رواية العشق الممنوع كاملة بقلم مارلي ايهاب عبر مدونة دليل الروايات
رواية العشق الممنوع الجزء (2) الفصل الرابع 4
في صباح يوم جديد استيقظ بدر بدري واخد شاور وغير هدومه ونزل الجنينة
بدر خرج بابتسامة.
الحارس مصطفى…. بدر انت ممنوع من الخروج
بدر قرب بمشاكسة…. مصطفى الله يخليك بلاش تنفيذ الاوامر ده عليا انا بحبك بلاش تخليني ازعل منك
مصطفى بابتسامة… برضه مفيش خروج
بدر بضيق….. مفيش فايدة يعني وجية يقولك وانت تمشي داري عليا ياعم
مصطفى بابتسامة… لا
بدر بضيق… انهاردة الجمعة اجازتي
مصطفى بابتسامة… ولا انت واخد الايام كلها اجازة يا زفت.
بدر بابتسامة… يعم الواحد مش بيعيش غير مرة واحدة بس هقضيها مذاكرة و التزام انا واحد عشوائي بحب الخروج الفسح
مصطفى بهدوء…. بس كمان مش علي حساب مستقبلك حتي لو باصص ان حالتكم المادية موجودة انت مش محتاج للشغل في المستقبل ولا للفلوس لو مكنتش متعلم وعارف ازاي تدير الشغل كل ده لا قدر الله هيروح قدر لازم تذاكر و تجتهد و تعمل كل اللي عليك لغاية ما تتخرج و يبقي ليك كيان خاص يا بدر انت زي اخويا وانا بنصحك نصيحة اخوية ذاكر و شوف مستقبلك احسن
بدر بمشاكسة…كلكم فاهميني غلط علي فكرة انا مش فاشل يا جدعان بس بحب اذاكر في الوقت اللي يعجبني مش بحب اقيد نفسي في مواعيد
مصطفى بابتسامة….. طيب يا سيدي ادخل جوه لانك برضة مش هتخرج من هنا
بدر بضيق… طيب
دخل بدر البيت ومش لقي حاجه يعملها طلع علي اوضة والدته والده وخبط ولكن مفيش رد
فتح الباب بهدوء و دخل الاوضة وشاف عمار نايم بعمق و حورية مش موجوده جنبه
قرب من عمار بابتسامة… بابا يا بابا
خرجت حورية من الحمام وهي تنشف شعرها وبتقول بضيق… بتصحيه ليه يا زفت
بدر بضحكة… جدو مانع الخروج عني وانا عايز اخرج هستاذن بابا
حورية بضيق… وانت لما تقوله ان جدك منعك من الخروج هو هيوافق
بدر… لا ما انا مش هقوله
حورية بضيق… بدر ابوك تعبان متصحهوش يلا اخرج بره ومفيش خروج علي اللي عملته امبارح يلا
بدر قام بضيق وقال… انا مش عارف عملكم اية انا علشان تعملوني المعاملة الزفتة دي
خرج بدر مضايق ودخل اوضته وفتح الاب توب و فضل يجلس عليه بعد مرور ساعتين
دخلت مليكة لغرفته بابتسامة وقالت…. بدر يلا علشان تفطر
بدر بضيق… مش عايز
مليكة بهدوء… ليه بس
بدر بضيق… بقي يرضيكي يحبسوني في يوم اجازتي يا مليكة
مليكة بهدوء…. بدر غلطاتك كترت اليومين دول
بدر بضيق… هو انا علشان بحب الهزار والضحك ابقي بغلط يا مليكة انا واحد مش بحب الهدوء زي وجية اللي علي قلبكم زي العسل وهو الابن العاقل الرزين والشاطر المجتهد اللي مش بيسيب الكتاب من ايده انا مش فاشل علي فكرة وبذاكر بس مش لازم اوريكم اني بذاكر علي فكرة مش لازم طول اليوم امسك الكتاب قدمكم ولما اعمل اي حاجه تعقبوني عليها انا مش عيل كل شوية حد يعاقبني شكل متقيدونيش انا مش بحب كدة وبرضه علشان اتخنقت مع حد من صحابي السنه اللي فاتت جدو عمل اية عقابني مرحش الرحلة ووجية يطلع عادي رغم انه كان معايا في الخنقة ليه دايما شايفيني الفاشل المستهتر اللي مش همه حاجه غير الخروج و الفسح و الهزار انا مش هتكلم اكتر من كدة لو سمحتي سبيني لوحدي محتاج ارتاح
مليكة قربت بحب… حبيبي هما اكيد مش قصدين يوصلوا ليك الاحساس ده هما خايفين علي مستقبلك مش اكتر
