رواية العشق الممنوع كاملة بقلم مارلي ايهاب عبر مدونة دليل الروايات
رواية العشق الممنوع الفصل الثاني و الستون 62
في بيت انجي فتحت الباب و اتصدمت لما شافت اسيل قدامها
انجي بصدمة… انتي اية اللي جابك هنا
اسيل بابتسامة…. جاية اتكلم معاكي في موضوع مهم
انجي بغضب… مفيش مواضيع بنا انتي فاهمة غوري من هنا
اسيل ببرود…. شوفي انا جاية علشان اقول الكلمتين اللي عندي وهمشي و مش هتشوفني تاني
من مصلحتك انك تشوفي عدوك فين وعدوك ده قريب من بنتك اوي وانتي اللي سلمتيها ليهم بسهولة
انجي بقلق… تقصدي اية
اسيل ببرود… هنتكلم علي الباب
انجي وسعت ليها وهي دخلت ورات صور احمد مرمية علي الارض و مكسورة قربت منهم بسرعة وشالت الصور من الازاز ونظرت لانجي اللي تنظر لها بصدمة
اسيل بغضب… انتي مجنونة ازاي تكسري الصور و ترميها علي الارض هي دي قيمته عندك
انجي بغضب… اه هي دي قيمته الخائن مش بيكون ليه قيمة اخره في الزبالة
اسيل شالت الصور و حضنتها قدامها وانجي كان الغضب بيرتفع عندها
اسيل قامت وحطط اكتر من خمس صور في الشنطة بكل بحب قدام انجي اللي شوية وهتتجلط منها
انجي بغضب… قولي عايزة تقولي اية اخلصي
اسيل بهدوء…. شوفي يا انجي اقعدي الاول علشان نقدر نتكلم
انجي جلست بغضب
اسيل بهدوء….. بصراحة يا انجي انا واحمد اتجوزنا من 8 سنين انا حبيته جدا جدا وانا اللي حاولت الفت انتبه كتير جدا لغاية ما قدرت اخليه يعجب بيا و يحبني واتجوزنا وانا مقولتش لاي حد علي جوزنا غير سهر اللي كانت مبينه ليا انها ملاك وحبيبتي وصحبتي واللي بتخاف علي مصلحتي روحت واعترفت لها اني بحب احمد اللي شغال عندنا في الشركة وعايزين نتجوز بس في السر علشان مراته ومن غير ما حد من اهلي يعرف لانهم هيرفضوا وهي شجعتني و قالتي متسبيش حبيبك واوعي تبعدي عنه انا هشوفلكم شقة كويسة و بعيد عن الناس وعلشان محدش يعرف ونبقي في امان المهم اتجوزنا وعدت اول سنه والتانية والتالته وكل ده مكنتش حملت من احمد محملتش غير قبل موته بشهر واحد
انجي بدموع…… استني اتجوزك 8 سنين يعني بعد ما اتجوزني بست سنين صح كدة ولا انا غلطانة
اسيل بهدوء… صح المهم سهر سابتني متجوزة 8 وكانت بتجي زيارت وبتشجعنا وكانت بتشجعه انه يطلقك خالص لكن هو متمسك بيكي علشان خاطر حورية لغاية ما عدوا 8 سنين وانا حملت في الشهر الاخير من حياته بعد مدة علاج طويلة ومكنتش لسه قولت لاختي سهر اني حامل يدوب روحت عند الدكتور و رجعت لقيتهم بيقولوا جوزك مات وانتي هتسافري بره ومنشوفش و شك هنا تاني شوفت في نظراتهم كره وحتي سهر كان في عينيها شماته شديد مش عارفة ازاي كانت بتمثل عليا الحب كانت مستنية اية انا مش عارفة ليه بس عرفت هي كانت عايزة توجعني كانت عايزة تجرحني علشان لما تخليني افضل في سعادة 8 سنين وتروح السعادة دي من ايدي يبقي بتكسرني هي اللي راحت عرفت اهلي وشاهندا اتجننت علشان مستواهم وسمعتهم اللي ادمرت و سفروني بره مصر وانا حاليا ابني عنده خمس سنين انا كنت جاية انصحك ان بنتك بلاش تعيش معهم لاني عرفت انها هتقعد في الفيلا بما ان الشقة اللي كانوا هيتجوزوا فيها مجهزتش بنتك سهر مش هتسيبها لو بينت حبها الكبير و تقبلها للموضوع اعرفي ان بنتك في خطر لان سهر مستحيل تقبل حورية تبقي مرات ابنها ووجية مش دايما موجود وعلشان تصدقي ان انها مش بيهمها حد دي قتلت اخو وجيه الصغير و دفنته في الصحراء وشايفه جوزها بدور عليه وهيموت عليه بس دي شيطانة في صورة بني ادم انا جيت انصحك لان بنت احمد تهمني لانها حته منه انا قولت اللي عندي
اسيل نظرت لها وشافت الدموع تنزل من عينيها بقهر وخوف علي ابنتها
تركتها اسيل وخرجت وهي كانت بتبكي بخوف علي ابنتها من سيدة جردت من قلبها الرحمة
……………….
