رواية حب ابدي الفصل الاول 1 - بقلم مجهول

  رواية حب ابدي كاملة  بقلم مجهول   عبر مدونة دليل الروايات 

 رواية حب ابدي الفصل الاول 1

_حب ابدي..

حسن

اتفضلي يا انسه

قعدت ليلي قدامه ومش بتتكلم بس متوتره جدا، فبصلها حسن بقلق وقال..

حسن

ممكن تقوليلي اسمك؟

ليلي

ما هو مكتوب قدامك اسمي هتستظرف..

حسن

بس انا حابب اسمعه منك عادي يعني

ليلي

هو انا جايه لدكتور نفساني ولا جايه اشوف عريس؟

حسن

لا حضرتك جايه لدكتور نفساني، والمفروض انك جايه هنا عشان تتكلمي وانا اسمعك مش عشان تسكتي..

ليلي بدموع

انا مش عايزه اتكلم

حسن

تمام براحتك

ليلي

انت بتطردني؟..

حسن

يا حول الله يارب انا طردتك فين دلوقتي؟..

ليلي

بتقولي براحتك

حسن

يعني اخليكي تتكلمي بالعافيه

وقفت ندي وقالت بعصبيه

انت قليل الذوق وانا غلطانه اني جيت لدكتور مجانين زيك..

كتب حسن حاجه في ورقه قدامه ومد ليها الورقه وقال بهدوء

حسن

ده دوا لو اخدتيه قبل ما تنامي هترتاحي وتعرفي تنامي كويس..

ليلي

انت عرفت منين اني مش عارفه انام؟..

حسن بخبث

دكتور مجانين بقي..

اتعصبت ليلي وقالتله

انت مستفز..

_قالت كلامها وسابته وطلعت..

ــــــــــــــــــــــــــــــــــــــــــــــ

_وقبل ما نبدأ حكايتنا اعرفكم علي بطلتنا النهارده اللي اسمها ليلي وعندها ٢٥ سنه وحيدة باباها ومامتها وطيبه وجميله جدا..

وفي يوم كانت قاعده في كافي ودموعها نزلت وافتكرت اللي حصل من سنتين في الكافي ده لما كانت قاعده مع عمار خطيبها..

ليلي

لا والله متأخر عليا نص ساعه حضرتك

عمار

معلش يا ليلي والله كان عندي شغل

ليلي

ممكن افهم بقي في ايه، ليه بعيد تني الفتره دي كده، احنا ما بقيناش نتكلم حتي في الفون غير كل اسبوع مره؟..

قلع عمار الدبله وقال

انا اسف يا ليلي مش هقدر اكمل في الخطوبه دي..

ليلي بدموع

ممكن تبطل هزار وتكلمني جد، والبس الدبله ومتقلعهاش تاني ده فال وحش..

عمار

افهمي يا ليلي انا بقالي تلات سنين بحاول اجمع تمن الشقه ولسه في شبكه ومصاريف الفرح والعفش و..

ليلي بسرعه قالتله

كل حاجه هتتحل وزي ما استنيتك السنين اللي عدت دي هستناك العمر كله..

عمار

بس انا جاتلي فرصه احسن، حلمي هيتحقق وهوصل لكل اللي نفسي فيه..

ليلي

والفرصه الاحسن دي انك تسيبني

عمار

انا هتجوز بنت عمي، وعمي هيظبط ليا شغل عنده في الكويت وهاخدها واسافر.

ليلي دموعها نزلت وقالت

طيب وانا السنين اللي ضاعت من عمري عشانك ده عادي كده تتخلي عني وعن كل اللي عملته ليك.

عمار

انا بحبك يا ليلي بس الفرصه الكويسه بتيجي مره واحده في العمر..

وقفت ليلي وقالتله

انت بتحبني؟ جايز تكون بتحبني بس بتحب نفسك واحلامك اكتر مني..

قلعت الدبله وحطتها قدامه وقالت

انا اللي مش عايزاك يا عمار وشكرا علي الوجع اللي حسيت بيه بسببك ده…

_قالت كلامها ومشيت ووقفت قدام الكافيه وكانت مستنياه يطلع وراها ويصالحها ويعتذرلها، بس لقيته طلب قهوه وقعد عادي وكأن ما فيش حاجه حصلت..

