رواية لحظة موت الفصل الرابع 4 - بقلم اسماء صلاح

  رواية لحظة موت كاملة بقلم اسماء صلاح عبر مدونة دليل الروايات 

 رواية لحظة موت الفصل الرابع 4

توقفنا لما رضوان بيه قال لنفسه : حسن اتاخر كده ليه معقول التليفون مش في العربية يمكن نسيته في البيت بقي أمام امشي شويه اعقبال ما ياجي وبينظر بالصدفة علي شماله وتغيرت تعبيرات وجهه ايه ده نهر ودخل مسرعا وبينظر لها ونزلت دموعه الممرضة قالت : يافندم الزيارة ممنوعة

وبينظر رضوان بيه لنهر وبيبكي بدون تعليق

الممرضة قالت : لوسمحت اتفضل يافندم بره

وقعد رضوان بيه بجانب نهر وقال ببكاء : نهر انتي عايشها الحمد لله يارب ومسكها ايدها نهر ياحبيتي انا مافقدتش الأمل ابدا وكنت عارف إنك عايشها انتي مش عارفه حصل ايه لما جالنها خبر انك موتي حياتنها اطفها فيها نور السعادة بس الحمد لله انك عايشها

الممرضة قالت : لا ها اااا انا هروح انادي للدكتور هو يتصرف معاك وخرجت

رضوان قال ببكاء : الحمد لله يارب نهر ياحبيتي اصحي انا جدك رضوان اصحي وحط ايده علي شعرها

وراح زين على غرفة نهر وبينظر لقي واحد قاعد جانبها فدخل الغرفة وقال بضيق : مين حضرتك وازاي تمسك ايدها كده

ونظر له رضوان بيه وبيبكي بدون تعليق

زين قال بدهشة : رضوان بيه المنشاوي

رضوان بيه قال : هو حضرتك تعرفني

زين قال باستغراب : ايوه بس حضرتك تعرف نهر مين

رضوان بيه قال : انا جدها

زين قال بدهشة : جده مين

رضوان بيه قال : جده نهر

ونظر زين لنهر وقال : إزاي

رضوان بيه قال : إزاي يعني ايه هي حفيدتي وهو حضرتك مين

زين قال : انا زين جوز وتذكر كلام الدكتور إن لازم نهر هي اللي تستعيد الذاكرة لواحدها انا اللي جبتها على هنا

رضوان بيه قال : انت اللي لقيتها

زين قال باستغراب : لقيتها

رضوان بيه قال : ايوه ما نهر كانت عملت حادثة محدش عارف هي فين وافتكرنها انها ماتت بس الحمد لله انها عايشه

ونظر زين لنهر وقال بدهشة : حضرتك متأكد ان دي نهر حفيدتك

رضوان بيه قال : ايوه طبعا

زين قال لنفسه بدهشة : طيب ازاي وبينظر لنهر وسرح

وراح له رضوان بيه وقال : انا مش عارف اشكرك ازاي على اللي عملته انت رجعتلي الحياة تاني بعد ما كنت خلاص عايش ميت بعد ما راحت نهر اطلب أي حاجة وانا هعطهولك

وبينظر زين لنهر وقال باستغراب : ها لا يا فندم شكرا مش عاوز حاجة

رضوان بيه قال : ده الكارت بتاعي لو احتاجت لأي حاجة ابقي تعاللي في أي وقت علشان انا مهما عملت مش هقدر ارد اللي انت عملته معايا وحط الكارت في ايده

زين قال بدهشة : حضرتك متأكد ان دي حفيدتك

رضوان بيه قال : ايوه وطلع المحفظة من جيبه وأخذ منها صورة اتفضل دي صورة نهر

وأخذ زين منه الصورة ونظر فيها وقال : معقول دي نهر ونظر لها

وأخذ رضوان بيه الصورة وقال : لو احتاجت لأي حاجة تبقي تجيلي

وبينظر زين لنهر بدهشة لقها فاقت وقال : نهر فاقت ورايح لها تذكر كلام الدكتور فوقف مكانه

وراح لها رضوان بيه وقعد جانبها وقال : نهر ياحبيتي ومسكها ايدها حمد لله على السلامة

نهر قالت بوجع : انت مين

رضوان بيه قال : انا جدك ياحبيتي

نهر قالت بوجع : جدي

رضوان بيه قال بإبتسامة : ايوه

وبينظر زين بدهشة بدون تعليق

نهر قالت بوجع : جدي

رضوان بيه قال : ايوه يا نهر

وجاء الدكتور ووراها الممرضة وقال : ايه اللي بيحصل هنا المريضة لازم ترتاح وبتنظر لقها فاقت

رضوان بيه قال : انا رضوان المنشاوي يادكتور جدها

الدكتور قال : اهلا يا رضوان بيه

رضوان بيه قال : اهلا بك نهر عاملة ايه يادكتور

الدكتور قال : طيب اتفضل معايا وانا هقول لحضرتك علشان المريضة محتاجة للراحة

رضوان بيه قال : حاضر يادكتور وقايم

مسكت نهر ايده وبتنظر لزين بخوف وقالت بوجع : جدي

رضوان بيه قال : ايوه ياحبيتي

وبينظر زين لها بدون تعليق

نهر قالت بوجع : متسبنش ياجدي

رضوان بيه قال : متخافيش ياحبيتي انا مش هسيبك رجعلك تاني وبسها رأسها

وغمضت نهر عيونها

الدكتور قال : اتفضل يا استاذ زين

زين قال : حاضر وبينظر لنهر وخرج

الدكتور قال : عليكي معاها

الممرضة قالت : حاضر يادكتور

الدكتور قال : اتفضل يا رضوان بيه

رضوان بيه قال : حاضر وبينظر لنهر بقلق وخرج

رضوان بيه قال بقلق : قولي يادكتور حالة نهر ايه دي معرفتنيش اول ما فاقت

الدكتور قال : علشان عندها فقد ان ذاكرة

رضوان بيه قال بقلق : ايه فقدان ذاكرة

الدكتور قال : ايوه

وبينظر زين لنهر وقال لنفسه باستغراب : معقول نهر تبقى حفيدتي رضوان بيه المنشاوي بس ازاي هو ايه اللي بيحصل معقول يكون انا بحلم بس ده مش حلم ده كابوس يارب اصحها منه بقي ونهر حبيتي ترجعلي تاني بس ده حقيقة مش نايم انا معتش عارف ايه اللي بيحصل

