رواية مريض الغرفة كاملة بقلم حبيبة ممدوح عبر مدونة دليل الروايات
رواية مريض الغرفة الفصل السادس 6
عارفة إنك مستغربة وبتسألي كان بيجي هنا لية بس أحمد كان بيجي يزور والدتة لحد ما حصل ال حصل
_هي مامتة كانت هنا؟
_ايوة، اخدت سنين بتتعالج بعد ما زوجها توفى
جالها صدمة ومستحملتش ف جابوها هنا علشان تتعالج وفضلت هنا فترة وكان أحمد كل يوم بيجيلها وكان متعلق بيها جداً لغاية ما جة ف مره وملقهاش.
_هربت؟
_لا ماتت
اتوفت وهو كان ف حالة صدمة وكل دة فاكر إن احنا السبب ف موتها مع إن كلنا كنا بنحاول نساعدها بس هو من صدمته مكنش مصدق حد، جاتلة حالة نفسية واخواته قررو يدخلوة المستشفى هنا وهو من ساعتها على الوضع دة، مش متقبل أي حد ولا أي حاجة، مبياخدتش الأدوية علشان عندو اعتقاد أننا ممكن نكون حطيلة حاجة فيها، مش بياكل إلا قليل اوي واغلب الاوقات بنعلقلة محاليل علشان يعيش.
كنت سامعة كلامها وأنا حاسة إن تايهة وفهمت ساعتها هو لية عاوز ينتقم، عاوز يأخد حق مامتة
بس أحيانًا لما بناخد الصدمة ف حياتنا مش بنبقا حاسين بال بيحصل حوالينا، بيبقا الواحد ف دنيا تانية وعالم تاني.
سبت رحاب وطلعت برة بس دخلتله ع طول كان قاعد ساكت باصص للسما بيتأمل فيها، عينيه فيها كلام كتير وكأن مفيش حد ف العالم قادر يفهمه علشان حتى يتكلم.
وقفت جمبة وأنا بقول
_لية متحاولش!
بصلي بستغراب فكملت
_يمكن نعرف نوصل ل حل
فضل ساكت ف كملت كلام وقولت
_لية ميبقاش انتَ ال فاهم غلط وإننا كلنا هنا علشان نساعدك، احنا مش أعداء هنا
احنا كلنا هنا علشان نخليك مرتاح، كلنا هنا علشان نطلعك من ال انتَ في علشان تعرف تكمل حياتك بهدوء
_هما ال عملو ف حياتي كل الدوشة دي، هما السبب
_هما مين؟
هما عملو إي لكل دة!
بصلي وسكت ف قولت
_انتَ لية مش مدي نفسك فرصة إنك تفهم إن دة قضاء وقدر وإننا كلنا لينا يوم وهنرجع ل ربنا
احنا مش دايمين هنا احنا يُعتبر جاين هنا اختبار صغير وهنرجع تاني
صدقني قضاء وقدر
فجأة اتكلم وقال
_ولية منقولش إن ال حصل دة كان بفعل فاعل!؟
- يتبع الفصل التالي اضغط على ( رواية مريض الغرفة ) اسم الرواية