رواية مراهقه اوقعتني في حبها (كاملة جميع الفصول) حصريا عبر دليل الروايات بقلم امل احمد
رواية مراهقه اوقعتني في حبها الفصل الثامن والعشرون 28
بارت جديد يا جودعااان 😂🩶🩶
روايه
مراهقه أوقعتني في حبها
البارت ال28
بقلمي أمل احمد🖊️
رباب :أهدى بس دا انا شوفتها كانت بتعيط تحت و .. باسل مستناش تكمل كلامها ونزل بسرعه البرق يشوفها واتصدم أما لقاها واقعه فى حمام السباحه ..!! ومغمضه عينيها
باسل بخضه لمنظرها :ميييييي ..ونزل بسرعه شالها وطلعها
باسل وهو بيحاول يفوقها :مييي قومى يا مي عشان خاطرى ميي قومى يا حبيبتى رباااااب ربااااب
رباب نزلت جرى وراه وكمان لما سمعت صوته وكل إلى فى الڤيلا جم على صوت باسل وداليا وچيسى بصوا لبعض و استغربوا
رباب بشهقه :يلهوووى هى مالهااا
باسل :لقيتها واقعه فى حمام السباحه مش عارف ازاااى بسرعه بسرعه خلى كريم يحضرلى العربيه بسرعههه
رباب :حاضر حاضرر
باسل كان ضامم مى لحضنه بخوف وتملك وبيحاول يفوق فيها بأيديه بحنان ورباب جت وقالتله
رباب :العربيه جاهزه يا ابنى استنى هاجبلها فوطه ولبس عشان متبردش
باسل وهو بيحمل مى بين ذراعته : تمام بسرعه ..واتجه ناحيه العربيه وقعد مى فى الكرسى إلى جمبه و رباب جابت فوطه كبيره ولفتها حوالين مى وادت لباسل لبس ليها
باسل وهو بيركب العربيه : شكراً يا ربااب
رباب بخوف :ابقى طمنى عليها يا ابنى
باسل ساق بسرعه وقرب مى لحضنه وهو سايق وكان وراه عربيات كريم والحرس
و أخيراً وصلوا المستشفى
باسل شال مى بسرعه ودخل المستشفى والممرضين أما شافوا حاله مى خدوها من باسل ودخلوها الغرفه ودخل الدكتور
باسل كان قاعد وخايف جداً على مى و بيدور فى باله مليون فكره
ومستغرب هى ازاى وقعت وبعد تفكير طويل قرر أنه يكلم يوسف عشان يفضفض معاه ورن عليه
يوسف :عريسنا اللى فرحه كمان اسبوعييين
باسل بصوت ظاهر عليه الحزن : يوسف تعالالى دلوقتي
يوسف :اى دا مالك يا باسل فى ايه
باسل بحزن : هبقى احكيلك كل حاجه أما تيجى
يوسف :طب أنا ١٠دقايق واكون قدام الڤيلا
باسل :لا منا مش فى الڤيلا
يوسف باستغراب : أومال فين
باسل :فى المستشفى
يوسف بصدمه :مستشفى ليبيه انت كويسسس ؟!!
