رواية غرام الفصل العاشر 10 - بقلم زهره الربيع

  رواية غرام كاملة بقلم زهراء الربيع عبر مدونة دليل الروايات 

 رواية غرام الفصل العاشر 10

غرام قاطعتو وزعقت بدموع واندفاع وقالت…مغص ايه انا سممتك…. الكاس بتاعك مسمووم

بدر اتسعت عنيه بشده وبلع ريقه بصدمه وقال…انتي بتقولي ايه ….انتي…انتي علشان كده عملتي كل ده…سممتيني..لدرجادي يا غرام..لدرجادي كرهاني

غرام بصت على شكلو بتوتر بدأ يعرق وكان صوتو ضعيف جدا ووشو لونه متغير وبيتمغص بشده قالت بقلق واضح…مش وقتو يا بدر خلينا نلحقك الاول انا هتصرف واجيب دكتور حالا

غرام…كانت هتمشي بس بدر قام بتعب ومسك ايدها بقوه وقال بنبرة عصبيه بس متعبه جدا…رايحه فين مش..مش دا الي انتي عيزاه…سبيني اموت واخرجي ..انا مش عايز اعيش اصلا

غرام شافت حالتو بتسوء بسرعه ودايخ جدا سندتو و دموعها نزلت غصب عنها قالت ببكا.. لا يا بدر ارجوك مش ده الي انا عيزاه انا..انا مش هقدر اشوفك بتموت ابوس ايدك سبني اجبلك دكتور ساعدني يا بدر ارجوك وفضلت تبكي بشده

بدر اتأثر جدا مسك وشها وقال بصوت ضعيف جدا…اشششش بس اهدي …انا…انا كويس ..بس .بس مش هينفع نجيب دكتور… لازم نروح مستشفى علشان لازمني غسيل معده..انتي اهدي… بلاش… دموع علشان متتعبيش

غرام بصتلو بدموع مستغربه كلامو ازاي هو في الحاله دي بسببها وخايف عليها قلبها وجعها جدا عليه وقالت بدموع…طب… طب تمام يلا بينا نمشي

بدر بصلها وابتسم بضعف وقال….هتمشي….بلبسك ده يا غرام

غرام بصت لنفسها طبعا كانت بالبيجامه كانت هتتكلم بس بدر حس انو تعب جدا ومش هيقدر يقاوم قال…اس..اسمعيني ياغرام…اتصلي.بعصام …خليه يجي… وروحي انتي البسي على مايوصل ..و صحي بابا بس اوعي تقوليله حاجه …قوليلو اني تعبت فجأه….اوعي يا غرام ..تقولي اني اتسممت ماما تعبانه ..مش هتستحمل… بس بسرعه مفيش وقت خالص

غرام ارتعبت من كلامو وقعدتو على السرير وجريت بارتباك كلمت عصام ولبست اول حاجه قدامها بسرعه ورعب حقيقي وجريت صحت والدو ووالدتو و جابتهم ودخلو لبدر بس لقوه واقع على الأرض فاقد الوعي وحالتو صعبه جدا جريو عليه بخوف سندوه وطلعو بيه كان عصام وصل وخدهم وطلع على اققرب مستشفى

بعد ساعتيين من التوتر والخوف الشديد طلع الدكتور وقال انها حالة تسمم بس عملو الي يقدرو عليه و لازم يستنو شويه يفوق وبعدها يشوفوه

صفاء كانت منهاره حرفيا هيه ومحمود وكانو مصدومين اتسمم زاي عكس عصام الي كان شاكك جدا في غرام وبيبصلها بس في نفس الوقت مستغرب من شكلها ميبينش انها هيه الي سممتو…كانت قاعده في زاويه ودموعها بتنزل من غير اي صوت وكأنها مصدومه من نفسها ازاي قدرت تعمل فيه كده

مرت السعات عليهم كأنها سنين والكل بيدعي بحزن ورعب لحد ما الدكتور اذن لهم يشوفوه بعد ما فاق

