رواية احلام طفله الفصل السابع 7 - بقلم علا

 رواية احلام طفله (كاملةجميع الفصول) حصريا عبر دليل الروايات بقلم علا

رواية احلام طفله الفصل السابع 7

يوسف : بخوف وتردد ...في ايه يا عمي هو انا قولت حاجه غلط ..

كرم : بعصبيه وغضب ..قولت حاجه غلط ..اما تيجي وتقولي بطلب ايد بنتك عاوزني اسمي عليك ..

يوسف : بخوف اكبر واحراج اكتر بكتير ... والله يا عمي انا اسف بس مكنتش اعرف ان حضرتك هتتعصب كده ...

كرم : وقد نال من يوسف ..وبمزاح .اتعصب ..عاوز تاخد ايد بنتي وتقولي اتعصب ..ولما انت تاخد ايد بنتي.... بنتي تقعد من غير ايد ...امال اجوزها ازاي .. عاوزها تقعد في اربيزي ....

يوسف : بصدمه ..ومش مستوعب كلامه ...مش فاهم قصد حضرتك يا عمي ...

كرم : بضحك هستيري علي منظر يوسف .حبيبي يا يوسف مالك انت صدقت يا ابني ..انا كنت بهزر معاك مش اكتر ..امير قالي كل حاجه ..وانا كنت مستني انك تيجي وتقولي بنفسك من غير وسيط ..واللي انت عملته كبرك في نظري اوي يا يوسف ..

يوسف : بفرحه ..بجد يا عمي يعني حضرتك كنت بتهزر معايه ...

كرم : ايوه وشربت المقلب يا جو. . انا عمري ما هلاقي لبنتي احسن منك يا يوسف .اوعي تنسي انك ابني انا كمان وعارف اخلاقك كويس ..بس انت عارف في الاول والاخير راي يارا اهم ..

يوسف : شكرا يا عمي ..شكرا جدا ..وان شاء الله هتوافق .. و بابتسامه .هستني رد حضرتك ..

كرم : أن شاء الله ..بس ربنا يستر احنا لسه معرفناش مين اللي كان عاوز يقتل ابوك ودخل البيت وسطينه كمان يعني اكيد شخص محترف ...

يوسف : أن شاء الله ..هعرف وكمان انا بكلم فهد واكيد هنوصله ..بس حضرتك ما تنساش طلبي ...

كرم : حاضر انا مش عارف انت مستعجل ليه كده اتقل شويه...

يوسف: بفرحه ..هتقل اكتر من كده ..يارب .. وطلع يوسف اوضه وهو فرحان ..

امير كان شايف يوسف طلع وراح لوالده ..: ها يا بابا كله تمام .

كرم : اه . انا بجد فرحان يوسف ابن حلال .وابن اعز صديق عندي ..ربنا يسترها علينا جميعاً .الوقت مش في صالحنا ...

امير : وانا والله يا بابا ..فرحان اوي ..بس كده يبقا ناقص فهد .وده عاوز معجزه عشان ينطق .يارب ..

كرم: يارب يا ابني.. يا رب ..

في غرفه كامل ..قاعد سرحان في اللي بيحصل معاه ..وياترا مين اللي عاوز يقتله .وهو فعلا عاوز يقتله هو بس ولا هيقرب من عياله كمان ..بس فاق علي صوت خديجه ..

خديجه: كامل ..يا كامل انا بكلمك من بدري ..

كامل : هاا .معلش يا خديجه مخدش بالي ..نعم كنتي عاوزه ايه ..

خديجه: عاوزه اعرف مين اللي عاوز يقتلك ..وليه انا قلبي وجعني من ساعه ما فهد اتكلم .

كامل : والله معرف .انا عمري ما اذيت حد بس ما تخافيش يا حبيبتي خليها على ربنا

خديجه:بقلق وخوف .. مخافش ازاي يا كامل هو انا ليه غيرك انت سندي واخويا وابويا .وبدموع .ما تسمع كلام فهد ويوسف وخليك قاعد هنا لحد ما يعرفه مين هو المجرم ده ربنا ينتقم منه ..

