رواية ملتزمه تزوجت من رجل اعمال (كاملة جميع الفصول) حصريا عبر دليل الروايات بقلم رضا الله غايتي
رواية ملتزمه تزوجت من رجل اعمال الفصل الخامس والعشرون 25
باسم. نزل لقي باباه ومامته بيفطرو.
باسم صباح الخير
ام باسم باستغراب. صباح النور. النهارده صاحي بدري.
ابوباسم. ايه ياام باسم انتي ناسيه اني النهارده رايح يجيب الشبكه لخطيبته. لازم يصحي من النجمه ده لونام اصلا
باسم باحراج. علي فكرة انا صاحي بدري عشان ورايا شغل
ابو باسم بمكر ماانا عارف مشاغلك كتير وخصوصا النهارده انت عمرك ماعملتها
باسم بجديه. ايه ياجماعه هو تحقيق. وبعدين يلا بقا عشان نلحق نروح للناس
ام باسم بدهشه. يلا ايه احنا لسه الصبح بدري. هنروح نفطر معاهم
ابو باسم. هههههه تصدقي فكرة. عشان نقول ليهم بدل مانتغدا بس. لا احنا نفطر ونتغدا ونتعشي كمان. عشان. يطردونا ويقولو معندناش بنات للجواز
باسم بعصبيه. ده انا ااقطع لسان اللي يقول كده. هتجوزها يعني هتجوزها
ام باسم. يابني الدنيا مش كده. ربنا يجعلها من نصيبك. بس. هي مش عافيه.
ابو باسم. سبيه ياام باسم. انا كنت بهزر. يابني. بس. برده. اتحكم في اعصابك وخصوصا لسانك. الدنيا مش سايبه.
باسم بيغير الموضوع. طيب انا هقوم اصحي الزفته اللي فوق لغاية ماتخلصو فطار وتقومو تغيرو. انا مش فاضي. للكلام ده عايز اخلص من الهبل ده واجيب الشبكه واخلص
قام وطلع علي حجرة ياسمين.
باسم. بيخبط علي الباب. قومي. يادكتورة. انا عارف انك مش هتقومي بسهوله. فتح الباب ودخل.
باسم. قومي يلا عشان ورانا سفر
ياسمين بنوم. شويه كده ياماما
باسم بدهشه. ماما. قومي يابت يلا.
ياسمين بنووم. انا بكره اللي بيصحيني هو انا مش قايله محدش يصحيني.
باسم ضحك وافتكر خديجه لما قفلت السكه في وشه. وقالت كده
باسم بعصبيه مصتنعه. وصوت عالي. ياسمين
ياسمين بفزع. ايه في ايه البيت ولع ولا ايه. باسم
باسم بيتصنع الجديه. قومي يلا عشان مسافرين
ياسمين فاقت. وقامت علي السرير. النهارده رايحين لخديجه ايييييه
باسم بدهشه. ايه ده.
ياسمين بخوف. خمس دقايق وهتلاقيني في العربيه وجريت علي الحمام
باسم بيضحك علي هبل اخته. نزل لقي مامته وباباه لابسين وقعدين.
باسم بجديه. جهزتو.
ابو باسم واحنا نقدر بردن نخالف كلامك انا مش مستغني عن عمري
ام باسم ههههههه هو مين فيكو ابو التاني
ابو باسم ههههه تصدقي اني بخاف منه. بحس انو هيضربني
باسم. بجديه. اكيد عمري ماهعملها يابابا.
ياسمين نزلت جري علي السلم. انا جهزت خلاص.
باسم بحده قلتي خمس دقايق بس وبقو تسع دقايق.
ياسمين بدهشه. انت قاعد بتحسب بالدقيقه
باسم بيغير الموضوع. يلا بقا عشان اتاخرنا.
كلهم بيبصو لبعض. وضحكو.
باسم بص ليهم بعصبيه وطلع ركب العربيه.
عند خديجه. لبست. الملحفه السمرا وعليها خمار لف. ونقاب اسود ولبست البيشه.
ام خديجه. بالله عليكي دي منظر عروسه رايحه تجيب شبكتها
خديجه بمزاح. هو في احلا من كده. وبغرور مصتنع. نحن نختلف عن الاخرين.
مرات اخوها. ياخديجه الدين يسر. وبعدين انتي مش مخطوبه لاي حد. ده مال وجمال وعيله.
