رواية فاز القلب (كاملة جميع الفصول) حصريا عبر دليل الروايات بقلم يارا عبد العزيز
رواية فاز القلب الفصل التاسع و العشرون 29
فاز القلب
الفصل التاسع و العشرون
راح وقف قدامها بصتله بخوف شديد و هي بترجع لورا
:- هفهمك و الله
مسك ايديها بحب كبير و سحبها لحضنه و اتكلم بفرحة شديدة :- حياة انتي بتشوفي انتي شافيني صح
كانت معلقة ايديها في الهوا و في نفس الوقت مستغربه هي كانت مفكرة انه هيزعقلها أو يضـ..ربها عشان بتحاول تهرب منه أو لانها خبت عليه انها بتشوف بس صدامها من رد فعله لاقيت نفسها بتلقائية منها بتحاوط بأيدها ضهره و بتبتسم على فرحته
مازن بحب و فرحة :- مش مصدق و الله و أخيراً و أخيرا ربنا استجاب لدعواتي و أخيراً رجعلك نظرك مبارك يحبيبتى
حياة و هي لسه في صدمتها منه :- مازن ممكن تبعد لو سمحت
مازن اتجاهلها و شالها بحب كبير و هو بيدوخ بيها:- حياة انا اسعد واحد في الدنيا و الله الحمد لله
حياة بغضب :- يا مازن ابعد مش معنى اني بقيت بشوف اني هسامحك على اللي انت عاملته
مازن نزلها و هو بيبصلها بأنتباه كملت و هي بتتكلم بتحدي
:- انت عارف انا كنت هعمل ايه انا كنت عايزة امشي طلقني بقى يا مازن
مازن:- حياة هو انتي مش بتحبيني انا عارف ان عقلك ضدي بس قلبك معايا عيشي معايا بقلبك و انا اوعدك اني هخلي عقلك هو كمان مقتنع بحبي ليكي اديني فرصه اثبتلك انا اد ايه بحبك
حياة :- انا امتحانتي قربت و مش عايزة افكر في اي حاجه غير امتحانتي و بس
مازن :- و انا اكيد مش هقف في طريقك و هساعدك كمان فضلت تدبدب في الأرض زي الاطفال و بتتكلم بغضب طفولي:- انت رخم اوي
مسك ايديها و قربها منه و اتكلم بحنية مفرطة و ابتسامه اظهرت وسامته :- بس بحبك و انتي كمان صح
حياة و هي بتحاول تتحكم في ضعفها قدامه اتكلمت بتوتر:- انا عايزة انام
لا حول ولا قوة الا بالله العلي العظيم 🤎
مازن بحنية مفرطة:- تؤ تؤ لازم نحتفل يلا
كان لسه هيشلها بس اتكلمت بسرعة:- انا همشي لوحدي
مازن :- امممممم براحتك
خرجت عائشة من اوضتها و هي داخـ..لة الحمام بس لاقيت باب اوضة خالد مفتوح و طافي النور و قاعد بيطفي و يولع نور الاباجورة ، دخلت لاقته قاعد على طرف السرير و هو فارد رجليه و رجليه التانية على الارض و مرجع راسه لورا
راحت قعدت جانبه و اتكلمت بهدوء :- مالك
خالد بحزن :- ظلمت داليا و ضيعت اروى و ابني مات... الدنيا كلها واقفة ضدي يا ريتني كنت مـ..وت و مبقاش في اللي انا فيه دلوقتي انا ضايع يعائشة ضايع
عائشة:- انت عايز ايه يخالد
خالد :- عايز اروى و اروى مش هترجع و عايز امحي وجع داليا و مش قادر انا مشيت في إجراءات الطلاق من داليا و المحامي قال بكرة يكونوا جاهزين
عائشة :- تصدق ان داليا صعبانة عليا جدا برغم من اني مشوفتهاش انا مش عارفه ليه يخالد ليه و انت بتحب اروى اذا كان على اروى فماما رايحة بكرة تتكلم معاها و انت افضل وراها و هترجع عشان هي بتحبك بس انت وجعتها يخالد اسألني انا عن وجع اروى دلوقتي انا فكرة بس انه هيتجوز عليا دمرتني.... ما بالك بقى بأنك اتجوزت عليها فعلا
خالد :- انتي قسيتي على نوح
عائشة:- انت اللي بتقول كدا و انت عارف كل حاجه حصلت
خالد :- نوح بيحبك بجد و كان لازم تديله فرصة كفاية عليه بقى يعائشة
عائشة:- مبقاش ليه لازمة الكلام دا خلاص انا و نوح اطلقنا
خالد :- طب و اللي في بطنك ايه ذنبه...
