رواية تزوجتها لاجلك كاملة بقلم رنا تامر النشار عبر مدونة دليل الروايات
رواية تزوجتها لاجلك الفصل الثامن 8
صافيه بإبتسامة شر/ انك تطلقي من شادي وتسيبي القصر.
مليكه بصدمه/ ايه اللي انتي بتقوليه ده.
صافيه بإستفزاز/ زي ما سمعتي كده.. وانتي دلوقتي معاكي الاختيار يا عائلتك يا اما جوزك.
مليكه بحده وكره/ انتي اييه يا شيخه معندكيش قلب.. ازاي يهون عليكي تشوفي عائله بتتعذب وتفرحي بالشكل ده.. انا عمري ما شفت بأندمه بتكره مرات ابنها بالطريقه دي.
رحلت مليكه من امامها في غضب وصافيه اكملت القهوه تباعها باستمتاع.
ــــــــــــــــــــــــــــــــــــــــــــ💔
في بيت كريمه..
كانت واقفه مصدومه عندما رات شقيقتها واقفه علي الباب.
اقتربت ابنتها ورد وتحدثت بتساؤل .
/ ايه يا ماما مالك مصدومه ليه كده ومين دي.
سعاد بإبتسامة/ ايه يا كريمه مش ناويه تدخليني بيتك ولا هنتكلم علي الباب كده.
كريمه انتبهت عليهم وتحدثت بترحيب/ ااه طبعا اتفضلي.. ده البيت نور يا حبيبتي.
سعاد بإبتسامة/ منور باهله يا حبيبتي.
جلست سعاد ومن ثم نظرت الي البنات وتحدثت بسعاده/ جمال اوي ماشاء الله.. ربنا يحفظهملك.
كريمه بإبتسامة/ ربنا يخليكي.
سعاد بإبتسامة/ كنت عايزاكي في كلمتين علي انفراض.
كريمه وهي تنظر الي بناتها/ ااه طبعا.. يلا يا بنات ادخلوا اوضتكم.
دخلوا البنات الي غرفتهم وتحدثت كريمه بجديه/ اؤمري يا سعاد هانم ايه الموضوع اللي عايزاني فيه.
سعاد بجديه/ اولا مسميش سعاد هانم انا اسمي سعاد وبس لأننا اخوات.. ولا انتي نسيتي ولا ايه.
كريمه بسخريه/ لا منستش طبعا.. وكمان مش ناسيه انه انتي تبقي بنت صفاء هانم وانا بنت عفاف الشغاله اللي خاطفت باباكي من مامتك زي ما انتم فاكرين.
سعاد بحزن/ كريمه انتي اكتر واحده عارفه اني مصدقاكي ومستحيل اصدق انه مامتك خاطفت بابا مننا.. وانا بعتذرلك بالنيابه عن اختي.. انا بجد مش عارفه هي بتعمل كده ليه بس انا والله مصدقاكي و وهفضل واقفه معاكي دايما والله.
كريمه بوجع وحسره/ يارتها جات عليا انا بس ده كمان بنتي بتتعذب بسبب اختك واعتقدتها الغلط.. وبعدين لو انتي فعلا كنتي واقفه معايا مكنتيش هتشوفي بنت اختك بتتعذب من خالتها وتقعدي ساكته.. لو انتي فعلا بتحبيني مكنتيش هتوافقي انه بنتك تتجوز جوز بنتي وتجروحها بالشكل ده.
سعاد بحزن/ انا عارفه انك مش مسامحاني بس والله كل ده غصب عني انتي عارفه انه هي اكبر مني و واخده كل الامور تحت سيطرتها هي وانا والله بحاول اني احمي مليكه منها بس زي ما تقولي كده انها مخليه مليكه تحت طوعها علي طول مهددها بيكم ولم انا اتكلم تفضل تطلع سيطرتها عليا.. ثم تحدثت برجاء.. سامحيني يا كريمه ارجوكي تسامحيني.
ــــــــــــــــــــــــــــــــــــــــــــ💔
في غرفه البنات..
ورد بعدم استيعاب/ ايه اللي انا سمعته ده بجد.
ياسمين بعدم فهم/ بس ازاي وطلما احنا عندنا اهل ليه منعش معاهم.
ورد بحده وهمس/ يا بنتي انتي غابيه انتي كل ده مفهمتيش انه احنا نقرب ل عائله نصران يعني شادي جوز اختك يبقي ابن خالتنا.
ياسمين بصدمه وصوت عالي نسبيا/ اييييه.
ورد في سرعه وهي تضع يديها علي فمها/ انتي متخلفه ياابت.. بقي انا بوطي صوتي وانتي تعاليه.. ما تروحي تقوليلهم انه احنا سمعانكم احسن.
ياسمين بإبتسامة بلهاء/ سوري.. ثم اكملت بتساؤل.. طيب احنا كده هنسكت وكاننا مسمعناش حاجه.
ورد بإبتسامة خبيثه/ لأ ازاي بقي.. ده اللي سمعناه ده هيفدنا في حاجات كتير.