خديجه بمزاح. انا حاسه اني في حد بيحسدني. الظاهر كده الواد هيموت وهعنس بسببك.
مرات اخو خديجه. لا انا بقر بس مبحسدشي.
خديجه ايوه اذا كان كده ماشي.
ام خديجه بغيظ. سبيها. هي ادماغها ناشفه وتعبه قلبي دايما.
خديجه بحب. انا اقدر برده. بس. صدقيني انا مرتاحه كده. وحاسه اني ربنا بيحبني باللبس ده. حجاب. امهات المؤمنين. انا متاكده الاسود مش كل الدين. ولكن الملكه دايما زيها مميز عن عامة الشعب. وانا ياماما عايزه اكون مميزه دايما.
ام خديجه. ربنا. يبارك فيكي. نفسي اشوفك بالوان. وتلبسي زي البنات. كده. اي بنت مكانك كانت ابدعت عشان تعجب عريسها.
خديجه بابتسامه. اولا. عريسي لسه مبقاش زوجي عشان يشوفني من غير زينه. او بلبس. عادي. زيه زي الغريب.
ام خديجه. يابنتي هتتعبي. فكيها شويه.
خديجه بمزاح. لا انا فكاها خالص ياماما. هههه
ياماما. مستحيل ربنا يضيعني. ابدا.
ام خديجه. ربنا يهديكي.
خديجه بحب اللهم امين. يارب.
وصل باسم وعيلته عند خديجه وسميه معاهم.
خديجه. كانت حاطه روچ. وكريم. عشان لما حماتها تطلب تشوفها.
سميه وياسمين دخلو علي اوضة خديجه علي طول.
سميه بسعاده. خديجه. اخيرا. هبقي صاحبة العروسه
ياسمين بفرح. وانا اخت العريس.
خديجه بزعل طفولي وانا. هبقي ايه
الاتنين. في صوت واحد. العروسه.
خديجه بمزاح. هههههه فكرتوني. كنت ناسيه.
سميه بحب. بس ماشاء الله عليكي ياخديجه ايه الحلاوه دي.
خديجه بس بقا بتكثف. وبعدين انتو اللي موزز اوعي تاخدي الواد مني. ههههه
سميه. لا ياختي مبروك عليكي
خديجه. لا مادام. قلتي. خديه مايغلاش عليكي.
ياسمين. ههههه تعالي شوف ياباسم خلوك كيلو روز بيتعزمو عليه.
خديجه. ههههه بس بقا خليني اظبط البيشه عشان يومنا طويل.
ام خديجه. يلا يابنات عشان نلحق نجيب الشبكه.
البنات جريو وسابو خديجه.
خديجه بدهشه. ايه الغباء ده مش يستنو اجري معاهم.
ام خديجه. يلا ياحبيبتي. الناس مستنيه بره.
خديجه بحب. حاضر ياماما.
باسم. اول ماشاف خديجه. بيبص عليها. عايز يشوف عنيها حتي. ايه ده.
خديجه. انا هركب. مع بابا واخواتي.
باسم بدهشه. نعم. تركبي مع مين.
خديجه بخجل. حضرتك انت لسه. اجنبي عني. يعني مينفعشي اركب معاك.
ابوباسم.بيغيظ ابنه خلاص تعالي اركبي معايه انا.
ام باسم. مينفعشي ياابو باسم لازم العرسان يركبو مع بعض.
خديجه بخجل بس مينفعشي حضرتك اركب معاه لواحدي.
عبدالرحمن. بس انا هحل المشكله دي بذكائي. انا هركب جنب باسم وخديجه تركب ورا هي والبنات. ومش مهم. اعتبرني خطيبتك ياباسم لغاية ماتتجوزو
كلهم فضلو يضحكو علي عبد الرحمن. وباسم. بيبعت نظرات.نار لخديجه. بس خديجه مش شايفاها لاني عنيها في الارض.( الله. رقيب علي نظرة عيونها. )
عبد الرحمن بمزاح . بيغيظ خديجه. قولي ياباسم. سبت بنات العالم كله وملقتشي غير الوليه اللي ورايا دي. يابني. هتكرهك في نفسك. الاباجورة دي حرام. التلفزيون ده حرام. ههههه بس اكتر حاجه مستحيل تحرمها الاكل.