عائشة:- مش عارفه يلا انا هدخل انام انا بقى و روق كدا
خالد ببأبتسامة و هو بيحاول يفك عنها:- يستي قولي لنفسك
عائشة بضحك :- و الله ماشي يسي خالد انا غلطانة اني مضيعة وقتي معاك اصلا
خرجت عائشة و دخلت اوضتها و خالد حاول انه ينام
مازن :- حياة كفاية بقى انتي شربتي كتير اوي كدا
حياة بسكر:- طعمه جميل اوي بينسي و بيسحبك لدنيا تانية
كملت بألم :- كنت بتشربه عشان تنساها صح هههههه ضربـ..تني عشانها
جت تقوم كانت هتقع لولا انه مسكها :- مكنش ينفع اوافق تشربي أصلا تعالي معايا لازم تفوقي
حياة :- لأ لأ مش عايزة افوق انا كدا حلوة اوي
مازن بضعف:- طب يلا عشان تنامي
حياة : لا مش عايزة انام برضوا مش احنا بنحتفل خلينا نحتفل كمان
رفعت نفسها لمستواه و همست جنب ودنه:- انا بحبك اوي يا مازن
نزلت و هي بتضحك:- هههههههههههه بس انت مبتحبنيش
مازن و هو بيبلع ريقه:- لا انا بحبك بحبك انتي و بس و مش عايز غيرك
استغفر الله العظيم الذي لا اله الا هو الحي القيوم و اتوب اليه 🤎
في الصباح صحي مازن و بص لحياة اللي نايمة بحب :- يا ترى لما تصحي هيكون ايه رد فعلك يا ترى هتقبلي دا ولا لأ مكنش المفروض اعمل كدا و استغل انك مش في وعيك بس اعمل ايه انا مقدرتش
سومية بفرحة :- الف حمد لله على سلامتك يحبيبى الف بركة انك رجعت بالسلامة
عمار:- الله يسلمك يا ماما اوماال فين داليا مش شايفها
سومية بتوتر :- هااا داليا مشيت من البيت
عمار بغضب :- مشيت ازاييي يعني و راحت فين
سومية :- معرفش هي لميت هدومها و مشيت قولتلها طب اقعدي عشان عمار حتى دا انتوا في حكم المخطوبين اما ينزل مصر هيخطبك و انتي عارفه و هو اصلا سافر عشانك عشان يجبلك شقة حلوة تعيشوا فيها و يعمل الشركة اللي كان بيحلم بيها قالتلي بلا عمار بلا زفـ..ت و انا ايه اللي هيقعدني انا اصلا عمري ما حبيت عمار و لا هحبه و خدت بعضها و مشيت
عمار بصدمة:- داليا عملت كدا طب ازايي دا انا جبت كل حاجه فلوس الشقة و جبت عربية و هعمل الشركة و كنت جاي افرحها
سومية بخبث :- انساها يحبيبي دي متستاهلكش انا هدورلك على ست ستها
عمار :- اكيد فيه حاجه غلط اكيد دي مش داليا اللي انا اعرفها
قال كلامه و هو بيفتح باب بيتهم
سومية :- هتروح فين
عمار :- هروح ادور عليها افهم منها هي ليه عملت كدا ليه وجعت قلبي كدا
نوح كان قاعد على مكتبه في المستشفى و بيفكر في عائشة دخلت سارة و قعدت على الكرسي اللي قدامه
نوح بغضب :- هو مش فيه باب تخبطي عليه و لا هي وكالة من غير بواب و بعدين انتي ايه اللي جابك هنا
سارة بدلع :- اصلي تعبانة فقولت اجاي اكشف هو مش انت جراح قلب برضوا ولا ايه انا قلبي وجعاني بقاله كتير اوي بسبب ان اللي حبيته مش سأل فيا و بيجري ورا واحدة مش عايزاه
نوح بغضب مفرط:- اطلعي برا يسارة احسنلك عشان مزعلكيش
