رواية حب ابدي الفصل الثاني 2 - بقلم مجهول

   رواية حب ابدي كاملة  بقلم مجهول   عبر مدونة دليل الروايات 

 رواية حب ابدي الفصل الثاني 2

خالد

ربع حظك يا ابني ومش عايز حاجه تاني، يوم ما تعجب بوحده القدر بخليها تجيلك لحد عندك ومش بس كده تطلع امها صاحبت امك..

حسن

اسمها مامتها ومامتك انضف بقي..

خالد

انت صح انا لما اقول مامتي ومامتك هبقي كده نضيف بس هبقي طري في نفسي وانا مش كده..

حسن

هدلق الشاي في وشك لم نفسك..

خالد

استني المزه بتاعتك جات اهي..

حسن بتوتر

طيب تعالي نجري وحياة ابوك..

خالد

ما تنشف يالا كده في ايه؟..

حسن

افرض شافتني..

خالد

ما تشوفك هو انت عليك تار مع اهلها..

حسن بص لـليلي وقال

كل مره بشوفها فيها بتبقي احلي من اللي قبلها..

خالد

الله عليك يا عم الحبيب، بقولك ايه روح كلمها..

حسن

لا لا طبعا اروح اكلم مين، دي عليها لسان اطول منك

خالد ضحك

ههههه يا ابني ما انت هتفضل تتابع كده من بعيد مش هتاكل عيش..

حسن

ما هي هتجيلي العياده..

خالد

وايه الفرق بين العياده وهنا..

حسن

لا في العياده بتبقي شخصية الدكتور حسن حاضره، انما هنا فانا حسن ابن الناس اللي متربي

خالد

حصل والله، طيب اسمع مني وقوم اعمل اللي هقولك عليه..

حسن

اعمل ايه؟..

خالد

؟؟.

قام حسن بعد شويه وراح ناحية ليلي ولما عدي من قدامها عمل ان مفتاح العربيه بتاعته وقع قدامها ومشي، وهي ما اهتمتش وكانت سرحانه في موبيلها، وخالد فضل يضحك من بعيد..

اتعصب حسن وقرب منها وقال

في مفتاح عربيه وقع قدامك ايه مش واخده بالك..

ليلي

هو انت؟..

حسن بتوتر

ااا يعني ايوه انا..

ليلي

انت بتعمل ايه هنا. انت مراقبني ولا ايه

حسن

اراقبك ليه يعني انا استغربت بس لما شوفتك صدفه هنا..

ليلي

انا باجي هنا علي طول اول مره اشوفك..

حسن

طيب بقي فرصه سعيده

ليلي

مفتاح ايه بقي اللي وقع منك؟..

حسن اخد. مفتاح عربيته اللي كان علي الارض ووقف وقال ليها باحراج..

حسن

لا ما تاخديش في بالك دي فكره غبيه من بني ادم متخلف اعرفه، بعد اذنك..

مشي حسن من قدامها وهي ابتسمت ودفعت الحساب واخدت شنطتها وروحت البيت، وكانت كل ما تفتكر حسن تضحك مع نفسها..

محمد

الله اخيرا شوفت الابتسامه اللي وحشتني..

ليلي

تعالي بقي احكيلك اللي حصل…

محمد

حصل ايه احكيلي..

قالتله ليلي اللي حصل بينها وبين خسن من اول مره شافته فيها في العياده لحد مقبلته النهارده..

محمد

ههههه الواد ده متربيى..

ليلي

هو احلي حاجه فيه انه باين عليه دكتور شاطر انا ارتحت بالعلاج اللي اخدته منه..

محمد

ربنا يريح بالك يا حبيبتي، بس لو ارتاحتي روحيلو تاني عشان خاطري وتابعي معاه..

ليلي بصوت واطي

بيني وبينك انا بفكر اروح تاني لحد ما ابطل علاج خالص واخف من المهدآت دي، بس مش هقول لماما لاني مش عايزه الدكتور ده يعرفني انا مين ولا منين وانت مراتك ما بيتبلش في بوقها فوله..

ضحك محمد وقال

ههههه حاضر يا بنتي، يلا روحي غيري هدومك وجهزي العشا مع ماما..

ليلي

حاضر من عينيا..

_بعد كام يوم راحت ليلي العياده بتاعت حسن وكانت متوتره شويه، وحجزت كشف وفضلت قاعده مستنيه دورها، وبعد شويه دخلت ولما شافها حسن ابتسم وقال..

حسن

كنت عارف انك هتيجي تاني

ليلي

اشمعنا يعني..

