضحك ب شر وقالها : اسمعي يا حلوة لو عملتيلي اللي انا عايزه هبسطك اووي
عالناحية التانيه عند ابراهيم كانت واقفه قدام الباب وهي بتقوله عايزة ابني
ي ابراهيم
ابراهيم بتوتر وحذر قالها :هششش وطي صوتك تعالي معايا المكتب ونبقي
نتكلم
وراحوا هما الاتنين المكتب وسط نظرات آدم وميرفت اللي عايزين يفهموا
ابراهيم :عايزه ايه وايه اللي جابك بعد كل السنين دي
فريدة : عايزة ابني ي ابراهيم اللي اخدته مني زمان وحرمتني منه
ابراهيم بانفعال : نعم ؟!حرمتك منه ايه ؟!!انتي اللي بعتي ابنك عشان الحقير
اللي اتجوزتيه وعشان الفلوس
فريدة : بس متقولش عليه حقير خلاص هو دلوقتي بين أيدين ربنا
ابراهيم: وهو انتو اللي زيكم يعرف ربنا (ثم أكمل بسخرية ) اه تلاقيه اتقتل
في جريمة من عمايله السودة
فريدة : حرام عليك متقولش كده ده اتاخد غدر ..انا مش عايزة حاجه من
الدنيا غير ابني ي ابراهيم
ابراهيم : ابنك انتي اللي ادتهوني زمان ودلوقتي جاياني في عز مشاكلي
وتقوليلي عايزة ابني بقولك ايه ي فريدة انا مش ناقصك ابعدي عني
اليومين دول وبعدين نبقي نتحاسب احنا مش ناقصين مشاكل
فريدة بتوسل: طيب اشوفه بلاش اكلمه اشوفه بس نفسي اشوف شكله بقا
عامل ازاي ولو مرة واحدة بس
ابراهيم : فريدة قولتلك بعدين نبقي نتكلم انا مش ناقصك خليني اشوف
اللي ورايا انا ورايا شغل كتير ومسئوليات مش فاضيلك متاجيش تاني
هنا غير لما نتكلم ونشوف هنعمل ايه انتي فاهمة
فريدة جايه تتكلم ابراهيم قالها يلا اتفضلي روحي مكان ما جيتي قولتلك مش
وقته دلوقتي
بعد ما مشيت
آدم سألوا مين دي وكانت عايزه ايه
ابراهيم بتوتر : ها لا ده كان موضوع قديم وخلاص خلصناه متشغلش بالك انت
المهم قولي ايه اخبار الشركة
آدم : اه كان في صفقة جديدة عايز اكلمك فيها
ابراهيم: طيب تعالي نتكلم
عند ليلي في الفيلا مع عمامها
راضي نورتي بيتك ي ليلي
ليلي : بنورك ي عمو
رؤوف :تلاقي البنت عايزة ترتاح دلوقتي ي راضي خلينا نطلعها اوضتها
راضي : لأ تاكل الأول وبعدين تبقي تنام .. ها تحبي تاكلي ايه ي لولو
ليلي : اي حاجة ي عمو زي ما تحب
راضي : خلاص انا هطلبلنا اكل من بره
وهما بياكلو
حسام كان قاعد مركز معاها ومشالش عينه من عليها
بعد ما خلصوا اكل وليلي طلعت تنام
راضي : حساام فيه ايه من سعت ما شوفت البنت وانت مشلتش عينك
من عليها
حسام: بقولك ايه ي بابا انا بصراحة كده غيرت خطتنا انا عندي خطة أحسن من اني اقتلها
راضي: هشش وطي صوتك ي غبي خطة ايه
حسام: احنا كده كده عايزين فلوسها وأبوها كده كده ميت
راضي : ها وبعدين ي فكيك
حسام : هقولك البت بصراحة عجبتني ودخلت دماغي انا هتجوزها وفلوسها هتبقي لينا
برضو مش هنروح بعيد
راضي : وهو انت بتاع جواز وبعدين هي متجوزه هنطلقها ازاي من الزفت اللي متجوزاه
حسام : هقولك انا هضحك عليها واخليها تحبني واعاملها كويس واحسسها بالراحة من
نحيتي وبعدين اخليها تكرهو وتطلق منه
راضي : وان مجتش بالذوق