كامل : بس يا خديجه بطلي عياط .. وبعدين مين قالك اني هسيبك انا معاكي ..ويا ستي لو مت اهو جنبك يوسف .وانتي هتنسيني .بقا .

خديجه : بعد الشر عليك ..وانا انساك يا كامل .ده انت في دمي وروحي دا انا انسي نفسي وعمري ما انساك ابدا .ربنا يخليك ليا ..انت ويوسف وليان ..

كامل : بمزاح وخبث ..طب احنا هتفضل كده .يعني مفيش حاجه تانيه هتعمليها ..

خديجه: فهمت قصده .. حاجه ايه .لا مفيش ..

كامل : ازاي مفيش حاجه .لا انا اظاهر اني بعدت عنك كتير ..عشان كده وغمز بعنيه .لازم افكرك يا ديجه حياتي كلها ..

........................

في صباح يوم جديد عليهم جميعا .علي البعض بسعادة وحب .وعلي البعض بخزن وفراق وخداع ..ولاكتر شر وكره .....

الجميع حول سفره الطعام ..في فيله السيوفي ..

فهد: بعد ازنكم محدش يمشي من البيت غير لما يقول هو رايح فين وجي منين عشان نأمنه ..

كامل : مفيش يا ابني احنا هنروح فين يعني مهو الشركه بس ..

يوسف : فعلا .بس لازم نحط امن علي الفيله من جميع الجهات عشان لو حد منهم حاول يدخل تاني .

فهد: متخافش يا يوسف انا عامل حسابي وبخبث ..وحاطت رجالتي في كل حته ..وبيشوف رد فعل كل واحد فيهم ..

عبد الرحمن : بس انا لازم اروح المستشفى يا فهد انا ممكن اطلب في اي وقت ..

فهد: متقلقش يا عبد الرحمن انا عملت كل حاجه... عادي امشي زي ما انت عاوز ..وبردو الجميع لاني مأمنكم مهما روحتو في اي حته هيكون وراكم رجالتي ..

يوسف : طب ليه كل ده ..ما الاحسن الكل يعقد في البيت يعني بابا اول واحد مينفعش يخرج لانه الهدف بتعهم وكمان البنات يوقفوا الشغل الفتره ديه ..ومنخرجش احنا غير للمهم الاوي ..

فهد : بمكر ..لا ليه احنا عاوزين نعرف مين اللي بيعمل كده ..وبالتالي مش هنعرف لو قفلنا كل حاجه ..اه ممكن البنات عشان يكونوا في أمان اكتر ..

ليان بصت ليارا .والاتنين في وقت واحد ..بس مش هينفع . لازم ننزل ..

كامل : باستغراب ..ليه يا بنات لازم تنزله ..

ليان: بتوتر ..قصدنا يا بابا أنه في شغل مهم وكمان فيه ورق مهم لازم نشوفه ..

يوسف : طب مينفعش السكرتيرة بتعتك تجبلك الورق وتبعي من علي طريق النت ..

ليان : لا مينفعش .لازم اروح بنفسي..اصله وبتوتر مقدرتش تخفيها. ورق مهم جدا ..وبصت ليارا ..

يارا : فعلا يا اونكل ده ورق مهم جدا ولازم نشوفه ..

كرم : بس يا يارا انا عوزك ضروري ..

ليان: خلاص انا ممكن اروح لوحتي وابقا اكلمك من هناك يا يارا ..

يارا: بقا كده....ماشي .

كامل : بس يا حبيبتي انا خايف عليكي ..

فهد: متخافش يا عمي .انا هبعت معاها حد ..يحراسها من تبعي ..

ليان: بسرعه ..ليه يا استاذ فهد انا هعرف اخد بالي كويس ومش هتاخر مفيش داعي خالص ..

فهد: لا كده احسن بكتير ..

كامل : خلاص يا ليان ..أكده احسن فعلا ..

ليان: ماشي يا بابا تحت امرك ..

بس طبعا كان فيه اللي قاعد وشايف كل حاجه وساكت .بس بيغلي من فهد ويتوعد لهم جميعا اشد توعد بالهلاك ..