باسل :أهدى أنا كويس مى هى إلى تعبانه
يوسف بحزن : لا اله الا الله تعبانه مالها
باسل :هبعتلك مكان المستشفى ولما تيجى نتكلم
يوسف : تمام ثوانى واكون عندك ..وقفلوا
وباسل كان حاطط راسه ما بين أيديه الاتنين وقاعد متوتر جدا وبعد دقايق يوسف جه وطلع بسرعه وشاف باسل جرى عليه
يوسف وهو بيحط أيده على كتف باسل :باسل انت كويس
باسل رفع وشه وهز رأسه بمعنى لا
يوسف قعد جمبه بحزن وخده فى حضنه وهو بيطبطب عليه
باسل :كسرتها يا يوسف كسرتها بعد ما كنت أنا ضهر ليها قالتهالى فى وشي
يوسف وهو مازال بيطبطب عليه :استهدى بالله بس وقولى ايه الى حصل
باسل خرج من حضنه و حكاله كل حاجه
يوسف بشك :هى مى بتعرف تعوم
باسل باستغراب من سؤاله : ودا وقته بس تقريباً لاء
يوسف :لا دا وقته يا باسل انت بس عشان تعب مى مخليك مش عارف تفكر فى حاجه غيرها دلوقتى ..وسكت دقيقه واتكلم بشك طيب لما مى مبتعرفش تعوم يبقى اكيد مش هى إلى نزلت البيسين وبعدين كمان هتنزل البيسين بالاستدال
باسل وبدأ الشك يتزرع جواه :تقصد ايييه أن ممكن يكون حد هو إلى زقهااا
يوسف : بالضبط يا باسل و دى حاجة المفروض رائد شاطر زيك يستنتجها فى لمح البصر
باسل باستيعاب :بس ازاى معقوله ممكن تكون امى أو ساره هى إلى عملت كدااا
يوسف بتنهيده :باللى انت حكيته دا كله يا باسل متزعلش يا صاحبى مش بعيد فعلاً يكونوا هما إلى عملوا فيها كدا والاحتمال الأكبر الحيزبونه إلى سايبها عندك فى الڤيلا وانت متعرفش لسه أصلها ولا فصلهاا
باسل بعصبية :وعزه وجلاله الله لو الكلام دا طلع صحح وهما إلى عملوا كدا فى ميي أنا هوريهم إلى عمرهم ما شافوووه سواء اميييى أو بنت الزباله التانيه
يوسف : باسل أهدى ومتاخدش قرار وانت منفعل انت كدا هتتهور وهتعمل حاجه تندم عليها
باسل بعصبية :يعنى اييييييه عايزنييي اسيبهم بعد إلى عملوه فى مرااتييييي دا بعينهمممم
يوسف :ايوه يا باسل بس احنا لسه مش متأكدين ومعندناش اى دليل ف ممكن بعد اذنك تهدى لحد ما نعرف الحقيقة فين .. دلوقتي بس اطمن على مى وخليك معاها ولما ترجعوا بالسلامه أن شاء الله الفيلا اوعى تحسسهم انك شاكك فيهم واستنى نحل الموضوع سوا ماااشى
باسل وهو بيجز على سنانه بعصبية بعدم اهتمام : أن شاء الله
يوسف بعصبية :باااااسل لوسمحت مش عايز تهور عشان لو فى حاجه فعلاً هتبقى قضيه
باسل بعصبية :خلاااص يا يوسفف
و فى اللحظة دى الدكتور خرج
باسل وهو بيتنفض من مكانه بلهفه :هاا يا دكتور هى كويسه؟
الدكتور بحزن وضح على ملامحه : بص يا باسل بيه مش هقدر اكدب عليك هى تقريباً اغم عليها فى المياه فى حدود دقيقتين وكمان هى عندها ضيق تنفس ف دا اثر بالسلب عليها جداً وحالتها بصرااحه..خطيره ف ادعيلها مفيش فى ادينا حاجه غير الدعاء ..
باسل كان فى حاله صدمه لا توصف ومكنش قادر ينطق بحرف وفضل ساكت لدقيقة وفجأة مسك الدكتور من ياقه القميص بغل وعصبيه شديده
باسل بعصبية وصوت عالي :انت بتقووووول ايييييييه أنا هوديك فى ستيييين داااهيه
يوسف كان بيحاول يبعد باسل عن الدكتور
يوسف :بس يا باااسل أهدااا
باسل بعصبية وهو مازال ممسك بالدكتور :انت مش سامع دكتوررر الحميير دا بيقول ايييه أنا أصلا كنت المفروض اجبها فى مستشفى نضيفههه