بدر بضيق.. مليكة انا عايز انام سبيني لوحدي
مليكة عرفت انه مش عايز يتكلم تاني نظرت له بحزن وخرجت كان الكل يجلس علي السفرة ما عدا عمار الذي ينام بعمق
وجية بهدوء… عمار مش هينزل يا حورية
حورية بهدوء… هو نايم قالي متصحنيش وهو هيقوم لوحده
وجية بهدوء.. تمام
مليكة جلست بجانب والدها وقالت. بهدوء… بدر مش. هينزل
وجية باستغراب… ليه
مليكة بحزن… بدر زعلان علشان حبستوه وهو كان عايز يخرج
وجية بهدوء… مفيش ليه خروج
مليكة بهدوء… بابا بدر حاسس بتفرقه كبيرة حاسس اننا بنفضل وجية عنه و اننا شايفينه المستهتر الفاشل مش زي وجية اتكلم معايا وكان بيتكلم زعل شديد انا شايفة انه فعلا الموضوع لازم حد كبير يتكلم معه و يشيل الاحساس ده عنده بيقولي الكل شايف وجية الابن العاقل و الشاطر اللي مفيش منه اتنين وهو الشاب الخايب اللي الواحد ميعتمدش عليه في حاجه الاحساس ده مش لازم يكبر جوه
حورية بضيق…. بدر لسه تفكيره طفولي مش مقدر اننا خايفين عليه ياريت بس يبقي زي وجية بدل اللي بيعمله ده
مليكة بضيق… حورية بلاش تستهزائ بمشاعره انتي ممكن توصليه انه يكره اخوه هو شخصية ووجية شخصية تانية
حورية بضيق… شوفتي بيقولك الكلام ده علشان نعطف عليه و نعمل ليه اللي هو عايزه يا مليكة لسه تفكيره مش بيتغير عايز يعمل اللي في دماغه وبس و كلامه ده يدل علي كدة عايز حد يروح يطبط عليه ويقوله حبيبي انت فاهم غلط و احنا واحنا وهنقوله اخرج زي ما انت عايز زي ما وجية بيخرج زي ما هو عايز هو عايز ده ابني وانا عارفة بيتفنن ازاي يعمل اللي هو عايزه عيل محدش يعتمد عليه في حاجه فاشل ولعبي مش عارفة انا عملت اية في الدنيا علشان اجيب عيل زي ده
مليكة لسه هتتكلم شافت بدر يقف يستمع لكلام حورية وبعض الدموع لمعت في عيونه
مليكة بحزن.. بدر
كلهم نظروا للخلف ومن الوضح انه استمع لكل كلام حورية الموجع
بدر بهدوء غريب….. كملو فطاركم عادي انا كنت نازل اجيب حاجه وطلع بس مش مهم
بدر طلع اوضته تاني وهو بيدري دموعه
مليكة بغضب… عجبك كدة
حورية بضيق.. انا مقولتش حاجه غلط يا مليكة
مليكة بغضب.. كلامك كله غلط في غلط
وجية بضيق… بس انتي وهي حورية انتي غلطتي وغلط كبير انتي بتقللي من شأن ابنك بدر مش صغير بالعكس بدر شاب وعايز يحس ان ابوه وامه شايفينه حاجه في نظرهم مش يكسره و يقول الكلام اللي انتي قولتيه
حورية بضيق… انا مغلطتش ياعمو انا قولت اللي شايفه هو يحس علي د*مه شوية ويعمل اللي يريحني وهو هيبقي زي وجية واحسن
مليكة بغضب.. ليه عايزه يبقي زيه ليه ميبقاش ليه شخصية ليه لوحده ليه لازم يبقي زي حد انت غلط ما تقولي حاجه ياماما
حورية بغضب…ده ابني وانا حرة فيه وانا شايفة ان تربيتي دي صح وانا حرة في ابني ياريت محدش يدخل انا امه وعارفة مصلحته اكتر من اي حد
وجية ابتسم بعتاب… ولله ابنك ومحدش يدخل ولا يتكلم حتي لو اللي بتعمليه غلط يا حورية براحتك هو فعلا ابنك واحنا ملناش اننا ندخل في تربيته ولا انا ولا بنتي ولا حتي امك هيدخلوا في اي حاجه تخص ولادك كلهم انا رايح الشغل يا انجي
وتركهم وذهب بضيق وزعل من كلام حورية
انجي نظرت لها بعتاب ولكن لم تتكلم
حورية بضيق… ماما انا مقصدش
انجي بعتاب… انتي مغلطتيش ولادك ربيهم زي ما انتي شايفة انا هلم الاكل
لمت انجي السفرة ومليكة ساعدتها وتركوا حورية تراجع نفسها
……………….
