رواية مراهقه اوقعتني في حبها (كاملة جميع الفصول) حصريا عبر دليل الروايات بقلم امل احمد
رواية مراهقه اوقعتني في حبها الفصل السابع والعشرون 27
بارت جديد يا بشررر😂🤍
رأيكوا يا جماعه الخير إلى بتقرأ وتمشى👀👩🏻🦯
روايه
مراهقه أوقعتني في حبها
البارت ال27
بقلمى أمل احمد🖊️
مى فى اللحظة دى مقدرتش تمسك نفسها وهى متخيله كل الى بيحصل و خرجت فجأة من الحمام بعصبيه وچيسى اتصدمت
مى بعصبية : ممكن افهم انتى بتعملى اي هنااا
چيسى :اى دا انتى ايه الى جابك هنا
مى بعصبية :أنا إلى المفروض اسألك انتى بتهببى اييه هناا ومع جوزى
باسل :مي أهدى
چيسى بمياعه وخبث بمحاولة أنها توقع بينهم :طب منا كمان قاعده مع جوزى
باسل كان هيتعصب لكن جاتله فكره أنه يمثل على چيسى أنه اعجب بيها قدام مى
باسل ببردو ل مى :مى لوسمحت اتكلمى معاها عدل
مى بصدمه : دا بدل ما تهزقها هى على مياعتها وقله ادبهاا تقولى اتكلمى معاها عدل
چيسى بابتسامه خبث : وانتى مالك أنا بتدلع على جوزى حبيبى
باسل اتقرف من طريقتها واتضايق من جواه لكنه حكم عقله وقرر أنه يعرف كل حاجه بطريقته
باسل بحده ل مى :ممكن تخرجى و تسيبينا شويه لوحدنا
مى بصوت عالى :لاااء استحاله اسيب البنى ادمه القذره دى تقعد معاااك
باسل بزعيق : ميييي قولت اخرجيييييى
مى اتصدمت اكتر والدموع بدأت تتجمع فى عينيها
مى بدموع :تمام يا باسل هخرج بس مكنتش اتوقع انك تبقى كداا ..وبصتله نظره اخيره مليانه بالعتاب والخذلان وخرجت
باسل بصلها بحزن واتضايق جداً من جواه من نظرتها و أنه عاملها كدا وقطع سرحانه أيد چيسى بتتحط على كتفه ..باسل بص لأيديها وبصلها بحده ورفع حاجبه ..چيسى خافت ونزلت ايديها
باسل حاول يتعامل معاها كويس عشان يقدر يقررها
باسل بابتسامه مصطنعه :خير ياااه ساره كنتى عايزه حاجه
چيسى بابتسامه انتصار وهى بتقرب منه وبتحاوط ايديها برقبته :اه كنت عايزه اقولك ..قاطعها وهو بيشيل ايديها من علي رقبته بضيق
باسل :ساره مش معنى انى سمحتلك تتكلمى معايا معنى كدا انك تتخطى حدودك معايا ف ياريت تحترمى نفسك بدل ما اتعامل معاكى بأسلوب مش هيعجبك وانا قلبتى وحشه و وحشه اووى كماان تماااام ..قالها بحده وهو بيبص فى عينيها بتحدى
چيسى اتغاظت من طريقته و وفائه لمراته خاصه انها جميله جدا
چيسى بضيق :تمام
باسل قعد على الكنبه وحط رجل على رجل وشاورلها تقعد وهى كانت هتقعد جمبه
باسل وهو بيشاور لها على الكرسى إلى قدامه :مش من قله الكراسى اتفضلى اقعدى هناك
چيسى اتضايقت اكتر وقعدت على الكرسى
باسل :ممكن افهم قولتى لامى ايه وجيتى ليه
چيسى بنحنحه :احم أنا جيت عشان اشوفك يا باسل وبعدين أنا مقولتش لطنط حاجه غير إلى حصل بينا