رضوان بيه قال : وهتخف امتا يادكتور

الدكتور قال : للأسف مانقدرش نعرف هي هترجعها الذاكرة امتا

رضوان بيه قال : يعني ممكن فقدان الذاكرة ده يطول معها

الدكتور قال : للأسف ايوه علشان الحادثة اللي حصلتلها أثرت على رأسها

رضوان بيه قال بقلق : ايوه

الدكتور قال : بس اطمن حالتها مستقرة دلوقتي

رضوان بيه قال : يعني ممكن اخدها معايا

وسمع زين كلام رضوان بيه ونظر وراها وقال باستغراب : ايه تاخدها معاك

رضوان بيه قال : ايوه

زين قال بدهشة : إزاي يعني دي ونظر للدكتور

رضوان بيه قال : دي ايه

زين قال : لا مافيش

رضوان بيه قال : ممكن اخدها معايا يادكتور

الدكتور قال : هكشف عليها وساعتها هقول لحضرتك

رضوان بيه قال : طيب

الدكتور قال : بعد اذنك

رضوان بيه قال : اتفضل

وبينظر حسن السواق لقي رضوان بيه فاراح له وقال : حضرتك كنت فين يافندم

رضوان بيه قال : انا هنا ليه

حسن السواق قال : أصل دورت على حضرتك في المستشفى ماكنتش موجود فقلقت على حضرتك

رضوان بيه قال : لا انا كويس

حسن قال : طيب انا ملقتش التليفون في العربية

رضوان بيه قال : إظهار نسيت في البيت مش مهم دلوقتي انا لقيت نهر

حسن السواق قال باستغراب : ايه لقيت نهر حفيدتي حضرتك

رضوان بيه قال : ايوه وهي في الغرفة دي

حسن السواق قال بدهشة : إزاي يافندم مش حفيدتك حضرتك متوفى

رضوان بيه قال : لا هي مامتش طلعت عايشة

حسن السواق قال باستغراب : عايشها

رضوان بيه قال : ايوه

حسن السواق قال : إزاي يافندم

رضوان بيه قال : بعد ما حصل معها الحادثة فاقدة الذاكرة ماكنتش تعرف هي مين بس الحمد لله اني لقيتها

حسن السواق قال : مبروك يا فندم

رضوان بيه قال : الله يبارك فيك مش عاوز حد يعرف لما نرجع انا هبلغهم

حسن السواق قال : حاضر يافندم ونهر هانم عاملة ايه

رضوان بيه قال : الدكتور بيقول إن حالتها مستقرة

حسن السواق قال : طيب الحمد لله

رضوان بيه قال : روح انت زور والداتك

حسن السواق قال : لا يا فندم انا هفضل معاك

رضوان بيه قال : لا روح اطمن عليها وانا هفضل هنا

حسن السواق قال : بس يافندم

رضوان بيه قال : مابسش يلا بقي

حسن السواق قال : حاضر يافندم بعد اذنك

رضوان بيه قال : اتفضل

وراح رضوان بيه ودخل غرفة نهر وقعد جانبها وقال بإبتسامة : إن شاء الله يا نهر هتقومي بالسلامة ومسكها ايدها

الممرضة قالت : لوسمحت المريضة لازم ترتاح

رضوان بيه قال : حاضر انا مش هتكلم

الممرضة قالت : طيب

وبينظر لهم زين من بره وقال لنفسه بغضب : وبعدين انا هقف اتفرج كده ونهر بتروح مني لازم اعمل حاجة وراح علي مكتب الدكتور وخبط علي الباب

الدكتور قال : أدخل

الدكتور قال : اتفضل يا استاذ زين

وقعد زين وقال بغضب : يادكتور مراتي بتروح مني وانا مش قادر اعمل حاجة

الدكتور قال : اهدي يا استاذ زين

زين قال بضيق : اهدها ايه انا معتش فاهم حاجة ازاي رضوان بيه المنشاوي نهر مراتي تبقي حفيدته

الدكتور قال : إزاي يعني هو مش جدها

زين قال : معرفش يادكتور وحط ايده علي راسه

وقام الدكتور قال : طيب اهدها انا عارف إنه صعب عليك أن مراتك تشوفك ومتعرفش انت مين بس لو قولتها الحقيقة هتبقي انت كده بتعرض حالتها للخطر وممكن تدخل في غيبوبة وساعتها منعرفش هي ممكن تفوق منها امتا

زين قال : لا يا دكتور انا عاوزها تبقى كويسه

الدكتور قال : يبقي خلاص سيبها هي اللي تستعيد الذاكرة لواحدها علشان تخف

زين قال بحزن : طيب يادكتور

الدكتور قال : وان شاء الله هتخف

زين قال : ان شاء الله بعد اذنك

الدكتور قال : اتفضل

وخرج زين من المكتب وقال لنفسه بتفكير : طيب ازاي اسيبه ياخدها رضوان بيه واقف اتفرج من غير معمل حاجة وقعد ما انت لوعملت حاجة وقولت لرضوان بيه إن نهر تبقي مراتي تبقي كده بتعرض حياتها للخطر وحط ايده علي راسه اعمل ايه بس يارب ساعدني يارب واعطني الحل من غير ما اذي نهر وبيفكر مافيش قدمي اني أفضل جانبها من بعيد لغاية ما ترجعلها الذاكرة يارب ترجعلها الذاكرة في أسرع وقت علشان انا مقدرش أعيش من غيرها يارب وقام وراح علي غرفتها

في شقة محمود :

وخرجت نوال من المطبخ ومعها صنية

ونظر لها أدهم وقال : رايحة فين ياماما

والداته قالت : رايحة عند جيرانها

وخرج محمود من الغرفة وقال : ليه

نوال قالت : أسلم عليهم واعطيلهم المهلبية دي هما جيرانها والنبي على الصلاة والسلام وصي على سابع جار

