رواية مكالمة منتصف الليل كاملة بقلم عادل عبد الله عبر مدونة دليل الروايات
رواية مكالمة منتصف الليل الفصل العاشر 1
وهنا رن تليفون لولا و ظهر عليه اسم ناصر !! استأذنت لولا من نور علشان ترد علي الموبايل وقامت وقفت بعيد !!!
؛؛؛؛؛؛؛؛؛؛؛؛؛
ناصر : اخبارك ايه يا قلبي ؟
: الحمد لله كويسة .
: عملتي ايه مع الرجل اللي اسمه نور ده ؟
: لسه يا ناصر كلمته كذا مرة بيتهرب واخر مرة البارح قالي انه مسافر في شغل ولما يرجع هيبقي يشوف هنتقابل ولا لا .
: اه . مسافر !! ماشي . لما اشوف اخرتها ايه . المهم بقي انتي وحشاني اوي وعاوز اشوفك .
: لا لا لا مش هينفع خالص .
: ليه بقي ؟
: علشان خيري الايام دي بيكلمني كتير علي الخروج من البيت . فمش هقدر اخرج واقابلك ده حتي ممكن يكون بيراقبني .
: ايه ده !! بيراقبك مرة واحدة كده ؟ ده عمره ما عملها قبل كده !!
: معرفش ماله . واضح كده انه قلبه حس بحاجة . انا خايفة حتي يكون اللي اسمه نور ده كلمه وقاله .
: لا معتقدش انه كلمه وقاله . عموما كل حاجة هتبان يا لولا .طيب نتقابل في البيت عندك .ايه رأيك ؟
: لا لا مش هينفع خالص . هو كمان الايام دي بيرجع كتير بدري في اوقات مختلفة كل يوم . مش هينفع خالص .
: ماشي يا لولا . بس خلي بالك يا لولا انا مش هسيبك لحد تاني .يعني لو عرفت في يوم انك بتخونيني هنسي حبي ليكي وهدوس علي قلبي و مش هسيبك تعيشي علي وش الارض يوم واحد .
: ازاي تقول كده يا ناصر !! انا عمري ما عرفت ولا هعرف حد غيرك وانت عارف كده كويس .
: هنشوف يا لولا هنشوف .
؛؛؛؛؛؛؛؛؛؛؛؛؛؛
خلصت لولا مكالمتها ورجعت قعدت مع نور .اللي قعد يبصلها اوي وهو شايف تعبيرات الخوف والقلق واضحة عليها .
: مالك يا لولا ؟ تحبي نقوم نمشي ؟
: لا لا خالص .
: شايفك زي ما تكوني قلقانه بعد المكالمة !!
: لا لا .ده خيري كان بيكلمني واتخانقنا كالعادة في التليفون . صحيح كنت هنسي …. غمض عينيك كده .
استغرب نور و سألها : اغمض عينيا ليه ؟
: غمض بس علشان المفاجأة .
: حاضر .
غمض نور عينيه . بعدها قالتله : فتح عينيك بقي .
فتح نور عينيه لقي لولا بتديله علبة .
فتح نور العلبة لقي فيها ساعة غالية جدا .
: ليه كده يا لولا . ده واضح ان الساعة دي غالية اوي .
: متغلاش عليك . كفاية شهامتك ورجولتك معايا بالدنيا كلها .
: ما انا قولتلك ملوش لزوم الهدية وان انا معملتش حاجة استاهل عليا الهدية .
: يعني هترفض هديتي ؟؟؟
: لا طبعا مقدرش ازعلك .
يتبع…..
- يتبع الفصل التالي اضغط على ( رواية مكالمة منتصف الليل) اسم الرواية