حسن

عشان انتي محتاجه تيجي هنا يا انسه ليلي..

ليلي

قصدك ايه بقي، انا بس مرهقه شويه مش مجنونه..

حسن

عارف ممكن بقي تقعدي عشان تعرفي تتكلمي براحتك..

ليلي قعدت وقالت

لاا انا مش عايزه اتكلم، انا جايه عايزه ابطل اخد ادويه واعيش حياتي عادي..

حسن بسرحان

ازاي بقي..

ليلي بحده

هو في ايه يا دكتور؟…

حسن بتوتر

هاا لا ما تفهميش غلط انا قصدي يعني لازم اعرف ايه السبب اللي خلاكي تاخدي المهدآت دي عشانه..

ليلي بتوتر

هه هو مهم يعني؟..

حسن

طبعا مهم ده اهم حاجه في العلاج..

ليلي

الذكريات..

حسن

لا مش فاهم وضحيلي اكتر

ليلي

مش عارفه انسي وديما بفتكر ذكريات قديمه علي قد ما كانت حلوه زمان، دلوقتي بقيت مؤذيه جدا..

حسن

يمكن عشان انتي اللي معلقه نفسك بيها..

ليلي

ممكن متقوليش انسي، لاني لو كنت اقدر انسي كنت نسيت وما كنتش جيت و شوفت خلقت حضرتك

حسن

خلقت حضرتي؟..

ليلي

اسفه بس انا بقول كلام من غير ما اقصده..

حسن

لا ولا يهمك بس انا مكنتش هقول ليكي انسي، كنت هقولك تناسي..

ليلي

وايه الفرق!

حسن

يعني مثلا شوفتي موقف بيفكرك بالحاجة اللي بتتعبك دي، اهربي من حزنك بحاجه تاني اعملي ذكري مختلفه فيه مثلا تفتكيرها غير الذكريات اللي بتتعبك..

ابتسمت ليلي وقالت

هو انا حاسه ان كلامك ده كبير ومهم بس انا مش فهماه ومش هعرف اعمله..

حسن بهدوء

لما هتواجهي حاجه زي دي وتفتكري كلامي لوحدك كده هتنفذيه…

ليلي

هو انا هفضل ماشيه علي العلاج اللي انت كتبته ليا المره اللي عدت ولا هتغيره

حسن

لا مش هغيره وياريت ميتاخدش غير وقت الضروره..

وقفت ليلي وقالت

تمام بعد اذنك..

قال حسن بسرعه

ليلي هو انتي مرتبطه؟

ليلي

نعممم؟..

حسن

فضول مش اكتر عايز اعرف

ليلي

مع السلامه يا دكتور..

_خلصت كلامها ومشيت وهو قعد وحط ايده علي خده وسرحان بيفكر فيها ودخلت الممرضه وقالت بحده..

الممرضه

يا دكتور حسن

حسن

في ايه يخربيتك؟.

الممرضه

مين المزه اللي كانت هنا، دي شقلبت حالك خالص؟..

حسن بحده

اطلعي يا مياده شوفي شغلك بدل ما اخليكي تقعدي فبيتكم تربي عيالك اللي رمياهم لحماتك..

مياده

لا وعلي ايه خلاص، المهم ادخل الاستاذ شوكت بتاع فوبيا المرتفعات..

حسن بعصبيه

انتي مالك بمشاكل المرضي يا مياده، وبعدين انتي عرفتي منين مشكلته؟..

مياده

ما انت سعات بتتاخر وانا بقعد اتساير معاهم وناخد وندي في الكلام لحد ما تيجي..

حسن

انتي قطع عيشك من هنا حلال والله، اطلعي يا مياده دخلي الراجل وانتي ساكته وملكيش دعوه بالمرضي..

مياده

اووف طيب…

_بالليل رجع حسن بيتهم وقعد مع مامته وقال ليها بهدوء..

حسن

ماما انا عايز اتجوز

الهام

لولولوي مين؟..

حسن

ولزمتها ايه مين بعد الزغروته دي؟

الهام

اخلص بقي وقولي مين، انا حاولت اخلي الواد خالد يقع بلسانه في الكلام معرفتش بس قالي انا اعرفها، هي مين بقي؟..

حسن رد عليها وقاال

ليلي بنت طنط ماجده

الهام

وانت تعرفها منين دي؟..

حسن

يعني شوفتها صدفه مع باباها في كافي وقولت ادخل البيت من بابه..

الهام

هي بنت كويسه ومتعلمه تعليم خاص وكمان شغاله في شركة هندسه كبيره بس يعني..

