رواية جحيم معاق (كاملة جميع الفصول) حصريا عبر دليل الروايات بقلم ولاء
رواية جحيم معاق الفصل السابع 7
البارت السابع
جحيم معاق ♥️
يسري.... ضحي ضحي
الجميع... يسري انت انت بتتكلم وبتمشي
يقف الجميع ف حالة من الذهول والهلع محدش متوقع ال بيحصل
يسري يجري على ضحي وهي واقعه ع الأرض مش بتتكلم ورأسها بتجيب دم
يسري.... بسرعه ياماما اتصلي ب الدكتور
كل ده وممدوح واقف مش عارف يعمل ايه ف المصيبه ال هو بقا فيها
(ف المستشفى)
يسري موجود وممدوح وهدي
يسري... خير يادكتور ضحي عامله ايه
الدكتور... خير متقلقش احنا عملنا اشاعه مقطعيه ع المخ وكل حاجه كويسه مجرد ارتجاج طفيف من الواقعه وسبع غرز وخيطنا الجرح وكل حاجه كويسه
ممدوح... طيب وهي عامله ايه دلوقتي
دكتور.. هي تمام تقدر تدخل تطمن عليها بنفسك
يسري يسيبهم ويدخل ل ضحي جوا
ممدوح لسه جاي يدخل هدي تمسك فيه بقوة
هدي... انا عاوزة افهم دلوقتي ف ايه ابني فاق كده ازاي ايه ال بيحصل من ورايا يا ممدوح فهمني
ممدوح حاول يداري الموقف ومش عارف يقول ايه
ممدوح... مش عارف ياهدي انا كمان لسه هفهم الموضوع اهوه
هدي... تمسك ممدوح من أيده جامد وتقول
اوعي تكون فاكر اني علشان مش أمه اني ماليش حق فيه ياممدوح يسري ابني زاي ما هو ابنك انت عارف كده كويس يسري ليا حق فيه زايك بظبط
ممدوح... بلاش كلام ف الموضوع ده ياهدي دلوقتي
ف الاوضه عند ضحي
يسري... ضحي انتي كويسه
ضحي.. بصدمه يسري حد يشوفك انت جيت هنا ازاي
يسري... مش مهم انتي كويسه ايه ال حصلك انتي وقعتي ازاي من فوق
ضحي... تفتكر أن حد وقعها بس هي مشفتش وشه بس تنكر الموضوع ومتتكلمش
ضحي... اتكعبلت يايسري ووقعت
يسري.. طيب انتي كويسه
ضحي... انا كويسه المهم انت هتعمل ايه حد عرف أن انت بتتكلم
يسري... يحكي ل ضحي ع ال حصل
ضحي... هااار اسود انت مجنون انت عملت كده ليه
يسري... ال حصل بقا ياضحي كنت ردة فعل ياعني كنتي عاوزاني اتصرف ازاي
ضحي... انا مش فاهمه حاجه خالص
يسري... حاجه ايه
ضحي ... لا متشغلش بالك
وأثناء الحديث يدخل ممدوح وهدي
ممدوح... ضحي انتي كويسه دلوقتي
هدي... ضحي حبيبتي انتي بخير
ضحي.. ايوه ياعمي ايوه يامرات عمي انا كويسه خالص وبخير والله هي دماغي ال وجعاني بس شويه
هدي... كل ده وهي بتبص ل يسري نظرة فرحه مش قادره تخبيها ومرة واحدة تقعد تعيط
ممدوح... انا عارف ان انتي هتعملي كده اسكتي بقا ياهدي انا قولتلك ايه
يسري... يروح وياخد أمه بالحضن خلاص بقا ياماما انا بقيت كويس وبخير دا بدل ما تكوني فرحانه بتعيطي
هدي .. من فرحتي فرحانه بيك يا يسري
ضحي... طيب يلا نكمل الدراما دي ف البيت علشان مش بحب المستشفيات
يخرج الجميع من المستشفى ويركبه العربيه الي البيت
(ف المنزل )
لسه داخلين البيت ممدوح يشوف عياله كلهم واقفين هما ومراتتهم
رضا... انا عاوز افهم دلوقتي ايه ال بيحضل ف البيت ده
ازاي واحد معاق ذهنيا ومش بيتكلم ينطق مرة واحده كده انا عاوز افهم كان يتحدث وهو غاااضب وصوته عااالي جامد
ممدوح... واطي صوتك يا كل* انت نسيت نفسك ولا ايه
رامز... اهدي يارضا كده عيب براحه لما نعرف الموضوع الاول