محمود قال : طيب

وخرجت نوال من الشقة وراحت علي شقة زين وخبطت علي الباب وقالت لنفسها : وهو محدش جوه ولا ايه وخبطت مرة أخرى باين محدش جوه وراحت علي شقتها وخبطت علي الباب وراحت فريدة وفتحت الباب ودخلت نوال ومعها الصنية وحطها علي السفرة وقعدة وخرج محمود من المطبخ وبينظر لقها الصنية على السفرة وقال : ايه يا نوال معطتهمش المهلبية ليه

نوال قالت : باين مش موجودين في الشقة

محمود قال : ايوه صح ما انا شايفهم نازلين الصبح

نوال قالت : الصبح امتا

محمود قال : وانا رايح أجيب الفطار

نوال قالت : ورايحين فين على الصبح كده

محمود قال : معرفش

نوال قالت باستغراب : مش غربية انهم مجوش لغاية دلوقتي

محمود قال : ولا غربية ولا حاجة تلقى زين أخذ مراته وراح عند خالته

نوال قالت : يمكن برده

محمود قال : تعرفي انه بيشتغل في شركة المنشاوي محاسب

نوال قالت : وانت عرفت منين

محمود قال : هو اللي قالي وكان مسافر تبع شغله

نوال قالت : اه ااااه وكان عايش طول السنين دي مع خالته

محمود قال : ايوه لغاية متخرج واستلم شغله

نوال قالت : طيب ومراته عرفها ازاي

محمود قال : هو برده هيقول عرف مراته ازاي ده كلام

نوال قالت : معاك حق ميصحش برده

محمود قال : انا هقوم انام عندي شغل بدري تصبحوا علي خير

نوال قالت : وانت من اهله

في فيلا المنشاوي :

في غرفة المكتب :

وبينظر جمال في الساعة

ونظرة له زهرة وقالت : بتصي في الساعة ليه انت وراك حاجة

جمال قال : لا أصل بابا مش عارف اتاخر ليه

زهرة قالت باستغراب : هو رضوان بيه خرج

جمال قال : ايوه ليه

زهرة قالت : وازاي تسيبه يخرج لواحده

جمال قال : ما انا حاولت اقنعه اني اروح معها بس مرضيش انتي عارفة بابا لما يصر على حاجة

زهرة قالت : ايوه عارفة بس ازاي ماما تسيبه يخرج وهو في الحالة دي

جمال قال : ما انتي شايفة حالة ماما وبعدين تلقيه مقلهاش علشان متقلقش عليه وتتعب لو كانت نهر هنا كانت اقنعته مايخرجش

زهرة قالت : ايوه ما هي وماما اللي كانوا بيعرفوا يقنعه بس للاسف معتش موجودة

جمال قال بحزن : ايوه الله يرحمها

زهرة قالت : الله يرحمها بس بابا هيكون راح فين

جمال قال : مش عارف هو قالي انه مخنوق وعاوز يشم شويه هوا وأخذ معها حسن السواق وخرج

زهرة قالت : طيب ماجد كمان اتاخر

جمال قال : هو هيجي دلوقتي

زهرة قالت : ليه هو كلمك وقالك هيتاخر

جمال قال : لا بس من ساعة ما مسك الشركة وهو بيتاخر بره

زهرة قالت : تلقيه عنده شغل في الشركة

جمال قال : شغل ايه اللي لغاية دلوقتي في الشركة يتلقى الموظفين مشوا من بدري

زهرة قالت : تليقه عنده اجتماع بره وبعدين هو رجل أعمال يعني وقته مش ملكه

جمال قال : اه ااااه انتي شايفة كده يعني

زهرة قالت : ايوه

جمال قال : طيب

زهرة قالت : تصبح علي خير

جمال قال : وانتي من اهله

في المستشفى :

في غرفة نهر :

وبينظر رضوان بيه لنهر ومسك ايدها

وفاقت نهر ونظرة حوليها وقالت : جدي

رضوان بيه قال : ايوه ياحبيتي انا جانبك متقلقيش

نهر قالت بوجع : طيب

رضوان بيه قال : تعرفي يا نهر عامر هيفرح اوي لما يعرف انك عايشها

نهر قالت : عامر مين ياجدي

رضوان بيه قال : والدك ياحبيتي

نهر قالت بوجع : والدي

رضوان بيه قال : ايوه وجدتك كلهم هيفرحوا اوي لما يشوفكي

نهر قالت : امال انا مش فاكرة حاجة ليه

رضوان بيه قال : ده بسبب الحادثة اللي حصلتك بس إن شاء الله هتخفي وتبقي كويسة لو سمحتي نادي للدكتور علشان يجي يشوفها

الممرضة قالت : حاضر وخرجت من الغرفة

رضوان بيه قال : اما الدكتور يشوفك هاتجي معايا علي طول

نهر قالت : علي فين يا جدي

رضوان بيه قال : علي البيت علشان ترجعي تنوريه تاني

وجاء الدكتور ووراها الممرضة وقال : عاملة ايه دلوقتي

نهر قالت بوجع : الحمد لله

الدكتور قال : ممكن حضرتك تستنها بره شويه

رضوان بيه قال : حاضر وخرج وبينظر لزين وهو حضرتك لسه هنا زين قال : ايوه هطمن عليها وهامشي

رضوان بيه قال : انا مش عارف اقولك ايه يا وهو حضرتك اسمك ايه

زين قال : زين

رضوان بيه قال : اهلا يا زين

زين قال : اهلا بك يا فندم

وطلع رضوان المحفظة وأخذ الفلوس وقال : يا تريت تقبل مين دول

زين قال : حضرتك كده بتشتمني انا أنقذت حياتي ونظر لنهر اللي مقدرش أعيش من غيرها

رضوان بيه قال : تقصد ايه

ونظر له زين وقال : ها لا مافيش خلي فلوسك معاك

رضوان بيه قال : بس

زين قال : مابسش ممكن اطلب من حضرتك طلب

رضوان بيه قال : ايوه طبعا اتفضل

زين قال : خلي بالك منها

رضوان بيه قال : انت هتوصني على حفيدتي

زين قال : لا مقصودتش انا أقصد علشان ما يحصلش معها اللي حصل

رضوان بيه قال : معاك حق انا هخلي بالي منها وشكرا

زين قال : علي ايه انا معملتش حاجة

رضوان بيه قال : إزاي ده انت أنقذت حفيدتي وجبتها على المستشفى

زين قال : صدقني انا معملتش حاجة علشان لو عملت حاجة ماكنتش روحي بعدت عني

رضوان بيه قال : تقصد ايه

زين قال : لا مافيش

رضوان بيه قال : لو فيه مشكلة قولي وانا اقدر اساعدك وحط ايده علي كتفه

زين قال : لا مافيش

رضوان بيه قال : طيب وبينظر لقي الدكتور طلع من الغرفة فاراح له نهر عاملة ايه دلوقتي يادكتور

