رواية ارهقت قلبي بعشقك كاملة بقلم مغفرة صالح عبر مدونة دليل الروايات
رواية ارهقت قلبي بعشقك الفصل الرابع 4
_ يا خالتو بقولك مبيسألش خالص … مبيتكلمش .. مبيرنش .. داخلين فى الشهر ميعرفش حاجه عني
“قالتها “چاسمين” بنبره حزينه
نظرت لها حياة بحيره ثم أردفت قائله:
_ والله يا بنتي معتش عارفه أقولك إيه .. انا حاولت معاه بس إنتي عارفه أدهم دماغوا قـِفل شويتين وبيـ
قاطعها “زياد” قائلاً وهو يجلس علي الكنبه وينظر للهاتف:
_ بوصي هو خلينا واقعيين إنتي عارفه وكـُلنا عارفين إن أدهم أصلا مكنش عايزك ومـ
قاطعته والدته بنبره صارمه:
_ أسكت يا زياد بس
قاطعها “فادي” أخيه الاوسط قائلا:
_ لا يا ماما ولحد إمتا هنفضل نسكت؟ مش عشان هيا بنت خالتنا هنسكت … وأدهم يا ماما فكري فى إبنك .. ثم وجهه كلاموا لـ چاسمين:
_ تقدري تقوليلي حاجه واحده بس عشان يحبك .. عملتي إي عشانو … متضحتيش بأي حاجه .. الي بشوفوا من أدهم إنو بيحاول يحبك بس مـَعـِرفش
سيبيه فى حالو بقا إنتي إي؟
نظرت لهم بمشاعر بارده ثم بكت:
_ إي الي انتوا بتقولوا دا أدهم بيحبني أنا ومش هيكون لغيري انتوا سامعين
ثم أخدت نفسها ورحلت
نظر لها “زياد” بإستحقار:
_يلا فى داهيه .. ربنا يكون فى عونوا
نظرت لهم حياة بحنق:
_إنتوا إزاي تتكلموا معاها كدا … مينفعش طريقتكوا دي خالص .. انا عارفه إنو مش بيحبها بس متبقاش بالطريقه المـُجرحه دي
” أنا أسف يا أمي”
قالها فادي ثم قبل رأسها
نظر لها زياد ثم قبل رأسها:
_ما بصراحه هيا مستفزه .. معندهاش كرامه خالص
هي مش هترتاح غير لما يحب واحده وييجي يقولها مبحبكيش وساعتها هيكون عندو حق
_خلاص يا زياد
“قالها فادي بنبره لا تقبل النقاش على أن يقفل هذا الموضوع”
“””
” هتوحشيني يا كوكي”
قالتها فريده وهي تنظر لـ”مكه” بـحـُب
احتضنتها مكه بـودٍ ثم قالت:
_ هتوحشيني أكتر يا فرى .. المهم تكلميني كل يوم لحد ما المده دي تخلص .. مش عارفه انا الدكتور الرخم دا فرقنا لي يعني
نظرت لها بنصف عين:
_إممممم رخم بردو
لكزتها فى كتفها ثم أتت “إبتسام”:
_ خودي بالك من نفسك يا فريده وتطمنيني عليكي يا حبيبتي ثم احتضنتها
قالت مكه بمزاح وهي تقف على الكنبه وتلوح بيدها:
_الله الله يا ست ماما منتي بتعرفي تكوني حنينه اهو اومال لي بتعملوا معايا كدا و…
قاطعتها “إبتسام” وهي تَـحـدف الشبشب على مكه لاكن لحقتوا:
_ ايوا والله كنت مستنياه دا حبيبي دا .. قد أي بحب الشبشب دا يا ماما يا نبع الحنان
ثم نظرت على اللذين مـُنفجرين من الضحك
قالت فريده من بين ضحكاتها:
_إنتي رهيبه بجد .. ثم امسكت بحقيبتها وقالت:
_يلا انا ماشيه بااي
قامت مكه بإحتضان “إبتسام” ونظروا لها بود
ودعتهم ثم رحلت
نظرت مكه لـ”إبتسام”:
_ تفتكري هتقدر تتأقلم شهر لوحدها بعيده عننا؟
قالت بثقه:
_دي أول خطوه انا كنت مستنياها تيجي ،، لانها هتقدر تعتمد على نفسها ومش هتحتاج لحد .. هتواجهه كل حاجه لوحدها
نظرت لها “إبتسام” بإستغراب شديد:
_مكان فيه رجاله ؟ مالها ومالهم
توترت مكه قليلاً حاولت تغيير مجرا الحديث:
_هاا لاء لاء .. انا ..انا يعني …بقولك اي عامللنا أكل اي بقا يا بيسو يا قمر انت لحسن عصافير بطني بتهوهو
نظرت لها “إبتسام” بقرف:
_أمه داعيه عليه والله الي هياخدك .. ربنا يكون فى عونوا هو واهلوا كلهم نفر نفر
ضحكت “مكه”بسماجه قائله:
_ ياااه دا يا بختوا بيا والله … طب بذمتك ودينك وصقفت بيدها واكملت: مش كـُنااا مدلعينك لووولي
اتفزعت “إبتسام”وتركتها ورحلت وهيا تتمتم:
_لاء والله انا خلاص صحتي باقت على قدي … بنتي اتهبلت علي أخر الزمن .. طب ابوكي الله يرحمه كان فرفوش بس مش بالهطل دا
شاورت علي نفسها:
_ أنا أناا … انتي راضيه عن الكلام دا .. وبعدين مالك ومال ابويا السكر النسمه .. كفايه عيونوا البـُنيه
قالت “إبتسام”بنفاذ صبر:
_ بت امشي من قدامي هترفعيلي الضغط
“””””
- يتبع الفصل التالي اضغط على ( رواية ارهقت قلبي بعشقك ) اسم الرواية