صفاء ومحمود وعصام دخلو بسرعه عند بدر

صفاء جريت على بدر حضنتو وكانت بتبكي بشده

بدر بصلها وابتسم بحب وقال …يا ماما انا كويس والله

صفاء ببكا ودموع…كويس ازاي بس… تتسمم يا بدر ازاي يا حبيبي وجعت قلبي اوي يا بني

عصام حاول يهديها وقال ….كفايه يا طنط ربنا لطف وهو كويس الحمد لله

صفاء قالت بدموع…الحمد لله يا ابني

محمود قال …..الحمد لله على كل شئ بس ازاي ده حصل يا ابني ايه الي عمل فيك كده دا الدكتور قال انها حالة تسمم شديده

غرام كانت جوه الاوضه عند الباب بتفرك ايدها بتوتر وبدر بصلها واتنهد وقال…احم اصلي جوعت انا وراجع من الشركه واكلت في محل كده والظاهر الاكل مسموم

محمود استغرب وقال بغضب…ازاي ده يحصل انت تقولي على اسم المحل وانا ان ما قفلتو ميبقاش اسمي محمود القاضي

عصام اتأكد ان فعلا شكو في محلو وغرام لها ايد لأن بدر مأكلش حاجه وهو قلو ياكل بس قال ان ملوش نفس ومش هيتعشى

صفاء قالت بعتاب..وانت ازاي يا بدر ما تخدش بالك انا مش ميت مره محزراك من اكل بره البيت ليه عايز تتعبني يا ابني

كل ده وغرام واقفه بتبص عليه بقلق وبدر بصلها وابتسم بسخريه وقال….فعلا دا من غبائي يا ماما بس اصل الاكل كان حلو اوي اوي مقدرتش اقاوم وبص لغرام وقال قاصد يغيظها ..انا مستعد اتسمم كل يوم لو هاكل اكله زي دي اصلك متعرفيش طعمها كان حلو قد ايه

بقلمي…زهرة الربيع

غرام كانت متغاظه من كلامو وتلميحاتو وعصام فهم انو يقصد غرام وكان ماسك ضحكتو بالعافيه اما صفاء بقى مش فاهمه حاجه خالص قالت بطيبه….بعد الشر عنك انتى عايز تموتني انت قول على الاكل الي تحبو بأي طريقه تحبها وهخلي الخدم يعملوه واوعى تاكل بره تاني فاهم

بدر قال بخبث وهو باصص لغرام…لا خلاص يا ماما توبه وبعدين هو المطعم قفل ومش هيفتح تاني اصلا

صفاء لسه هتتكلم بس قاطعها دخول سحر الي كانت مرعوبه حرفيا اول ما دخلت جريت على بدر وقعدت جمبو وقالت بخوف واضح…سلامتك يا بدر الف سلامه ايه الي حصل انا كنت هتجنن لما عرفت

سحر كانت بتنهج وباين عليها الخوف ودموعها على خدها بدر ابتسم بسعاده من وجودها ومن العشق الي واضح في عنيها ودا شئ بيفتقده جدا

مسك ايدها وابتسم وقال…اهدي يا سحر انا بخير متقلقيش

سحر بتحاول تهدي نفسها بعد ما خدت بالها من وجود الجمع الي في الاوضه حست باحراج وقالت…احم معلش يا بدر انا دلوقتي عرفت والله اصلنا كنا مشغولين جدا مع هشام اليومين الي فاتو

غرام بصت عليها بانتباه شديد وصفاء قالت ليه مالو هشام

سحر بحزن….فيه حد ض.رب عليه نا.ر بالغلط والرص.اصه جات في رجلو وللأسف في المفصل الدكتور بيقول يمكن يفضل يستخدم العكاز على طول

غرام برقت بزهول وبصت لبدر بنظرة كره شديد وصفاء قالت بخضه…يا خبر ازاي حصل كل ده وانا معرفش ومين الي ضربوعليه دول… منهم لله