الدكتور بعصبية :باسل بيه أنا مقدر الحاله إلى أنت فيها بس انا بردو عملت إلى عليا وما اسمحش لحضرتك تهينى بالشكل لو كان فى ايدى حاجه تانيه كنت عملتهاا
يوسف وهو بيشيل ايد باسل من عمليه :بس يا باسل بقااا ميصحش كدا إحنا اسفين يا دكتور اتفضل شوف شغلك
باسل بعصبية :يشوف شغله هو لو كان بيشوف شغله كان قالى الكلام دااا مي كويسه مى كويسهههه
يوسف :يا باسل بالله تهدى بقااا مينفعش تاخد الموضوع كدا أهدى يا باسل وادعيلها
باسل بعصبية :أنا مش هسيبها هنا دقيقه كمااان ..وطلع فونه بعنف وكلم كريم
باسل : كريم تعالى خلصلى إجراءات المستشفى حااالاً ..وقفل واتجه للغرفه إلى فيها مي ويوسف كان وراه
يوسف :يا ابنى رايح فيين
باسل و قد عمى عن الجميع ولا يرى سوا حبيبته التى يريد إرجعاها له مره اخرى
باسل بعصبية :هاخدهاا
يوسف : يا ابنى مينفعش الى بتعمله دا اصبر طيييب ..وكان بيجرى وراه واول ما دخلوا غرفه مى كان فيها ممرضه
باسل قرب من مى النائمه وملامحها البهتانه و زرقان وجهها من المياه وكان هيشلها لكن الممرضه اتحركت بسرعه ناحيته
الممرضه :حضرتك بتعمل اييه
باسل :انتى شايفه اييه هاخدهاا
الممرضه بتحذير : مينفعش تاخدها دلوقتي دى متوصله بلأجهزههه
باسل بعصبية :فكي كل الأجهزة حاااالااا
الممرضه :يا فندم مينفعش
باسل مسكها من دراعها بعنف واتكلم بصوت عالى كاد يكون مسمع لباقى المستشفى :فكييييهااااا بقوللللللك بدللل ما يكون رفدك على ايدييييي
يوسف قرب منهم وشد الممرضه من ايد باسل وهو بيبصله بغضب من أفعاله وقال للممرضه إلى خوفها اتملك منها من طريقه باسل
يوسف :ارجوكى شيلى الأجهزة هو ادرى بصحه مراته واحنا هننقلها لمستشفى تانيه
الممرضه هزت راسها بسرعه بالموافقه بخوف وشالت كل الأجهزة وباسل شال مى وخرج من المستشفى ويوسف كان وراه وركب عربيته وباسل أمر كريم إلى يسوق عربيته وقعد هو ومى فى الكنبه إلى وراه و هو ضاممها لحضنه بتملك وخوف وبيقبل جبهتها بحنان وحب وخوف
باسل :بسرعه يا كريييم على المستشفى إلى قولتلك عليها بسرعهههه
كريم : حاضر ..وساق بأقصى سرعه
باسل كان بيبص لمى بشفقه وحزن :كدا عايزه تسيبينى يا ميوش طب حقك عليا أنا آسف معرفش أن هيحصل كل دا بسببى أنا آسف يا مى والله اسف بس فوقى عشان خاطريي .. فوقى وانا هاخدلك حقك من كل الى أذوكى ولو بكلمه والله عشان خاطرى متوجعيش قلبى عليكى يا عمرى ..
"وكيف لكى أن تتركينى بعد ما امتلكتى قلبى و روحى "
وأخيرا وصلوا المستشفى وكان محمله بأعلى الأجهزة وطاقم العمل الخبير وكريم كان متواصل معاهم واول ما شافوه باسل شايل مى جم ممرضين بالترول ودخلوها الغرفه
وباسل كان واقف متوتر ويوسف كان جمبه بيواسيه
يوسف وهو بيطبطب على كتفه :متخافش هتبقى كويسه والله ادعيلها وتوكل على الله
باسل ولأول مره دموعه تنزل من زمن بعيد واترمه فى حضنه : أنا خايف اوى يا يوسف اول مره اكون خايف على حد كداا هى لو حصلها حاجه بسببى مش هسامح نفسى ابداا
يوسف ضمه ليه اكتر وطبطب عليه
يوسف :اهدى بس مش هيحصلها حاجه أن شاء الله وهتبقى كويسه ..واتلكم بمشاكسه ايوا بقا الرائد باسل مكرم بيعشق يا جدعااان
باسل ضربه فى كتفه :يأخى هوا وقتك دا انت بنى ادم مستفز صحيح
يوسف بوجع :ااااه يا غبيي اقسم بالله ما فى حاجه بتحوق فى امكك
وضحكوا الاتنين والدكتور خرج من غرفه مى
باسل ويوسف قاموا والدكتور قرب منهم وقالهم ...!!