باسل بعصبية :انتى هتستعبطى بروح امك دا على أساس انى اعرفك اصلااا ..وعدل نفسه واتكلم بحده ..بصى بقا هاتى من الآخر كداا وقوليلى انتى بتعملى كدا ليه
چيسى بخبث :عشاان ااه بحبك
باسل بسخريه :بت ايه بتحبينى وانتى تعرفينى منين عشان تحبينى
چيسى :اه بحبك انا عارفاك بقالى مده ولما كنت بتيجى الشركه كنت أنا سكرتيره مستر شريف وكنت بشوفك على طول
باسل اتصدم و اتنفض من مكانه وهو بيقولها باستغراب :وانتى تعرفى انى شغال فى الشركة من امتى
چيسى بخبث :ياااه من اول ما جيت فيها كدا عشان تساعد مستر شريف .. واتكلمت بنحنحه هو صاحبك؟
باسل :اه صاحبى بس مش غريبه انك بتقولى انك سكرتيرته وانا عمرى ما شوفتك هناك ولا حتى قبل كدا فى اي مكان
چيسى بسرعه وبتوتر :احم اه مناا منا كنت عايشه برا فى ألمانيا ولسه راجعه من مده صغيره
باسل بشك :اممم تمام
چيسى بسرعه :ااه المهم مش دا موضوعنا أنا بقولك بحبك
باسل :وانتى لما تحبى حد بتخربى بيته وتزعلى أمه منه
چيسى بصعبانيه مصطنعه :I'm sorry بجد يا باسل أنا مش قصدى أوقع بينك وبين مامتك بس بالنسبه لمراتك ف دى هى إلى خدتك منى ف استحاله احبها
باسل :دا على أساس انى باخد رأيك ف امى وفيها ما عنك ما حبيتها..بقولك ايه امشى من قدامى دلوقتي ولسه كلامنا مخلصش وانتى هتباتى النهارده فى الفيلا مش لجمال عيونك لاء عشان خاطر امى إلى ربنا يهديها و اياكى ثم اياكى تفكرى مجرد تفكير بس انك تيجى جمب مى لأن إلى بيجرحها بمجرد الكلام أنا بهينه وبهين إلى جابوه و متفكريش انك هتطولى هناا وكل شيء بحسااب اتفضلي..
چيسى اتعصبت جداً من كلامه الى هى مضطره تسمعه وخرجت بهدوء وهى بتلعن طارق إلى حطها فى الموقف دا فى سرها ونزلت ..
داليا بلهفه :هاا اتكلمتى معاه
چيسى بصعبانيه :دا هزقنى يا طنط وقالى أنه سايبنى عشانك بس ومش هتطول هنا كتير يرضيكى كداا أنا على فكره بنت ناس مينفعش يتكلم معايا كدا
داليا :منا قولتلك دا ابنى وانا عارفاه ومش هيقبل منك حاجه خاصه الحربايه إلى واكله بعقله حلاوه
چيسى بصعبانيه :طيب وبعدين هنعمل ايه يا طنط
داليا بخبث :بصى بقا انتى مش هتعملى اى حاجه انتى هتقعدى كافيه خيرك شرك وانا الى هعمل
چيسى بابتسامه متسعه :هتعملى ايه يا طنط هااا
داليا بخبث :اتقلى وشوفى أنا هعمل ايه ..
_______________________
عند مى
كانت قاعده فى اوضتها صلت فرضها وماسكه المصحف وبتقرأ وهى بتعيط وسمعت صوت خبط على الباب
توق توق توق
مسحت دموعها واتكلمت بصوت مهزوز
مى :م مين
باسل قلبه وجعه أما سمع نبره صوتها وفتح بسرعه ودخل وقفل الباب وقرب منها
باسل وهو بيبصلها بصدمه :مى انتى بتعيطى كدا ليييه أهدى ..وكان هيضمها لحضنه لكنها بعدته عنها بأيديها بقوه