في الشالية في السخنة كان يقف وجية وهو بيحط بعض القطرات من دواء في كاس العصير ويقلبها جيدا وحط العلبة في جيبه تاني واخد صنيية الفطار وطلع علي الغرفة وكانت نايمة لسه
فتح الستاير وهي اتقلبت بضيق من النور اللي دخل للغرفة
وجية بابتسامة …. سهر يا سهر قومي يلا انا جبت الفطار لو مقومتيش هفطار لوحدها وهنزل لوحدي
سهر فتحت عينها بابتسامة وحب… صباح الورد يا حبيبي
وجية قرب منها بابتسامة علي وجهه وقال….صباح الجمال يلا يا قلبي قومي علشان نفطر وننزل نشوف هنعمل اية
سهر قبلته علي شفتيه. وقالت بحب… خلينا في الشالية بلاش نخرج
وجية بابتسامة… طيب براحتك بلاش بلاش نخرج يلا بس نفطر علشان انا جعان ومكلتش حاجه من امبارح
سهر بابتسامة.. طيب
وجية ادلها التوست اللي كان في بعض الدواء واعطاها كوب العصير
سهر مسكته وقالت… انا بحب اشرب العصير الاول قبل ما افطر
وجية بابتسامة… انا عارف يلا كلي ومسك هو فطاره وابتداء ياكل بمنتهي الهدوء ولم ينظر لها و هي اكلت التوست وشربت العصير كامل وهو ابتسم بخبث
وجية قام حط الصنية علي التربيزة الموجودة ورجع تاني مكانه وقال… شوفتي احنا مش محتاجين خدم
سهر حطت راسها علي صدره وقالت بحب وهي تحتضنه….. تعرف كان نفسي في سفرية زي دي من زمان مسفرناش انا وانت مع بعض
وجية بابتسامة… الجايات كتير يا حبي وهنخرج براحتنا اخلص بس الشغل اللي ورايا وبعدين افضي نفسي اسبوع ولا حاجه ونسافر اي مكان
سهر رفعت نظرها ليه وقالت…. انت كلمت عمار
وجية بابتسامة… اكيد
سهر بغضب.. اوعي تكون البت دي. ضيقته ولا صوته في حاجه
وجية بهدوء وتحذير… مبسوط ومفيش في اي حاجه
سهر بضيق سكتت
وجية حضنها وهو بيدري غله وقال…. احنا جايين نفكر في ست حورية وعمار ولا نفكر في نفسنا شوية احنا جايين نتبسط ولا اية
وقبلها بهدوء وهي بدلته قبلته دي. بحب شديد. وسرحت معه في عالم خاص بيهم
…………………
في الجزيرة كان يجلس عمار علي ارض خضراء في وسط المياة هو وحورية وراهم بيت من الخشب في وسط المياة يعيشون فيه
حورية كانت تنام في حضنن وقالت بحب… المكان هنا روعة بس انت متاكد ان مفيش اسماك قرش. في المكان ده
عمار بضحك….. لا طبعا انا مش متاكد متنسيش ان ده بحر وممكن اي حاجه تمشي فيه
حورية نظرت ليه بجدية… يعني اية
عمار استشعر الجدية واتكلم بهدوء… انتي قلقانة ليه مفيش حاجه يا حورية متقلقيش ويلا علشان ننزل المياة
حورية بتوتر.. انا مش نازلة
عمار بضيق.. يلا يا حورية متبقيش رخمة بقي مفيش يعني لو في انا مش هضحي بنفسي يا حورية ولا بيكي يلا
حورية بتوتر… طيب انا هنزل كدة
كانت ترتدي بنطلون و بلوزة
عمار بابتسامة…؟.. طيب انا جايبلك مايوه جوه البسيه وتعالي يلا
حورية بتوتر… طيب.