في بيت كريم كان يجلس بضيق وحزن و بجانبه اسيل تنظر له بدموع… معلش يا كريم يا حبيبي كويس انك لسه في الشغل
كريم يجلس هادي لا يتحدث
اسيل بدموع… كريم انت مش بترد عليا ليه
كريم بسخرية طالعه من قهرته… يعني اتعاقب علي ضميري انا معملتش حاجة غلط يعني انا بعد كل اللي عملته للداخلية يعملوا معايا كدة علشان بدافع عن البلد وهما عايزين يخرجوا مجرم ده سفاح في كل العبر وعلشان بقول كلمة الحق ينفوني الصعيد علشان يبعدوني عنهم خالص
اسيل بدموع طبطت عليه وقالت… حبيبي ربنا شايف ان ده كويس ليك ارضي بنصيبك يابني مش مهم وبعدين دول سنتين قضيهم بطول ولا بعرض هينتهوا
كريم هز راسه بسخرية… هينتهوا فعلا
اسيل بدموع… حاجه تعلمك ما تتعصبش وما تتكلمش غير لما يكون في دليل يدين اللي قدامك انت سمحت لاتنين زي دول يغلطوك بلاش. يا كريم تتسرع يابني قوم انا جهوتلك حاجتك موجود في الجواب تبقي موجود هناك قبل بكرة علشان تلحق تشوف مكان تقعد فيه واول ما تلقي شقة مناسبة عرفني عشان اجي اقعد معاك يا حبيبي
كريم هز راسه بحزن.. حاضر
قام كريم وهو مضايق ومقهور وحاسس بظلم كبير
دخل اخذ شنطته وحضن ولدته بحب وقال.. خدي بالك من نفسك يا حبيبتي وانا اول ما القي شقة هتصل بيكي تيجي
اسيل بدموع… مستنياك خد بالك من نفسك يا كريم
كريم بابتسامة… متقلقيش يلا مع السلامه
اسيل بدموع… مع السلامه ربنا معام يا حبيبي
خرج كريم من الشقة والعمارة باكملها بحزن شديد وقطع طريقه لمكان يريد الذهاب اليه قبل الذهاب الي الصعيد
…………….
في المستشفى.كان يجلس مالك بتعب شديد
ماجد… يعم ارحم. نفسك دي مستشفى حكومي
مالك بضيق…. حكومي وبعدين يعني
ماجد بتكبر.. يعني مش مهم تخدم بضمير الناس عارفة ان الكشوفات هنا اي حاجه والسلام واللي خايف علي صحته يروح يكشف بره
مالك بسخرية وضيق… وافترض ان مش معهم يكشفوا بره لو معهم مكنوش اصلا جم المستشفى يا دكتور ماجد
ماجد بستفزاز… وللهي مش مشكلتنا احنا لو فضلنا نكشف بضمير علي كل اللي رايح واللي جاي عيادتنا مش هتشتغل
مالك بغضب… ما عنها ماش اشتغلت في ناس بتجي تكشف هنا و واخده كلامك ثقة لما تشخص حالة مريض غلط وياخد علاج يعملوا حاجه انت هتتحاسب عليه انت اصلا حالف قسم وانت متخرج انك تراعي بربنا ليه ليه كدة يا ماجد حرام عليك يا اخي
ماجد بضيق… انت مكبر الموضوع يا عم دي مستشفى حكومي التذاكرة بتاعة خمسة جنية دي عايزنا نكشف بضمير انت مجنون ولا اية ولا اه ما انت مش فارق معاك ابوك ملياردير ومش هتقول للفلوس بتجي منين
مالك بغضب… انت الكلام معاك ملوش لازمة اتفضل اخرج بره
ماجد بستفزاز… ماشي يا سيدي هخرج
خرج ماجد ومالك جلس بضيق شديد وزعل علي هذا الحال القوي ياكل الضعيف مهنة الطب بقت عبارة عن تجارة فقط لمن يدفع اكثر
………………………..