خديجه هتولع في عبدالرحمن بس مش عايزه تبين.
البنات بيضحكو بصوت واطي علي كلام عبد الرحمن.
باسم سرح في كلام عبد الرحمن. معقوله هي معقده اوي كده. زي مااخوها بيقول.
(الله يسامحك ياعبد الرحمن. هتطفش العريس اللي حليتنا. ماصدقنا ياراجل )
خديجه بغيظ وبتهمس لياسمين. امسكيني يا
ياسمين هولع في اخويه.
ياسمين بضحك. اسكتي عشان هيسمعك.
وصلو عند بتاع الدهب.
خديجه بتنقي. حجات شيك. وبسيطه جدا.
ام باسم بدهشه ايه ياحبيبتي. اللي انتي بتختاريه ده. لا. هاتي اللي انتي عايزاه كله. انتي مش اي حد
خديجه بصوت واطي. لا كفايه انا اختارت. دول.
ام باسم بصدمه. خاتم ودبله. بس.
خديجه.باستغراب. ايوه. كفايه.
ام باسم قولي حاجه ياام خديجه مينفعشي اللي بنتك بتعمله. مش قيمة بنتك دي
ام خديجه بحب. احنا بنشتري راجل يتقي ربنا في بنتي. وبعدين قيمة بنتي مقدرهاش بالفلوس ياام باسم
باسم بيبص لخديجه باعجاب. هو كده كده. وصي.
علي طقم الماظ. من بره. بس. هو عمل موضوع الشبكه دي حجه عشان ييجي يشوفها.
بس مكنشي يتخيل تفكير خديجه ده.
اشترو كل حاجه. والامهات قررو يروحو لانهم تعبو.
فضل الشباب بس هما اللي هيشترو باقي الحجات. اللي ناقصه.
خديجه والبنات دخلو المول يختارو فستان لخديجه عشان كتب الكتاب. وعبدالرحمن. وباسم. استنوهم في الكافيه.
عبدالرحمن بجديه. انت هتاخد جوهرة البيت ياباسم. خلي بالك منها
باسم بدهشه.في نفسه مين اللي بيقول كده. انت ده انت اكتر واحد بتخوفني منها.
باسم بجديه. متخافشي علي اختك.
عبدالرحمن بمزاح. لا مش خايف عليها هي قويه وتعرف. تصرف نفسها. بجد ماشاء الله عليها. انا بتمني. اتجوز واحده في نص اخلاق والتزام خديجه. انا مبقولشي كده عشان اختي. بس فعلا هي ونعمه البنت الصالحه. مفيش زيها كتير.
باسم باعجاب. فعلا هي. مفيش منها كتير.
ياريت البنات كلها تبقي زي خديجه. ولكن البنات اليومين دول بيسابقو مين. يتخلي عن حياءها اكتر.
عبدالرحمن بجديه. فعلا ياريت البنات ترجع لحيائها. ولبس الشرعي اللي ربنا امرهم بيه. ويبطلو يقلدو الكفار في لبسهم. وللاسف البنت تقول علي نفسها محجبه وتلاقي نص شعرها طالع من الطرحه. ولابسه لبس. استغفر الله مرات ابو جهل مترضاش تلبسه.
باسم. بس ليه حاسس اني خديجه مختلفه عنكو يعني. شايف باباها عادي جدا. ومامتها برده وانتي واخوك
عبدالرحمن بفخر. سبحان الله. هي من فترة كبيرة قررت ترجع لربنا بس ايه السبب انا مش عارف. ومن بعدها. بقت كده ماشاء الله عليها. بس هي الاول مكنتشي ملتزمه. بس ربنا رزقها عقبال ماربنا يرزقني انا كمان. لاني فعلا الواحد حاسس انو بعيد قوي عن ربنا.
باسم لسه هيتكلم. البنات. ايجو عليهم.
ياسمين بهدوء. احنا خلصنا يلا بقا عشان تعبنا بجد.
وصلو البيت. طبعا. البنات اكلو مع خديجه في اوضتها. والرجاله اكلو مع الرجاله. وبعد ماخلصو. اللي صلي. واللي مبيصليش للاسف.
خديجه بحب. بجد. انا بحبكو قوي شكرا علي وقفتكو معايه في يوم زي ده.