مى بدموع :سيبنى يا باسل واطلع مش عايزه اشوفكك
باسل بابتسامه :طب يرضيكى سولك حبيبك يخرج من غير ما يصالحك
مى بجديه :اطلع براا يا باسل
باسل قرب منها وقفل المصحف بهدوء وفكلها الطرحه وفك شعرها
مى بعصبية :اعااااااا سيب الطرحه
باسل بابتسامه :بحبه كدا
مى وهى بتلم شعرها بعصبية : و أنا مش فارق معايا تحبه ازاى ..باسل شد التوكه منها بمشاكسه
مى بعصبية :اععع باسل هات التوكه
باسل ببردو :لا قولت سيبه كدا
مى بصوت عالى :وانت مالك اسيبه ازاى هو شعرى ولا شعرك هات التوكه وبطل رخامه
باسل بدأ يقرب منها وهى بترجع ل ورا بتوتر
باسل بخبث :انتى صوتك على صح
مى بتحدى عكس إلى جواها :اه صح ومن هنا ورايح صوتى هيعلى كتير عارف ليه لان مش هيبقى ليك حكم عليا
باسل ببرود :لا سورى مش واخد بالى مش هيبقى ليا ايييي
مى :باسل بطل برود واه مش هيبقى ليك حكم عشان هتطلقنى
باسل و هو بيمسك ايديها بعنف واتكلم بحده :انتى زودتيها اووى يا مى وانا إلى كنت ناوى اصالحك وافهمك أنا عملت كدا مع الزفته دى ليييه بس ازاى سيادتك صدقتى زى الهبله وعماله تعلى صوتك وانا سايبك وعذرك عشان الصدمه الى انتى فيها لكن تهبلى فى الكلام وتقولى نطلققق انتى بتستهبلييييي أوعى تجيبى السيره دى علي لسانك تااانى انتى فاهمه
مى بدموع :اوعى اوعى سيب ايدى بتوجعنى
باسل بعصبية عاميه ولسه ماسك ايديها بقوه :مفيش طلااااق يا ميي وهتفضلى على ذمتى لحد ما اموووووت
مى بعياط : اي ..ايدى ..بت بتوجعنيي ..باسل أدرك أنه مطبق على ايديها بقوه سابها بسرعه ورجع شعره لورا بعنف ومسح على دقنه بعصبيه وكان متضايق جداً على طريقته معاها
و مى فى وسط عياطها خدت المصحف بهدو ولبست الطرحه واتجهت للباب
باسل بعصبية قليله :ميي راحه فيين
مى :لا رد
باسل :ميي أنا بكلمك راااحه فيييين
مى بصتله بعيونها الرماديه إلى الدموع مغرقاها :لما كان حد بيكسر بخاطرى كنت انت إلى بتدافع عنى دلوقتي انتى إلى بتكسر بخاطرى ..وسابته ونزلت
باسل اتضايق من نفسه جداً وكلامها اثر فيها وبقى فى حاله جنونيه من العصبية
باسل بعصبية : ياربي كاان المفروض اكلمها بطريقه احسن من كدااا
كلللله منهاااااا الزباااااله وغلاوتك عندى يا مي لاخدلك حقك منهااا ومنيي ..واتصل على كريم (رئيس الحرس وكمان بيعتمد عليه فى اي حاجه)
كريم :الو باسل بيه
باسل بعصبية :كرييم عايزك تجبلى قرار الحيوانه إلى فى الڤيلا
كريم وهو مش فاهم يقصد مين :احم تقصد مين
باسل :الزفته ساااره عايزك تجبلى ملف كامل عنها بتشتغل ايه ومكانها فين وأصلها ايه واتاكد اصلا اذا كان اسمها ساره ولا لاء بسرعههه
كريم :تمااام أمرك..وقفلوا
باسل قعد على الكنبه واتنهد بضيق وسند راسه وهو بيحاول يهدى نفسه ..
