رواية دقة قلب كاملة بقلم مريم حسين عبر مدونة دليل الروايات
رواية دقة قلب الفصل التاسع 9
يتفتح الباب وتدخل ملك وامل وصاحبه امل وابنها اللي كانو جايين عشان مريم تشوف مالك ابن صاحبه امها تتعرف عليه عشان تخطبها ليه وطبعا دخلوا ومريم فوق سامر ومحمد فوقهم 😂
مريم وسامر ومحمد لسه على صدمتهم متحركوش 😳
امل:ده مين ده وانتوا عاملين كده....هو اي اللي بيحصل
محمد:ها اه مفيش.....مفيش حاجه بتحصل ياست الكل
امل:اومال مين ده
مريم:ده يبقى....قاطعها محمد واتكلم بسرعه
محمد:ده يبقى حرامي ...حرامي غسيل وانا ومريم قفشناه في البلكونه بيسرق الغسيل عشان كده جبناه وبنضربه مش صح ولا اي وبيغمز لمريم
مريم بتردد:اه ..اه ...اه ياماما حرامي الغسيل
وسامر ياعيني نزلت عليه الصدمه مش بيتحرك وساعه ماسمع انو حرامي غسيل ياعيني أتصدم اكتر😟😟
امل:حرامي غسيل وبالهدوم اللي لابسها دي...دا لابس أغلى من الل انا لابساه....قاطعها محمد وقالها تلاقيه سارقها
صاحبه امل:طيب امسكوا لحد مااتصل بالبوليس
مريم ردت بسرعه:بوليس لا بوليس لا ياماما
امل بشك:ليه بقى مش كان هيسرقنا ولا اي
مريم:اه بس احنا اما سألناه قال انو مضطر يعمل كده عشان ياعيني امو بتموت في المستشفى وهو مش معاه فلوس يجيب لها الدوا وكمان اخواته قطط لسه صغيرين وبقالهم ٣ايام من غير اكل وابوه ....ابوه ياعيني راح في شربه مايه كده وهو لسه في عز شبابه وساب قطط وراه مش عارفه تاكل ومراته هتموت في المستشفى اهي عشان كده هو اضطر يسرق ياماما ..بعد كل ده ولسه ناويه تجيبي البوليس ..احنا مش اتربينا على كده ياماما مش صح ولا اي
امل والدموع هتفارق عينيها:اه ياحبيبتي انا مش ربتكوا
على كده....قوم يامحمد هاتله اكل يعطيه لاخواته الغلابه
واعطيه فلوس كمان عشان يعرف يشتري الدواء لأمه
سامر:بس انا مش...محمد كتمه ب ايديه سامر شالها وبيقول مش قامت مريم حاطه ايديها سامر شالها وقال مش شحات...مش شحات عشان اخد منكوا كده
مريم ومحمد ارتاحوا وبعدها مريم ردت بتلقائيه وقالت
مريم:مش شحات إنما تسرق غسيل الناس عادي صح
محمد رد عشان يلم الموضوع:خلاص بقى يلا امشي ياسامر انت دلوقتي..وخلاص حصل خير مش صح ولا اي ياماما...وامل عشانها طيبه وعلى نياتها اه صح يلا امشي ياحبيبي ومتعملش كده تاني عشان ربنا يرضى عنك وعن اهلك واشتغل احسن ...الشغل احسن من سرقه غسيل الناس
سامر:ح..حا..حاضر ..ش...شك..شكرا على النصيحه عن اذنكوا
مريم وهي تكتم ضحكتها هي ومحمد:اذنك معاك يابني
سامر خرج وعفاريت الدنيا كلها في وشه نزل وقال بقى انا سامر النجيري اكبر رجل اعمال فيكي يامصر ابقى حرامي غسيل ....ماشي اما وريتك يامريم انتي واخوكي ميبقاش اسمي سامر النجيري ماشي وركب العربيه وانطلق إلى الاوتيل 😂
🥀☆☆☆☆☆🥀
مالك:شكله مش غريب عليا حاسس اني شوفته قبل كده
محمد:تلاقيه كان بيسرق الغسيل بتاعكوا عشان كده
مالك:لا..لا..عارف شبه مين
محمد وهو بيبلع ريقه:مين
مالك:شبه رجل اعمال بس مش فاكر اسمه
مريم:ههه رجل اعمال اي بقى بذمتك حرامي الغسيل يبقى رجل اعمال
مالك:بقول شبهه مش هو
امل:خلاص يلا فضوا السيرة دي وتعالو عشان ناكل
محمد:اه يلا يلا انا اصلا ميت من الجوع
مريم:لا انا اتغديت مع اروى وحنين مش جعانه يلا عن اذنكوا انا داخله انام شويه
🥀☆☆☆☆☆🥀
مريم فضلت قاعده في اوضتها تفكر في سامر وتكلم نفسها وتقول اكيد زعلان مني دلوقتي عشان قولت عليه حرامي غسيل ....بس انا والله كنت هقول الحقيقه
لولا الزفت اخويا هو اللي قال كده طبعا مينفعش اقول حاجه تانيه ....معرفش محمد قال كده ليه ...انا ماصدقت ان خلاص تبقى حياتنا طبيعيه ونرجع صحاب
بس اكيد بعد اللي حصل مش هيسامحني وهيكرهني تاني...اعمل ايه بس ياربي طبعا الشيطان رجع يوسوس لها تاني ويخليها تقول...يووووه طب وانا مالي انا اصلا بكرهه وفرحانه من اللي حصل فيه يزعل مني بقى يتقمص انا ماليش فيه....لا بس بردوا مينفعش اللي حصل ده هيقول عليا ايه هو طيب والله....لا مش طيب ده شرير وغلط فيا وفي شرفي ...طب مهو طبيعي اي حد مكانه يقول كده....لا ولو مينفعش يقول عليا كده مهما كان...ايوة صح.....بسسسس ايه خلاص بقى انا مش عارفه افكر في اي ...ايه النزاع ده ..لا انا لازم اكلمه واشوف هيقولي اي....ايوة هو ده الكلام الصح
🥀☆☆☆☆☆🥀
عند سامر بيكلم نفسه في العربيه ويقول ماشي اما وريتك بس ليه ..ليه قالوا كده....اكيد عشان محدش يفهمها غلط بس بردوا مكنش ينفع يقولوا عليا كده فونه رن
سامر:الو
يوسف:انت فين يابني قلقتني عليك...انت زعلان مني
سامر:وازعل منك ايه
يوسف:عشان اللي قولته في المطعم
سامر:هههه انت لسه فاكر...لا طبعا مش زعلان منك
يوسف:ايه ده انت شكلك رايق
سامر بتريقه:اوييييي
يوسف:ايه ده اومال انت فين ومالك كده فيك اي
سامر:انا في الطريق وجايلك اهو واقولك علي كل حاجه من طق طق ل سلامو عليكو 😂
يوسف:بس انا مش في الاوتيل انا برا وهرجع اهو
سامر وهو بيركن العربيه:تمام هستناك فوق وقفل معاه
سامر طلع الاوضه بتاعته واتفاجأ ب......
سامر:اي اللي جابك هنا😳.....
يتبع.......
- يتبع الفصل التالي اضغط على ( رواية دقة قلب ) اسم الرواية