ام خديجه. تعالي ياعروسه باسم عايز يتكلم معاكي شويه
خديجه بتوتر. عايز ايه ياماما
ام خديجه بسعاده تعالي وانتي تعرفي.
يلا يابنات. نروح نشوفو عايز ايه
ياسمين باستغراب. هو عايزك انتي.
خديجه بجديه. وايه يعني كلنا واحد. تعالو بقا. يلا
وصلو البنات عند باسم عبدالرحمن بس اللي كان قاعد معاه كمحرم لخديجه.
والباقي قاعدين بره. بيشمو هوا.
باسم. بيبص لخديجه تحبي القاعه تكون فين.
خديجه باستغراب لانها عمرها ماراحت قاعات قبل كده لانها بتكون افراح مختلطه.
خديجه بهدوء. وحضرتك عايزني اختار القاعه ليه
باسم بدهشه. عشان نعمل فيها الخطوبه.
خديجه حضرتك الخطوبه بأذن الله. هتكون هنا في البيت. والاشهار في المسجد
باسم بدهشه نعم. وده ازاي.
خديجه بجديه. انا والبنات هنكون فوق وحضرتك والشباب هتبقو تحت.
باسم. ازاي. هو كمان. هنكون منفصلين. في الخطوبه
كمان.
خديجه بجديه ايوه طبعا.
عبدالرحمن. هههههه حبيت اكون المحرم عشان اشوفك وانت مصدوم. اصبر هو انت لسه شوفت حاجه.
خديجه بتبص لاخوها بغيظ.
عبدالرحمن. ههههه انا معزوم يااخت خديجه ولا اروح اتعشي بره. اليوم ده.
باسم بغيظ من خديجه. وليه يعني مش عايزانا نعمله في قاعه ونبقي مع بعض في الكوشه. والناس كلها. مع بعض ليه عايزه تفرقي الدنيا كده.
خديجه بهدوء. اولا. حضرتك عايز قاعه. يعني اغاني. يعني رقص واختلاط.
باسم وايه يعني ده يوم في العمر. بلاش نفرح.
خديجه بجديه ومين قال منفرحشي. بالعكس. لازم نفرح. بس مش عشان نفرح نغضب ربنا
باسم باستغراب. هو يوم واحد وبعد كده اعملي اللي تعمليه.
خديجه بجديه. وانا موافقه.
باسم بابتسامه. كويس.
خديجه بجديه. بس تكتب ليا ورقه. وتروح تخلي ملك الموت يمضي عليها انو ماياخدشي روحي اليوم ده. وقول لربنا انا اللي عايز كده. متغضبشي عليها اغضب عليا انا بس. وقول للملائكه ماتكتبوش ذنب كل واحد عمل معصيه في الفرح ده. علي خديجه.
باسم بدهشه. لا طبعا مينفعشي اعمل كده.
خديجه يبقي خلاص. مفيش قاعه. انا مش عارفه هموت امتي. مش هروح اعصي ربنا. وحاجه تانيه انت عايز تقنعني لما ربنا انعم عليا بالزواج وفي بنات كتيرة محرومة من هذه النعمه. لما اروح اعمل فرح واغضب ربنا. ربنا هيباركلي في زواجي. اكيد مستحيل. هينزع البركه. وحياتنا هتكون. اسوء حياه لاننا بداناها بمعصية الله وجهرنا بالمعاصي.
باسم. طيب هنعمل ايه. عشان اكون عارف.
خديجه بابتسامه لانها فرحت انو اقتنع.
خديجه ان شاء الله خليها مفجأه.
باسم. حاضر. هستني.
عبدالرحمن بمزاح. اه اه ياعيني. هنفجأك يامعلم. مش بعيد تفجر قنبلة وتقول بحيي المعازيم. اوواحده جايه بلبس مش عاجبها. تقتلها اوتقيم عليها الحد.
خديجه بتكز علي سنانها. عبدالرحمن ممكن تخف. خفة دمك شويه.
باسم بيبص لعبد الرحمن ولعايز يضحك.
يتبع..........نبدأ بذكر الله الا بذكر الله تطمئن القلوب 💕
البارت 25
*روايه_ملتزمه_تزوجت_من_رجل_اعمال*
خديجه فاقت. وقامت صلت القيام. وبتدعي ربنا انو يختار ليها ولا يخيرها. وكمان ان يكمل فرحتها علي خير. وانها تفرح من غير ماتعصي ربنا
والليله دي تكون مميزه.