________________________
عند فريده
كانت برا بتشترى حاجات من السوبر ماركت
فريده بتفكير :كدا ناقص ايه اللبن والبيض والكاكاو و اااه البيكنج بودر تمام كدا ..واتجهت للكاشير
فريده :احم لوسمحت شوفلى حساب الحاجة دى كام
العامل بإعجاب :من عيونيي
فريده بحده :لا يا اخويا خليهالك أنا عايزه اعرف الحاجة كام وامشى
العامل : مالك بس يا انسه قفشه ليه
فريده بنفاذ صبر :اللهم طولك يا روووح اخلص يا شاطررر شوفلى حساب ام الحاجه دى كااام خلينى اغوور
العامل :ليه ما تخليك معانا شويه يا قمر انتت
فريده :لا دا انت مهزق بقااا ..واتكلمت بصوت عالى فييييين المديييررر إلى هنااااااا
العامل بخوف :خلاص خلاص اسكتيييى
فريد وهى بتبصله بغيظ : والله احترمت نفسك دلوقتي ما كان من الاوللل
العامل بصلها بضييق وقالها حساب الحاجة ومشيت
فريده وهى بتكلم نفسها :جتك الارف قال متخليك معانا يا قمر انتت ..قالتها وهى بتقلده بسخريه شديده ..هو الواد يوسف مكلمنيش ليه وحياه امى أما اروح لاكلمه اهزقه ..وروحت البيت ..
________________________
فى المستشفى
باسل بتوتر باين :هاااه يا دكتوور
الدكتور بحكمه :بص يا باسل المدام فعلاً زى ما الدكتور الاولانى قالك عندها ضيق تنفس ولما قعدت مده فى الميه اثر عليها غلط بس فى حاجه كمان هى تقريباً زعلانه أو كاد تكون فى حاله اكتئاب ودا مأثر عليها يمكن اكتر من التعب الجسدى وهى دلوقتي الحمدلله كويسه والممرضه أدتها مهدء والدواء اللازم وهى أن شاء الله هبقى بخيرر بس طبعا متنساش تستمر على العلاج بعد ما تخرج أن شاء الله من المستشفى ومتقلقش هى طول ما موجوده هنا معاها الممرضه ميرفت هتراعيها على أكمل وجه
باسل بفرحه : الحمد والشكر ليك يارب الحمدلله طب طب أنا أنا عايز اشوفهااا هى فاقت صححح؟!
الدكتور بابتسامه :اه فاقت تقدر تشوفها بس ياريت متتكلمش معاه كتير عشان متتعبش وطبعا مفيش اى حد يضايقها أو يزعلها
باسل جرى على الاوضه
يوسف وهو بيبص لباسل :يابن الغداره ..وبص للدكتور إلى بيضحك اااه تسلم يا دكتور تعبناك معانا والله
الدكتور :لا ولايهمك عن اذنك وااه بلاش بقى تدخل دلوقتي سيبهم شويه لوحدهم
يوسف :اه يا دكتور يا لئيم انتت حاضر يا عم هتنيل اقعد هنا على ما يخلصوا حب فى بعض
الدكتور : تصدق بالله أنا هسكتلك عشان انت قد ابنى
يوسف :كتر خيرك يا عمنا
الدكتور بصدمه : عمنااا !! بقا انا اتعلم ٧ سنين عشان يتقالى فى الآخر يا عمنااا
يوسف :ياعم يعنى انت الوحيد الى اتعلمت ما أنا رخر المفروض ضابط ويجى واحد بتاع توكتوك يقولى يسطا ويا شبح يا عم متضيقهاش كدا كدا كلنا مكانا تحت التراااب
الدكتور :على قولك والله ..وبص فى الساعة يخرابى دا انت عندى حاله مستعجله دلوقتي يخربيتك نستنى ..ومشى
يوسف بضحك : والله شكلك دكتور اهطل
*لا عادى يا جماعه متنمر زى خطيبته🙂
______________________
فى الغرفه عند باسل ومى