الدكتور قال : الحمد لله حالتها أتحسنت

رضوان بيه قال : الحمد لله

وبينظر زين لنهر وقال : الحمد لله

رضوان بيه قال : طيب ممكن اخدها معايا البيت

الدكتور قال : ممكن بس لازم ترتاح

رضوان بيه قال : حاضر يادكتور

الدكتور قال : والأدوية دول لازم تاخدهم بانتظام اتفضل

رضوان بيه قال : شكرا يادكتور وأخذ الورقة

الدكتور قال : العفو بعد اذنك

رضوان بيه قال : اتفضل

وجاء حسن السواق

رضوان بيه قال : كويس أنك جيت

حسن قال : خير يافندم

رضوان بيه قال : خير هنروح علي الفيلا والداتك عاملة ايه

حسن السواق قال : الحمد لله كويسة كلها يومين وهتخرج من المستشفى

رضوان بيه قال : طيب الحمد لله وطلع المحفظة من جيبه امسك روح حساب المستشفى

حسن السواق قال : حاضر يافندم وأخذ المستشفى

رضوان بيه قال : وانا ونهر هنسبقك على العربية

حسن السواق قال : حاضر بعد اذنك

رضوان بيه قال : اتفضل

ودخل رضوان الغرفة وقال : يلا ياحبيتي

نهر قالت بوجع : علي فين يا جدي

رضوان بيه قال : هنروح على البيت الدكتور كتابلك على خروج ومسك ايدها يلا

نهر قالت : طيب وبتقوم

رضوان بيه قال : علي مهلك

وقامت نهر من السرير فاداخت وهتقعد

وبينظر زين لنهر لقها هتقعد وقال بخوف : نهر فا رايح لها وتذكر كلام الدكتور ووقف وبينظر لها

ومسك رضوان بيه وقال بقلق : انتي كويسة يانهر

نهر قالت : ايوه بس داخت شويه

رضوان بيه قال بقلق : انا هسندك يلا

نهر قالت : يلا

وخرجوا نهر ورضوان بيه من الغرفة ومشوا

وبينظر لها زين وهي مشيها وقال لنفسه : اما اروح وراهم ومشي

أمام المستشفى :

رضوان بيه وقال : استني وفتحت باب العربية

نهر قالت : شكرا يا جدي وركبت

وراح وركب رضوان بيه جانبها العربية وقال : شويه والسواق هيجي

نهر قالت : طيب ومسكت رأسها

رضوان بيه قال بقلق : ايه مالك

نهر قالت : مافيش رأسي بتوجعني شويه

رضوان بيه قال : ده من الحادثة لما هتاخدي الدواء هتبقي كويسة

نهر قالت : طيب

ووقف زين وبينظر لها بحزن

وبينظر رضوان بيه من شباك العربية لقي حسن السواق جيه وقال : اهوه السواق جيه اهوه

وراح حسن السواق وركب العربية

رضوان بيه قال : اتاخرت كده ليه

حسن السواق قال : معلشي يا فندم اتفضل

واخذ رضوان بيه الفلوس و قال : ايه ده وهو انت مدفعتش حساب المستشفى

حسن السواق قال : لا يا فندم

رضوان بيه قال : ليه

حسن السواق قال : كان مدفوع يافندم

رضوان بيه قال باستغراب : مدفوع

حسن السواق قال : ايوه يافندم وبينظر لنهر

رضوان بيه قال : ومين اللي دفعه

حسن السواق قال : واحد اسمه زين

نهر قالت : زين ومسكت رأسها

حسن السواق قال : ايوه يافندم

رضوان بيه قال : ايوه ده الرجل اللي جابك على المستشفى

نهر قالت : طيب

رضوان بيه قال : رجل محترم وحط الفلوس في جيبه طيب اطلع

حسن السواق قال : حاضر يافندم وتحرك

وبينظر زين للعربية وهي مشيها وقال : تاكسي

ووقف سواق التاكسي

وركب زين قال : اطلع وراها العربية دي بسرعة

سواق التاكسي قال : حاضر يافندم وتحرك

في عربية رضوان بيه :

حسن السواق قال : حمد لله على السلامة يا فندم

نهر قالت : الله يسلامك

وبينظر رضوان بيه من شباك العربية وقال : أقف هنا

حسن السواق قال : حاضر يافندم ووقف العربية

ووقف سواق التاكسي وراهم العربية

في عربية رضوان بيه :

رضوان بيه قال : انزل هات الدواء ده من الصيدلية

حسن السواق قال : حاضر يافندم

حسن السواق قال : اتفضل يافندم وركب العربية

رضوان بيه قال : شكرا وأخذ الدواء

حسن السواق قال : وده الباقي

رضوان بيه قال : خليهم لك

حسن السواق قال : بس يافندم

رضوان بيه قال : مابسش يلا اطلع علشان نهر عاوزة تستريح

حسن السواق قال : حاضر يافندم وتحرك

في التاكسي :

زين قال : اطلع يا اسطي وراها

السواق قال : حاضر وتحرك وراها

في فيلا المنشاوي :

في غرفة المكتب :

ونظر جمال في الساعة وقال لنفسه بقلق : بابا اتاخر كده ليه ماكنش المفروض اخليه يخرج وهو في الحالة دي لواحده بس كنت هعمل ايه بس وقام من علي الكرسي قدام إصراره ده اما اتصل بيه اشوف اتاخر كده ليه وبيتصل بيه مغلق أحاول مرة تانية وبيتصل برده مغلق لاهااا الوضع كده ميطمنش هروح اغير هدومي ودورها عليه وخرج من المكتب وطلع علي غرفته ودخل وسرج النور وفتح الدولاب وأخذ بدلة وقفله

