رواية بيان العشق (كاملة جميع الفصول) حصريا عبر دليل الروايات بقلم سلمى ابراهيم
رواية بيان العشق الفصل الثالث عشر 13
وقعت بيان فالارض…
عمرو اتنفض..بيااان…..بيااان…..وحاول يقوم بس رجله متجبسه …
جهه معتز بسرعه عالصوت بخضه شديده..اي يا عمرو..اي دا بياان
عمرو بقلق شديد..روح بسرعه نادي لممرضه تيجي تشوفها نا مش عارف اقوم
معتز..حاضر متقلقش…وخرج بسرعه اوي وجات فعلا الممرضه و…….
عدي الوقت وخرج عمرو من الاوضه ساند عالبتاعة اللي بيسندو عليها دي فالمستشفى…فضل واقف جنب معتز أدام الاوضه اللي فيها بيان
معتز..هو اي حصل يا عمرو
عمرو بزعل..بيان عرفت كل حاجه
معتز..كل حاجه اللي هي اي
عمرو اتنهد..بص كان في حوار كدا مكنش المفروض تعرفه خالص بس للاسف عرفته
معتز..وعرفته منين
عمرو..من حبيبه
معتز ..وزفته دي عرفت منين
عمرو بصله بحده..زفته اي متلم نفسك يا معتز
معتز..اخلص يا عمرو حبيبه عرفت منين
عمرو اتنهد بحزن..نا اللي كنت قايلها
معتز خبط ايده ع وشو..يبني نت غبي….
عمرو..اهو اللي حصل بقا
معتز..طب وهتعمل اي..لو ابوك أو ابوها عرفو حاجه…نت هتتروق
عمرو..بجد تعبان ومش عارف اعمل اي
معتز..بيان كويسه يا عمرو صدقني
عمرو..بيان ست الكل ..وزي القمر وحنينه جدا وفيها كل حاجه حلوه ممكن تتخيلها وبتحبني كمان…بس انا بحب حبيبه وبس
معتز ..عمرو نت لازم تعرف بقا حبيبه دي تبقا اي
مكملش الكلمه وخرجت الممرضة
عمرو بسرعه..ها طمنيني
الممرضة..هي زي الفل وفاقت دلوقتى…مفيهاش اي حاجه
عمرو بص لمعتز باستغراب..يعني مبتعيطش ولا زعلانه ولا اي حاجة
الممرضة..بقولك زي الفل ..هي بس مرهقه شويه ودا العادي..تقدر تدخلها عن اذنك
عمرو..اي دا بقا..مش المفروض جالها حالة عصبيه وكدا
معتز..معرفش..طب خشلها نت ونا هستناك هنا
عمرو..ماشي يا ميزو…وسند لحد ما دخلها هي كانت بتعدل حجابها أدام المرايا
عمرو باحراج..احم….بيان
بصتلو بيان بدون رياكشن..اهلا يا عمرو…رجلك عاملة اي
كان عمرو مستغرب جدا هي ازاي محصلهاش حاجه..يعني كويسه بسند وماشيه
بيان..طب اي هنروح انهارده ولا هتحتاج تقعد
عمرو باستغراب اكتر..بيان نتي كويسه
بيان..نا زي الفل يا عمرو ….مالك
عمرو..طب خلاص…اه هنمشي دلوقتى
بيان..طب يالا…ولا هتمشي مع حبيبه
عمرو اتنهد..لا حبيبه مشيت ..همشي معاكي
بيان ضحكت بسخريه..عشان حبيبه مشيت فبيان موجوده…يلا يا عمرو
عمرو معرفش يرد بس هي دي فعلا الحقيقة عند عمرو……..
وصلو لحد البيت بغد ما معتز وصلهم لحد البيت ومشي…….
روحت حبيبه وهي غاية فالعصبيه
علا..مالك يبنتي
حبيبه..عمرو…شوفتو بيب”وس الزفته بيان مراتو
علا بضحكه..مهي مراتو يبنتي عادي
حبيبه بزعيق..عادي اي هو واعدني انو مش هيقربلها اصلا
علا..لو حطيتي اتنين أعداء تحت سقف واحد هيبقوا حبايب
حبيبه بصتلها بخوف..قصدك انو ممكن يكون حبها
علا..ممكن….
حبيبه..لا طبعا عمرو ليا نا وبس
علا..مهو عشان يبقي ليكي وبس لازم تطلقيهم من بعض
حبيبه حطت ايديها ع دماغها..بقولك اي نا مش قادره أخد قرار ولا افكر..هخرج مع حازم شويه عشان افك…….
كانت بيان بتساعد عمرو يقعد عالكنبه في الصاله الساعه تقريبا ٣ بليل …وحطتلو مخده تحت رجلو ورفعتهالو كدا
بيان..حاجه تاني
عمرو..بيان نا اسف بجد علي اللي حبيبه قالتو
بيان جزت ع سنانها..نا بقولك نت عاوز مني حاجه تاني
عمرو..بيان،،نتي ازاي هادية كدا نتي مش زعلانه مني و..
بيان قاطعه بحده..نت اقل من اني ارد عليك
عمرو..نعم؟؟
بيان بحده اكتر..اي مسمعتش ..بقولك انك اقل من اني ارد عليك..نت مش راجل اصلا…لما تفشي سري وتقولو للواطيه بتاعتك دي تبقي مش راجل
عمرو..بيان احترميني شويه….واحترمي نفسك عشان مزعلكيش
بيان بسخريه..مش لما تحترم نفسك نت الاول….
عمرو بحده..بياان
بيان بزعيق وعياط..نا خلاص كرهتك ومبقتش اطيقك..نا عاوزه اطلق منك نت بجد كرهتني فيك
عمرو بحده وفقد اعصابو..انا اصلا عاوز اطلقك نا مش طايقك اصلا ع رأي حبيبه
بيان اتوجعت اكتر وزعقت اوي..نا هكلم بابا بكرا يجي يخلصني منك…بكرهك……
وسابته ودخلت الاوضه فضلت تعيط اوي وبتكتم عياطها عشان ميسمعش ضعفها ……
عدي الوقت وكان عمرو قاعد مضايق انو جرحها كدا بالكلام وهي في اوضتها ع حالها ومخرجتش …رن جرس الباب وكانت الساعه تقريبا ٤ الفجر …قام هو وسند كدا لحد ما فتح الباب
معتز..عمرو عاوزك
عمرو باستغراب شديد..الساعه ٤ الفجر ..نت كويس
معتز..عمرو..في حاجه نت لازم تعرفها
عمرو بقلق..قول يبني اخلص
معتز..عمرو..حبيبه وحازم لسه بيتكلمو وبيتقابلو كمان…….
عمرو مصدقش طبعا..نعم….نت بتقول اي
معتز.. بقولك بشوفها مع بعض علطول في النايت كلوب ونت مش موجود
عمرو بحده..نت اتجننت يا معتز ..نت ازاي تقولي اصلا كدا…
معتز..نا بقولك عشان نت صاحبي والبت دي مبوظه اسمك ولازم تسيبها يا عمرو عشان مش محترمه وكمان نا مصورهم مع بعض
عمرو باندفاع شديد..نت كداب
معتز بصدمه من صاحبه..نعم
عمرو باندفاع اكتر..الظاهر ان حبيبه عندها حق انك عينك منها..صدقني يا معتز نا لو سمعتك بتتكلم عنها تاني هنسي انك صاحبي اصلا وهتشوف واحد تاني خالص
معتز بقا في ذهول للدرجة دي مصدقها و……
•تابع الفصل التالي "رواية بيان العشق" اضغط على اسم الرواية