بدر بص لغرام بنظرة تحزير وقال…معلش ياماما متدعيش على حد يمكن غلط معاهم في حاجه محدش عارف

سحر بحزن…ابدا والله دا هشام طيب وملوش اعداء بس هو بيقول انهم مكنوش يقصدوه وانو انضرب بالغلط

بدر بص على ملامح غرام الي كلها عصبيه وقال بتهديد…طبعا بالغلط مدام في رجلو تبقى بالغلط لو مقصوده كانت هتكون في نص دماغو لا قدر الله

غرام اتنهدت بعصبيه وعصام كان باصص على سحر متابع كل شئ بتعملو

بدر فجأه حس بتعب في معدتو وحس ريقو نشف وعطش بلع ريقه بصعوبه ولسه هيطلب ميه قامت سحر بسرعه وهيه بتقول انت عطشان مش كده هجيبلك ميه حالا

بدر ابتسم عليها دي مش اول مره تعرف الي عايزه من غير ما يقول ناولتو كباية ميه شربها كلها بعطش شديد

عصام بص عليها باستغراب وحزن ومقدرش يستحمل اكتر طلع من الأوضه بسرعه قعد على كرسي وحط ايده على قلبو ونزلت دمعه من عينه لا اراديا بس مسحها بسرعه لما حس فيه حد قعد جمبو بص يشوف مين وكانت غرام

بقلمي..زهرة الربيع

غرام قالت وهيه بتبص قدامها…بتحبها..مش كده

عصام ارتبك وقال…تقصدي مين

غرام بصتلو وابتسمت وقالت ..بص يا عصام انت بير اسرار بدر وعارف الي بيني وبينه واكيد عارف انا بكره ازاي بس الي هقولهولك ملوش دعوه بكرهي ليه خالص بدر مش بيحب سحر ولا عمره حبها هو بنفسو قلي انو خطبها مصلحه مش اكتر وهي حقيقي بنت طيبه وماتستهلش تعلق نفسها بحبال دايبه بدر لا حبها ولا حب اي حد هومبيحبش غير نفسو وبس فلو بتحبها يبقى تكون قد الحب ده وتبعدها عنو قبل ما يدمر الي باقي منها ده لو عندك الشجاعه

عصام بصلها باستغرب ابتسم وقال….المسأله مش مسألة شجاعه يا غرام مسألة قلب والقلب محدش يقدر ينافسو سحر بتحب بدر غصب عنها زي ما انا بحبها غصب عني..بس انتي شوفتي بعينك دي مش بس بتحبو دي بتعشقو يعني عمرها ما هتفكر فيا وانا كمان بدر بنسبالي الأخ الي وقف جمبي طول حياتي ومقدرش اتنافس معاه عليها انتي بتكرهي بدر فسهل عليكي الي بتقوليه لاكن انا صعب عليا جدا

غرام اتنهدت وقالت…طب هتعمل ايه

عصام بحزن شديد…هبعد يا غرام …هبعد لحد ما يفكرو كويس في علاقتهم مش هقرب ولا اتدخل فيها ده الصح بالنسبالي

غرام وقفت بغضب شديد وقالت بعصبيه….انت جبان يا عصام مش اكتر ومشيت من قدامو بسرعه وهو فضل باصص عليها وحزين جدامن كلامها

بس لقا ايد على كتفو بيبص اتفاجأ ببدر

قال بارتباك وصوت مقطوع …ب….بدر

بدر بصلو باستغراب من حالتو وقال….فيه ايه يا بني زي ما تكون لدغتك عقربه ….ها قولي كانت بتقلك ايه المجنونه دي

عصام اخد نفسو بارتياح وقال بابتسامه… لا عادي ولا حاجه مفيده انت ايه طلعك من الاوضه

