رواية ام البنات كاملة بقلم اسراء محمد عبر مدونة دليل الروايات
رواية ام البنات الفصل السادس 6
اياد : كنت اعمل اي كنت عايز اخرج اريج بأي طريقه وهي مقدرتش ده
ناديه بصوت عالي : ما كانت تولع اريج المهم الشقه
سهر : صوتك ميعلاش في بيتي
ناديه : انتي بتتكلمي كده
سهر : اتكلم زي ما انا عايزه في بيتي ولو مش عاجبك كلامي اتفضلي من غير مطرود
ناديه بصدمه : انتي بتطرديني شايف مراتك
اياد : انتي ازاي تطردي امي من بيتي
سهر : انا مطرتهاش انا بقولها من غير مطرود ولو مش عاجبك انت كمان اتفضل معاها عشان ده بقي بيتي انا
وسابتهم تحت تأثير الصدمه ودخلت اوضتها
ناديه : شايف ركبتها علينا ازاي لا وكمان اي بتطردنا
اياد : انا هدخل اربيها
ناديه : بعد اي يا حيله ما خلاص اتمكنت من الشقه وانت بقي ملكش لازمه هنا
اياد : يعني اي يا ماما
ناديه بتريقه : يعني بكره تقعد في البيت وهي اللي تصرف يا حيله طالما اتمكنت من الشقه كده
اياد بصلها وسكت وهي سابته ومشيت
تاني يوم
مشيره راحت لسهر
مشيره : عامله اي
سهر : الحمدلله وانتي عامله اي
مشيره : الحمدلله ، عندي ليكي خبر حلو اوي
سهر : خبر اي
مشيره : احمد كلم صاحب المطعم اللي جنبه عشان تنزلي الشغل والراجل وافق
سهر : بجد
مشيره : اه والله بجد
سهر بفرحه : حلو اوي هنزل امتا
مشيره : بكره ان شاء الله
سهر : ان شاء الله
وبعدين سكتت فجأه ووشها قلب
مشيره : مالك ما انتي كنتي لسه فرحانه
سهر : هعمل اي في العيال وانا في الشغل
مشيره : أحمد قال للراجل علي ريتا والراجل وافق تاخديها معاكى ولو علي ديما وريما يا ستي يقعدوا معايا لحد ما ترجعي
سهر : وانتي ذنبك اي
مشيره : ذنبي أن ربنا رزقني بولدين ومرزقنيش بالبنات فعشان كده بحب بناتك يفضلوا معايا
سهر : ربنا يرزقك بالبنت اللي تملي عليكي البيت يا حبيبتي
مشيره : يارب يا حبيبتي
سهر : ممكن اسألك سؤال
مشيره : طبعاً اسألي
سهر : لو كان ربنا رزقك ببنات مش ولاد تفتكري رد فعل احمد كان هيبقي اي
مشيره بزعل علي صاحبتها : انا عارفه ان اجابتي هتضايقك لان اياد مش زي احمد
سهر : خلاص فهمت
مشيره : حقك عليا
سهر : انتي ملكيش ذنب بس هو لي احمد متكلمش معاه يمكن قلبه يحن
مشيره : والله يا بنتي احمد كان بيتخانق معاه كتير بسبب الموضوع ده وهو ولا هنا
سهر : ربنا ينتقم منها امه واخته هما السبب
مشيره : الله يسامحهم
سهر : يسامحهم بقي ولا ينتقم منهم مبقتش فارقه
وخلص اليوم من غير احداث
بس سهر كانت فرحانه انها هتنزل الشغل بس حاولت متبينش عشان اياد ميعرفش
تاني يوم
اياد كان مقرر ياخد اجازه ويحاول يدي نفسه فرصه انه يحب البنات ويحاول يرجع حياته مع سهر زي الاول
سهر صحيت ودخلت الحمام وصلت ولبست وخرجت
لقت اياد في وشها
اياد باستغراب : رايحه فين ع الصبح كده
سهر : نازله الشغل
اياد : شغل اي
سهر : انا مقولتلكش
اياد : لا مقولتليش
سهر : مش انا اشتغلت وده اول يوم ليا
اياد : ودورتي عليه امتا وازاي
سهر : شئ ميخصكش
اياد : يعني اي ميخصنيش
سهر : يعني ميخصكش وبما انك قاعد بقي خلي بالك من البنات باي
وسابته ونزلت
بعد شويه
ناديه جت
اياد : ازيك يا امي
ناديه : الحمدلله وانت عامل اي
ناديه : قاعد لي النهارده
اياد : كنت بحاول اصلح علاقتي بسهر
ناديه بصوت عالي : نعم يا خويا
وبعدين افتكرت أن سهر ممكن تخرج علي الصوت ف وطت صوتها
اياد : متقلقيش هي مش هنا
ناديه : راحت فين
اياد : نزلت شغلها
ناديه باستغراب : شغل اي ومن امتا وهي بتشتغل
اياد : من النهارده
ناديه : مش قولتلك هي اللي هتصرف بعد كده
اياد : طب اعمل اي
ناديه : انا هقولك
اياد : قولي
ناديه : ……
- يتبع الفصل التالي اضغط على ( رواية ام البنات ) اسم الرواية