رواية دقة قلب كاملة بقلم مريم حسين عبر مدونة دليل الروايات
رواية دقة قلب الفصل الواحد و العشرون و الاخير 21
الخاتمه
بعد مرور سنتين ........
مريم وسامر انجبوا حبيب وعندوا سنه ونص....
اروى ويوسف انجبوا كيان وعندوا سنه ونص....
محمد ومنى جابوا ليان وعاصم وطبعا معاهم سليم.
كارما ومعتز اتجوزا وجابو لؤي وغافر وسيلا ....
☆☆☆☆☆☆☆☆☆☆☆☆☆☆☆☆☆☆☆☆
مريم:سامر ياحبيبي قوم يلا عشان تلحق صلاه الفجر
سامر:منك لله انتي وابنك ده معرفتش انام بسببكوا لا وكمان جايه تصحيني
مريم بضحك:ياحبيبي اعمل اي يعني مش هو اللي عايز يروح الملاهي في الوقت ده
سامر:هو بردوا االي كان عايز يروح
مريم وهي تكتم ضحكتها:قصدك اي يعني
سامر :قصدي ان انا عارف انك انتي اللي قولتي لابنك يجي يقولي عايز اروح الملاهي
مريم بشهقه:هاااااا.....لا طبعا الولد ده كذاب انا مقولتلوش حاجه...
سامر وهو بيشدها من دراعها:مقولتيش..اي...سمعيني كده تاني...اصل انا سمعي بقى بيتقل....ولسه رايح يوقعها ويضربها بهزار...
مريم:اااااااااااه ....الحقني ياسامر انا بولد....
سامر:وحياة امك....خلاص حفظت انا الاسطوانه دي...شوفي غيرها...
مريم بعياط:بجد والله حاسه اني بولد....ياسااااامر الحقنيييي.....
سامر اتنفض من على السرير...وقالها بجد...طب استني
وفضل رايح جاي في الاوضه رايح جاي ومريم تصوتت اكتر....وتقوله انت يابني ادم بتعمل اي تعالي الحقني ووديني المستشفي يلا.....
سامر:استني بس اهدي ياحبيبتي وكل حاجه هتبقى فل بس مش عارف اعمل اي
مريم بصويت:عملك اسود ومهبب ياشيخ منك لله منك لله كله بسببك....انا بكرهككككك......بكرهكككك...حرام عليك........
سامر بضحك:بتكرهيني وكله بسببي ...نفس اسطوانه المرة اللي فاتت...فكرتك هتغيريها😂😂
مريك من غيظها قامت هجمت عليه ومسكت ايديه وطلعت فيها غلها كله وسامر يصوت ....لحد ما رن على يوسف وقاله ويوسف رن على الإسعاف...والاسعاف جه واخدهم....وكلهم راحو المستشفى سامر ومريم ويوسف وأروى ورنوا على محمد ومنى وكارما ومعتز....كله كان هناك....ومريم على الترولي وماسكه ايد سامر مش سابتها من ساعتها....وعلى نفس الاسطوانه وتقوله كان مالي انا بجواز وولاد وخلفه وزفت على دماغك ...اناااا بكرهككككك....والممرضات فضلت تضحك عليها لحد ماوصلت لاوضه العمليات...ودخلوها......وطبعا طلبت سامر يدخل معاها...وهو قال لا طبعا مش هتغفل زي المرة اللي فاتت وأخرج متاكل....كلهم ضحكوا عليه..
وشويه واروي صوتت وقالت الحقونييييييييييي....يوسف لا وحياه امك بلاش...بلاش
وكان هيعيط قامت اروى ماسكاه من دراعه وتقوله بكرهككككك.....ودخلوها هي كمان وسامر فضل يضحك على يوسف......وقاله هما متواعدين ولا اي....ده لو مظبطين الميعاد كده مش هيحصل....المرة دي واللي فاتت...كلهم قعدوا يضحكوا....وكارما قالت لسامر ياترى حامل في اي
سامر..مش عارف احنا مرضناش نعرف الا وقت الولاده معرفش هي هتجيب اي....بس نفسي في بنت...عشان يبقى معانا ولد وبنت قمر كده زيها...