دخلت ولبست مايوه شرعي وخرجت كان هو يرتدي الشورت فقط
حورية بتوتر… انا جاهزة
عمار ابتسم علي توتره وخوفها وقال طيب يلا
قرب من المياة ونزل
حورية بتوتر… بقولك انا مش بعرف اعوم
عمار بابتسامة… متخفيش يلا انا معاكي
مد ايده علشان ينزلها وهي تقف بتوتر…. يلا يا حبيبتي
جلست حورية وهو مسكها من خصرها و نزلها المياة وهي كانت متوترة
حورية مسكت في الارض الخضراء بخوف… استني استني ده غويط غويط اوي
عمار بضحك…. بدل ما تمسكي في الارض امسكي. فيا يعني ماانا موجود
حورية بتوتر….. اسكت انت دلوقتي اسكت
عمار قرب منها وحضنها من ضهرها وقال… حبي البحر علشان يحبك ومياذكيش بابا دايما يقولي كدة
حورية اتوترت اكتر من قربه منها وقالت…. البحر غدار
عمار بحب… لا مش غدار البحر عاوز واحد يحبه ويفهمه ويعرف يتفاهم معه بجد ويقدر يتعامل مع كل موجة تيجي بحكمة
وقرب منها اكتر ومسك ايديها بهدوء و خلاها واقفة زيه علي المياه بدون ما تمسك في حاجه
عمار بهدوء… ارخي نفسك خالص يا حورية
حورية بتوتر… هحاول
عمار قرب من رقبتها و بعد شعرها ونزل وجهه وقبلها قبله هادية ولكن في مشاعر حب كثيرة
حورية اتوترت وقالت.. عمار احسن حد يشوفنا
عمار بحب… محدش غيرنا هنا يعني احنا لوحدنا والجزيرة محجوزه لينا بس
عمار لفها ليه بحب و شاف وجهها يشع بالتوتر والخجل
عمار ابتسم بحب ونزل لمستوي شفيتها وقبلها بحب وهي سرحت معه في دقايق معدوده
عمار بعد بابتسامة وقال وابتسم علي حالة التوهان اللي مصحبها… تعالي بقي نعوم سوا مش هنفضل واقفين في المياة وخلاص
حورية بتوتر… ما كفاية كدة و نطلع
عمار بابتسامة. هو احنا لحقنا يا حورية احنا يدوب لسه نازلين يلا تعالي انا هعلمك تعومي
حورية كانت خايفة ومتوترة
عمار بابتسامة… نامي بقي علي بطنك
حورية بصدمة.. انت عايزني اغرق انا واقفة. وانت مسكني وانا مرعوبة تقولي نامي هو ايه ده
عمار بابتسامة…. ياستي ما انا همسكك متخفيش
حورية بخوف… انا مش عايزة اتعلم اقولك طلعني وعوم انت براحتك
عمار بابتسامة…. يعني تسيبي حبيبك يعوم لوحده
حورية بخوف… معلش يا عمار طلعني انا مش مرتاحة البحر ده غويط
عمار محبش يضيقها او يخليها متوترة طول الوقت في المياه
شالها وطلعها علي الارض وابتسم وقال…. انتي الخسرانة هعوم انا وهجيلك تاني
حورية بابتسامة… بس خليك قريب مني هنا
عمار بابتسامة ظ.. اوك
وابتداء عمار يذهب ويعود اليها ويعوم باحترافية
شديدة
بعد مرور بعض الوقت خرج عمار وجلس بابتسامة
بجانبها وحضنها من خصرها وقال بحب…. مش. كنتي استمتعتي معايا بدل القاعدة دي
حورية بابتسامة… كفاية انت اتبسطت انا مش بحب البحر
عمار بضحك… خسرانة كتير صدقيني اللي ميحبش البحر ده مش عايش
حورية بابتسامة.. بقولك ايه انا جعانة قوم خلينا ناكل و نكلم ماما علشان وحشتني
عمار بابتسامة… طيب يلا
ودخلوا البيت وابتدا عمار يطلع هو وحورية الاكل ويجهزوا
……………………….
