رواية فاز القلب الفصل الخامس و العشرون 25 - بقلم يارا عبد العزيز

  رواية فاز القلب (كاملة جميع الفصول) حصريا عبر دليل الروايات بقلم يارا عبد العزيز

رواية فاز القلب الفصل الخامس و العشرون 25

فاز القلب

الفصل الخامس و العشرون

عائشة بخوف شديد و هي بترجع لورا و حاطة ايديها على بطنها:- حرام عليكم انا عملتكم ايه 

بدأوا يقربوا منها و هي ترجع لحد اما انحـ..صرت في الزواية

عائشة بخوف شديد و صوت عالي:- الحقوني حد يلحقني يا ناس

جت واحدة منهم و كتـ..مت بوؤها ، بدأت عائشة تتحرك بخوف شديد و هي بتحاول تطلع صوتها بس مش عارفه

:- يلا شوفوا شغلكوا يستات خلينا نخلص

كانوا لسه هيضـ...ربوها في بطنها بس فجأة سمعوا صوت جرس الباب بيرن

عائشة برقيت عينيها بخوف و هي بتدعي ربنا في سرها ان ربنا ينجيها

خالد من برا بصوت عالى:- فيه حد هنااا نور

عائشة حسيت ببعض الاطمئنان لما سمعت صوت خالد ، بعدت الست اللي كانت حاطة ايديها على بؤوها بكل قوتها و اتكلمت بصوت عالى و بكاء: يا خالد الحقنييي

رجعت حطيت ايديها على بؤوها تاني و اتكلمت بهمس

:- اخر..سي يبت انتي

خالد من ورا الباب بخوف شديد:- عائشة انتي كويسة عائشة افتحي الباب دا

عائشة في نفسها بخوف شديد و دموعها نازلة على خدها

:- يا خالد الحقني يا خالد

و فجأة الباب اتكـ..سر و دخل خالد بص بصدمة من المنظر و طلع مسـ..دسه من جيبه

خالد بغضب راح وقف قدام الست اللي ماسكة عائشة

:- سبيها سبيها بقولك

بعدت الست عن عائشة اللي جريت بسرعة و وقفت ورا خالد و هي بتمسك في قميصه بخوف شديد

خالد :- ارفعي ايدك بقى يحلو انتي و هي لفوق كدا عائشة طلعي التلفيون بتاعي من جايبي

طلعت عائشة الفون و رن على الشرطة اللي جت خدتهم و مشيوا

حضنت عائشة خالد بخوف شديد و فضلت تبكي بشدة خالد حط ايديه على شعرها بحنان

:- هششش اهدي يحبيبتى انا معاكي محدش هيقدر يأ...ذيكي اهدي

عائشة ببكاء:- كانوا عايزين يمـ..وتوا ابني يا خالد 

خالد :- خلاص اهدي هم مشيوا خلاص تعالي اقعدي و اهدي

قعدت معاه على الكنبة و هي لسه حاضنه و خايفة

خالد :- يحبيبتى هم خلصوا مشيوا و الله اهدي بقى هروح اعملك ليمون هيديكي شوية

مسكت فيه اكتر و اتكلمت بخوف شديد:- لأ خليك متمشيش

خالد :- خلاص اهدي

بدأت تسكن تدريجياً اتكلم خالد بعتاب

:- كدا برضوا يعائشة تقلقينا عليكي انتي مش عارفه ماما دلوقتي حالتها عاملة ازاي

عائشة ببكاء:- انا اسفة يا خالد بس كان غصبن عني بابا مكنش هيرضى يدخلني البيت لانه واقف مع نوح و نوح بيعاملني وحش اوي و كمان كمان عايز يتجوز عليا سارة بنت عمته

خالد :- طب اهدي و يلا تعالي معايا على البيت و احنا هنعقد كلنا مع بعض و هنصلح ما بينك انتي و نوح نوح بيعشقك و الله انتي مشفتيهوش كان ميـ..ت من خوفه عليكي 

عائشة:- لأ انا مش راجعة معاك و مش عايزة اعيش مع نوح دا تاني انا بكره عشان هو السبب في كل حاجه 

خالد :- ايه اللي حصل ما بينكم وصلكم لهنا يعائشة

عائشة بتوتر:- مش عايزة اتكلم في الموضوع

خالد :- و اظن ان من حقي اعرف لاني اخوكي لو احنا اللي مش هنقف جانبك اوماال مين اللي هيقق يعائشة

عائشة ببكاء:- مش هينفع يخالد مش هينفع اقول حاجه عشان انت و هو متخسروش بعض انتوا اصحاب من زمان

خالد بغضب :- عمل فيكي ايه اخلصي بدل ما اروح اعرف منه

لا حول ولا قوة الا بالله العلي العظيم 🤎

عائشة ببكاء:- لا يا خالد ارجوك انا مش عايزة مشاكل 

خالد :- يبقى تقولي عملك ايه احسنلك انا و الله صبري نفذ

عائشة بدأت تحكي بأنهيار من اول ما اتجوزوا لحد قرار انه يتجوز عليها كانت بتحكي و هي ببتنفض من بكاءها