________________________
عند مى
داليا وچيسى كانوا قاعدين بيتفرجوا على التلفزيون
وداليا لمحت مى نازله بالاستدال وعيونها وارمه و شاورت لچيسى
داليا بخبث ل مى :اى يا حبيبتى إلى منزلك فى الوقت دا خيير
مى بدموع بتحاول تداريها :ابدا نازله اشم شويه هواء
چيسى بخبث :هههه سيبيها يا طنط تشم هواء ليها حق تتخنق بعد ما اتأكدت من إلى بينى وبين حبيبى باسلل
مى وكأن سكينه طعنت قلبها وحاولت تحبس دموعها الى على وشك الانفجار وتتماسك قدامهم واخيرا اتكلمت
مى :لاء واضح انك فاهمه غلط سبب الخنقه هى أن فى ريحه خبث و رخص ماليه المكان وعشان كدا لازم أخرج واشم نفسى ..وكملت كلامها وهى بتبص لداليا
مى :ابقى رشى معطر يا طنط ..وسابتهم وخرجت فى عز غيظهم
داليا قامت وقفت بعصبية :ازاى البت دييى تكلمنى كدااا
چيسى وهى تحاول الإشعال بينهم اكتر : دى شايفه نفسها اوى يا طنط المفروض واحده زى دى تعرفيها مقامهاا
داليا وقد نار الحقد اشتعلت بداخلها وعيونها احمرت :فعلااااا لازم نعرفها مقامها ..واتجهت للجنينه فى المكان إلى قاعده فيه مى
مى كانت قاعده على كرسى قدام حمام السباحه تحت إضاءة هاديه بتقرأ قرآن بصوتها الجميل وكان بدأت ترتاح لاندماجها فى القراءة لكن جات داليا و وقفت قدامها بتكبر ومى كانت مستمره فى القراءة ومدتهاش اهتمام
داليا بحده :صدقى دلوقتي وبصيلي
مى خافت من نبره صوتها الحاده و أنهت قراءة وقفلت المصحف بهدوء و بصت ل داليا وهى بتحاول تكون قويه قدامها
مى :نعم فى حاجه
داليا :لسانك يتعدل ياحلوه وانتى بتتكلمى معايااا
مى :أنا مش مستغربه طريقه حضرتك لأن كان باين من اول مره شوفتينى فيها كان باين الكرهه والغيظ منك ناحيتى وانا مقتنعه ب دا وعارفه انك مش متقبلانى كا ..قاطعت كلامها داليا
داليا :طب كويس انك عارفه كدا يا حبيبتى خلى عندك دم بقا وسيبى باسل لانه هو مش عارف مصلحته وانا أمه وادرى بيه ومينفع واحده تتجوزه غير ساره إلى بتحبه وهوو كمان بيحبهاا
مى والدموع بدأت تتجمع في عينيها : ممكن اعرف ايه سبب كرهك ليا أنا عملتلك ايييه عشان تكرهينى كداا
داليا :بقولك ايه الدمعتين دول مش هياكلوا معايا وبلاش الشغل دا معاياا أنا يا حلوه واخر الكلام انتى تطلبى من باسل الطلاق وعلى فكره برضاكى غصب عنك هتطلقى منه انتى متستاهليهوش وهو بردو ميستاهلكيش هو يستاهل واحده من مستواه وأهلها يشرفواا ..وسابتها ومشيت
مى اول ما داليا مشيت قعدت على الكرسى وحطت ايديها على وشها و انفجرت فى العياط واتكلمت وهى بتشتكى لربها بعياط
مى :يارب هو أنا وحشه للدرجادى عشان يحصلى كدا كل دا عشان حبيته يعمل فيا كدا هو ومامته ياريتنى ما حبيتك يا باسل يا ريتنى ما حبيتككك يارب انا ليه بتعاير بأهلى ليه مش ذنبى أن امى ماتت وان ابويا مش بيحبنى وعلى طول مشغول عنى ومش بيهمه امرى ..وكملت بعياط ..شوفتى يا ماما شوفتى من بعدك حصلى اييه قولتلك مستبنييييش ..ودخلت فى نوبه من البكاء
فى الوقت دا رباب خرجت من المطبخ سمعت داليا وهى بتقول لچيسى
داليا : متقلقيش زمانها بتدور الموضوع فى دماغها وقريب اوى هتسمعى خبر طلاقهم بس ابنى يلين دماغه بسس
چيسى بفرحه :بجدد طب والله انتى احلى طنط فى الدنيا
داليا بتكبر : طبعاً يابنتى هو أنا اى حد دا انا داليا هانمم ..