رجعت من ذكرياتها لما موبيلها رن، مسحت دموعها وردت علي مامتها اللي كانت بتكلمها وقالت

ليلي

ايوه يا ماما.

ماجده

انتي فينك يا ليلي بابا مدايق من تاخيرك ممكن تيجي بسرعه

ليلي

حاضر يا ماما جايه علي طول اهو..

قفلت مع مامتها ودفعت حساب القهوه اللي طلبتها واخدت شنطتها وكانت طالعه بس خبطت في واحد داخل الكافي..

حسن

اسف ما اقصدش

ليلي

حصل خير

مشيت ليلي من قدامه وفضل حسن باصص ليها وقرب منه صاحبه خالد وقال

خالد

طيب ما انت حلو اهو وبتبص عامل علينا محترم ليه بقي؟..

حسن

ببص علي ايه دي بس لفتت نظري في حاجه كده..

خالد

خير ان شاء الله ايه اللي لفت نظرك يا عم الدكتور النفساني؟

حسن

في حزن مالي عينيها بشكل كبير، وفي نفس الوقت عينيها حلوه اووي..

ضحك خالد وقال

هههه العب يا دكتور طيب وقفت تنحت ليه ما كنت شقطتها

حسن

جاتك القرف في الفاظك، اتنيل ادخل نقعد وغير الموضوع احسن..

رجعت ليلي البيت ولقيت باباها قاعد مدايق جدا، فقربت منه وقعدت جنبيه وقالت..

ليلي

حبيبي زعلان مني ليه؟..

محمد

انا مش قولتلك ما تتاخريش بره تاني

ليلي

يا حبيبي ده لسه الساعه تسعه ونص، وعلي العموم حاضر والله مش هتاخر تاني

محمد

مامتك شافت المهدأت في اوضتك مش قولنا نبطل ناخد الحاجات دي يا ليلي

ليلي بدموع

طيب ما انا لو بطلت اخدها بتعب ومش بعرف انام

طلعت ماجده من المطبخ وقعدت معاهم وقالت بحزن علي حال بنتها..

ماجده

يا بنتي الحياه مش بتقف علي حد انسي بقي وبصي لحياتك ونفسك

ليلي

ياريت النسيان بيكون ساهل زي الكلام يا ماما دول تلات سنين من عمري ضيعتهم مع واحد كنا متفقين علي كل حاجه في حياتنا حتي اسماء اولادنا، عايزاني بسهوله كده اقول عادي انا نسيت ياريت اقدر، انا كل مكان بروحه لينا فيه ذكريات مع بعض كل اغنبه بسمعها كل فيلم بتفرج عليه، كان كل حاجه في حياتي وفجأه اختفي وسابني في ده كله لوحدي..

حضنها باباها وقال بدموع

حسبي الله ونعم الوكيل فيه، ربنا يهون علي قلبك يا بنتي..

ماجده

طيب وليه النكد ده تاني، بقولكم ايه انا عامله فشار هجيبه من جوه ونقعد كلنا نتفرج علي فيلم مع بعض..

ليلي مسحت دموعها وقالت

تمام يا ماما هغير هدومي وجايه..

محمد

ليلي بلاش المهدأ النهارده وبكره روحي للدكتور النفساني اللي قالتلك عليه مامتك..

اتعصبت ليلي وقالت

انا مش مجنونه عشان اروح لدكتور مجانين زي ابن صحبتك ده يا ماما..

ماجده

طيب عشان خاطري جربي يمكن ترتاحي

محمد

وعشان خاطري انا كمان يا حبيبة بابا..

ليلي

طيب هفكر..

_سهرت ليلي مع اهلها واتفرجو علي فيلم مع بعض وبعدين دخلت عشان تنام وما اخدتش المنوم وما كانتش عارفه تنام راحت وقفت في الشباك ونزلت دموعها وافتكرت اللي حصل من سنتين لما كانت راجعه من الجامعه بتاعتها وراحت قعدت في الكافي اللي كانو متعودين يقعدو فيه هي وعمار..

واول ما دخلت لقيت عمار قاعد مع خطيبته، ولما شافها قام وقرب منها وقال

عمار

كويس اني شوفتك هنا يا ليلي

ليلي

خير سيبت العروسه وجيت عندي ليه؟

عمار

انا جاي اسلم عليكي بكره كتب كتابي ومسافر انا ندي

ليلي بدموع

مبروك..