خالد قبض ايديه بغضب شديد و راح عندها و حضنها بقوة

خالد :- كل دا حصل و احنا ولا هنااا اغتصـ..بك يا عائشة عشان كدا كنتي عايزة تنـ..زلي الجنين

عائشة ببكاء:- انا و الله ما قاسية زي ما بابا قال بس انا مش هعرف احبه كل اما هشوفه هفتكر هو جيه ازاي و هيكون سبب المـ..ي

خالد كان كل اما صوت شهقاتها بيعلو و بيزيد اكتر كان غضيه هو بيزيد ، استنى لحد اما بدأت تهدا و طلعها من حضنه و قام عشان يخرج من البيت ، عائشة قامت بسرعة وراه و مسكت ايده و اتكلمت بغضب :- انت رايح فين

خالد بغضب :- هروح اجيب حق كل لحظة انتي عانيتها بسببه 

عائشة: لا يخالد متخلنيش اندم اني قولتلك

خالد بعد ايديها عنه و خرج من البيت

قعدت على الكنبة و هي بتعيط:- استر يا رب 

راح خالد عند نوح البيت و خبط على الباب بغضب ، و نوح كان قاعد على الارض و ساند بضهره على السرير و هو ماسك صورة عائشة ، سمع صوت الباب و قام بسرعة و هو عنده امل ان تكون هي و رجعت ، فتح الباب و لاقى خالد اللي قدامه و بمجرد ما نوح فتح الباب لاقى خالد بيـ..لكمه بقوة

نوح بصله بصدمة و اتكلم بغضب :- خالد انت اتجننت و لا ايه

خالد بغضب :- ايوا انا فعلا اتجننت لما وافقت اني اجوز اختي لواحد زيك 

نوح بصله بأستغراب ليلكـ..مه خالد مرة اخرى

نوح بغضب مفرط:- لا دا انت زودتها اوي انا مش عايز امـ..د ايدي عليك و عامل حساب للصداقة اللي ما بينا

خالد بغضب مفرط:- و انت خليت فيها صحوبية انت انت يطلع منك كل دا انت تعمل في اختي انا كدا وليه عشان شوية اوهام في دماغك فوق بقى فوق خسرت مراتك و كنت هتخسر ابنك بسبب شوية اوهام

نوح بعصبية و صوت عالي: بعشقها يا اخي بعشقها و غيرتي عليها و احساسي ان فيه غيري في قلبها كان بيدبـ...حني يعني كنت عايزني اعمل ايه و الله العظيم انا بمـ..وت اكتر منها

اللهم صل وسلم وبارك على سيدنا محمد وعلى اله وصحبه اجمعين 🤎

خالد بغضب:- قالتلك مليون مرة انها مبقتش تحب الزفـ..ت اللي اسمه مازن تقوم توجـ..عها بالطريقة دي تخليها ذكرى مؤلمة في حياتها دا حتى اللي في بطنها بيفكرها باللي عملته حرام عليك هي عملت ايه عشان تتعذ...ب بسببك كل دا حرام عليك

نوح بدموع و ألـ..م شديد:- و الله العظيم ندمت ندمت يا خالد و الله مش هتجوز غيرها انا كنت بحاول انسها بواحدة تانية بس معرفتش عشان عمري ما حبيت ولا هحب غيرها عائشة حب سنين يا خالد اول نبضة و اخر نبضة في قلبي هتكون ليها هي و بس

خالد :- بعد ايه يا نوح انت خلاص خسرت عائشة و للابد

نوح بتفكير راح عنده و اتكلم بلهفة :- انت عرفت منين كل دا انت كلمتها هي جت عندكوا انطق يخالد انت شوفتها هي فييين انطق

خالد :- مش هقولك يا نوح عشان انت متشتاهلش عائشة

نوح بدموع:- طب بصلي شوف كمية الالـ..م اللي انا فيه من بعدها عني انا و الله العظيم بمـ..وت من كام ساعة بس مش هقدر تبعد عني و الله ندمت و مش هزعلها تاني بس قولي هي فين انت زوج و هتكون اب زيي و اكيد عارف و حاسس باللي انا فيه دلوقتي