حسن

في ايه يا ماما اتكلمي؟..

الهام

كانت مخطوبه من سنتين واخدت تلات سنين مخطوبه واللي عرفته من ماجده ان هو اللي سابها بس مقلوش السبب..

حسن بتفكير

ذكريات بتتعبها انا دلوقتب عرفت سبب تعبك يا ليلي..

الهام

انت بتكلم نفسك يا ولد..

حسن

بصي يا ماما انتي تعملي اللي اقولك عليه..

الهام

اعمل ايه طيب؟..

حسن

تكلمي طنط ماجده وتاخدي منها معاد وتفهميها اني عايز اخطب ليلي بس تخليها ما تقولهاش ان انا العريس..

الهام

ليه يعني ده انت دكتور اد الدنيا والف مين تتمناك هما لاقين..

حسن

يا الهام اسمعي الكلام وانتي ساكته والا والله مش هتجوز خالص

الهام

لا خلاص سكت هاا اقولها ايه تاني؟..

حسن؟..

_تاني يوم في بيت ليلي كانت قاعده جنب باباها وبيلعبو طاوله، وقعدت جنبيهم ماجده وقالت وهي متعصبه..

ماجده

انتي تعرفيه عشان ترفضيه؟

ليلي

ماما ريحيني وريحي دماغك انا مش هتجوز

ماجده

شايف بنتك يا محمد

محمد

ايوه شايفها ما اهي قاعده قدامي زي العسل اهي..

ماجده

متعصبنيش انت كمان قولها حاجه

محمد

حاجه يا ليلي

ليلي ضحكت وقالت

ههههه والله انت عسل يا بابا..

ماجده

بتتفقو عليا انتو الاتنين، طيب ايه رئيكم بقي ان العريس ده مجاش انا هسيب ليكم البيت وهروح اقتد في بيت ابويا

ليلي

يا ماما انتي ليه مكبره الموضوع اووي كده، انا مش جاهزه اني ادخل علاقه واتجوز دلوقتي..

ماجده

بقالك سنتين سيباكي براحتك انما العريس ده بالذات انا مش هرفضو..

محمد

ليه يعني ده بالذات مش هيترفض يكونش حمو بيكا واحنا ما نعرفش..

ضحكت ليلي وقالت ماجده بحده

اسكت يا محمد انا اعصابي بايظه لوحدها.، مش ناقصه هزارك الرخم ده دلوقتي..

ليلي

يعني انتي يا ماما هترتاحي لما اقابله حتي لو رفضته؟

ماجده

ايوه

ليلي

تمام خليه يجي بس افتكري انك انتي اللي قولتي يجو ويترفضو مش انا، وتصبحو علي خير..

دخلت ليلي اوضتها وقال محمد لماجده

اشمعنا يعني العريس ده اللي مصممه ان ليلي تشوفه وتقعد معاه..

ماجده بحماس

قلبي بيقولي ان ده العوض من ربنا لـليلي علي كل اللي شافته..

محمد.

ماجده هو مين العريس ده اصلا؟..

ماجده

حسن ابن الهام..

محمد بحماس.

الدكتور النفساني، طيب مقولتيلهاش ليه؟..

ماجده

هو اللي طلب انها ما تعرفش، بس عندي احساي كبير انها هتوافق..

محمد

طيب بمناسبة الخبر الجميل ده ما تيجي تلاعبيني واحد. طاوله..

ماجده

هو انا فضيالك انا قايمه اغسل المواعين..

محمد بغيظ

انتو خايفين تلعبو معايا لا تتغلبو اصلا..

_في اوضة ليلي كانت نايمه علي سريرها وباصه للسقف وجات تاخد العلاج بس سابت العلاج وافتكرت كلام حسن انها تاخده وقت الضروره بس، فسابت العلاج وفضلت تفكر فيه وتضحك علي كلامه معاها في الكام مره اللي قابلو بعض فيها لحد ما نامت ولاول مره من سنتين من غير ما تاخد المهدآت..

_تاني يوم كانت في اوضتها لبست فستان بسيط وعادي ودخلت عندها مامتها وقالت..

ماجده

يلا يا ليلي العريس ومامته بره..

ليلي

ماما ما تطرديهم وتريحيني..

ماجده

اخلصي يا بنت انتي يلا قدامي..

ليلي

ماشي يا ماما يلاا..

_طلعت ليلي مع مامتها واول ما بصت للعريس ومامته وقف مكانها وهي مصدومه وقال محمد بحماس..

محمد

تعالي سلمي علي الدكتور حسن يا ليلي..

