رواية انت عوضي كاملة بقلم الكاتبة الصغيرة عبر مدونة دليل الروايات
رواية انت عوضي الفصل السابع 7
آية : مين ي ابيه
ياسين : دي السكرتيرة بتاعتي هتيجي معاكي بما انك مصممة تروحي وعلي الاقل هي بنت زيك يعني هتتفاهموا
آية بخبث : السكرتيرة اه ونتفاهم ودي اول مرة تعملها في حاجة بتحصل من ورايا صح
ياسين : حاجة ايه ي بنتي انتي اللي دماغك بتروح وبتيجي عادي يعني انا قصدي انها هتفهم شغل البنات لانكم زي بعض لكن انا آجي اعمل ايه
آية : بص هو انا متاكدة ان في حاجة وهعرفها يعني هعرفها بس انا قررت اني مش هروح الرحلة
ياسين : ليه دا انتي كنتي هتموتي وتروحيها
آية : ما انا لو روحت هروح مع مين يعني
ياسين : وصحابك راحو فين
آية : دول ميستهلوش انهم يكونو صحاب لحد
ياسين : في ايه ي حبيبتي ايه اللي حصل
آية بحزن : في المشكلة اللي حصلت النهاردة كلهم صدقوا الكلام اللي ولد قاله ومفكروش حتي يسالوني عن حاجة وكانو اول ناس وقفوا في صفه
ياسين وهو بيطبطب عليها : متزعليش ي حبيبتي انتي عارفة انهم كدة وانا حذرتك منهم من الاول وانتي فضلتي معاهم بردوا بس كويس انك فهمتي كلامي وبعدتي عنهم
آية : يلا انا مش هزعل بس عشان هما ميستهلوش ان حد يزعل عليهم
ياسين : ايوة كدة يلا بقي روحي نامي
آية : بس انا مش ناسية موضوع الهدوم
ياسين : انا هعرفها وهخليها تيجي معاكي
آية : لما اشوف هي حلوة والا لا
ياسين من غير تفكير : متقلقيش هي حلوة اوي
آية : لا بقي والله في حاجة ومش هستريح الا لما اعرفها وهعرفها واكملت بنعاس بس دلوقتي هدخل انام تصبح علي خير ي ابيه
ياسين : وانتي من اهله ي حبيبتي
دخلت آية تنام وانا فضلت صاحي بفكر في كلامها هل فعلا في حاجة واللا لا وانا ي تري هعمل ايه بعد كدة انا قولت اخلي اميرة تروح مع آية عشان يتعرفوا علي بعض بس هديت علي نفسي ودخلت نمت 😂 عشان الشغل
في اليوم التالي صحيت بدري وجهزت نفسي وعملت الاكل وناديت بابا وماما بعد ما جوم قعدنا ناكل وكالعادة ماما لازم تقول كلامها الطبيعي اللي انا اتعودت عليه وبقيت مبسوطة بيه اوي وطلعت بسرعة عشان متاخرش النهاردة كمان وصلت الحمدلله في معادي وياسين طلبني دخلتله بس لقيته بيستاذني
ياسين : ممكن ي آنسة اميرة تروحي مع اختي تشتري هدوم
اميرة باستغراب : انا …. والشغل
ياسين : متقلقيش انا هتصرف بس تقدري تروحي معاها
اميرة : اكيد ي فندم
ياسين بسعادة : ممتاز تقدري تروحي لها
اميرة : انا معرفش العنوان
ياسين : متقلقيش انتي السواق هيوصلك لهناك وهو اللي هيوديكو
اميرة : تمام
خرجت من المكتب ونزلت جراج الشركة معرفش عربيته تبقي انهي بس لقيت عربية شكلها حلو اوي جاية نحيتي وفيها شاب وسيم بيسوقها
الشاب : انتي الآنسة اميرة
اميرة : ايوة انا
الشاب : طب اركبي ياسين طلب مني اني اروح معاكي
اميرة : انت متاكد انك سواق
الشاب : اه والله اقسملك يعني
اميرة : لا مش قصدي بس شكلك ميدلش علي كدة ابدا
الشاب : طب اركبي ونتكلم في العربية
ركبت العربية وانا مستغربة اللي يشوفه من هدومه وشكله مستحيل يقول انه سواق
اميرة : ركبت اهو قولي بقي
الشاب : بصي ي ستي انا ياسر وانا فعلا مش سواق بس ابتديت اشتغل النهاردة دا اول يوم في الشغل ليا ودي اول مرة اشتغل
اميرة : طب ليه يعني بتشتغل انت باين عليك انك مش محتاج الشغل دا
ياسر : لاني عاوز اعتمد علي نفسي انا فعلا مش محتاج الشغل دا بس انا مش عاوز اعتمد علي فلوس اهلي
اميرة : دا انت ي ابني نوعيتك خلصت من زمان
ياسر : المهم ارتحتي اهو انتي عرفتي قصة حياتي يلا بقي نمشي
اميرة : يلا بس باين علينا هنتصاحب
ياسر : باين فعلا انتي من نوعي يعني بتحبي تتعرفي علي كل الناس
اميرة : انا كدة فعلا يلا بقي
مشي بنا فضلنا شوية لحد ما وصلنا بيت كبيييير اوي ماشاء الله
ياسر : انزلي يلا دا البيت
نزلت وانا مبهورة بيه وخبطت علي الباب فتحتلي بنت زي القمر فيها شبه كبير من ياسين عرفت انها اكيد اخته
آية : مين حضرتك
اميرة : انا اميرة ياسين بيه بعتني عشان
وقبل ما اكمل لقيتها سحبتني من ايدي ودخلتني جوة
آية : قولتيلي اميرة واكملت بهمس وقع واقف ابن المحظوظة البنت قمر قمر يعني
آية : طب لحظة اجيب شنطتي وجاية
مشيت وكلها لحظات ولقيتها جاية وفي ايدها شنطتها قلتلي يلا وفعلا طلعنا لقيت ياسر واقف برة العربية وبيتكلم في التليفون خلص وبعدها جالنا اول ما شاف آية فضل متنح لحد ما انا فوقته من سرحانه
ياسر : في ايه ي فصيلة
اميرة : ماشي ي مقبولة انا بس عاوزة اقولك بطل تركيز شوية ويلا نمشي
ياسر : امشي ازاي وقدامي الحلاوة دي
آية : ………..
- يتبع الفصل التالي اضغط على ( رواية انت عوضي ) اسم الرواية