اسيل بضيق…. انا معملتش حاجه يا معتز بالعكس انا قلقانة علي حورية روحت قولتلها وعرفتها انا ابقي مين وعلشان ابني يبقي ليه حد واخت
وانا بعد اللي عملته معملتش اي حاجه تاني صدقني
معتز بضيق… طيب يا اسيل مصدقك بس ياريت كفاية قاعدى هنا و تعالي ربي ابنك
اسيل بضيق.. …بس سهر لسه مشفتش غلي منها
معتز بضيق… افهمي ومتبقيش غبية انتي دلوقتي وجودك ملوش اي لازمة وجية مش هيسيب حق اخوه يروح هدر واكيد انتقامه شديد تعالي و خدي بالك من ابنك فاهمة
اسيل بتفكر… هفكر
معتز بنفاذ صبر…. طيب يا اسيل مع السلامه
اسيل بهدوء… الو الو
قفل معتز الخط بضيق منها وهي اتنهدت وبتفكر تعمل اية
تسمع كلامه و ترجع لابنها ولا تفضل هنا و تراقب اللي بيحصل
…………..
مريم بصدمة… بتقول اية
مهاب بهدوء…. تتجوزيني
مريم بصدمة… اية اللي بتقوله ده يا مهاب
مهاب بابتسامة… فين المشكله في الطلب مستغربة ليه انا بقولك تتجوزيني اية الصعوبة في الموضوع
مريم بصدمة…… كتير احنا صحاب
مهاب بابتسامة…. ودي حاجه كويسة جداً علي فكرة احنا صحاب فاهمين بعض جدا وانا محتاج زوجه تفهمني و تبقي عارفة الطبع بتاعي وانتي محتاجة حد يحتويكي انتي وابنك ويعوضه عن حرمان الاب اللي عايش فيه و نكون عيله مستقلة
مريم بعدم فهم.. قصدك ان دي جوازة مابنيه علي العقل بس
مهاب بابتسامة… اه انا شايف ان انتي مناسبة ليا جدا وبعدين انا هرتاح من زن اهلي عليا علشان اتجوز وانتي ترتاحي من رخامة الناس عليكي وزي ما قولتلك هعوضك انتي وابنك وهكون ليه اب شوفي يا مريم فكري براحتك مش عاوز جواب دلوقتي لما تحسي انك فكرتي و اخدتي القرار عرفيني بعد اذنك
وخرج وهي تقف مصدومة من كلامه هل توافق عليه ام لا
………………………………
في المستشفي اكمل كلم كل اللي يعرفهم وكان بينهم مصالح يجي ليه و يساعده ومع الاسف اول ما بيعرفوا انه هو وقع وان كل حاجه بقت لامراته شاهندا بيكون ولائهم لشاهندا علشان مابنهم شغل وصفقات ومرمي في المستشفى لا حولا له ولا قوة لا يقدر ان يتحرك بسبب الذبحة الصدرية
……………………….
بنسبة لام زياد راحت واعتذرت من اهل فرحة وقالت ليهم ان هي اتكلمت من غير ما تعرف ابنها وابنها رافض يتجوز دلوقتي واهل فرحة اضايقوا جدا منها وقالوا لها.. مفيش مشكله بنتنا الف واحد يتمنها
واهل فرحة منعهوها تروح هناك تاني ولا تعتب باب العمارة بتاعتهم
………………..
عند عمر بيحاول يتقبل رحمة وبيعملها بمنتهي الهدوء وبيحاول ينسي فعلتها
…………………………
اما رحمة كل يوم تندم علي فعلتها وما فعلته من زنا وتصلي و تدعي ان يغفرلها الله
……………….