حسام بشر : يبقي بالعافيه
آدم كان سهران ف راح يكلم ندى ردت عليه وباين عليها كانت سكرانة
آدم :ايه ده ي ندي انتي سكرانة!!! وايه صوت الدوشه اللي عندك دي انتي لسه بتسهري
في الأماكن دي مش قولتيلي انك بطلتي تروحيها
ندى : في ايه ي آدم حبيت اغير جو مع أصحابي
آدم بعصبية:ااايه !!! انتي لسه بتسهري مع الولاد دول انا مش قولتلك
متطلعيش معاهم واقطعي علاقتك بيهم
ندى : ايه في ايه ي آدم دول أصحابي متقولش عليهم كده وكمان سارة وايمي قاعدين معايا
مطلعتش معاهم لوحدي وبعدين انت كل شوية أوامر أوامر وبتتحكم فيا بطريقه تزهق مش كفايه
روحت اتجوزت وسبتني
آدم : ندي قولتلك دي جوازة عالورق وليلي دلوقتي عند عمامها واخلصي روحي من عندك بدل ماجيلك
ندى: قولتلك مش هروح أصحابي وحشوني وعايزة اقعد معاهم وخلاص بقي سبني استمتع
بسهرتي مش كل شوية خناق ..
وفصلت وآدم كان متعصب علي آخره ومضايق منها
تاني يوم عند ليلي
..ليلي راحت لعمامها وقالتلهم انها عايزة تزور أبوها لانه واحشها اوي عمامها رفضوا
وقالولها خليها بعدين عشان دلوقتي هما مشغولين وحسام خرج مع اصحابه وهي مش
هينفع تروح لوحدها
ليلي طلعت اوضتها اتصلت بابراهيم وحكتله اللي حصل طبعا ابراهيم عاتبها وقالها يعني
صدقتيهم ي ليلي صدقتي ان ممكن اكون السبب في مشاكلهم أو اللي حصل لابوكي
ليلي: ابدا يا عمو والله انا بس فرحت انه طلع ليا أهل وحنيت لبابا لما شوفت شبهو في
عمي حسيت اني محتاجه حضنه اوي وحسيت انو بيحبني
ابراهيم : دول لا يمكن يكونوا بيحبوكي ابدا انا عارفهم كويس بس عالعموم انا هبعتلك
آدم عشان دلوقتي مشغول قوليلي هتستنيه فين وهو هياجي ياخدك
ليلي بفرح : ربنا يخليك ليا ي عمو
بعد ما ليلي خلصت كلام
راحت لعمامها وقالتلهم انها هتخرج مع أصحابها
آدم وصل لقاها مستنياه كان فرحان انه شافها
وليلي اول لما شافته راحت تركب في عربيته من غير ما تتكلم معاه طول الطرق مببيتكلموش
آدم حب يكسر الصمت اللي مابنهم وقالها
مبسوطة وانتي مع عمامك
ليلي : ايوة
آدم :عالفكرة انا سبت الشركة عشان أجي اروح معاكي
ليلي : طيب
آدم باستنكار: طيب!!!!
ليلي :امال عايزني اقولك ايه
آدم كان مصدوم بس افتكر انها بتقول نفس الكلام اللي قالولها يوم ما اهتمت بمامته لما تعبت
آدم : بترودهالي يعني
ليلي : اعتبرها كده
آدم اتغاظ منها وساق العربية جامد
وليلي كانت بتبتسم بلئم وانتصار ..
آدم شاف منظر ابتسامتها في مراية العربيه ابتسم علي جمالها وكانت وحشاه ضحكتها وكل حاجه فيها
وصلو المستشفى واول لما راحو أوضة أبوها ملقوهوش فيها !!
طلعوا يزعقوا في المسئولين
قالولهم انهم غيروا أوضته النهارده ونقلوه علي أوضة جديدة
آدم وليلي راحو الاوضه اللي قالولهم عليها بس اتصدموا من اللي شافوه قدامهم
الممرضة كانت حاطة المخدة علي وش أبوها وبتحاول تقتله...
يتبع
•تابع الفصل التالي "رواية عشقني فحطمت غروره" اضغط على اسم الرواية