بدر ابتسم وقال…الدكتور اذن بالخروج الحمد لله يلا بقى لاني حقيقي هطق هنا

عصام ابتسم وقال…. طب تمام يلا بينا

الكل طلعو وراحو على القصر وعصام خد سحر يروحها وبدر وغرام دخلو اوضتهم

غرام اول مادخلت خدت هدوم ودخلت تاخد شور وبدر فضل باصص عليها بحزن وتعب وجات عنيه على الحجات الي كانت محضراها وافتكر الي حصل بينهم مسك الكاس بتاعو وافتكر لما قعدت على رجلو وباس.تو ابتسم على غبائو ازاي كان مصدق او الأصح كان عايز يصدق اتوجه للكنبه ومدد عليها بتعب شديد غمض عنيه لما افتكر قربهم من بعض قلبو كان بيدق بعنف حاسس انو مبسوط باللحظه دي حتى وهو عارف انها كدبه

غرام طلعت وبصت عليه لقتو مغمض عنيه اتنهدت وحمحمت بصوت عالي وقالت…تقدر انهارده تنام على السرير انا هنام مكانك

بدر قام بصمت من غير حتى ما يبصلها خد هدوم ودخل ياخد شور هو كمان

غرام استغربت سكوتو بس مهتمتش نامت على الكنبه بهدوء

بدر طلع شافها نايمه على الكنبه ابتسم على برائتها الي مهما حاولت تمحيها بس لسه موجوده في قلبها قال…نمتي عندك ليه قومي نامي مكانك

غرام فتحت عنيها وقالت بجمود… نام على السرير علشان متتعبش اكتر

بدر ابتسم بسخريه وقال…وانتي خايفه عليا بقى لا كتر خيرك والله شكرا على طيبت قلبك

غرام اتضايقت منو وقامت بسرعه وهيه بتقول انا الحق عليا بفكر في حي.وان زيك وكانت هتروح تنام بس بدر مسكها من دراعها بعصبيه وقال …لما اكلمك تقفي تسمعيني

غرام بصتلو بسخريه وقالت باستفزاز…. ليه… ام كلسوم هتغني

بدر مسكها من درعاتها التنين بغضب مقدرش يتمالكو اكتر قال بغضب شديد…ليه …ليه يا غرام…كنتي عايزه تقتليني …طب ما سبتنيش اموت ليه اهون من الي عملتيه انا بشر حرام عليكي ليه تطلعيني سابع سما وتنزليني سابع ارض وكمل بغل…كل ده علشانو …كرهتيني كل ده علشانو…حبتيه لدرجة تخططي تقتليني دانتي حتى من ساعت الي حصل مسمعتنيش مره واحده…مش مديالي فرصه اتكلم او ابرر موقفي …يعني حبك ليه اكتر من حبك لينا كلنا…يعني الي قدمو ليكي اكتر من الي انا قدمتو علشانك حكمتي ونفذتي من غير ماتسمعي حتى …ليه كل ده رديي علياااا

بدر كان بيهزها بعنف مع كل كلمه وبيتكلم بعصبيه تخوف بس غرام كأنها مش سمعاه قالت ببرود..خلصت…. ممكن تسبني بقي ايديا وجعاني

بدر سابها باستغراب من برودها وهيه ادتو ضهرها وقالت بهدوء …..حكمت ونفذت من غير ما اسمع ذي ما انت حكمت ونفذت من غير ماتسمع الفرق بينا اني قلبي مجابنيش اوسخ ايدي واقتل زي ما انت قتلت ومش عايزه اسمع منك حاجه كده كده الي هتقولو مش هصدق منو حرف فمفيش داعي اسمع اصلا واتوجهت ناحية السرير علشان تنام

بس وقفت مكانها بصدمه شديده واتسعت عنيها بزهول لما بدر قال …حتى لو قولتلك انو لسه عايش ومماتش

غرام بصتلو بسرعه وهيه مصدومه حرفيا وبتحاول تستوعب الي قالو قالت …تقصد مين …قصدك …ع..عماد…عماد عايش

بدر بصلها بضيق وغضب وقال ببرود…ايوه اققصد زفت..عايش..حبيب القلب حي يرزق ووووووووو

يتبع….

• يتبع الفصل التالي اضغط على ( رواية غرام ) اسم الرواية