.....................

ليان: شفتي اخوكي الختت خلاص بابا ويوسف سكته يقوم هو يقول حراس امن... ليه شايفني طفله اوي كده ..

يارا : متزعليش منه هو فعلا فهد بيخاف عليكي ..وانتي شايفه اللي بيحصل بنفسك ..

ليان: طب اعمل ايه دلوقتي لو الواد اللي جي معايه ده قالهم اني رحت عيد ميلاد هيعملوا فيه ايه وقتها ..

يارا: طب بصي عندي فكره حلوه ..انتي ممكن تطلعي الشركه وتنزلي من الباب الخلفي من المبنه ..

ليان: لا الله ده باليل والشركه هتفتح باليل طبعا هيكلموني ..

يارا : عادي ممكن نقول في ورق مهم وانتي بتظبطيه .وانا هكلمك اكننا بنشتغل وانتي تنزلي من الباب الخلفي وتروحي ما فيش نص ساعه وترجعي الشركه بنفس الطريقة وبعد كده ترجعي معاه عادي ..

ليان: يا بنت اللذين ..تمام ماشي ..يالا عشان الحق البس ..

يارا: هاا.اخر خدمه ..اشياك يطمر ..

ليان: امشي يا بت انتي ..

في غرفه ما ...بيتكلم في الفون بتاعه ...

المجهول : الواد ده مش سهل اكيد عرف حاجه بس ايه هي مش عارف ..انت متاكد انه الكلب قتلته قبل ما يقول حاجه. ..

المجهول التاني : اه يا باشا .بس انا خايف ليعرفه أنه انا اللي سرقت الورق من الشركه ...

المجهول : ليه هو مش انت فاصل كل الكاميرات الشركه في الوقت اللي طلعت فيه ...

المجهول التاني : اه .بس انا خايف من فهد بيه ..

المجهول: لا مخافش بس انت فتح عنيك كده وكل حاجه هتم بمزجنا ..بس اعمل اللي قولتلك عليه .لازم أعلمه الأدب ..علي اللي عمله ..

المجهول التاني: حاضر يا باشا ..اقرا الفتحه من دلوقتي لو عاوز ..

المجهول : تمام تعجبني ..هي نزله دلوقتي ..وراها ..

المجهول التاني: تمام يا ريس ...سلام ..

................................

في شركه السيوفي ..في مكتب امير ..كان قاعد بيفكر في اللي احتلت قلبه من اول ما شافها .وفضل ينطق اسمها لكنه بيحفظه جوه قلبه ..اسيل .اسيل ..كانت في الوقت ده اسيل بتخبط ودخلت ..

اسيل : أمير بيه ..أمير بيه ..فاق علي صوتها ..

امير. : ها .نعم في ايه ..

اسيل : ابدا بس حضرتك كنت بعتلي .

امير : اه ..طب جيبيلي الملف الصفقه الاخيره من عندك ...

اسيل : تحت امرك يا فندم ..وفعلا جابت الملف وراحت ليه ..اتفضل أمير بيه ..

امير : شكرا ..وجت تخرج لقت امير بيقلها ..اسيل هو انا ممكن اسالك سؤال شخصي شويه ..

اسيل' اتفضل أمير بيه ..

امير : هو انتي مخطوبه .أو بتحبي حد ..اهو اه شاف ايديها أن مفيش دبله بس حب يتاكد منها ..

اسيل : لا يا فندم مفيش حاجه من ديه خالص .بس ليه هو في حاجه ..

امير : بابتسامه .من فرحته ..لا ابدا بس انتي بقالك فتره شغاله هنا اه مش كتير بس انا بجد حبيتك يا اسيل ونفسي تبادليني نفس الشعور ..

اسيل : بحرج سنين عايشه بيه ..انا مش عارفه اقول لحضرتك ايه ..بس انا فعلا اسفه لاني مش بفكر في ده خالص ..انا حقيقي اسفه يا فندم وكانت مسكه دموعها غصب عنها وسابت الغرفه وخرجت ..

امير : ليه يا اسيل .بس انا حاسس ان في حاجه شفتها في عينيها .ياترا ايه اللي مخبياه .

