رواية اسيرة عائلة القناوي كاملة بقلم يوستينا سامي عبر مدونة دليل الروايات
رواية اسيرة عائلة القناوي الفصل التاسع والعشرون 29
عاصي و هو ساند راسه علي ملك
نور بخوف / مالك يا حبيبي انت كويس ، عاصي رد عليا
عاصي / اشششش مش عايز اتكلم ، انا عايز افصل دماغي سيبيني كدة انا مرتاح
نور / طب افرد جسمك علي السرير .. تعالي انا هساعدك
و ساعدته نور و نيمها على السرير ونام هو في حضنها و كان لافف ايده حوالين وسطها بقوة و كانه عايز يتحامي فيها ونور ما كانش في ايديها اي حاجه تعملها وخصوصا انها حست انها محاصره منه غير انها تلعب في شعره ولكن قطع لحظه الصمت ديت كلمه عاصي / انا النهاردة دخلت اخويا مصحة الاد*مان بايدي و انتي السبب
نور بصتله بصدمة / مصحة !! هو حصله اي بس
عاصي بعد راسه عنها بوجع و قال/ مد*من ، زين القناوي مد*من مخدرات بس انا واثق ان اخويا معملش كدة ايوة في حاجة غلط … تفتكري مين ممكن ياذيه
نور كانت بتحاول تمنع عيونها انها تيجي في عينيه و بدات تفرك ايديها بتوتر و قالت بصوت مهزوز / معرفش بس المهم انه يرجع كويس يا عاصي
عاصي ابتسم بخبث / غريبة انك مسالتنيش انا قولتلك انتي السبب ليه ؟
نور / هااا انا السبب ازاي يعني ، هو انت بتكلمني كدة ليه هو انا في امتحان يا عاصي
عاصي بهدوء علي عكس النار اللي قايدة في قلبه / مافيش حاجة انا هنام تصبحي علي خير
و بعد عنها تماما و نام لوحده و اداها ضهره و نور كانت مندهشة من حركته و بدات تكلم نفسها بندم. / انا لازم اعترفلوا بالحقيقة ، عاصي لو عرف من برا هيتحول لوحش
و عمر ما حد هيقدر يقف قصاده
قربت نور و حطت ايديها علي كتفه و قالت بصوت ضعيف
/عاصي انت نمت
عاصي و هو مغمض عينيه / اممم .. مرهق و محتاج ارتاح
نور / بس انت اول مره متخدنيش في حضنك يا عاصي
انا اتعودت عليك و مبقتش اعرف انام و انت بعيد
عاصي ضغط علي ايده بقوة و هو بيحاول يثبت اعصابه
ويتحكم فيها/ نور انا تعبان ارجوكي نامي
نور سمعت كلامه و طفت النور و نامت علي السرير و قربت منه جداا و حضنته من ضهره و دفت راسها في رقبته و قالت و هي بتطبع قبلة رقيقة في رقبته / علفكره انا عمري ما كنت بنام في الضلمة بس انا مطمنة انك معايا
و غمضت عينيها هي كمان و ناموااا ..