انتهت خديجه من صلاتها وقرات وردها ونامت. عشان تكون فايقه
عند باسم. فرحان لاني خديجه خلاص. هتبقي مراته النهارده.
خديجه صحيت. وعملت فطار وقعدت هي وعبدالرحمن يفطرو.
عبدالرحمن بفرح. عندنا فرح النهارده واخيرا خديجه هتتجوز ونخلص منها بقي. يااااه اليوم اللي مكنتش اتخيل انو ييجي. اهو جه.
خديجه بغيظ. ليه. يااخويه حد قالك. اني هعنس.
عبدالرحمن باستفزاز هو لازم حد يقلي. هي كانت واضحه للاعمي.
خديجه بغيظ. قوم ياعبدالرحمن. عشان ماندهشي علي بابا. يظبطك
عبدالرحمن بفزح مصتنع انا خوفت. انا قايم اهو
خديجه بغيظ. يلا بقاا عشان نلحق نجهز.
عبدالرحمن باستفزاز هو حد قالك اني هحضر اصلا انا رايح لصحابي. وهبقي اتنازل واجي اباركلك بالليل. تواضعا مني.
خديجه بغيظ. عبدالرحمن متعصبنيش. قوم قدامي.
عبدالرحمن ببرود. وانا قلت. مش معزوم.
خديجه طيب انا هنادي علي بابا
عبدالرحمن. جري قدام خديجه.
خديجه بضحك. انا قلت الواد ده اهبل محدش صدقني
وبدات التجهيزات.
خديجه بتعمل الزينه وبتكتب الورق. اللي هتوزعه. وبتعمل البلالين. وكمان. بتظبط المكان. كويس.
عبدالرحمن بيظبط السماعات وبيجهز قاعده لرجاله. وبيستفز خديجه كل شويه.
ام خديجه. بتعمل الاكل هي والجيران لانهم بيحبو خديجه.
العيال. بيهيصو في الشارع. النهارده فرح معلمتهم.
حسن اخو خديجه بيركب الانوار. وبيظبط الاضاءه.
ابو خديجه. بيظبط. الورق بتاع كتب الكتاب وبيعزم. لكتب الكتاب.
خديجه بتكلم مني بعصبيه.
السلام عليكم. فينك ياصديقتي. المهم تكوني هنا من امبارح.
مني باستفزاز هو حد عزمني. وبعدين هاجي ابارك وامشي.
خديجه بغيظ هو انا هلاقيها منك ولا من الواد اللي هنا
مني بضحك هههه عبدالرحمن برده. ده هيخليكي تمشي تشدي في شعرك.
خديجه انا هعيط. مش عايزه اتجوز خلاص.
مني بضحك. ههههه عادي والله. الموضوع سهل جدا. اهدي كده. وربنا مش هيكسفك ابدا.
خديجه براحه. والله لن يخزيني الله ابدا.
المغرب اذن. والكوافيره عايزه. تحط لخديجه الميكب. وخديجه رافضه. عايزه تصلي الاول.
يلا يابنات نصلي المغرب وبدو وصلت خديجه بيهم جماعه. صلاه بخشوع. ودعت الله ان يرزقها الثبات حتي الممات.
انتهت من الصلاه. وبعد كده. جهزت. وبدا. كتب الكتاب.
عبدالرحمن بمزاح امضي يلا خلينا نخلص منك.
اخيرا جت اللحظه. اللي هتمشي وتفضي اوضتك. يااه
خديجه بتوتر. مضت. علي القسيمه.
عبدالرحمن بمزاح. انا هخليه يمضي علي وصل امانه البضاعه. لاترد ولا تستبدل احنا ماصدقنا.
البنات كلهم ضحكو علي عبد الرحمن.
خديجه بابتسامه للبنات. بجد انا فرحانه جدا انكو شاركتوني فرحتي. عقبال كل بنت ربنا يرزقها بالزوج الصالح. الورق اللي اتوزع عليكو ده ياريت تقرءوه في البيت
اوعو تاكلو الشيكولاته وترمو الورقه.
خديجه بمزاح. طبعا الفرح فرحنا. واتكلم براحتي.