ليلي بتوتر

انتو بتهزرو صح؟..

الهام

والله يا بنتي انا ماليش دعوه هو اللي قالي اقول لماتك ما تقولش قدامك ان هو اللي جاي يخطبك

ماجده

تعالي يا حبيتي سلمي واقعدي معانا واقفه عندك كده ليه؟..

_قربت منهم ليلي وسلمت عليهم ومن صدمتها ما كانتش عارفه تتكلم ولا حتي ترد عليهم. وهو كان بيبصلها ومبسوط جدا، وبعد شويه سابوهم لوحدهم، وقرب منها حسن شويه وقاال..

حسن

ايه رئيك في المفاجأه دي بقي؟..

ليلي

انت هتستظرف يالا..

حسن

ايه ردت الفعل الغريبه دي؟..

ليلي

بقي انا اجي اتعالج عندك تيجي تخطبني انت عبيط؟..

حسن

لا انا اسمي حسن وعندي تلاتين سنه دكتور نفساني..

ليلي

وانا مالي انا؟..

حسن

بصي انا عندي شقتين شقه صغيره جنب شقة ماما وشقه تانيه في مكان بعيد شويه، بصي هي امي طيبه وكل حاجه بس انا من رأيي نقعد لوحدنا في احسن ولا انتي ايه رئيك..

اتعصبت ليلي وردت عليه وقالت

انا من رئيي تاخد امك وتمشي بالذوق عشان انا لساني طويل..

حسن

علي فكره دي قلة ذووق، انا ضيف وفبيتكم والمفروض تتعاملي معايا بطريقه لطيفه..

ليلي

احنا ناس قليلة ذوق يا عم، ويلا خد امك وامشي انا مش هتجوز

حسن

يعني ده اخر كلام عندك؟

ليلي

ايوه..

وقف حسن ونده لمامته اللي جات مع ماجده ومحمد وقالت بقلق..

الهام

في ايه يا حبيبي؟..

حسن

معلش يا ماما احنا لازم نمشي..

حست ليلي انها ادايقت، بس اتصدمت لما لقيته بيكمل كلامه وبيقول..

حسن

وان شاء الله نيجي يوم الخميس عشان نقرأ الفاتحه..

ماجده والهام في نفس واحد

لولولولولويييي..

ليلي

ايه ده في ايه

قربت منها الهام وحضنتها وقالت

الف مبروك يا حبيبتي يا عروسة ابني..

بصت لحسن بغيظ فغمز هو ليها وهو مبسوط، واخد مامته ومشي وباباها سالها وقال..

محمد

حلو الواد ده عرف يخليكي توافقي بيه من دقيقتين..

ليلي

ده دبسني في اني اوافق انا قولتله خد مامتك وامشي، لقيته نده مامته وحدد معاد الخطوبه وانتو ازاي توافقو اصلا..

محمد

طيب والله دمه خفيف ابقي اخليه بعد الخطوبه بجي يلعب معايا طاوله..

ماجده

هي مش خطوبه دي قراية فاتحه..

ليلي

ولو برضو انا مستحيل اوافق بالجوازه دي، وانا بكره هروح ليه واقوله كده في وشه واللي يحصل يحصل..

_دخلت اوضتها وكانت متعصبه بس لما افتكرت اللي عمله ضحكت وقالت لنفسها..

ليلي

والله مجنون ومش طبيعي..

_تاني يوم قبل ما تروح شغلها راحت عند حسن العياده وقالت لمياده..

ليلي

لو سمحتي انا عايزه ادخل للدكتور قوليلو ليلي محمد

مياده

لا اتفضلي ادخلي..

ليلي

طيب اديه خبر الاول

مياده

يا مزه هو قالي لما تيجي ليلي محمد دخليها علي طول دي هتبقي الجماعه..

ليلي

مزه، والجماعه بس عادي هو واحد زي حسن هيشغل مين عنده يعني..

مياده

اتفضلي جوه وانا هبعت اجيبلك كانزايه من تحت..

_ابتسمت ليها ليلي ودخلت بعد ما خبطت عند حسن اللي كان لسه ما بداش شغل ولقيته بيفطر ومعاه خالد صاحبه..

ليلي

ممكن نتكلم شويه؟..

خالد وقف وقال

طيب اجيلك وقت تاني يا ابو علي

وقرب من ليلي وقال

فرصه سعيده يا مرات الغالي..

طلع خالد وقالت ليلي لحسن بعصبيه

بيقول ايه المتخلف ده؟..

يتبع….

• يتبع الفصل التالي اضغط على (رواية حب ابدي) اسم الرواية