رضا... موضوع ايه ال نعرفه بقولك واحد بقاله 30 سنه معاق ومره واحده اتكلم اديني عقلك بقااا ازاي ده يحصل
انت كنت بتضحك علينا وبتاكل بعقولنا حلاوة بقا ياحج ولا اقولك حج ليه ال زايك كده خسارة فيه كلمه حج
تجري هدي ع رضا وتضربه ب القلم ع وشه جامد
رضا... ال زايك انت حرام فيه التربيه ياواطي انت بترفع صوتك ع ابوك يارضا انت اتجننت
بدل ما تقوم تاخد اخوك ب الحضن وتقوله الحمد لله أن انت بقيت كويس تقول كده
فعلا خاف من عدوك مرة ومن صديقك الف مرة يا رضا انت اه ابن بطني بس خسارة فيك الحنيه ال ادتهالك
يسري ... خلاص ياماما كفايه كده خدي ضحي واطلعي ارتاحي
ولسه بيتكلم رضا يمسك يسري جامد من رقبته
رضا... انت عاوز ايه بقا عامل نفسك مجنون علينا ومش بتتكلم واهبل وكل ده واحنا مصدقين
لا وكمان فضلك علينا وكتبلك نص املكنا كلها ليك ليه قولي ليه تفرق ايه انت عني
كل ده وهما عمالين يشدو رضا عن يسري ويسري مش بيتكلم خالص الدموع ف عيونه ومانع الكلام
مرة واحدة ضحي تروح ع رضا و تضربه ب القلم جامد
رضا يترك يسري وينظر ال ضحي بغضب وعيونه حمرة
ضحي... لو فكرت تيجي جمب جوزي سوا كان مريض أو سليم انت مش عارف انا ممكن اعمل ايه او اقول ايه طبعا انت فاهم كلامي كويس
رضا من غضبه ياخد بعضه ويمشي من البيت
وماجدة تكون واقف بتسمع ال حصل وخايفه ضحي تقول حاجه
(غرفه ضحي)
ضحي... لسه هتتكلم مع يسري
يسري... يرمي نفسه ع السرير وميتكلمش خالص ولا ينطق بحرف واحد
وضحي.. تشوفه كده وتبعد عنه وتنام ع الكنبه مكانها
(تاني يوم)
يسري يخبط ع باب الاوضه بتاعت أبوه
ممدوح... خير يا يسري ف ايه بتخبط بدري ليه
يسري... انا عاوز اروح لدكتور النهارده يابابا تعالي معايا
ممدوح... طيب حاضر ياحبيبي هطلب اخد منه معاد الاول
يسري... انا خت المعاد تعالي معايا يلاا
يسري يأخذ ممدوح ويروح عند الدكتور
نيجي ل ضحي
تنزل ضحي من فوق علشان تفطر
هدي ... ايه ال نزلك ياضحي أنا كنت هطلعلك الفطار دلوقتي
ضحي... انا كويسه الحمد لله وقولت اجي اغير جو معرفتش انام طول الليل
وتنظر الي ماجدة وهي بتتكلم
اصل عاوزه أشد حيلي علشان انزل مع عمي الشغل
هدي... ربنا يهدي الحال يارب
تيسير... الموضوع بدأ يذيد عن حدة ياماجدة البت دي شكلها كده مش هتجيبها لبر انا حاسه كده
ماجدة... متشغليش بالك بيها يا تيسير انا عارفه أجيب رأسها الأرض ازاي
(ف العيادة)
السكرتيره.. استاذ يسري اتفضل الدكتور مستني حضرتك جوا
يدخل يسري هو وممدوح الي الدكتور
يسري... اهلا يادكتور حضرتك عامل ايه
الدكتور... انا بخير والله انت ال اخبارك ايه
عامل ايه ياحج ممدوح
ممدوح.. بخير والله يادكتور
الدكتور... خير يايسري انت عاوز تقابلني بسرعه كده ليه
يسري.. انا عاوز حضرتك تقولي عملت ايه ف الموضوع بتاعي
ممكن اقدر امارس حياتي الطبيعيه امتي
الدكتور... قاصدك ايه يا يسري
انت عاوز تتجوز ولا ايه
انت عارف اضرار الجواز بنسبالك ايه ...
يتبع
الطريق صعب ل ضحي ولا يسري وايه ال هيحصل ليهم بعد كده
كلمه حلوه من قلبكم ♥️♥️
•تابع الفصل التالي "رواية جحيم معاق" اضغط على اسم الرواية