جات خطيبته وقفت جنبه وقالت

الله يبارك فيكي يا ليلي عقبالك، بس خلصي جامعتك الاول نصيحه مني

ليلي

شكرا علي النصيحه..

ندي

يلا بينا يا عمار يا حبيبي عشان نلحق نرتب حاجتنا،عشان نلحق الطياره بكره بدري..

عمار بص لليلي وقال

اشوف وشك بخير يا ليلي

مشيو من قدامها وهي رجعت البيت وقعدت في اوضتها وفضلت تبكي وعدي يوم في التاني وما كانتش بتعرف تنام، فنزلت جابت منوم من الصيداليه وبقيت تاخده عشان تعرف تنام..

رجعت من ذكرياتها وراحت اخدت المنوم ونامت وهي بتبكي بحزن، وتاني يوم كانت بتجهز عشان رايحه شغلها بس لقيت العنوان بتاع الدكتور النفساني ابن صاحب مامتها حطته في شنطتها ومشيت، وبعد ما خلصت شغلها راحت الكافي زي كل يوم وقعدت طلبت قهوه وما اخدتش بالها من حسن اللي كان جاي مخصوص في نفس المعاد عشان يشوفها..

خالد

الابتسامه دي تدل علي انك شوفتها ها فينها؟..

حسن

قاعده هناك جنب الشباك اللي ورا الباب..

خالد

اوباا لا جامده يا واد يا حسن

حسن بضيق

ما تلم نفسك بس الهدوء لا وكمان السرحان اللي هي فيه ده مش طبيعي عارف تحس انها لوحه جميله قدامك مش عايز حاجه غير انك تبصلها وبس

خالد

ايه القرف اللي انت بتقوله ده، يا ابني ده كلام بتاع التسعينات، خليك في الكلام الجديد هو اللي بيجيب مع البنات

حسن

وايه بقي الكلام الجديد يا عم خالد

خالد

بص انت تروح تقعد قدامها وتقولها جاي ولا الدور الجاي

حسن

انت كنت شغال في ميكروباص قبل كده يا واد انت ولا ايه؟..

خالد

يعني هتفضل تبص كده من بعيد

حسن

ايوه انا عاجبني حالي كده..

خالد

اهي شربت القهوه ومشيت انت عيل طول عمرك خايب وعمرك ما هتتجوز بحالتك دي

حسن

يعني جاي ولا الدور الجاي هي اللي هتجوزني

خالد

طيب جرب وانت والله هتدعيلي

حسن

اخرس يا خالد

_ تاني يوم كانت ليلي واقفه قدام العياده بتاعت حسن ومتوتره تدخل ولا لا، بس في الاخر دخلت وحجزت كشف وقعدت استنت دوها وهي بتبص لكل اللي قاعدين شكلهم طبيعي غير ما كانت فاكره انها هتيجي تلاقي ناس مجانين ومش طبيعيه..

الممرضه

انسه ليلي محمد

ليلي

ايوه

الممرضه

دورك يا انسه اتفضلي

_دخلت المنرضه وحطت الروشته قدام حسن وبعدين دخلت ليلي، بص ليها حسن واتصدم وقال..

حسن

انتي؟..

ليلي

انت تعرفني..

حسن بتوتر

هاا لاا انا ما اعرفكيش اتفضلي يا انسه

قعدت ليلي قدامه ومش بتتكلم بس متوتره جدا، فبصلها حسن بقلق وقال..

حسن

ممكن تقوليلي اسمك

ليلي

ما هو مكتوب قدامك اسمي هتستظرف..

حسن

بس انا حابب اسمعه منك عادي يعني

ليلي

هو انا جايه لدكتور نفساني ولا جايه اشوف عريس

حسن

لا حضرتك جايه لدكتور نفساني، والمفروض انك جايه هنا عشان تتكلمي وانا اسمعك مش عشان تسكتي..

ليلي بدموع

انا مش عايزه اتكلم

حسن

تمام براحتك

ليلي

انت بتطردني؟..

حسن

يا حول الله يارب انا طردتك فين دلوقتي؟..

ليلي

بتقولي براحتك

حسن

يعني اخليكي تتكلمي بالعافيه

وقفت ندي وقالت بعصبيه

انت قليل الذوق وانا غلطانه اني جيت لدكتور مجانين زيك..