في البيت وجية استيقظ عمار ونزل تحت وشاف مليكة تجلس بحزن هي وانجي بعيد عن حورية قرب من حورية وقال بهدوء… في اية حاسس ان في حاجه غريبة
حورية بضيق… متشغلش بالك يا عمار
عمار بهدوء… مشغلش بالي ازاي يعني في اية
حورية بضيق… مفيش يا عمار حاجه هايفة متستدعيش اللي حصل
مليكة بغضب… لا مش هايفة يا حورية انا هقولك يا عمار
عمار شمع من مليكة كل اللي حصل
عمار نظر لحورية وسكت
مليكة نظرت ليه بصدمة… انت مش هتتكلم
عمار بهدوء غريب… هو بدر فين
مليكة بضيق… في اوضته
قام عمار بهدوء وطلع فوق و الكل مستغرب رد الفعل الهادية دي لم يعاتبها ولا يتكلم معاها
خبط عمار علي باب غرفة بدر
بدر لم يرد عليه
فتح عمار الباب ودخل راه ينام علي السرير ينظر للسقف و سرحان
عمار بابتسامة…. بدر
بدر قام بهدوء وقال…. نعم
عمار قرب منه وقال بابتسامة… ادخل جوه شوية علشان اقعد جنبك
دخل بدر بضيق وجلس عمار بجانبة وقربه منه وقال بابتسامة… انا مش عايزك تزعل من ماما هي متقصدش صدقني وبعدين يا عبيط انت اخر العنقود يعني كل اللي اخواتك في كفة وانت لوحدك في كفة تانية يابدر معزتك عندي اكتر منهم
اي نعم بتتعبني ومغلبي بس هتفضل طول عمرك مميز عن باقي اخواتك تعرف ليه
بدر بدموع.. ليه
عمار بابتسامة… علشان انت زي مشاكس بتحب الهزار ومش بتحب حاجه تقيدك انت وكأنك بتعيد طفولتي قدامي علشان كدة انا بحسك تؤامي يا بدر ماما خانها التعبير مش اكتر اوعي في يوم تاخد علي خاطرك وتزعل متسمحش لاي حاجه تعكر مودك و تخليك طول اليوم مضايق ومخنوق عايز تزعل ازعل عايز تعيط عيط بس متسبش نفسك للحزن وزي ما قولتك انت بنسبة ليا الاحب لقلبي لانك شبهي وانا صغير و متشلش من وجية وجية هادي طالع لاجدك وبيحب النظام و الترتيب زي جدك ومش لازم تقلده ولا تبقي زيه خليك علي طبعتك بلاش يا بدر تتغير علشان حد عايزك تتغير فاهم انت تتغير وقت ما تحس انك عايز تتغير غير كدة لا اوعي تتغير علشان حد حتي لو الحد ده امك او انا انت لا فاشل ولا عيل صايع ولا لا يعتمد عليك متسمعش لحد ولا تستني كلمة مدح من حد ابني نفسك. بنفسك فجأهم في النهاية باللي انت هتبقي فيه يا بدر
عمار حضنه وقبل راسه وقاله… قوم يلا اخرج مع صحابك وانا شغلت الكريدت كارد بتاعتك.
في غرفة عمار نده علي حورية اللي دخلت وقالت بهدوء… نعم
عمار بضيق…. مينفعش اللي قولتيه لبدر يا حورية ليه بتحطميه هو مش لازم يبقي زي وجية هو ليه شخصية مش هيقلد حد علشان يرضيكي انتي كدة بتحسسيه بالنقص ان مفيش حاجه عجابكي وانه مهما يعمل مش عجابك وان دايما وجية افضل منه وانتي مش هترضي عليه غير لما يبقي زي اخوه هو ليه شخصية ووجية شخصية سبيه زي مهما انا محبتش اتكلم معاكي ولا اغلطك قدمهم بس انتي غلطانة وانل مضايق و زعلان منك
حورية بضيق… انا بقي يا عمار شايفة اني مغلطتش في حاجه انتم بتفكروا ازاي بس مش عارفة
عمار بضيق… خلاص براحتك بس ياريت تخلي احساسك في نفسك و متأثريش علي ابنك بسلب
وتخلي شخصيته مهزوزه
حورية اتضايقت منه وقالت…. ماشي يا عمار انا نازلة اقعد مع ماما
وتركته بضيق وهو تنهد بتعب
………….
يا تري حورية غلطانة
- يتبع الفصل التالي اضغط على ( رواية العشق الممنوع ) اسم الرواية