باسل اول ما دخل قفل الباب بهدوء وبص ل مى الى كانت نايمه على السرير ومغمضه عينيها بتعب
باسل قرب منها وقعد على الكرسى إلى جمبها ومسك ايديها وقبلها برقه مى فتحت عينيها بتعب وبصت لباسل واتجمعت فى عينيها الدموع من تانى
باسل بصلها بحب وحزن واتكلم بنبره حنيه وندم :أنا آسف حقك علياا
مى كانت بتفتح وتغمض عينيها بصعوبه من كتر وجع عينيها من العياط وكانت بتبصله بحب وساكته
باسل :عشان خاطرى قولى اي حاجه زعقى فيا عاتبينى قولى اى حاجه بس متفضليش ساكته كداا سكوتك بيقلقنى عليكى انتى متعرفيش فى الكام ساعه دول كان بيجرالى ايه بسبب تعبك
مى وأخيرا اتكلمت بتعب :بجد فارق معاك
باسل بصدمه : طبعاً فارق معايا يا مييي انتى بتقولى اييه انتى التعب مأثر عليكى
مى بابتسامه سخريه :ملهومش لازمه الكلمتين دول يا سياده الرائد أنا مش عبيطه أنا اه ممكن اكون عايشه بروح طفله لكن مش عبيطه زى ما انت فاكر
باسل باستغراب :ايه الكلام إلى أنتى بتقوليه دااا
مى وهى بتدور وشها الناحيه التانيه :أخرج يا باسل عشان بجد مش قادره اعيط تانى كفايه قلبى إلى اتوجع بسببك انت ومامتك
باسل قام من على الكرسى وقعد جمبها على السرير وسندها عشان تقعد وبدون مقدمات خدها فى حضنه وهو مشتاق ليها جداً
باسل بحزن :حقك عليا أنا بجد اسف وعارف أنى كسرت خاطرك بس انتى مش فاهمه حاجه أنا لما قولتلك اخرجى وسيبينا أنا والزفته دى لوحدنا دى كانت خطه منى عشان اعرف آخرها واكشفها مش عشان عجبتنى ولا الكلام الاهبل دا انا كنت عايزك تبقى حاضره كل حاجه لكن سيادتك بغباوتك مقدرتيش تسيطرى على غيرتك وخرجتى من الحمام
مى خرجت من حضنه وهى بتبصله بفرحه
مى وعيونها اتسعت بسعادة :بجددد يعنى دى كانت خطه منك
باسل :اه يختى ولما جيت عشان افهمك واحكيلك كل الى حصل صدتينى وماتوقعتش منك كدا ابدا ولما اصريتى على كدا سيبتك تنزلى عشان تهدى ونتكلم أما تروقى وللأسف ياريتنى ما سيبتك تنزلى
مى بزعل أنها فهمته غلط :أنا اسفه مكنتش اعرف والله انك بتتكلم جد بس طريقتك كانت وحشه اوى معايا يا باسل وكلمتنى بالطريقه دى قدامها بدل ما تنصرنى
باسل :وانتى ازااى يا متخلفه تصدقى انى ممكن ابص لواحده زى دى تصدقى بالله انتى فعلاً عبيطه
مى : طيب متزعلش منى والله مش اقصد ..باسل ابتسم وضمها تانى لحضنه
باسل :أنا إلى اسف ومتزعليش منى والله لاخدلك حقك منها وههزقها قدامك وخدلك حقك من الى وقعك فى حمام السباحه ..مى خرجت من حضنه بسرعه
مى :بس انا محدش وقعنى !
باسل :مى أنا عارف انك بتقولى كدا علشان معملهمش حاجه ف بالله يا مى تقولى بصراحه مين الى وقعك حتى لو امى
مى :بس انا فعلا والله محدش وقعنى
باسل :ازاى يعنى عايزه تقنعينى انك صحيتى لاقيتى نفسك فى المياه
مى وهى بتهز راسها بمعنى لاء :لاء أنا كنت قاعده على كرسى قدام البيسين بالضبط وبصراحه كنت قاعده بعيطى ومن كتر العياط اغم عليا و وقعت بس والله لكن فعلا محدش جه جمبى
باسل :مييي لو اكتشفت انك بتكدبى أناا ...