_______________________________________________
في المستشفى
عند تمارا كانت نايمة و ملك قاعدة علي السرير اللي جنبها بتتكلم علي الواتس مع مراد و فاجاه لقته رن ردت بسرعة قبل ما تمارا تصحي
ملك بقلق / اي يا فضيحة عايز اي
مراد و هو قاعد في العربية برا قدام المستشفى/ لا ولا حاجة وحشني صوتك قولت اتصل ارخم ، وانا بقي وحشتك صح
ملك بكسوف / اممم مش اوووي اصلي لسه كنت معاك صحيح هو انت فين
مراد / علفكره يا بت انتي فصيلة ، ملك ما تخرجي انا عايز اشوفك وحياتي عندك
ملك بتوتر / مينفعش و بعدين انت قليل الادب و بصراحة
أنا مش ضمناك
مراد و هو بيضحك / وربنا ولا انا ضامن نفسي .. بس يلااا علشان خاطري انا هستناك برا يا وحش
و قفل معاها مراد و ملك مقدرتش ترفضله طلب و خرجت من الاوضة و هي بتتسحب و راحتله العربية
_______________________________________________
في الفيلا بليل
و خصوصا في المطبخ كانت رهف بتتسحب بهدوء علشان تدخل تشرب ماية و هي لابسة فستان بيتي قصير عند ركبتها و كانت بتبص حواليها بقلق / يارب ما حد يشوفني انا هشرب و هطلع اوضتي علطول
و فتحت التلاجة و طلعت ازازة ماية و صبت في كوباية و قبل ما تشرب لقت ايد اتحطت علي كتفها قامت سايبة الكوباية علي الرخامة و صرخت
اسر و هو بيحط ايده علي بقها بزهول / اشش اششش انتي اي سرينة يا بنتي ، انا اسر اسر متخفيش
رهف و هي بتزقه بعيد عنها / يا اخي حرام عليك انا قلبي كان هيقف يا اسر ، ليه عملت كدة
اسر و هو بيضحك / انتي اللي ليه بتتسحبي كدة
هو انتي بتعملي اي بالضبط يا حاجة
رهف وهي حاطه ايديها على قلبها /هكون بعمل ايه يعني
يا اسر كنت بشرب ميه بس بصراحه كنت خايفه اي حد يشوفني والدة عاصي او والده كريم عشان هما مش طايقني هنا في البيت وانا مش عايزه احتك باي حد منهم
اسر / اه قلتيلي طب كويس انك صحيتي احسن انا قاعد في اوضه مراد زي قرد قطع و زهقان
رهف راحت مسكت كوبايه الميه تشرب وبتقوله بتريقه / وانت اصلا بتعمل ايه عندنا في الفيلا مش انت عندك بيت ولا انت استحلتها
اسر قرب ناحيتها خبطها في كتفها بهزار / بصراحة استحليتها وقوي كمان عايزة حاجة يا بت انتي
رهف ضحكت جامد بس حطت ايديها علي بقها بسرعة علشان صوت الضحكة و بصتله و قالت /عارف احسن حاجه ان مراد مش موجود في الفيلا انا بصراحه بتوتر منه اووي ومش قادره انسى اللي عمله معايا .. انا بقيت بخاف منه اوي
اسر باحراج / احم وهو بصراحه يخوف طب فكك بقى من مراد وقرف وتعالى نقف شويه في الجنينه هنتكلم مش هاكلك ما تخافيش
رهف ببتسامة / انا مبخفش و يلااا نقف
سابته و خرجت علي براا و اسر ابتسم / يا واد يا جرئ انت .. شكلي كدة هناسبك يا كريم
________________________________________________
في عربية مراد
ملك وهي بتضحك / يا ابني بقالك ربع ساعه عمال ترغي في الكلام مش مفهوم ما تنجز بقى يا مراد عايز اطلع لتماره احسن تكون تعبانه
مراد بحده / خلاص كنت بمهدلك بس انتي مابتفهميش بصي بقى كده من الاخر انا عايزه انا وانت ندخل حياه بعض ونبقى اصحاب طبعا الكلام ده في البدايه ماشي ، بس بشرط ما حدش ليه علاقه باي حاجه كانت في حياه التاني زمان عشان بصراحه انت لو نكشي في الماضي بتاعي هتفي في وشي
ملك وهي بتضحك / ده ايه يا ابني الصراحه دي كلها واضح كده ان انت بلوه متحركه بس ماشي ادينا هنجرب .. اوعي بقي علشان انزل
مراد مسك ايديها بسرعة و قرب ناحيتها بحب مقدرش يسيطر عليه / هتروحي فين ده انا متلقح في الشارع بس علشان تنزلي و اشوف .. خليكي معايا شوية
ملك كانت مبسوطة اوي من كلامه بس متوتره من مشاعره اللي مش عارف يسيطر عليها و لقت بيقرب ناحيتها علشان يبوسها
ملك بتوتر و هي بتحاول تبعده / مراد لم نفسك و ابعد عني احنا في الشارع اهدي كدة و قول هديت هاااا
مراد / ما انا لو عارف اهدي يا بنت الهبلة كنت هديت
تعالي بس انا هقولك حاجة مهمة و بطلي رخامة بقي
و قدر انه يقرب منها و داس علي الزاز و رجع الكرسي بتاعها لورا ..
