رواية عريس اونلاين (كاملة جميع الفصول) حصريا عبر دليل الروايات بقلم منار العتال
رواية عريس اونلاين الفصل الرابع 4
روايه (عريس اونلاين)
الفصل الرابع
بقلمى/منار العتال
روان بخوف و اتسعت عينيها له و اردفت:لااا ابوس ايدك بلاش عم شوقي ! مش عاوزه اطفح حاجه خلاص
تيم بضحك:اى يا بنتى مالك خايفه ليه كده ؟ انتى هتبقي مرات ظابط يعنى لازم تنشفي اومال ليه انا طلبت منك تيجي نتقابل هنا فى القسم
روان فى سرها والله كان يوم أسود يوم ما اتورط التوريطه السوده دى مين قال انى عاوزه اتجوز ظابط اساسا
تيم:بتقولي حاجه ؟
روان بابتسامه مصطنعه:لا و لا حاجه
تيم: خلاص هنادى لعم شوقى يجى يفرجك على السجن تاخدى لفه كده
روان :اخدلي لفه و فى السجن!!!! ليه هو هيفسحنى فى دريم بارك !! و بعدين انت مش شايف شكل عم شوقي ده عامل ازاى ده واخد مطوه فى وشه ده باين عليه مجرم
تيم :خلاص لو خايفه من عم شوقي تعالى معايا انا الففك فى السجن هتتبسطى والله
روان بنرفزه:يا اخى ان شاء الله عنى ما اتبسط يلعن الانبساط إللى بالشكل ده
تيم برفع حاجب:انتى بتعلي صوتك؟
روان بلعت ريقها بخوف و اتراجعت:يا باشا مقدرش اعلي صوتى ده انا إللى صوتى بس بيفلت منى كده
تيم شدها من ايديها جرها وراه يفرجها على السجن و فى طريقهم قابل واحد كان محطوط فى ايديه كلبش
تيم قرب عليه بغضب:انت ياض مش تبع معلم شلضم إللى مشغلكم فى المخدرات!!! مش هتقولي ياض معلمك هرب راح فين ؟؟؟
- يا باشا انا معرفش حاجه
كانت روان تتابع كل ما يحدث برعب و بتلعن اليوم إللى شافته فيه
تيم بغضب:طب وحياه امى ما انا سايبك غير لما تعترف و نادا بصوت جهورى ب عم شوقي
تيم:عم شووووووقي
عم شوقي كان بيجرى ناحيته
-اؤمرنى يا باشا
تيم بغضب:خدلي الواد ده هات سيخ كبير كده و سخنه و حطه فى سرسور ودنه مش عاوزه يسمع تانى
عم شوقي:طب يا باشا ما انا لو خليته ميسمعش ما هو كده مش هيعرف يعترف لما نسأله
تيم بتفكير:امممم معاك حق طب بص خده و اتصرف معاه بمعرفتك انت بقي ما انا مش هعلمك تعمل أى يا عم شوقي يعنى
عم شوقي خد الراجل و مشي ..
روان بخوف:هو هيعمل اى فى الراجل؟؟
تيم بابتسامه:لا متشغليش بالك انتى و تعالى ن
نقعد نشرب ليمون تهدى اعصابك اصلي حاسس ان اعصابك مش مظبوطه
روان :مش عاوزه اشرب حاجه انا عاوزه امشي و حياه عيالك مشينى من هنا ده أنا لسه شايفه واحد شبه حمدى الوزير معدى من جنبي
تيم :يا بنتى انا قولتلك لازم تنشفي كده مادام هتبقي مراتى
صرخت روان فى وشه:مش عاوزه اتجوز خلاص مش عااااااوزه كان يوم أسود
غادرت روان و تركت تيم خلفها
تيم بصدمه:هو انا عملت اى يعنى الحق عليا انى كنت بفرجها على مكان جديد مشافتوش قبل كده فعلا خير تعمل شر تلقى
ذهبت روان للمنزل ووجدت تسنيم تجلس مع والدتها منى
روان بعصبيه:بت يا تسنيم و الله لو جبتيلي سيره إللى اسمه تيم ده هخنقك
تسنيم:فى اى مالك متعصبة ليه؟؟
منى:اى يا بنتى مالك انتى ركبك عفريت و لا اى
روان بغضب:البيه كان بيعرفنى على مجرمين و بيقولي افسحك فى السجن !! انا قولتله ان خلاص مش هكمل
منى بضحك:طب والله انا حبيت الولا ده
تسنيم بضحك ايضا:الحق عليه بيفسحك يعنى
روان بدهشه:انتوا بتضحكو!!!!