مى : والله يا باسل مش بكدب دا إلى حصل
باسل بانتباه لكلامها : وانتى كنتى بتعيطى ليه بسببى صح
مى بانفعال :لاء مشش ..وسكتت
باسل بشك :فى ايه يا مى ما تقولى مش ايه
مى بكذب :اه بسببك عشان كنت متضايقه من موقفك مع ساره ديي
باسل بابتسامه :طيب حقك عليا يا ميوش وبعدين أنا قولتلك آلى فيها اهوو أن أنا إلى قاصد اعمل كدا عشان اوقعها
مى :طيب وقالت حاجه ؟
باسل بتنهيده :للاسف لاء ..وافتكر أن چيسى عارفه أنه بيشتغل فى شركه عشان يساعد صاحبه لكن مى متعرفش وكان لسه هيقولها
باسل :مى أناا ..خبط يوسف على الباب
توق توق توق
باسل بص على مى لقاه الطرحه مش معدوله ظبطهالها هو
باسل :ادخل
يوسف :سلام عليكووو
باسل :وعليكم السلام يا اخويا
مى بابتسامه :وعليكم السلام ورحمه الله
يوسف وهو بيغيظ باسل :شوف شوف الناس البشوشه الف سلامه عليكي يا قمرر
مى بكسوف : الله يسلمك
باسل :وحياه خالتكككك ..اطلع برا يلاا
يوسف :على فكره ياض انت غدار أوى اوومال مين الى كان ماسك فيا من شويه
مى :بس يا باسل عيب كدا اتفضل اقعد يا يوسف
باسل بص ل مى بغيظ وبص ليوسف ويوسف طلعله لسانه
باسل بقرف: تاافهه
ودخلت ممرضه لابسه بلطو قصير يصل لأعلى ركبتها وشعرها طويل وجميله جداً
الممرضه :مساء الخير
يوسف :يا مساء الجماال
الممرضه وهى بتبص ل مى : اخبار مريضتنا ايه النهارده
باسل :اى مرضيتنا دى انتى بتذليها يعنى
مى بابتسامه :أنا الحمدلله بخير
الممرضه :لا والله دا انا متعوده بقول كدا عادى يعنى لأى مريض
مى : ولا يهمك
فون يوسف رن وقام وقف
باسل بصله وضحك :ميين يا فقرر
يوسف :فررييده ربنا يستر ومتجعرش فى وشى لحسن نسيت اكلمها خالص
باسل بشماته :البس
يوسف :عيب عليك ياض دا انا مسيطرر
باسل بحركه ملل :يا شيخ اتلهى ..بقولك ايه وقرب منه ..بالمره وانت خارج خد الفلوس دى هات شويه حاجات حلوه لمى وزود من الشوكلاتات
يوسف وهو بيبص على الفلوس :حط فلوسك فى جيبك يا باسل بدل ما ازعلك
باسل :لا يا حيلتها دى حاجات لمى يعنى هتبقى من فلوسى أنااا امسك
يوسف وهو بيبعد أيده : اى إن كان الحاجات لمين والله لا ما انت دافع حاجه
باسل بعصبية : يوسفف انا مابيتحلفش عليااا
يوسف :يلا ياض روح شوف مراتك الله يسهلك
باسل : وبعدين معااك يا يوسف قولتلك مبحبش حد يحلف عليا وهتخلينى مطلبش منك حاجه تانى
يوسف بجديه :عيب يا باسل إلى بتقوله دا احنا مافيش بينا الكلام دا انا وانت واحد وبعدين انت افضالك عليا كتير
باسل : والله دا انت إلى افضالك مغرقانى يا يوسف بجد مش عارف اقولك ايه تسلم يا صاحبى الرجوله
يوسف :انت اخوياا يسطااا يلا بقا أنا همشى أنا ..ومشى
باسل بص على مى لقاها مندمجه مع الممرضه وبتتكلم معاها ..