يوسف..وانا بردوا نفسي في بنت...
محمد بضحك..اي ده انت كمان متعرفش هي حامل في اي....اي الرومانسيه اللي نزلت عليكوا فجأة دي😂😂
كله فضل يضحك......
بعد مرور وقت.....الممرضه خرجت من الاوضه وشايله بنتين...وقالت لسامر....اتفضل بنتين زي القمر...سامر فضل يضحك ويعيط في نفس الوقت من الفرحه.....
بس مرضاش يمسكهم الا اما يطمن على مريم
سامر..لا مش همسكهم دلوقتي...اهم حاجه مريم كويسه
الممرضه..ايوة كويسه جوة وعايزاك......
سلمر دخل لمريم وباس جبينها وقالها حمدلله على السلامه ياعمري
مريم..جبت اي
سامر..بنتين زي القمر شبهك ياجميل😍😍😍
مريم بفرحه..بجد..طب وهنسميهم اي
سامر..هنكمل حلمك ياقلبي..
مريم بضحك..يااه انت لسه فاكر
سامر..عمري ما انسى حاجه تخصك
مريم..خلاص يبقى هنسميهم غرام وعشق ياسامر
سامر..ماشي ياقلب سامر من جوة
مريم..بحبكككك....
سامر..انا اكترررررر....بالحق مش اروى بتولد😂
مريم بضحك..بجد...ده احنا لو متواعدين مش هنظبط كده😂😂جابت اي
سامر..لسه جوة
بعد مرور ساعه الممرضه خرجت من اوضه العمليات وقالت ليوسف الف مبروك بنوته قمر شبهك...
سامر بهمس ليوسف..بتعاكس دي ولا اي
يوسف..الحمد لله ان اروى مش موجودة كان فاتها المسكينه في التربه😂😂
يوسف دخل لاروى...وقالها احلى بنوته في العالم
اروى بضحك.. بجدد...حلوة..
يوسف..شبهك اوييي
اروى بتكشيرة..بس انا كنت عايزاها شبهك انت..
يوسف بضحك..فيها ملامح مننا احنا الاتنين...
اروى..الله ..طب هاتها اشوفها
يوسف..لما تتنقلي لاوضتك الاول
اروى..طب هنسميها اي
يوسف..مسك..اي رأيك
اروى بفرحه لا توصف..احلى اسم في العالم😘😘
بالحق مريم جابت اي
يوسف..غرام وعشق
اروى بضحك...ياااه لسه اللي في دماغها جابته....اخيرا بقيت خالتو وأم
يوسف..اومال حبيب وكيان دول اي
اروى بضحك..ااه بالحق نسيت
بعد سنه....
عيد ميلاد غرام وعشق ومسك..
مريم..سامر شوف ابنك مش عايز يكمل لبس
سامر..حبيب..يلا..عشان لو ملبستش مش هجوزلك مسك
حبيب..لا هتدوزها يلا يامامي لبسيني
مريم بضحك..اه واطي بقى ساعه ماسمعت اسم مسك..لا يامامي لبسيني...تصدق انك حيوان وانا مش هلبسك حاجه...خلي مسك هانم بقى تنفعك...
حبيب..حاضي يامامي هحلي مثك تلبثني 😝😝
مريم..آآآآآآه...ابعده عني
سامر بضحك..خلاص اهدي متبقيش من الحموات الشريره 😂😂
مريم خرجت ومرضتش ونزلت تحت ليهم ووقفت مع اروى
اروى..مش كيان بيقولي يلا بسرعه عشان عشق ياماما
مريم بضحك..زي من شويه كنت بتشاكل مع حبيب عشان يلبس وساعه ما سامر جاب سيرة مسك راح لبس بسرعه
اروى ومريم فضلوا يضحكوا😂😂لحد ما الحفله بدأت
وكلو اتجمع ....حوالين الترابيزة اللي عليها ٣ تورت كل تورته عليها صورة لكل بنت غرام وعشق ومسك...