تسنيم حاولت تكتم ضحكها:بصي يا روان حاولي تعطيه فرصه تانيه
روان :بت انا مش عاوزه اتجوز انا اتعقدت من الجواز مالها السنجله! ذي الفل والله و خلاص كده معنتش عاوزه اتجوز
دخلت روان اوضتها و بتكرر جملتها مش عاوزه اتجوز
منى :البت شكلها اتجننت باين
تسنيم بضحك:باين كده
.......
مراد بغضب:وحياه امك!!!! رايح تفسحها فى القسم!!!! ما هى طبيعي تهرب منك و تسيبك
تيم بغضب:مراد متشتمش انا قولتلك كنت بفرجها على شغلي يعنى و هى مشافتش اكيد قسم قبل كده انا قولت هتتبسط
مراد شد شعره :هتتبسط؟ فى القسم !!! وسط المجرمين؟؟ طلع ياض كده موبايلك عاوز اشوف رسايلك معاها
تيم:لا
مراد:طلع ياض بقولك
تيم خرج موبايله بتأفف و عطهوله
مسك مراد بالموبايل و دخل على الشات بين تيم و روان و وسعت عينيه لما شاف تيم كاتبلها حضرتك و تعالى نتقابل فى القسم
مراد :انت قولتلها حضرتك؟؟؟؟
تيم بتكشيره :وفيها اى يعنى ؟ مش بحترمها
مراد :تحترمها اه لا ده البت ليها حق فعلا تهرب من وشك
تيم بتكشيره:بقولك اى انا اساسا مكنتش عاوز اتجوز
مراد بتنهيده:يعنى انت مأعجبتش بيها ؟؟
تيم بتفكير:هى بصراحه ايوا اعجبت بيها بس لا برضو
مراد :لو عايزها يبقي تعمل إللى بقولك عليه من غير ما تنطق حرف انت سامع ؟
تيم :ماشي بس متزعقش
مراد :بص انت تكلمها تقولها انا اسف مكنش قصدى لو خوفتك و تعزمها فى مطعم ذي البنى آدمين و تجبلها ورد
تيم باعتراض:ما انت عارف يا مراد انى مليش فى الكلام ده !
مراد:والله يا تيم لو معملتش إللى بقولك عليه ده ل هقول ل امك تجوزك فريده و انت حر بقي
تيم بتكشيره:بقي كده يا مراد ؟
مراد:ايوا كده
تيم باستسلام:خلاص هعمل كده هات الموبايل لما ابعتلها
عطاه مراد الموبايل
فتح تيم الموبايل و جاى يبعت لقى الرساله مش بتتبعت و الصوره مش باينه
تيم بتكشيره:الرساله مش بتتبعت !
مراد ورينى كده
بص مراد و قال بعصبيه البت عملتلك بلوك من عمايلك انت شكلك زودتها معاها يا تيم
تيم :بقولك اى مادام هى عملت بلوك يبقي خلاص و بلاش احاول اكلمها نروح فى حته
مراد بغضب:طب اى رايك بقي انك هتكلمها من موبايلي وهتعتذر!!!