باسل :احمم
الممرضه :طيب عند اذنكوا وانا هبقى اجى اطمن عليكى يا قمر ..وقامت عشان تخرج
مى بابتسامه :ماشى يا حبيبتى اتفضلى ..وخرجت الممرضه
باسل بضيق :كنتى بتحكى معاها ف ايه
مى :عادى اتعرفت عليها وهى عرفتنى بنفسها وانا عرفتها بنفسى
باسل بعصبية :وانتى اى حد تتكلمى معاه كدا يا مييي
مى باستغراب : فى ايه يا باسل أنا اتعرفت عليها بس مفهاش حاجه يعنى
باسل :بصى يا مى أنا ضابط وشغلانتى ليها أعداء ممكن اى حد يستغل طيبتك وهبلك ويعرف معلومات عنى وعنك انتى دلوقتي متعرفيهاش وهى شكلها ميريحش خالص ف متتكلميش معاها فى اى حاجه تخص حياتك ودا مع اى حد تمااام
مى بطفوله :بس هى شكلها طيبه والله
باسل :يا حبيبتى مش بالشكل يااما ناس تبان موسى وتطلع فرعوون ممكن بعد اذنك يا ميوش متعرفيش اى حد معلومات خاصه عننا خااالص مااشى
مى بطاعه :حاضر
باسل قبل جبينها :ربنا يحفظك ويديمك ليا يارب يا حبيبى
مى ابتسمت واترمت فى حضنه وهى حاسه فعلاً بالأمان وفى نفس الوقت كلام داليا بيتكرر فى ودانها بس هى مش قادره تصدق ..
مى رفعت عينيها لباسل :ممكن طلب
باسل بحنان :اطلبى يا ميوش
مى :ممكن ابات هنا النهارده
باسل باستغراب : هو كدا كدا انتى لازم تكونى تحت الرعاية بس اشمعناه
مى بتوتر :ابدا بس عايزه اغير جو من الڤيلا
باسل بضحك :و هتغيرى جو فى المستشفى
مى بتنهيده :اهو اى حاجه غير الفيلا
باسل فهم أنها مش حابه تقعد فى الڤيلا بسبب چيسى وأمه واتضايق جدا على الحاله إلى وصولها ليها
باسل : اوعدك يا حبيبي أن الوضع دا مش هيفضل كتير
مى ابتسمت وهى فرحانه ..
_______________________
عند يوسف
رن على فريده
وفريده ردت وكانت لسه هتتكلم بعصبيه
يوسف :قبل ما تقولى اي حاجه وربنا كنت مع باسل فى المستشفى من الصبح
فريده بصدمه : ليه كدا ايه الى حصلل
يوسف : باسل لقاه مى واقعه فى حمام السباحه و مغم عليها وحوار
فريده : ينهار ابيض طيب وهى عامله دلوقتي
يوسف :هى الحمدلله فاقت ومع باسل فى المستشفى
فريده :طب الحمدلله .. اى دا اومال انت فييييين
يوسف بنفاذ صبر :فى الديسكو معاها يا فريده
فريده :يوسف أنا مش بهزر انت فين بجد
يوسف :يا فريده مش ناقص عبطك بقاا أنا واقف برا بكلمك ورايح اشترى حاجات
فريده :طيب انا عايزه اجيلكوا وازور مى اطمن عليها
يوسف :يا فريده هى احتمال تروح بكره الصبح أن شاء الله اصلا ف لو كدا بكرا لما اجى رايح هعدى عليكى اخد ونروح نزورهم سوا ونوصلهم الڤيلا أن شاء الله
فريده : خلاص ماشى طب انت هتروح امتى
يوسف :شويه وهروح أن شاء الله يا حبيبى
فريده :طيب اتعشيت
يوسف بمشاكسه :انتى سخنه يا فرى
فريده :تصدق بالله أنا غلطانه
يوسف :ايوا ومتكرريهاش تانى بقا
فريده : سلااام يا يوسف
يوسف :سلام يا قلب يوسف ..وقفل واتجه للسوبر ماركت
تسريع الأحداث
يوسف طلب من باسل ينزل ياخد منه الحاجة و سلم عليه وروح وقاله أنه هيجيله بكرا وباسل طلع لمى وكلوا مع بعض واتكلم معاها شويه لحد ما نامت وهو نام على الكرسى إلى جمبها
_____________________
اليوم التالى
شمس قررت أنها تروح تزور مامتها وتقعد مع مى وباسل وجهزت و اتجهت للڤيلا واول ما دخلت داليا قاعده بتفطر