...................................

في شركه ليان ويارا ...

ليان: انا مش عارفه ازاي هنزل من وراه دا زي ضلي يا بنتي مش سايبني لوحدي خالص ..

يارا : طب بصي انت ممكن تدخلي مكتبي .فيه باب بيودي علي غرفه السكرتيره التانيه ممكن تخرجي منه وتعدي من وراه ..

ليان: بتوتر ..بصي هي هتكون حركه قويه بس خائفه اتقفش ويقول لبابا ..

يارا : متخافيش وخلي قلبك جامد ..يالا ..اه اتفقتي مع السكرتيرة عشان تأمن عليكي

ليان: اه ..ربنا يسترها طب انا هروح سالام ..وفعلا ليان خرجت من الباب وراحت مكتب يارا وخرجت زي ما اتفقت معاها وخلاص هي برا الشركه خالص وركبت العربيه ..

عند يارا ..نزلت لبباها وخبطت علي اوضه وفتحت .

يارا : نعم يا بابا في ايه حضرتك كنت عوزني ..

كرم : اه تعالي يا يارا ..في موضوع كده عاوز اخد رايك فيه ...

يارا: خير يا بابا ..

كرم : يوسف طلب ايدك مني ..ها ايه رايك ..

يارا؛ بتوتر وخجل .ايه ااااه طب حضرتك عاوز مني ايه ..

كرم : عاوز اخد رايك موافقه ولا لاء ..

يارا: بكسوف .ممكن يا بابا اخد وقتي في التفكير ..شويه .

كرم : ماشي يا يارا ..قدامك اسبوع وتقولي إذا كنتي موافقه ولا لاء..

يارا: حاضر يا بابا ..وخرجت وطلعت علي اوضتها ..

........................

في مطعم كبير علي النيل دخل معتز ومعاه زميله ..

محمد : ها يا معتز .هتاكل ايه ..

خالد :بضحك .وهزار ... دا علي اساس انت اللي هدتفع الحساب ..مش كده ..

محمد : بهزار ..لا طبعا ميزو اللي هيدفع .. كلهم ضحكه . ههههههههه ..

معتز: طب يا فقري .نادي النادل يجي ياخد الطلبات ..وفعلا محمد نده لقي في بنت جيه .

شهد : ايوه يا فندم ..الطلبات وقتها كان معتز منزل رأسه ومش شايفها وخد الطلبات ومشيت .

محمد : ايه ده مش ديه البنت اللي انت يا معتز اتخانقت عشانها في النادي ...

معتز : التفت وراه وشافها هي يا محمد هي ..بس ايه اللي جيبها هنا ..

خالد : اكيد مش محتاجه ذكاء لبسه النيوفرم الرسمي بتاع المطعم ..يبقا اكيد شغاله هنا ..

معتز : البت ديه مش فاهم لها حاجه خالص ..ومعتز استني لما خلص هو وزميله وهما برا المطعم ..بقولكم ايه امشو انتوا وانا هاجي وراكم ..

خالد : ليه يا معتز في حاجه ..

معتز : لا بس في حاجه كده هخلصها وهرجع وراكم يالا .. وسبهم ودخل لشهد .أو البنت اللي مبعرفش اسمها لسه ..

لو سمحت ممكن طلب ..التفتت له شهد ..

شهد : نعم .يا استاذ ..

معتز: انتي اسمك ايه ..وليه شغاله هنا ..

شهد : باستغراب .ليه حضرتك مين ..

معتز : بتوتر ..ابدا .بس كنت عاوز اعرف اسمك انا المره اللي فاتت وانا معرفتش اسمك.

شهد: انا اسمي شهد .ولسه هتكمل كلامها كان جه المدير بتاعها .وهو عينه زايخه وبتاع حريم وهي كام مره ترفض طلبه منها .وهو مش بيمل ..

المدير : ايه يا شهد انتي ايه اللي موقفك هنا ومين ده ..

شهد: بتوتر .ابدا ده كان جي يسألني علي حاجه ...

معتز : وهو مين انت اصلا ..عشان تسال ..