صحت زهرة ونظرة وقالت : انت بتعمل ايه ياجمال

جمال قال : هلبس

زهرة قالت : ليه هو انت خارج

جمال قال : ايوه رايح ادور على بابا

زهرة قالت : ليه هو لسه مرجعش

جمال قال : ايوه

زهرة قالت : وهدور عليه فين

جمال قال : مش عارف بس لازم القيه

زهرة قالت : اتصلت بيه

جمال قال : ايوه تليفونه مغلق وبيلبس الجاكت البدلة

زهرة قالت : حاجة تقلق فعلا وسمعت صوت عربية مافيش داعي تخرج تدور علشان باين وصل

وراح جمال وفتح البلكونه وبينظر لقي والدها وخرج وقال : الحمد لله انه وصل بالسلامة

زهرة قالت : روح أقلع بقي

جمال قال : لما اشوفه الأول وقلع جاكت البدلة

زهرة قالت : طيب هو ماجد جيه

جمال قال : لا لسه وخرج من الغرفة

عند العربية :

ووقف حسن العربية ونزل السواق وفتح الباب العربية

رضوان بيه قال : يلا يا نهر وصلنها

نهر قالت : حاضر ياجدي ونزلت نهر وبتنظر للفيلا

وراح لها رضوان ومسك ايدها وقال : يلا

أمام الفيلا :

ونزل مسرعا من التاكسي وبينظر من البوابه على نهر بحزن

جوه الفيلا :

رضوان بيه قال : هتاخدي الدواء وترتاحي زي ما قال الدكتور وان شاء الله تبقى كويسة

نهر قالت : إن شاء الله يا جدي

وشن رضوان بيه الجرس

ونزل جمال من غرفته وقال : افتحي ياسعديه بسرعة

ونظرة له سعدية وقالت : حاضر وراحت وفتحت الباب وبينظر أمامها وتغيرت تعبيرات وجهها نهر هانم

ودخل رضوان بيه وساند نهر وقال : علي مهلك

جمال قال بدهشة : ايه ده نهر

رضوان بيه قال : اقعدي ياحبيتي

وقعدة نهر وبتنظر للفيلا

وبينظر جمال لنهر وقال باستغراب : نهر

والده قال : ايوه يا جمال نهر لسه عايشها

جمال قال بدهشة : إزاي يابابا

وحكله والده على اللي حصل وقال : بس الحمد لله انها عايشها بعد الحادثة اللي حصلت معاها

جمال قال : والدكتور مقلش هترجعها الذاكرة امتا

والده قال : لا

جمال قال : المهم انها عايشها وان شاء الله هتخف انا مش مصدقها انها قدامي

والده قال :ولا انا كمان الحمد لله انها رجعت

جمال قال : حمد لله على السلامة

نهر قالت : الله يسلامك

جمال قال بإبتسامة : انا عمك جمال مش فاكرني

نهر قالت بوجع : لا

جمال قال : مع الوقت هتفكري كل حاجة

فى غرفة جمال :

زهرة قالت لنفسها : اما قوم اطمن علي بابا واعرف ايه اللي اخروا بره كده اكيد فيه حاجة وانا لازم أعرفها وخرجت من الغرفة ونزلها ايه يابابا اللي اخرك احنا قلقنها عليك وبتنظر ايه ده نهر وتغيرت تعبيرات وجهها

جمال قال بإبتسامة : شوفتي يازهرة نهر طلعت عايشها

زهرة قالت بضيق : إزاي

رضوان بيه قال : مش وقته تعالى يانهر لما نطلع جدتك تشوفك

جمال قال : ايوه ماما هتفرح اوي

رضوان بيه قال : يلا ومسك ايدها

وقامت نهر ومشت ووراها جمال

وبينظر لها زهرة وهي ماشيه وقالت لنفسها بغضب : إزاي نهر عايشها بعد الحادثة اللي حصلت معها معقول ده يعني كل اللي خطتله طلع على الفاضي مستحيل ده يحصل

ونظر جمال وراها وقال : زهرة زهرة

ونظرة زهرة وراها وقالت : ايوه يا جمال

جمال قال : مش هاتجي

زهرة قالت : شويه وهحصلك

جمال قال : طيب وطلع

زهرة قالت لنفسها بغضب : يعني كل اللي عملته فشل ازاي ازاي وضربت رجلها في الكرسي اه ااااه وقعدة

في غرفة كريمة :

رضوان بيه قال : كريمة اصحي كريمة

جمال قال : اصحي يا ماما شوفي مين اللي جاي يشوفك

وفاقت كريمة من النوم وبتنظر أمامها لقيت نهر وقالت بدهشة : نهر رضوان انا بحلم

رضوان بيه قال : لا يا كريمة نهر لسه عايشها وهي فعلا موجودة أمامك

جمال قال : ايوه يا ماما

كريمة قالت بفرحة : نهر عايشها ونظرة لهم

رضوان بيه قال : ايوه تعالى يانهر لجدتك

وقامت نهر وراحت لها

ومسكت كريمة ايدها وقالت بإبتسامة : نهر وقامت وقعدة على السرير ونظرة لها نهر حفيدتي وحضنتها

رضوان بيه قال : براحة عليها هي لسه تعبانه

كريمة قالت بخوف : تعبانه مالها يارضوان

وحكلها رضوان على اللي حصل وقال : بس وجبتها على هنا

كريمة قالت : يعني هي فاقدة الذاكرة

رضوان بيه قال : ايوه

جمال قال : بس متقلقيش ياماما الدكتور طمن بابا وقاله إنها هتخف بس محتاج شويه وقت

رضوان بيه قال : ايوه يا كريمة الدكتور طمني والا ماكنش وافق على خروج من المستشفى واللي حصل معها ده بسبب الحادثة اللي حصلتها

كريمة قالت : ياحبيتي وحضنتها انا جدتك يانهر

نهر قالت : عاملة ايه يا تيتة

جدتها قالت : الله بقولي كتير مسمعتش الكلمة دي وقولت خلاص معتش هسمعها منك تاني بس الحمد لله انك رجعتي تاني وسمعتها منك وبتبكي