شمس : صباح الفل يا ست الحبايب
داليا بضيق من وراه قلبها :لسه فاكره ست الحبايب دلوقتي
شمس قررت منها وباست راسها وحضنتها :حقك عليا عارفه انى مقصره معاكى ومجيتش زورتك من الاول بس عشان طول المسافات بس والله وانتى عارفه انى عندى املاح ومش بعرف امشى مسافات طويلة بسهوله
داليا :خلاص اقعدى
شمس :انتى لسه زعلانه
داليا :خلاص يا شمس مش زعلانه فطرتى
شمس وسحبت كرسى وقعدت بحماس :لا صراحه وجايه أفطر معاكوا بقا الا صحيح فين مى وباسل
داليا اتوترت واتضايقت أما جابت سيره مى
داليا : م معرفش الى اسمها مى مراته دى وقعت باسل لقتها واقعه فى حمام السباحه وراحت المستشفى
شمس بصدمه :يلهووى واقعه ازاااى وهى عملت ايه في المستشفى
داليا ببردو :وانا هعرف منين
شمس باستغراب : هو انتى مكملتيش باسل سألتيه عليها يا ماما ؟
داليا وهى حاطه راسها فى الطبق :لااء
شمس :ليه كدا يا ماما طب هو دا يصح
داليا بعصبية :بقولك ايه انا عايزه اكللل
شمس اتصدمت جدا من رد فعلها وفهمت أن أمها مش متقبله مى واستئذنت شمس وخرجت فى الجنينه عشان تكلم باسل وتطمن على مى ..
__________________
عند يوسف
عدى على فريده وخدها وراحوا المستشفى و وصلوا قدام باب المستشفى وقبل ما يطلعوا اشتروا هدايا لزيارة المريض
وطلعوا ..
باسل كان صحى وبيجهز عشان يمشوا والباب خبط
باسل :ادخل
يوسف فتح وباسل سلم عليه واتفاجئ بفريده
باسل :اهلا وسهلا ازيك يا فريده اى المفاجأة الحلوه دى
مى اول ما سمعت اسمعا فرحت جدا
مى :اى دا فريده جتتت
فريده :الله يسلمك يا باسل اى خدمه ودخلت وجريت على مى حضنتها
فريده : الف مليون سلامه عليكى يا حبيبي انتى اخبارك ايه دلوقتي
مى بفرحه : الحمدلله احسن والله عشان شوفتك بجد فرحتينى اوى يا فرى
فريده : كان لازم اجى يا حبيبي واطمن عليكى
مى : تسلميلى يارب يا فرى
فون باسل رن
باسل :الحق شمس بترن
يوسف :اوبا شكلها عرفت
باسل رد
شمس :الو يا باسل
باسل :ايوه يا حبيبتى عامه ايه
شمس : الحمدلله طمنى مى عامله ايه ينفع كدا متقوليش يا باسل انها تعبانه
باسل :مرضتش اقلكوا والله يا شمس ومتقلقيش هى دلوقتي بخير وانا بخلص إجراءات المستشفى وجايين اهو
شمس :طب كويس يا حبيبي تعالوا بسرعه بقا عشان عايزه اشوفكوا
باسل :اى دا انتى فى الفيلا!
شمس :اها لسه جايه
باسل :طيب مش تعرفينى يا شمس ابعتلك حد من الحرس يخدك من هناك
شمس :ملوش داعى يا حبيبي يلا بقا مستنياكوا
باسل :ماشى يا حبيبتى سلام ..
وباسل خلص إجراءات المستشفى وخرجوا كلهم من المستشفى واتجهوا للفيلا
واول ما وصلوا باسل دخل بعصبية الڤيلا وهو ناوى على فعل شيء محدش يعرفه غيره
باسل دخل مى الڤيلا بهدوء وقعدها وسلم على شمس وبص لامه بغموض واستقبل يوسف وفريده وهما قعدوا وفجأة نده بعلو حسه على چيسى
باسل بصوت عالى :ساااااااااررره
كله بص لباسل باستغراب من فعله وچيسى خرجت من الغرفه مفزوعه ومتوتره
چيسى (ساره) :ن نعم يا باسل
باسل بابتسامه خبث :اجهزى عشان كتب كتابى عليكى النهارده!!
•تابع الفصل التالي "رواية مراهقه اوقعتني في حبها" اضغط على اسم الرواية