كتب حسن حاجه في ورقه قدامه ومد ليها الورقه وقال بهدوء

حسن

ده دوا لو اخدتيه قبل ما تنامي هترتاحي وتعرفي تنامي كويس..

ليلي

انت عرفت منين اني مش عارفه انام؟..

حسن بخبث

دكتور مجانين بقي..

اتعصبت ليلي وقالتله

انت مستفز..

_قالت كلامها وسابته وطلعت، وهو قعد علي الكرسي بتاعه وهو مبسوط جدا وقال لنفسه..

حسن

هترجعي تاني يا ليلي انا متاكد انك هترجعي عندي تاني..

وبعدين كمل شغله عادي، ورجعت ليلي البيت ولما جات تنام مسكت العلاج اللي كتبلها عليه حسن واخدت منه حبايه ونامت علي السرير ولاول مره من سنتين تفكر في حاجه غير عمار قبل ما تنام وهي مقابلتها مع حسن..

ليلي

دكتور مجانين ومستفز بس

ضحكت وقالت

بس لطيف وشكله ابن ناس في نفسه..

وبعد كام دقيقه نامت عادي من غير اي ارهاق او تعب، وتاني يوم صحيت لقيت ان الصداع اللي كان بيجيلها كل يوم بسبب المنوم خفيف قامت جهزت عشان تروح الشغل وطلعت راحت لمامتها المطبخ وقالت ليها اللي حصل مع حسن..

ماجده

هههههه يا بنتي هو دكتور نفساني مش مجنون زي ما انتي فاكره..

ليلي

انا المهم عندي ان العلاج بتاعه خلاني خفيت شويه

ماجده

طيب كويس علي العموم انا كلمته قبل كده عنك، بس هو ما يعرفش انك بنتي صح؟

ليلي

لا ما يعرفش وياريت ما يعرفش عشان لو يعني روحت تاني ميبقاش عارفني

ماجده

هو انتي ناويه تروحي تاني

ليلي بتوتر

ها لا يعني مش عارفه، انا اتاخرت علي الشغل

ماجده

طيب مش هتفطري

ليلي

هبقي افطر في الشغل سلام

طلعت ليلي من البيت رايحه الشغل،ومسكت ماجده موبيلها وكلمت حسن ابن صاحبتها اللي رد عليها وقال..

حسن

صباح الفل يا طنط ماجده..

ماجده

صباح النور يا حبيبي انا بجد مش عارفه اشكرك ازاي، انا من سنتين اول مره اوشوف بنتي صاحيه رايقه شويه..

حسن

انا مش فاهم حضرتك بتتكلمي عن ايه؟

ماجده

ليلي اللي جاتلك امبارح وقالتلك انك دكتور مجانين ومشيت، تبقي بنتي اللي كنت بكلمك عنها عشان تبطل المنوم اللي بتاخده

حسن

احلفي ليلي تبقي بنتك؟

ماجده

بقولك ايه اوعي لما تجيلك تاني تقولها اني قولتلك انها بنتي

حسن

هي قالتلك انهاوهتجيلي تاني؟

ماجده

لا ما قالتش بي لمحتلي انها ممكن تجيلك تاني

حسن

اطمني يا طنط ان شاء الله مش هيحصل غير كل خير

ماجده

واثقه فيك يا ابني ان الخير لبنتي هيكون علي ايدك، يلا بقي مش هعطلك عشان تشوف شغلك..

قفلت معاه ماجده وهو كمل لبسه وهو مبسوط وطلع لقي مامته بتفطر قعد جنبيها وقال

حسن

صباح الفل يا احلي ماما في الدنيا

الهام

صباح النور ايه الروقان ده كله؟

حسن

شكلك هتفرحي بابنك قريب يا الهام

الهام بحماس

هي مين دي شكلها ايه عرفني عليها

حسن

يا ستي اصبري عليا مش لما اتعرف عليها انا الاول كويس، بس واثق انها هتعجبك وكمان لما هتعرفي هي مين هتطيري من الفرحه..

الهام

طيب قولي هي مين

حسن

مش وقته يا ماما بعدين، يلا باي عشان متاخر علي شغلي..

ــــــــــــ

يتبع….

• يتبع الفصل التالي اضغط على (رواية حب ابدي) اسم الرواية