اما شاهندا رجعت شركاتها و بدات تسيطر علي الشركات بكل قوة وكان زوجها كان يدفنها وهي لم تنتبه
ولم تهتم لايهم ولا بأرجعه المنزل
……………………..
اما ايهم يعيش في بيت خالته ويتحدث مع جني بهدوء ولم يخبرها مع حدث معه واشتغل في شركة اخره حتي يقدر ان يصرف علي نفسه. ويجهز شقته للزواج من جني
…………..
بعد مرور ثلاث اسابيع علي الاحداث الماضية مازال عمار وحورية في باريس وانجي تلتزم البيت
وجية وسهر رجعوا لبيتهم. ولكن تغيرت سهر كثير عن ما قبل
……….. .
في البيت عند سهر كانت تجلس و تنظر للفراغ برعب وينام بجانبها وجية
سهر كان جسدها يرتعش برعب و هي تبكي بخوف وتمسك في كتف وجية وقالت برعب… وجية اصحي وجية رد عليا
وجية بغضب… دي مابقتش عيشة بقالك اسبوع مجنني مش عارف انام يا سهر
سهر ببكاء… هيموتني يا وجية شكله وحش جدا يا وجية وحش وجية
وصرخت برعب.. وجية ده جاي عليا جاي هيموتمي وجية الحق
وجية بغضب قام… انا سيباهالك وهغور انام في اوضة تانية
صرخت وهي تمسك في رجله وتجلس علي الارض ببكاء.. وجية متسبنيش معه ارجوك يا وجية خليه يمشي ويبعد عني وجية ارجوك لو سمحت
وجية ابتسم بشماته مدارية…. ماشي قومي
مسك ايديها وقربها لسرير وقالها… غمضي عينيك بقي يا سهر ونامي وانا صحي ومفيش حاجه متقلقيش
سهر ببكاء… هتفضل صاحي
وجية بابتسامة خبيثه… هفضل صاحي
غمضت عيونها بوجع ودموعها تنزل
وجية بعد ربع ساعة نامت وهي الدموع علي خدها
اما وجية ابتسامته كانت تملئ وجهه بكل تشفي
وجية قرب من وجهها وقال بغل… لسه يا سهر مشوفتيش حاجه
………….؟…………………
اما اسيل رجعت لابنها وتوصل لها الاخبار بتاعة سهر اللي بتوصل عن طريق الخدم اللي موجودين
………………
في صباح يوم جديد استيقظ وجية واخد شاور وجهز لبسه و خرج علي الشركة
ودخل المكتب وابتداء يتابع شغله و بعد مرور ساعتين دخل مراد المكتب بعدما استأذن
وجية بهدوء…. ازيك يا مراد
مراد بتوتر…. الحمدلله يا فندم.
وجية بهدوء… في حاجه يا مراد
مراد بتوتر… بصراحة اه بس برة الشغل
وجية بهدوء … اتفضل
مراد بتوتر… انا كنت عاوز اسال هي مدام انجي معدتش بتجي الشركة ليه
وجية بحده… وانت بتسال ليه
مراد بتوتر… مفيش كنت عاوزها في موضوع خاص شويه
وجية بحده اكبر… خاص شوية ازاي يعني ممكن توضح
مراد بتوتر… انا مش هكدب علي حضرتك انا عارف انكم نسايب بصراحة انا كنت لمحت لمدام انجي قبل كدة في موضوع كدة
وجية بضيق ونفاذ صبر… ما تتكلم وتقول اية الموضوع انت هتنقطني كل شوية كلمة
مراد بتوتر… بصراحة انا كنت عايز اتقدم لمدام انجي
وجية نظر له بحده وصدمة. …. نعم
وجية بغضب حاول يدارية… ها وانا مالي بقي بالموضوع ده
مراد باحراج…. اصل يعني حضرتك ممكن تديني عنوانها او رقم الفون بتاعها اتواصل معها
وجية بغضب شديد… اه طبعا وماله دانا اوصلك كمان لغاية باب بيتها بالمرة
وقام وقف بغضب… و
…………..
يتبع الفصل التالي اضغط على ( رواية العشق الممنوع ) اسم الرواية