رباب كانت سامعه الكلام وهى مصدومه وقلبها وجعها لما فهمت أنهم بيتكلموا على مى وخرجت بهدوء عشان تشوف فين مي
ولقتها قاعده مكانها فى الجنينه وبتعيط بشده
رباب جريت عليها بلهفه وخوف وقربت منها وهى مستغربه
رباب :مي مي مالك يا حبيبتى فيكى اييه أهدى ..وبتطبطب عليها مى يا حبيبتى ممكن تهدى وتبطلى عياط بصيلى ياروحى
مى بصتلها بدموع واترمت فى حضنها ومسكت فى حضنها بقوه
رباب وهى بتضمها ليها وقلبها وجعها على حالتها :بس بس اهدى يا ضنايا مالك بتعيطى كدا ليه
مى بتقطع : عي عايزة ام امشى م من هناا كل كلهم مش مش بيحبونى أنا أناا تعبت اووى يا رباااب
رباب بحنان :طب بس يا حبيبتى اهدى بس واحكيلى ايه الى حصل وان شاء الله الأمور هتتحل بس متعيطيش دموعك دى غاليه يا حبيبتى
مى بسخريه :غاليه اي بقا بعد الى سمعته دا فى ناس شيفانى ارخص ما يمكن
رباب بسرعه :قطع لسانه إلى يقول عليكى كدا مين دا إلى يتجرأ ويقول عليكى نص كلمه وكمان وباسل موجود
مى :هاه باسلل ..حتى باسل طلع مبيحبنيش
رباب بصدمه :هو مين دا إلى مبيحبكيش باااسل انتى مستوعبه انتى بتقولى ايه يا مى دا بيعشقك مش بس بيحبك تقوليلى مبيحبكيش انتى مش بتشوفى كان بيبقى خايف عليكى ازاى لما بيحصلك حاجه ومبيرضاش ابدا يجرحك بأى كلام طب انت عارفه فاكره اليوم إلى كنا بنفطر فيه و كنتى عايزه تلعبى بالكوتشى العجيب ابو عجبلات دا ..مى ضحكت
مى :الاسكيت
رباب :ايوااا هو الاستيك دا وانتى ساعتها خلصتى اكل قبله وقولتيله يلا عشان نلعب وانا قولتلك استنى الواد لسه بياكل
مى :اه فاكره
رباب :فى اليوم دا مرضيش يكسر بخاطرك وقالك أنا خلاص خلصت اكل وهلعب معاكى وخلاكى تستنيه برا لما خرجتى كدا عارفه قالى ايه
مى بفضول :ايه
رباب :قالى احرجتيها على فكره ابقى خلى بالك بعد كدا
مى فرحت اوى بس رجعت افتكرت كلامه ليها قدام چيسى
مى :بس انا مش زعلانه منك والله وعموما هو كان بيعمل كدا قبل ما تيجى
رباب باستغراب : هى مين دى
مى :لا متشغليش بالك وشكرا جداً يا رباب لوقفتك جمبى انتى متعرفيش غلاوتك عندى قد ايه بس ممكن اطلب منك طلب
رباب :يا حبيبتى أنتى كمان غاليه عندى اوى يا مى انتى بنتى إلى مخلفتهاش اطلبى يا حبيبتى ياسلام
مى :ممكن تشوفى باسل جعان ولا لاء عشان من ساعه الغداء ما اكلش حاجه خالص
رباب بابتسامه :يا حبيبتى انتى فى عز همك فاكرها ايوه يا عمم الحب وسنينه
مى بسخريه : فعلاً الله يحرق الحب وسنينه
رباب باستغراب :ليه كدااا
مى وهى بتمسح دموعها :مفيش يا حبيبتى بعد اذنك بس روحى شوفيه عشان أنا وهو متضايقين من بعض شويه
رباب :حاضر يا حبيبتى وانا موجوده لو عوزتى اى حاجه او تحكيلى وتفضفضى
مى :ربنا يخليكى ليا يارب يا حبيبتى ..