يا كسوفي 😂😂😂🙈
_______________________________________________
في الجنينة
رهف / حب اي ياض انت اللي بتتكلم عنه ، ده انا لسه شايفاك امبارح بقولك اي واضح انك عدم النوم بياثر عليك .. يلا تصبح على خير ده الفجر قرب ياذن
ولسه هتتحرك اسر استفز جدا من كلامها ومسكها من قفاها ورجعها تاني وقالها / ده ايه الثقه اللي انتي بتتكلمي بيها دي يا بنت امال لو ما كنتيش امبارح عامله زي البرص المبلول كنت تعملي ايه ها
رهف بصت لنفسها لقيتهت ممسوكه من قفاها وقالت بتوتر / الكلام ده كان زمان قبل ما يكون ليا اخ اسمه كريم القناوي وعيال عم ممكن ياكلوك على فكره
اسر / اها انت بتهدديني بقي ، طب على فكره لا كريم ولا عاصي ولا حتى الواد مراد يقدروا يعملولي حاجه وزين كده كده صاحبي
وفجاه لقى حد بيمسكه من التيشرت بتاعه و كان كريم اللي صحي عشان يصلي الفجر وقاله / انت متاكد من الكلام اللي قلته ده عاد يعني اني مش هجدر اعملك حاچه و احمي اختي منيك ولا اي
رهف زقت ايد اسر بثقه و راحت على حضن كريم وهي بتضحك وكان اسر واقف محرج اوي و ساكت
كريم / ايه هي الجطه اكلت لسانك ولا ايه يا باشمهندس
اسر ضحك باستخفاف / ظريف يلا لا انا كويس وبعرف ارد اهو ومن الاخر كده انا ماليش في اللف والدوران ولا انت كمان و بصراحة انا معجب باختك وعايزه اتقدملها
كريمه ابتسم وبص ناحيه رهف اللي اتوترت جدا وبصت في الارض و قالها / خشي جوه وانا واسر هنروح نتوضا ونصلي في المسجد يلا يا عم اسر
وفعلا طلعت رهف وريتها وهي متوتره جدا وكريم واسر راحوا عشان يصلوا الفجر
_____________________________________________
و في نفس الوقت كان مراد فوق ملك في العربية و بيحاول يبوسها و ملك كانت متاثره اوي من قربه اوقات بتضعف و اوقات بتحاول تقاوم
ملك/ ابعد عني يا مراد والله لاقول لعاصي .. عيب كدة بقي
مراد و هو بيغمزلها / و حياه امك اول مين من ثواني بس كان لافف ايده حوالين رقبتي ، اعترفي بقي اني ماثر فيكي و انك بتحبيني اوووي
ملك وطت راسها بكسوف و هي بتزقه / محصلش انت كداب و بعدين احنا في الشارع كدة ممكن نتفضح والله
مراد / انا ممكن ابعد عنك في حالة لو انتي ادتيني بوسة حالا.. بس اي تكون حاجة عليها القيمة
ملك بصدمة كانت هترد و لكن سمعوا حد بيخبط علي الازاز و لما مراد بص اتصدم..
و في نفس الوقت في اوضة عاصي كان نايم ولكن صحي على تليفون جايله
عاصي و هو مغمض عينيه / ايه مين …. امم عايز اي يا مراد ع الصبح
و فاجاه اتنفض من علي السرير بخضة / ايه ..
استووووووووووووووووووب
احم تفتكروا مراد حصله اي 😂😂😂
يتبع….
- يتبع الفصل التالي اضغط على (رواية اسيرة عائلة القناوي) اسم الرواية