نهر قالت : خلاص ماتبكيش انا كويسة ومسحتلها دموعها

جدتها قالت : دي دموع الفرحة ياحبيتي عامر هيفرح اوي انك لسه عايشها

نهر قالت : هو فين بابا

جدتها قالت : هو انتي فاكرها ابوكي

نهر قالت : لا بس جدي حكلي عنه

جدتها قالت : اه ااااه

نهر قالت : هو فين

جدتها قالت : هو تعبان شويه وان شاء الله هيخف

نهر قالت : طيب انا عاوزها اشوفه

رضوان بيه قال : لما ترتاحي وتاخدي الدواء

نهر قالت : بس ياجدي

جمال قال : بابا معها حق يا نهر لازم ترتاحي علشان نبقي كويسة نهر قالت : طيب

رضوان بيه قال : يلا علشان اخدك على غرفتها

نهر قالت : طيب وقامت

كريمة وقالت : لا هي هتنام معايا النهاردة

جمال قال : بس ياماما انتي كمان لازم ترتاحي

والداته قالت : انا هترتاح لما تبقى معايا هي وحشني اوي

نهر قالت : وانتي كمان ياتيته خلاص انا هبات معاكي النهاردة

رضوان بيه قال : بما أن الجدة والحفيدة اتفقوا يبقي ياجمال احنا نطلع احسن

جمال قال : صح يا بابا

وضحكت كريمة ورضوان بيه ونهر وضحك جمال وقال لنفسه : يا ها اااا بقالي كتير مشفتكوش بتضحكوا الحمد لله إن رجعت الضاحكة على وشكم تاني

رضوان بيه قال : علي الأقل ياكربمة تغير هدومها وتجي تبات معاكي

كريمة قالت : طيب

رضوان بيه قال : يلا يا نهر

كريمة قالت : متتاخريش يانهر

نهر قالت : حاضر

ومسك رضوان بيه ايد نهر وخرجوا من الغرفة وبتنظرة زهرة لفوق بالصدفة لقيت رضوان بيه ونهر وظهر على وجهها علامات الغضب وراحت علي الجنينه وقالت لنفسها بعصبية : إزاي ده حصل بس اتنقذت ازاي من الحادثة وبتتصل بماجد

في كافيه شوب :

ورن تليفون ماجد ونظر فيه وقال : شويه وجاي

شريف قال : طيب

ومشي ماجد وفتحها الخط وقال : الووه

زهرة قالت : ايوه يا ماجد انت فين

ماجد قال : انا مع صحابي ليه

والداته قالت : فيه مصيبة

ماجد قال : مصيبة ايه ياماما جدي وعمي وبابا وتيته كويسين

والداته قالت بعصبية : اه ااااه كويسين

ماجد قال : امال فيه ايه

والداته قالت : نهر

ماجد قال : ماتت ياماما الله يرحمها

والداته قالت : نهر ممتش لسه عايشه

وضحكها ماجد قال : انتي بتهزري ياماما هو اللي بيموت بيحيها تاني

والداته قالت : انا بتكلم بجد نهر عايشها

ماجد قال : ايه عايشها

والداته قالت : ايوه نهر عايشها وجدك جابها على الفيلا

ماجد قال : انتي بتقولي ايه ياماما

والداته قالت : زي ما بقولك كده

ماجد قال بدهشة : إزاي حصل كده

والداته قالت : مش عارفة ازاي نفدت من الموت

ماجد قال : انا جاي ياماما

والداته قالت : طيب سلام

ماجد قال : مع السلامة وقفل الخط وراح علي الترابيزة وأخذ الجاكت بتاعه ومفتاح العربية

شريف قال : ايه يا ماجد انت ماشي

ماجد قال باستعجال : ايوه

شريف قال : ليه حصل حاجة

ماجد قال : بعدين ابقي اقولك ومشي

ونظر له شريف وهو مشي وقال باستغراب لنفسه : يا تري ايه اللي حصل خلها يمشي بسرعة كده

وخرج ماجد من الكافيه وراح وركب عربيته وتحرك وقال لنفسه بغضب : إزاي نهر تكون عايشها بعد الحادثة اللي حصلتها وتنقذت ازاي بس بعد ما قولت خلاص ماتت وارتاحت منها رجعت ازاي حصل كده بس

أمام فيلا المنشاوي :

زين قال لنفسه بقلق : يا تري ايه اللي بيحصل معها جوه وبعدين هفضل واقف كده معرفش ايه اللي بيحصل جوه ورايح جاي وبينظر من علي جدار الفيلا لقها واحدة واقفه في الجنينه مين دي تلقيها زوجته عامر بيه أو جمال بيه المهم دلوقتي لازم أفكر اعمل ايه لازم اشوف نهر بس ازاي ولازم اشوفها وهي ماتشفنيش علشان ميحصلهش حاجة زي ما دكتور قال ياربي ساعدني وراح وقعد قصده الفيلا بيفكر

جوه الفيلا :

في غرفة نهر :

رضوان بيه قال : دي بقي غرفتك زي ما انتي سبتيها مخلتش حد يدخلها غير سعدية علشان تنظفها وتخرج تاني

وتنظر نهر الغرفة

رضوان بيه قال : يلا غيري هدومك اعقبال ما اقولهم يحضروالك الأكل

نهر قالت : لا انا مش جعانه

رضوان بيه قال : ما انتي لازم تاكلي علشان تاخدي الدواء وتخفي نهر قالت : لو جعوت هبقي أكل

رضوان بيه قال : انا عارفك عنيدة بس على فكرة انا اعند منك وهقولهم يحضروا لك الأكل ودي مافيش فيه ناقش