نوح بدأ يصعب على خالد و خصوصاً بعد ما افتكر هو اد كان خايف على اروى وقت غيابها

خالد:- عند نور

اول اما سمع الجملة خرج من الشقة بسرعة و ركب عربيته و هو سايق بسرعة جنونية

عائشة كانت راكبة التاكسي و رنيت على نور

عائشة:- الو ايوا يا نور انا خديت هدومي و سيبت البيت

نور :- ليه فيه حاجه حصلت و بعدين هتروحي فين

عائشة:- هبقى احكيلك بعدين و مش هعرف اقولك دلوقتي انا هروح فين يلا سلام

قفلت عائشة الخط و اتكلمت في نفسها:- انا اسفة يا نور بس كدا نوح اكيد هيعرف مكاني من خالد و هيجي ياخدني و لو كنت قولتلك مكاني كنتي ممكن يصعب عليكي و تقوليله انتي كمان مفيش حل غير اني اختفي من حياة الكل

راح نوح بيت نور و لاقى الباب شبه مفتوح بسبب انه كان مكـ..سور دخل و هو بيدور عليها زيي المجنون و ملقهاش مسك شعره بقوة و اتكلم ببكاء:- لأ يعائشة و الله ما بقيت قادرة كفاية عليا بقى كفاية 

خرج من البيت و هو حاسس انه تايه مبقاش عنده اي امل في انه يلاقيها 

خالد بغضب:- يعني مش هتعترفي انتي و هي مين اللي مسلطكم

:- ما احنا قولنالك يباشا محدش مسلطنا على حاجه

خالد بغضب مفرط:- و الله يعني انتي روحتي انتي و هي من نفسكوا كدا و قررتوا انكوا تسـ..قطوها ما تنطقوا تمام انتوا اللي اخترتوا

:- تحت امرك يباشا

خالد :- خدهم على الحبس و اتوصالي بيهم على الاخر اما نشوف اخرتها معاكوا ايه

رجع راسه لورا و هو سرحان في كل اللي بيحصل معاه اتكلم بحزن :- انا واحد زبا..ل ازايي استغلتها كدا عشان انسى اروى ازايي فهمت مشاعري ناحيتها غلط كله منك يا اروى انتي اللي وصلتينا لكدا يا رب انا مبقتش عارف اعمل ايه

:- خالد عندنا مؤموراية دلوقتي جهز نفسك

خالد :- تمام

الساعة الرابعة فجراً بتوقيت القاهرة اروى صحيت على كابوس فظيع

اروى و هي بتحط ايديها على قلبها:- يا ساتر يا رب فيه ايه

بصيت جانبها ملقتش خالد اتكلمت بخوف شديد:- خالد لسه مرجعش

استغفر الله العظيم الذي لا اله الا هو الحي القيوم و اتوب اليه 🤎

سمعت صوت فون البيت الارضي خرجت من الأوضة و صحي كل اللى في البيت رد محمود 

:- بيت المقدم خالد محمود

محمود بخوف :- ايوا هو يبني هو كويس

:- للاسف المقدم خالد اتعرض لاطلاق النـ..ار عليه و هو دلوقتي في مستشفى*******

محمود حس انه اتشـ..ل من صدمته و خوفه الشديد

عزة بخوف :- مالك يمحمود فيه ايه مين اللي رن عائشة كويسة بنتي كويسة

اروى بخوف شديد:- خالد كويس يعمي فيه ايه

محمود :- خالد اضـ..رب بالنار و هو دلوقتي في المستشفى

عزة حسيت ان هيغمى عليها و اتكلمت بخوف شديد:- ايييه طب هو عامل ايه انطق يا محمود هو كويس

اروى بدموع و خوف شديد:- خلينا نروح نشوفه دلوقتي خلينا نروح

خرجوا للمستشفى بسرعة بعد ما غيروا هدومهم في اسرع وقت و كانوا خايفين بشدة عليه

في المستشفى كانت داليا واقفة في المستشفى بخوف شديد و هي بتعيط بعد ما رنيت على خالد و قالولها انه اتصاب.... اروى بصتلها بصدمة و هي مش مطمنة ، خرج الدكتور و جريوا عليه كلهم 

محمود :- طمنا يا دكتور

:- احنا هنعمل اللي علينا ادعوله

فضلت داليا تعيط بشدة و خوف اروى وقتها مقدرتش راحت عندها و اتكلمت بغضب :- انتي هنا بتعملي ايه انتي مين بالنسباله عشان تعيطي عليه و عرفتي منين انه هنا

محمود بغضب :- مش وقته يا اروى

اروى بغضب و عصبية:- لا يا بابا عشان دي زودتها اوي

مسكت ايديها بقوة و غضب:- انتي مين عشان تبقي موجودة هنا دلوقتي فيه ايه ما بينك و ما بين جوزي عشان تقفي الواقفة دي كدا ما تنطقي

داليا بصتلها بتحدي و اتكلمت:- انا هنا عشان انا بالنسباله زي زيك بالظبط

اروى بصتلها بخوف شديد و هي حاسة ان نبضها بيعلو بشدة من خوفها كملت داليا و هي بتبصلها بتحدي

:- انا و خالد متجوزين على سنة الله و رسوله

يتبع...... 

  •تابع الفصل التالي "رواية فاز القلب" اضغط على اسم الرواية