المدير : انا بكون مدير المطعم يا فندي انت اللي مين ..

معتز : بكبرياء ..معتز ابراهيم ..

المدير :معتز ابراهيم عندنا اكبر لعيب كره .. تشرفنا بيك وبوقاحه وخبث .. بس انا مكنتش اعرف ان شهد فيها في لعب الكره ..

معتز : اتعصب من قصده ..انت تقصد ايه من اللي بتقوله ده ..

شهد : ابدا يا فندم انا اصلا معرفهوش ..

المدير ؛ متعرفهوش ووقفه معاه هنا لوحدكم ليه طب ما انا كنت أولي ..

شهد : انت بتقول ايه حضرتك فاهم غلط. ..

المدير : بوقاحة فأهم غلط ..لا انا فاهم صح خالص وجه يقرب منها لقي لكمه قويه في وشه وبعدها لكمات كتير ورا بعض ..لحت ما رجاله كلها اتجمعت عشان يبعدو معتز من علي المدير وراحه القسم كلهم ..

...................................

ليان راحت عيد الميلاد ...

ليان : كل سنه وانتي طيبه يا طنط. .

والده كريم : وانتي طيبه يا ليان .انتي عمله ايه ..

ليان : الحمد لله يا طنط ..شكرا ..

كريم : طب يا ماما انا هاخد ليان شويه بعد ازنك ..

والدته : ماشي يا قلبي ..يالا ..

ليان : شكرا جدا بس بجد انا لازم امشي ..

كريم : ليه هو انتي لحقتي ..علشان خاطري اقعدي شويه يا ليان ..

ليان : والله ما ينفع. .لازم امشي ..

كريم : طب ممكن اقولك حاجه ..انا عارف ان انتي يمكن مش عرفها أو عرفها ومش رديه تعترفي بيها ..

ليان: بتوتر وفهم .. كريم يمكن اكون فهماك بس صدقني قطع كلامها باشاره منه ..وقرب منها ...

كريم : ليان ..بحبك ..انا بحبك اوي يا ليان .وعاوز اتجوزك ..

ليان : كريم بعد ازنك انا لازم امشي وسبته ومشيت أو الاصح بتحري ..وخرجت وركبت عربيتها وقلبها بيدق بسرعه هيي مش عارفه ده حب ولا عشان اول حد يقولها الكلمه ديه اللي كانت بتحلم أن فارس حلمها يقولها ..

وهي سرحانه لقت عربيه وراها سوده وبتحجز عليها وفجاه لقت ضرب نار نحياها..

في شركه ليان ويارا ..الظابط قاعد برا بقاله تلات ساعات معتقد أن ليان جوه مكتبها وكل ما بيسأل السكرتيرة تقوله جوه بتخلص حاجتها. .وفهد كلمه واطمن انها لسه في الشركه وقاله أنه جي ياخدها بنفسه ..ووصل فهد الشركه .

فهد : السكرتيرة ..هي انسه ليان جوه ..

السكرتيره : بتوتر وخوف منه ..ايه اه ..جوه في حاجه ..

فهد: ابدا قوللها اني برا ..

السكرتيره. : دخلت مكتب ليان ورنت علي الفون ومش بترد ..يوه انا هتسلغ ردي يا استاذه ..كان فهد قلق من تأخيرها ودخل ..

فهد: فين ليان ..هي فين انطقي ..

السكرتيره بخوف : اصل ليان هانم خرجت من تلات ساعات ..راحت هنا .بس تليفونها مقفول ..

فهد: نعم و نده علي الظابط ..انت يا استاذ هي ازاي تخرج وانت متشفهاش ..روح شفلي هي فين بسرعه ..ليه يا ليان ليه. ..

لقي فونه بيرن من رقم غريب ..فتحه .فتحه ..ايوه مين معايه ...

المجهول : انا اللي بدور عليه .واحب اقولك ان الحقيقه عندي انا وبس ..وقفل الفون في وشه .اتعصب فهد جدا بس لقي الفون رن تاني ..ايوه اااايه ..

  •تابع الفصل التالي "رواية احلام طفله" اضغط على اسم الرواية