ياسمين بتفكير/ زي ايه مثلا.
ورد بإبتسامة شر/ اقولك انا زي ايه.. اسمعي يا اختااه.
ــــــــــــــــــــــــــــــــــــــــــــ💔
في الخارج..
كريمه بضعف/ خلاص يا سعاد انا مسمحاكي.. ثم اكملت بحزم.. بس حق بنتي انا مش هسامح فيه.
سعاد بتفهم/ حق بنتك عليا انا وانا اوعدك اني هفضل جمبها دايما.
كريمه بتهنيده عاليه/ اتمني فعلا انك تفضلي واقفه جمبيها دايما.
سعاد بإبتسامة/ متخفيش عليها دي بنت اختي يعني بنتي وانا استحاله اشوف بنتي بتتعذب واسكت.. يلا اسيبك انا بقي.. مع السلامه.
كريمه وهي تودعها بإبتسامة/ شرفتيني يا حبيبتي.. مع السلامه.
ــــــــــــــــــــــــــــــــــــــــــــ💔
في جناح شادي ومليكه…
كانت جالسه علي السرير وتفكر في الموضوع مرارًا وتكرارًا.
ظلت تفكر كثيرًا ومن ثم قررت الاتصال ب شادي.
مليكه بجديه/ ايوه يا شادي.
شادي بإبتسامة/ ازايك يا حياتي اخيرًا كلمتيني.
مليكه بجديه/ انا عايزاك في موضوع مهم.
شادي بقلق/ مالك يا مليكه فيكي حاجه ولا ايه.
مليكه بنفي/ لأ لأ انا كويسه انا بس عايزاك في موضوع مهم ف لما ترجع من الشغل ياريت تبقي تيجي الجناح بتاعنا.
شادي بحب/ حاضر يا روحي من عينيا.
اغلقت الهاتف مع شادي ومن ثم نظرت في الفراغ حتي دخلت سما ومعها ام ابراهيم.
مليكه بحده/ انتي ازاي تدخلي من غير استأذان كده.
سما بإستفزاز/ ليه هو انا المفروض اخبط وانا داخله الجناح بتاعي.
مليكه بصدمه/ نننععععم.
سما بإستفزاز/ اخص عليا هو انا مقولتلكيش انه انطي حبيبتي قالتلي انه الجناح بتاع شادي هو هو الجناح بتاعك.. بما اني بقيت مرات شادي .
مليكه بحده/ الكلام ده في احلامك انتي فاااهمه واتفضلي اطلعي بره.
سما بضحك/ حقيقي ضحكتيني.. ثم اكملت بحده.. انتي مجنونه ولا ايه بقولك الجناح ده بقي بتاعي يعني اللي المفروض يطلع هو انتي مش اناا.
مليكه بتحدي/ انا بقي مش طالعه وعايزه اتفرج هتعملي ايه.
ــــــــــــــــــــــــــــــــــــــــــــ💔
عند شادي…
كان جالساً علي مكتبه ويفكر في مليكه وما هو الموضوع المهم الذي تريد ان تقوله.
ظل يفكر كثيرا حتي قرر انه سيذهب الي القصر ويعلم ما بها وما هو الموضوع المهم هذا.
ــــــــــــــــــــــــــــــــــــــــــــ💔
في القصر…
عادت سعاد الي القصر وسمعت دوشه في الطابق العلوي.
صعدت الي الطابق العلوي وعلمت ان الصوت من جناح شادي ومليكه وعندما دخلت تفاجاءت بما يحدث.
سعاد بحده/ في ايه انتو الاتنين.
سما بتمثيل/ الحقي يا مامي بنتك بتتهزق من دُرتها.
سعاد بإستغراب/ ازاي يعني.
سما بحده/ الهانم بتكدبني قال ايه انه الجناح بتاعها وخالتو قالتلي انه الجناح بتاعي انا وشادي مش بتاع حد تاني وهي مش عايزه تخرج من الجناح بتاعي انا و شادي.
مليكه بنفاذ صبر/ خلصتي التمثيليه بتاعتك.. ياريت لو خلصتي تتفضلي تخرجي عشان راسي واجعاني.
سعاد بتفهم/ يلا يا سما امشي قدامي.
سما بعند/ لا يا ماما انا مش ماشيه..و هي اللي هتمشي مش اناا ولو مش هتمشي بالذوق هتمشي بالعافيه.
سما قامت بمسك مليكه من يديها بحده وقامت بإخراجها من الجناح بشده مما جعلتها ترمي ارضا.
شادي بفزع/ مليييككككه.
يـتـبـع💔..
ياتري ايه هو الموضوع المهم اللي مليكه عايزه تقوله ل شادي🤔🤔.
و يا تري شادي هيعمل ايه مع سما 🤔🤔.
وهل مليكه هتاخد موقف ولا هتسكت🤔🤔.
هستني توقاعتكم و رايكم للي جاي💕.
بحبكم اووووي ♥♥.
تصبحوا علي خير ♥.
- يتبع الفصل التالي اضغط على ( رواية تزوجتها لاجلك ) اسم الرواية