هتكلم. عن. موقف بسيط حصل لصحابي جليل.
الصحابي ده اسمه حنظله. كان اكتر حاجه بيحبها هي الجهاد في سبيل الله. المهم سيدنا حنظله ده. تزوج. واحده اسمها جميله. تبقي بنت عبدالله بن ابي سلول. عليه لعنة الله.
سيدنا حنظله يوم صباحيته الصبح سمع. حد بيقول. حي علي الجهاد. قام مفزوع. لبس هدومه من غير مايغتسل. من الجنابه. خاف. ليمشو ويسيبوه.
المهم. الغزوه دي كانت احد. وفضل. يقاتل الكفار. لغاية. لما. واحد من الكفار قتله. المهم الصحابه وهما بيجمعو الشهداء اللي ماتو. لقو. سيدنا حنظله غرقان في دمه. وفي ميه بتزل عليه.
فضلو ينادو علي النبي صل الله عليه وسلم عشان يعرف ايه الميه دي.
النبي قال الملائكه بتغسل حنظله. لانه كان في جنابه.
شوفتو يابنات. يعني. عادي لو مكنشي طلع. للجهاد لاني النبي مش امرو بكده عشان هو عريس لسه.
ولكن. هو كان هدفه انو يموت شهيد. وهو بيقاتل الكفار. عشان كده انا بحاول اقلد. حنظله. متستغربوش لما اتكلم عن ربنا في يوم فرحي. لاني نفسي اموت وانا بدعي الي الله.
البنات. بجد القصه جميله وفعلا الواحد ميضيعشي وقت ابدا.
مني. الواحد ميعرفشي هيموت امتي.
ياسمين بحماس. بجد. ياريت تحكيلنا قصة تاني
خديجه بضحك. هههه لا ياختي احنا هنشغل الاناشيد ونرقص. عشان النهارده فرحي ياجدعان. او كتب كتابي مش مهم.
البنات هههههههههه
خديجه بمزاح. وقرينا فتحته ولبسنا دبلته وهطلعه علي جتته. ان شاء الله.
ياسمين بضحك. ياعيني عليك يااخويه.
البنات شغلو اناشيد. وخديجه بتعلمهم ازاي يعملو زيها. والاناشيد بالدف وغيره.
ننزل عند الرجاله.
عبدالرحمن بمزاح. قلبي عندك ياباسم يااخويه.
باسم بدهشه. ليه يابني هو انا بحارب ده انا بتجوز. وكمان اختك.
عبدالرحمن بمزاح. الحرب. ارحم. والمصيبه انك هتتجوز اختي.
باسم بصدمه. انت يابني بتخوفني ليه.
عبدالرحمن بضحك ههههههه بكرة تعرف.
ابو خديجه. يلا ياعبدالرحمن. طلع باسم لعروسته عشان يلبسها الشبكه.
باسم في نفسه. اخيرااا. ياتري. هتكون لابسه ايه. لو اسود. انا هطلقها.
عبدالرحمن بضحك. سرحان في ايه ياعريس. يلا عشان تشوف العفريته. قصدي عروستك. ههههه
باسم بابتسامه. يلا ياخويه.
عبدالرحمن. نادي علي مرات اخوه. وخلاها تعرف البنات. انهم داخلين.
مرات. اخو خديجه. قالت للبنات العريس جاي. بس ماقلتشي لخديجه.
خديجه مركزه في الهبل اللي بتعمله. ومرات اخوها مرضيتش انها تقول ليها عامله فيها مقلب. (الله يرحمك يامرات اخوها ههه)
باسم دخل لقي البنات كلهم واقفين وواحده بس عماله تدوخ بالفستان. وفرحانه بيه.
باسم وقف ومسك ايديها. وقفت خديجه بصدمه. لقت باسم ماسك ايديها. وبيبص عليها.
خديجه بتوتر. محدش قالي ليه انك طالع.
باسم بيبص لخديجه. طالع البسك الشبكه.
خديجه بتوتر.وكسوف. ااا نا هلبسها.
عبدالرحمن بمزاح. عشت وشوفت. خديجه اختي. مكسوفه. ياااه. اخيرا شوفتك قبل مااموت.
خديجه بتبص. لعبدالرحمن بغيظ. ماشي. ياعبدالرحمن.