سارة :- هو انت لسه مزعلتنيش يا نوح ليه مكمل في حكاية الطرف التاني فيها مش عايزاها تكمل هتزل... نفسك معاها اكتر من كدا ليه بص على اللي بتحبك بجد و عايزاك و سيبك من عائشة و لو على ابنك اول اما تخلف هناخده و اربيه انا
نوح قام وقف و راح وقف قدامها بغضب :- كلام عن عائشة تاني مش عايز و انتي اللي كفاية تزلي.... نفسك اكتر من كدا قولتلك مش عايزاك هتاخدي قلبي بالعافية
سارة :- لما اشوفك بضيع قلبك في اوهام من حقي افوقك
نوح بعصبية مفرطة:- و يستي انا مش عايز افوق انا عايز افضل كدا انتي مالك و يلا امشي بقى عشان عندي شغل
سارة :- مش همشي الا اما تسمع كل اللي عندي
نوح بغضب :- خلاص انا اللي همشي
قال كلامه و مشي من قدامها بغضب و رزع.... الباب وراه
داليا كانت قاعدة في شقتها و الجرس رن قامت تفتح و هي عينيها وارمة من العياط
داليا بصدمة:- عمار
اللهم صل و سلم و بارك على سيدنا محمد وعلى اله وصحبه اجمعين 🤎
عمار :- ايوا عمار يبنت عمتي عرفت مكانك من جميلة صاحبتك مش هتقوليلي ادخل ولا ايه
عمار ميعرفش حاجه عن جواز داليا داليا كانت معرفة صاحبتها مكانها بس مكنتش قايلة لاي حد انها متجوزة بناءً على طلب خالد
داليا:- انا هنا لوحدي مش هينفع انت رجعت من السفر امتى
دخل البيت بكل برود و قعد على الكنبة
:- لسه راجع انهاردة انتي هنا بتعملي ايه ليه سبتي البيت ايه مقدرتيش تستني
داليا بغضب :- هو انت بتتكلم كدا ليه و كأني انا اللي غلطت هو مش انت اللي سافرت من غير ما حتى تقولي و اتخليت عني و قولت لمرات خالي انك مشيت عشان مش عايز تشوف وشي تاني هو مش انت اللي سبتني في اكتر وقت انا محتاجك فيه دا ماما الله يرحمها ماتت... و هي مطمنة انها سايبني معاك لانك الوحيد اللي هيقدر يحميني
عمار بصدمة:- انا سبتك داليا انا مشيت عشان احسن ظروف حياتك عشان اجاي و اتجوزك انا سبتلك جواب مع امي قبل ما امشي و قولتلك اني مش هطول و اني اول ما اجاي هتجوزك قولتلك اني اني بحبك
داليا بصتله بصدمة شديدة لانها هي كمان كانت بتحبه بس بسبب انه اتخلى عنها و سابها في اكتر وقت محتجاه فيه قررت انها تنساه و فعلا نسيته و بدأت تكره
داليا ببكاء:- انت كداب انت مشيت في اكتر وقت محتاجك فيه و مسألتش عني حتى و دلوقتي جاي تحط الغلط عليا انا انا بكرهك يعمار عشان انت السبب في كل اللي انا فيه انت و امك انتوا اللي خلتوني ادور على الحنية و الامان برا و كانت النتيجة اني
قاطع كلامها جرس الباب راحت تفتح
:- حضرتك المدام داليا عبدالفتاح
داليا:- ايوا انا
:- اتفضلي و امضيلي بالاستلام لو سمحتى
خدت داليا الورق و بصيت فيه بصدمة و هي بتحط ايديها على بؤوها و بتعيط
داليا:- لدرجة دي يخالد لدرجة دي انا ولا حاجه
راح عمار عندها و بصلها بخوف :- مالك فيه ايه
خد منها الورق و بصله بصدمة شديدة من انها أصلا اتجوزت و كان لسه هيتكلم بس قاطعه داليا اللي وقعـ..ت على الأرض و اغمى عليها
يتبع......
فاز القلب
يارا عبدالعزيز
•تابع الفصل التالي "رواية فاز القلب" اضغط على اسم