المهم خلصوا وكلهم راحوا قعدوا حوالين ترابيزة كبيرة
والرجاله بتتكلم في الشغل والبنات بتتكلم عادي...
شويه وجه غافر وعاصم وكيان ماسكين بعض وبيعيطوا
سامر قالهم..اي في اي...مالكوا
كيان..عمو مش انت قولت ان عثق بتاعتي...
سامر بضحك..ايوة في اي..
كيان..عاصم جاي وبيقول انو هيتجوزها...قومت ضربتو
عاصم..لا ياعمو هي بتاعتي انا ثح
كيان قاله لا..بتاعتي وعاصم قاله لا...وضربوا بعض من تاني....المهم يوسف وسامر خلصوا بينهم وبعدين سامر قال لغافر وانت مالك انت كمان....
غافر بعصبيه..ازاي ياعمو تخلي غرام تلبس فستان قثيي تده
سامر برفعه حاجب...وانت مالك انشاء الله
غافر..مالي ازاي...معنتش تخليها تلبس قثيي عسان هي هتبقى مياتي وكمان واقفه بتتكلم مع لؤي لي انساء الله
كلهم فطسوا من الضحك....
اروى..الله الله..شوفتوا الولاد..كل واحد بيتخانق على واحده وبيحجزها من دلوقتي😂
مريم..مهو لو محجزوش من دلوقتي هيحجزوا امتى😂😂
وقفوا وقتهم في غايه من السعاده والفرح والسرور...
وسامر قام وقال يلا ناخد صورة تذكاريه ....
كل واحد مسك مراته وعياله....
سامر اخد مريم في حضنه وشال غرام ومريم شالت عشق..وماسكه حبيب في ايديها التانيه ويوسف مسك اروي وشال مسك وأروى شالت كيان..ومحمد ومنى جمب بعض وشايلين عاصم وليان وماسكين سليم في ايديهم..وكارما ومعتز ماسكين لؤي وغافر ومارما شايله سيلا على ايديها وطبعا معاهم محمد اخو مريم اللي في كليه لسه وملك في ثانوي وامل وحسين وعمرو وهاله كانوا قاعدين وراهم واولادهم واحفادهم وراهم
والتقطوا أجمل صورة تذكارية...
وسامر طلع وقال...احم احم...عايز أوجه كلامي لأي حد مفكر أن القلب مجرد جهاز بينبض لا(القلب مش مجرد جهاز بينبض في جسمك عشان تعيش ،القلب هو الروح والجمال وجمال الروح وجمال الروح هو الجمال الحقيقي الدائم ..هو الطاقه الايجابيه الدافعه للحياة والروح الجميله التي لايشعر الا روح جميله مثلها ....لان الأرواح جنود مجندة اذا تآلفت تعارفت .....واذا اختلفت تعاركت!...واتمنى ان يتجاهل الجميع جمال الشكل لانه لا يدوم ....وانظروا إلى الروح فهو الجمال الذي يخطف القلوب قبل العيون....وشكرا)
الكل سقف لسامر وبالذات مريم اللي كانت فخورة بيه جدا وبتدمع من الفرحه ان ربنا رزقها بواحد زي سامر
سامر قرب منها وقالها..بحبك يا دقه قلبي ....
مريم بدموع الفرحه..وانا بعشقك يانبض قلبي....
تمت....
قولولي رايكوا 🥺❤️❤️
يتبع الفصل كاملا اضغط هنا ملحوظة اكتب في جوجل " رواية دقة قلب دليل الروايات" لكي يظهر لك الفصل كاملة
- يتبع الفصل التالي اضغط على ( رواية دقة قلب ) اسم الرواية