رواية ام البنات كاملة بقلم اسراء محمد عبر مدونة دليل الروايات
رواية ام البنات الفصل السابع 7
ناديه : مش قولتلك هي اللي هتصرف بعد كده
اياد : طب اعمل اي
ناديه : انا هقولك
اياد : قولي
ناديه : بطل تصرف عليهم الشهر ده واعزم كل شويه حد كم صحابك او من العيله وخليها تتزنق وتستلف واللي هتقبضه في الآخر تسدده ديون ولما متلاقيش نتيجه من حوار الشغل ده هتيجي لحد عندك تستسمحك
اياد : انتي شايفه كده
ناديه : مفيش غير كده
اياد : خلاص هعمل كده
سهر رجعت الساعه 6
سهر : وعليكم السلام
اياد : وعليكم السلام
دخلت سلمت علي بناتها واتطمنت عليهم ودخلت تعملهم اكل
واكلوا واياد كل معاهم
بعد الاكل
اياد : اعملي حسابك انا مش هصرف عليكي ولا علي البيت بعد كده
سهر : يعني اي
اياد : يعني انتي اشتغلتي يبقي اصرفي انتي
سهر : ده اخر كلام عندك
اياد : اه
سهر : تمام
وسابته وكانت خارجه من البيت
اياد ؛ انتي رايحه فين
سهر من غير ما تبصله : ملكش دعوه انا رايحه فين
وسابته وخرجت
راحت لمشيره
سهر : ازيك يا مشيره
مشيره : الحمدلله وانتي عامله اي
سهر : الحمدلله
مشيره : عملتي اي في الشغل
سهر : الشغل حلو الحمدلله
مشيره : طب الحمدلله ، بس مالك شكلك مش مبسوط لي
سهر : اياد مش عايز يصرف علي البيت
مشيره : ازاي يعني
سهر : بيقولي طالما اشتغلتي يبقي اصرفي انتي
مشيره : ازاي
سهر : هتلاقيها فكره امه عشان اقعد في البيت وهو يعمل اللي هو عايزه
مشيره : طب انتي هتعملي اي
سهر : مش هقعد طبعا الحمدلله البيت مليان حاجات هحاول اظبط اموري الشهر ده بيهم لحد ما ربنا يكرمني اخر الشهر بالقبض
مشيره : لو احتاجتي فلوس طيب قوليلي
سهر : متحرمش منك يا حبيبتي
مشيره : ولا اتحرم منك يا قلبي
وعدا يومين من غير احداث
سهر رجعت من شغلها وواقفه تعمل اكل
اياد دخل عليها
وقالها : اعملي حسابك انا عازم واحد صاحبي ومراته علي الغدا بكره
سهر : طب ابقي سيب فلوس عشان اجيب اكل لغدا بكره
اياد : مش هسيب حاجه اتصرفي مش بقيتي بتشتغلي
سهر بلا مبالاة : تمام
وخلصت اكل وقعدت تاكل هي والبنات
واياد جه يقعد معاهم
قالتله : معلش الاكل علي قدي انا والبنات بس
اياد : يعني اي
سهر : يعني انا معملتش حسابك في الاكل
اياد : لي مش فرد من البيت ده
سهر : فرد بس مدفعتش فيه فلوس بقالك يومين يبقي متجيش تقولي اعملي حسابي في الاكل او اغسليلي هدومي حتي
اياد : كمان
سهر : اه كمان
اياد اتغاظ وسابها ونزل
راح لناديه
ناديه : مالك جاي غضبان كده لي
اياد حكلها اللي حصل
ناديه : يا نهار اسود هي حصلت بنت ال … تعمل فيك كده
اياد : دي استقوت اوي يا ماما
ناديه : ولا يهمك افضل كده لحد ما تزهق وهتجيلك راكعه
اياد : تفتكري
ناديه : اه افتكر ، المهم انت عزمتلها حد من صحابك زي ما قولتلك
اياد : اه
ناديه : ربنا يستر وتشرفك قدامهم
اياد : من الناحيه دي اطمني هي مبتحبش حد يجي البيت الا وياخد واجب الضيافه علي اكمل وجه
ناديه : طب كويس
تاني يوم
سهر استأذنت من شغلها بدري عشان الضيوف اللي جايين
اياد كمان رجع ومعاه صاحبه ومراته
اياد : اتفضلوا نورتوا
اسامه صاحب اياد : ده نورك
اياد : ثواني انادي سهر
اسامه : براحتك
اياد دخل لسهر
وقال : الناس جت
سهر : خارجه اهو
وخرجت
سهر : مساء الخير
اياد : سهر مراتي ، اسامه صاحبي ومدام نور مراته
سهر : اهلا وسهلا
اسامه ونور : اهلا بيكي
نور : ما شاء الله قمر
سهر : ميرسي ، عن اذنكم هجيب عصير
وجابت العصير وقعدوا يتكلموا شويه
وبعدين اياد
قال : فين الغدا يا حبيبتي
سهر : سوري يا حبيبي معملتش اكل
اياد بارتباك : بلاش هزار يا حبيبتي الناس مش فاهمين هزارنا
اياد بانفعال : يعني اي
سهر : يعني معملتش اكل عشان انت مسبتليش فلوس يبقي هعمل منين
اياد : ومتصرفتيش لي
سهر : مش شغلتي عشان اتصرف
الناس اتكسفوا ومشيوا
اياد : انتي بتحرجيني قدام صاحبي
سهر : انت اللي حرجت نفسك لما قررت تعزم حد وتدبسني انا
اياد سابها ومشي راح لناديه
- يتبع الفصل التالي اضغط على ( رواية ام البنات ) اسم الرواية