نهر قالت : طيب ياجدي بس هاكل على قده مقدر ماشي

رضوان بيه قال : طيب المهم تاكلي اخليهم يجبوا هنا ولا عند جدتك في الغرفة

نهر قالت : لا عند جدتي

رضوان بيه قال : طيب مش عاوزها حاجة

نهر قالت : لا يا جدي شكرا

رضوان بيه قال : طيب وده الدواء

نهر قالت : طيب ياجدي واخذته منه

وخرج رضوان بيه من الغرفة ونزل وقال : سعدية سعدية

ودخلت زهرة من الجنينه وبتنظر لقيت رضوان بيه فوقت

رضوان بيه قال : سعدية

وجاءت سعدية وقالت : ايوه يافندم

رضوان بيه قال : حضري الأكل وطلعيه على غرفتي

سعدية قالت : حاضر يافندم ومشت

زهرة قالت بضيق : امال نهر فين يابابا

رضوان بيه قال : في غرفتها بتغير هدومها

زهرة قالت : اه ااااه إنما حضرتك لقيتها ازاي

رضوان بيه قال : بعدين وطلع علي غرفته

زهرة قالت لنفسها بغضب : هو مش عاوز يقول ليه يعني المرة اللي تخرج فيها بعد ما نهر ماتت ترجع بيها بس هو لقها ازاي اكيد جمال عارف بس هو فين وبتنظر حوليها اكيد عند والداته في الغرفة ما لازم اعرف ايه اللي بيحصل وازاي دي رجعت تاني انا قولت خلاص اتخلصت منها هترجع تاني تتحكم في كل حاجة لا ده مش ممكن يحصل ابدا بس الأول لازم اعرف هي رجعت ازاي من الموت وايه اللي حصل علشان اعرف اتصرف

في غرفة رضوان بيه :

كريمة قالت : نهر فين

رضوان بيه قال : في غرفتها بتغير هدومها

كريمة قالت : تعرف يارضوان انا لغاية دلوقتي مش مصدقها اني شوفتها تاني

رضوان بيه قال : ربنا كبير ياكريمة وعالم بنا

كريمة قالت : ياريت لوكان عامر صاحي كان هيفرح اوي بيها

جمال قال : ان شاء الله هيخف ياماما وهيبقي كويس

كريمة قالت : يارب ياريت لو الهام عايشها كانت هتفرح إن بنتها لسه عايشها

رضوان بيه قال : الله يرحمها

جمال قال : الله يرحمها

رضوان بيه قال : البركة في نهر ربنا يخليها لينا

كريمة قالت : يارب

جمال قال : امال فين زهرة

رضوان بيه قال : انا شوفتها تحت

جمال قال : طيب

وخرجت سعدية من المطبخ ومعها صنية الأكل وراحت علي غرفة رضوان بيه وخبطت علي الباب

رضوان بيه قال : أدخل

ودخلت سعدية ومعها الصنية الأكل يافندم وقالت : الأكل

رضوان بيه قال : طيب حطيه عندك روحي قولي لنهر إن الأكل جاهز

سعدية قالت : حاضر وخرجت من الغرفة وراحت علي غرفة نهر وخبطت علي الباب

نهر قالت : أدخل

ودخلت سعدية وقالت : رضوان بيه بيقول لحضرتك الأكل جاهز

نهر قالت : طيب روحي وانا جاية وراكي

سعدية قالت : حاضر وحمد لله على سلامتك

نهر قالت : الله يسلامك

وأخذت نهر الدواء وخرجت من الغرفة ورايحة علي غرفة رضوان بيه وبتنظر زهرة لفوق لقيت نهر فظهر على وجهها علامات الغضب

وخبطت نهر على غرفة رضوان بيه

رضوان بيه قال : أدخل

رضوان بيه قال : يلا يا نهر الأكل جاهز

نهر قالت : طيب ياجدي وقعدت وهتمسك المعلقة

كريمة قالت : استني

ونظر لها رضوان بيه وجمال ونهر باستغراب

كريمة قالت بإبتسامة : انا اللي هاكلك بأيدي زي زمان تعالى

نهر قالت : لا ياتيته انا هاكل لواحدي انا مش عاوزه اتعبك

كريمة قالت : لا هاكلك وبعدين انتي لسه تعبانه وانا ببقي مبسوطة لما بأكلك بأيدي تعالى

نهر قالت : بس ياتيته

كريمة قالت : مابسش تعالى

نهر قالت : طيب وأخذت الصنية وراحت لها

واخذت كريمة منها الصنية وحطها علي رجلها قالت : تعالي جانبي قوم ياجمال

جمال قال : حاضر وقام وراح قعد بجانب والده

وراحت نهر وقعدة بجانب كريمة

ومسكت كريمة المعلقة وقالت : يلا ياحبيتي

نهر قالت : طيب واكلت

جمال قال بصوت منخفض : شايف يابابا ماما فرحانه ازاي

والده قال : ايوه الحمد لله انها خافت و شوفتها تاني بتضحك

جمال قال : وده بسبب رجوع نهر

والده قال : ايوه رجوعها رجع السعادة تاني على البيت

جمال قال : يارب دايما نبقي فرحانين

والده قال : يارب وبينظر لكريمة ونهر

أمام الفيلا :

وصل ماجد على الفيلا

وبينظر زين للعربية وقال لنفسه بدهشة : ماجد المنشاوي

ودخل ماجد وبينظر لقي والداته فاراح لها وقال باستعجال : هي فين ياماما

والداته قالت : فوق فى غرفة جدك

ماجد قال باستعجال : طيب ومشي

والداته قالت : ماجد ياماجد

ماجد بدون تعليق

والداته قالت : يا ها اااا لأ بقي وراحت وراها

وراح ماجد علي غرفة جده ودخل وبينظر لها وقال بدهشة : نهر

ونظرة له نهر باستغراب بدون تعليق ودخلت زهرة وراها ووقفت جانبه بتنظر لقيت كريمة بتاكل نهر فتغيرت تعبيرات وجهها

جمال قال بإبتسامة : نهر رجعت يا ماجد

وبينظر ماجد لنهر وقال باستغراب : إزاي

جمال قال : جدك كان راح مع حسن السواق المستشفى علشان يزور والداته حسن وشافها هناك واحد اسمه زين هو اللي انقذها وودها على المستشفى بس للاسف بسبب الحادثة اللي حصلتها فاقدة الذاكرة

زهرة وماجد قالوا بدهشة : ايه فاقدة الذاكرة وبينظروا لنهر

رضوان بيه قال : ايوه بس الدكتور طمني وقالي انها إن شاء الله هتخف وهترجعها الذاكرة تاني