باسم. بيلبس. خديجه الشبكه والبنات بيسقفو بسعاده. وخديجه هتموت من كتر الخجل. وفرحانه في نفس الوقت لاني ده حلمها. اني زوجها اللي يلبسها الشبكه.
ياسمين بسعاده. يلا بقا ارقص. مع خديجه.
خديجه بتبص. لياسمين بغيظ.
سميه بفرحه. ايووه يلا. ارقصو.
خديجه بجديه. لا مينفعشي. احنا بنات في بعض.
باسم. مش عايز يسيب خديجه وينزل.
عبدالرحمن. يلا بقا ياعريس. ولما البنات. تمشي يبقي اقعد مع مراتك براحتك.
خديجه بصت في الارض. وباسم فرح من كلمة مراته.
ام باسم. جميله قوي ياخديجه وانتي مكسوفه. وشك بقا عامل زي الطماطم بالظبط.
البنات ههههههه.
خديجه بهدوء. جزاكي الله خيرا ياماما.
وانتهي الفرح بعد ماالبنات تعبو من كتر. الرقص. وطبعا. الرقص مش هزة وسط والكلام ده. لا هما بيحركو دراعهم. وكمان بيتطنطو ويدوخو. وبيرقصو سلووو مع بعض. خديجه طبعا. كانت بتحاول. علي قد ماتقدر. انها تحبب البنات في الافراح الاسلاميه.
فكانت بتعمل فقرات مزاح. مرة مع مني. ومره مع ياسمين وسميه. وبتقلد الاصوات. وبتفضل تضحك.البنات. وفعلا اكتر البنات فرحو بفكرة الفرح الاسلامي. لانهم ضحكو وهزرو وفرحو. من غير مايغضبو ربنا ويفتنو الشباب. وصلت خديجه بيهم العشاء. جماعه. وشرحت ليهم. ايه. لمست قلبها. وفضلو يعيطو.
وانتهي اليوم بسعاده علي ابطالنا. وتاني يوم خديجه. راحت الكليه لاني الغياب هيأثر علي تقديرها وهما يومين في الاسبوع.
خديجه بسعاده. اخيرا. حضرنا المحاضرة وفهمت حاجه.
مني بغيظ ،واحده غيرك. المهم. كانت تبقي صاحيه طول الليل. تكلم. خطيبها. مش زيك. نمتي من بعد مامشينا. انتي كرهتي الواد في حياته.
خديجه بجديه. بصي يامني. انا عارفه انو بقي جوزي دلوقتي. وينفع اكلمه براحتي. ولكن مش عشان حقه اضيع حق ربنا.
مني باستغراب. ضيعتي حق ربنا في ايه.
انتو امبارح مشيتو حوالي. تسعه ونص. يعني. ميعاد نومي. لو فضلت فاتحه. الموبيل كان هيفضل يرن. وطبعا. لازم اكلمه. واسهر. واضيع. القيام وصلاة الفجر. واضيع دراستي. انا قفلت الموبيل وهو لو رن عليا دلوقتي هرد عليه واكلمه. لازم يعرف الفرق. بين الخطوبه وبعد كتب الكتاب فعلا هو تعب. ايوه الفرق بين الخطوبه وكتب الكتاب اسبوعين. بس انا طلعت عنيه فيهم.
وطبعا هيبقي شرطي انو ميرنش عليا بعد صلاة العشا. لاني مش هرد. عارفه ليه. لاني الشيطان. بيحب يعمل اي حاجه في الوقت ده
عشان تسهري. وتضيعي. قيام الليل. حب ربنا عندي اهم من حب اي مخلوق في الدنيا.
مني باعجاب. ربنا يبارك فيكي ياخديجه. يارب اكون زيك.
خديجه بحب انتي احسن مني.
مني بجديه. لا والله.انتي ماشاء الله عليكي. دايما ربنا الاول في حياتك.
خديجه بحب. ربنا كريم ورحيم. وانا اهم حاجه اني ارضيه. وبرده. هرضي زوجي. بأذن الله بس مش علي حساب علاقتي بالله
موبيل خديجه رن. ورقم غريب. ياتري مين وعايز ايه
يتبع............
بقلم الكاتبه جهاد سعيد محمد
﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
[ الأحزاب: 56]
•تابع فصول الرواية "رواية ملتزمه تزوجت من رجل اعمال" اضغط على اسم الرواية