______________________
عند يوسف
كان معزوم عند فريده على الغداء وكان قاعد عاطف واسماء ويوسف وفريده وبيتكلموا
يوسف بضحك وهو مندمج فى الحكى : والله العظيم يا حماتى وقومت ماسكه من هدومه كدا وقولتله ياعم روح وانت شبه البطه البلدى كدا بالله دى اشكال تسرق و الواد اصلا كان شبه الشماعه مفهوش رجل من قفا منه لله بقا الصنف إلى بيشربوه مخليهم حتى مش عارفين يسرقواا ..اسماء وفريده كانوا بيضحكوا جامد وعاطف كان بيبص علي يوسف بقرف وبيبص لاسماء وفريده إلى بيضحكوا واتعصب عليهم
عاطف :ما خلاص يختى منك ليها ايه على ربيع قاعد قدامكوا
يوسف :اى يا حاج انت متضايق ليه عارف والله انك مش طايقنى بس على قلبى زى العسل كفايه انى قاعد فى وسط جوز المزز دوول ..قالها وهو بيغمز
عاطف بصدمه :نهار ابووك مش معدى انت بتعاكسهم قداااامى يا حلوف انتتت
يوسف :احم يا حاج قولنا احترم امى عشان البرستيچ إلى ادمر قدام بنتك
عاطف : ولااا قوم روح شرفت وانست
فريده بهمس :باباا عيب كداا
عاطف لفريده بغيظ :يعنى هو بيحس على دم إلى جابوه اووى
فريده بضحك :بس بردو ممكن يزعل
يوسف وهو سامع حديثهم :لا يا روحى أنا مبزعلش متقلقيش مش متحرك من مكانى غير أما ادوق اكل حماتى حبيبتى
عاطف بصله بغييظ ومسك الريموت وحدفه عليه
عاطف :يا أخى لم نفسك بقاا دا انت بتقول كدا قدامى اومال من ورايا هتقول ايه
اسماء : طبعا يا حبيبى ثوانى هقوم احضر الأكل
عاطف بص ليوسف بقرف ويوسف بصله ببرود وانتصار وبيرقص حواجبه وهو بيقوله
:حماتى بتحبنى اوى اوى حماتى بتحبنى اوى اوى
فريده ضحكت اووى على يوسف وعاطف بصلها بحده من غيظه وهى قامت بسرعه وهى بتتجه للمطبخ
فريده :م ماماااا خدينى معاكيي
يوسف وعاطف كانوا بيتفرجوا على التلفزيون
يوسف وهو حاطط رجل على رجل :حول حول يا حاج اقولك هات قناه ام بى سى مصر بيجى عليها مسلسل جامدد
عاطف وهو بيبصله بنظرات تكاد تحرق يوسف من الغيظ واتكلم بصوت عالى
عاطف : هى ايه البجااحه دى يلااا هو أنت كاسر عينى يااض
يوسف :لاء
عاطف :طب انت غلط مع البت وانا معرفش
يوسف :لاء طبعا حد الله بينى وبين الحرام
عاطف :يا أخى دا انت الحرام نفسه انت مخلوق عشان تحرق دمييي
يوسف :أهدى بس يا حاج انت اتضايقت كدا ليه كل دا عشان بقولك هات قناه ام بي سي مصر خلاص هات القناه إلى تعجبك وانا هتفرج معاك
عاطف بصله بعيون حمراء بغيظ
يوسف ببردو :ايه انت هتاكلنى ولا ايه
عاطف كان باصصله وساكت
يوسف وهو بينزل رجله :ياااه فريدااا فريدااااا اى حاج انت هتتحول ولا ايه
عاطف وهو بيتوعدله :هو أنا فعلاً هتحول على إلى جابوك دلوقتي لو مسكتشش
يوسف :احم وعلى ايه دا بيقولوا انك راجل طيب حتى
عاطف :ياض هزعلكك
اسماء وفريده خرجوا وحطوا الأكل على السفره
اسماء :يلا تعالوا كلوا وبطلوا خناق
عاطف بضيق :اى بطلوا خناق دى يا وليه شيفانا بنشد فى شعور بعض
اسماء :لا اله الا الله فى اي يا عاطف ما تهدى شويه
يوسف بغمز لفريده :سيبك انتى من العيله دى وقوليلى اي الحلاوه ديي
فريده : ياعم أهدى بقا بدل ما يسيب امى ويمسك فيك دلوقتي
يوسف :لا متقلقيش أنا حارق دمه اصلاا من الصبح
فريدة ضحكت
وقعدوا كلهم يهزروا وعاطف يتخانق مع يوسف لكنه عارف انه جدع ومحترم وقابله جداً ويوسف قعد معاهم شويه و روح
و عدى اليوم عليهم على خير ..
________________________
فى الڤيلا
اتجهت رباب لغرفه باسل لكنها ملقتهوش فيها استغربت و لسه هتنزل لقته خارج من غرفه مى بصتله وقالتله
رباب :باسل يا ابنى انت جعان ؟
باسل بحزن :لا شكرا مش جعان
رباب :مالك يا ابنى انت كمان انتوا اتخانقتوا جامد ولا ايه
باسل بخضه :أنا كمان ايييه هى مى فيها حاااجه
رباب :أهدى بس دا انا شوفتها كانت بتعيط تحت و ..باسل مستناش تكمل كلام ونزل بسرعه البرق يشوفها واتصدم أما لقاها واقعه فى حمام السباحه ...!!!
•تابع الفصل التالي "رواية مراهقه اوقعتني في حبها" اضغط على اسم الرواية