بعد محاولات كتير تيم وافق و قرر انه يكلمها
كانت روان قاعده و بتسمع اغانى تهدى اعصابها و بتاكل شيبسي
بس لقت موبايلها بيرن من رقم غريب
روان اى الرقم ده وردت
روان :الو مين معايا؟
- انا تيم يا روان و كنت عاوز اعتذر منك على إللى حصل و لو فاضيه يعنى ممكن لو تسمحى نتقابل فى
روان وسعت عينيها و قاطعته بسرعه:لاااااا قسم تانى لااااا
تيم باستغراب:بس انا لسه مقولتش نتقابل فين ؟ انا كان قصدى نتقابل فى مطعم يعنى او كافيه
روان باستغراب: وده ليه يعنى؟
تيم :احم يعنى علشان اعتذرلك عن إللى حصل النهارده الصبح
مراد كان قاعد جنبه و همس فى ودنه قولها تفك البلوكات
تيم :و لو ممكن تفكى البلوكات علشان ده مش اسلوب و انا محدش يعملي بلوك !!!
مراد:يخربيتك يا اخى
روان : انت بتزعقلي؟؟؟
تيم اتراجع:لا مش بزعق احم مقصدش هاا موافقه اعزمك؟
روان بتفكير:خليها بكره
تيم ل مراد و حط ايده على سماعه الموبايل علشان متسمعش دى بتتقل عليا وربنا اشنقها
مراد و هو بيمسح بايده على وشه :قولها ماشي بكره إللى يريحك
نفذ تيم إللى قاله مراد و قفل مع روان
تيم بغضب:بتتقل عليا !!!عليا انا !!!
مراد:اعذرها هى الصدمه إللى خدتها منك مش قليله برضو و بعدين البت تحب إللى مش مدلوق عليها انت لازم تسيبها براحتها برضو و بلاش كلامك ده و تقولها حضرتك و لو تسمحى هى مش مدرستك ياض
تيم بنرفزه: اومال اشتمها يعنى!!!
مراد:يادى النيله هو انت لاما تحترمها اوى لاما تشتمها؟؟؟ يا ابنى المفروض تكلمها عدل يعنى مثلا فى نص الكلام كده قولها وحشتينى عامله اى يومى وحش من غيرك كده يعنى و دقنك و شنبك دول تحلقهم
تيم :لا لا لا دقنى اى إللى احلقها دى الدقن دى إللى بتخوف المجرمين منى
مراد :ما هى بتخوف المجرمين منك اى ذنب بقي البت تترعب من شكلك هى كمان؟
تيم باعتراض:لا يعنى لا الا دقنى و شنبي لا مش هحلقهم انت بتحلم
بعد ساعه......
كان تيم بيبص لنفسه فى المرايا عند الحلاق و بيدمع
تيم:شنبي!!ده كان اعز ما املك منك لله يا مراد يا ريتنى ما سمعت كلامك
مراد بضحك:طب والله شكلك بقي احلي كده و روان هتعجب بيك ده بشكلك ده اى بنت هتعجب بيك و تقع فى حبك فى ٥ دقايق
تيم وهو بيحسس بايده مكان شنبه:اه يا شنبي يا حبيبي !
مراد:فى اى ياسطا انت محسسنى انى قطعت علاقتك بحبيبتك مثلا
تيم بندم:ياريت كان كده و لا كنت احلق شنبي
مراد:يادى النيله ابقي ربيه تانى وخلاص يعم متعملش فيلم هندى
فى اليوم التالي كان تيم يقف تحت منزل روان و ماسك ورد و لابس بدله سوداء انيقه و كان شكله وسيم جدا وهو من غير دقن و شنب
كانت روان نازله على السلم و لابسه فستان أسود و طرحه حمراء
روان وقفت تحت البيت و تببص يمين و شمال مستنيه تيم
تيم كان واقف قدامها مستغرب هى مش شيفاه و لا اى و قرب منها
تيم:احم
روان :بطلوا معاكسات بقي و قله ادب بروح امك
تيم بغضب:انتى بتكلمينى انا كده؟؟؟؟
روان ركزت فى ملامحه و فى صوته و عرفت انه تيم و بلعت ريقها بتوتر : تيم!!!! يا باشا إللى ما يعرفك يجهلك عيل و غلط
يتبع.....
•تابع الفصل التالي "رواية عريس اونلاين" اضغط على اسم الرواية