وبينظروا لها ماجد وزهرة بضيق

جمال قال : ده يانهر ماجد ابن عمك ودي زوجتي زهرة

نهر قالت : اهلا يا ماجد اهلا ياطنط

وبينظروا لها ماجد وزهرة بدون تعليق

ماجد قال بضيق : وانتم عرفتم منين انها نهر

والده قال باستغراب : تقصد ايه

ماجد قال بضيق : أقصد انها ممكن ماكتنش نهر وتبقي واحدة شابها نهر وخلاص

ونظر جمال وكريمة ورضوان لنهر باستغراب

ماجد قال بعصبية : وممكن تكون هي عرفت اللي حصل لنهر واستغلت الشابه اللي بينها وبين نهر وعملت نفسها نهر علشان تعرف تدخل الفيلا وتاخد اللي هي عاوزها ونظر لها بغضب انتي فاكرة انها دخلت علينا ينصابها يبقي انتي متعرفيش عيلة المنشاوي كويس ياحراميه وراح لها ومسكها من ذراعها قومي انا هعملك ازاي تفكري تنصبي على عيلة المنشاوي قومي ماما اطلبي الشرطة

زهرة وقالت : طيب

نهر قالت : سيبني

ماجد قال بغضب : اسيبك ياحرامية

ووقف رضوان وقال بعصبية بصوت مرتفع : ماجد

ونظر له ماجد بدهشة ووقف جمال بقلق وبينظرة زهرة بدهشة

رضوان بيه قال بغضب : سبها

ماجد قال بعصبية : اسبها ازاي ياجدي دي حرامية مش نهر ولازم الشرطة تجي تاخدها علشان تاخد جزائها على اللي عملته

رضوان بيه قال بعصبية : قولتك سيبها

ماجد قال بغضب : لا يا جدي مش هسيبها غير لما الشرطة تجي تاخدها علشان هي مش نهر دي حراميه ونظر لها وعرفت ازاي تستغل عواطفكم

وراح له جده وشده من ذراعه بغضب ورفعها ايده وضربه بالقلم

زهرة قالت بخوف : ابني

ونظروا جمال والداته بقلق بدون تعليق

ونظر له ماجد وقال بحزن : انت بتضربي ياجدي

جده قال بغضب : سيبها

ماجد قال بغضب : اهي وساب ذراعها

جده قال بعصبية : انت فاكرني ايه اهبل وأي حد يضحك عليها ويجي يقولي إن دي حفيدتك أصدقه علي طول انت شكلك نسيت انا مين انا رضوان المنشاوي اللي لسه الكل بيعملوا الف حساب ولما اقول ان دي حفيدتي تبقى حفيدتي والموضوع منتهي وإياك تفكر تعمل كده تاني مع نهر فاهم

ونظر له ماجد بغضب ومشي

رضوان بيه قال بعصبية : استنها

ووقف ماجد ونظر له بضيق

جده قال بغضب : اعتذر منها

ونظر له ماجد بغضب بدون تعليق

جده قال بغضب وبصوت مرتفع : بقولك أعتذر منها

ونظر لها ماجد وقال بغضب : اسف ومشي

ومشت والداته وراها وقالت : استنها ياماجد

ومشي ماجد بغضب

والداته قالت : استنها ياماجد ماجد

ومشي ماجد بغضب

ومسكته والداته من ذراعه وقالت : أقف بقي

ماجد قال بغضب : ماما سبيني دلوقتي

والداته قالت : لا مش هسيبك تعال معايا ومشي

ونظرة له والداته وقالت : علشان خاطري يا ماجد تعال معايا

ونظر لها ماجد ومشت زهرة ووراها ماجد

في غرفة رضوان بيه :

رضوان بيه قال : انتي كويسة يانهر

نهر قالت : ايوه يا جدي كويسة متقلقش

رضوان بيه قال بإبتسامة : طيب

جمال قال : انا مش عارف ازاي يعمل كده

والده قال : خلاص يا جمال الموضوع خلص

كريمة قالت : يلا ياحبيتي كملي اكلك

نهر قالت : لا ياتيته انا شبعت

كريمة قالت : انتي اكلتي حاجة

نهر قالت : شبعت ياتيته

كريمة قالت : لا لازم تخلصي الأكل كله

نهر قالت : لا انا اتفقت مع جدي اني أكل على قده مقدر وانا شبعت صح ياجدي

رضوان بيه قال : ايوه خلاص يا كريمة سبيها براحتها

كريمة قالت : طيب إنما امتا اتفقتم

نهر قالت : لما كنت في غرفتي

كريمة قالت : اه ااااه يعني الجد وحفيدته اتفقوا عليه

وضحكت نهر وقالت : وهو احنا نقدر ياتيته وحضنتها

كريمة قالت : ربنا يخليكي لي

نهر قالت : ويخليكي لينا ياتيته

في غرفة زهرة :

زهرة قالت : انا عارفها انك مضايق من اللي حصل بس

ماجد قال بغضب : بس ايه ياماما جدي اول مرة يمد ايده عليه وضربني كله ده بسببها

وحطت والداته ايدها علي كتفه وقالت : اهدها ياماجد علشان نعرف نفكر

ماجد قال بعصبية : اهدها انا انضربت بسببها وانتي بتقوللي اهدها

والداته قالت : ايوه لازم تهدها علشان العصبية مش هتوصلك لحاجة اهدها كده واقعد علشان نفكر هنعمل ايه

ماجد قال بغضب : نفكر المرة اللي فاتت لما خطتنها اللي احنا نخلص منها وقولت خلاص الخطة نجحت وخلصت منها وماتت وهمسك الشركة لا رجعت تاني وقعدت وهترجع كل حاجة زي ماكانت

والداته قالت بتفكير : مافيش حاجة هترجعها زي ماكانت

ماجد قال بعصبية : ماما جدي ضربني بالقلم علشان نهر وبكرة هترجع تاني تمسك الشركة

ونظرة له والداته وقالت بغضب : مش هيحصل وحطت ايدها علي وشه والقلم اللي ضربهولك جدك انا هعرف ازاي هدفعه الثمن القلم ده غالي اوي ——–

يتبع….

• يتبع الفصل التالي اضغط على ( رواية لحظة موت ) اسم الرواية