رواية عريس اونلاين (كاملة جميع الفصول) حصريا عبر دليل الروايات بقلم منار العتال
رواية عريس اونلاين الفصل التاسع 9
روايه"عريس اونلاين"
الفصل التاسع ♥️
بقلمى/منار العتال
صلاح قرب على تيم بعيون مطلعه شرار و قال:انت قولت اى ؟
تيم بتوتر و بيبلع ريقه بخوف:مقولتش حاجه سلام عليكو و بنتك عندك اهى استأذنكم انا بقي اصل ميعاد نومى جه
صلاح بسخريه و ابتسامه صفراء:والله ميعاد نومك جه؟ طب ما تقعد معانا نضيفك طيب !ونعمل معاك الواجب
تيم بخوف:لا يا عمى مره تانيه
صلاح :طيب انت قولتلي هتيجى امتى تانى؟
تيم بصدمه:اجى تانى؟
صلاح بنظره مش مريحه:اه تيجى تانى! مش انت عاوز تتجوز روان ؟و لا رجعت فى كلامك
تيم باستغراب من تحوله :لا مرجعتش فى كلامى بس
صلاح:بس اى ؟ انت تجيب اهلك و تيجو بكره هنعمل خطوبه
روان بصدمه:بابا انت بتقول اى؟
صلاح:بقول إللى سمعتيه
روان :بس يا بابا انا !
صلاح بزعيق:روااان!ادخلي اوضتك
روان بصتله بصدمه و دخلت اوضتها
صلاح:قولت اى يا ابنى؟
تيم كان باين على وشه ملامح الاستغراب :قولت إللى تشوفه يا عمى
صلاح بضحكه صفراء:على خيره الله متتاخرش بكره بقي الميعاد الساعه ٨
تيم هز رأسه بالموافقه و نزل ركب عربيته و هو بيسيطر عليه الذهول و الصدمه و مش فاهم اى إللى غير صلاح بالشكل ده
مراد كان قاعد مستنى تيم يجى لحد ما تيم دخل الاوضه و على وشه تعابير الصدمه
مراد:اى ؟مالك متنح كده ليه ؟ و اخدت روان وروحت فين انت قلقتنى
تيم كان ساكت و متنح
مراد :تيم ما ترد عليا؟؟؟
تيم:انا قولتله انى خطفتها يا مراد
مراد بضحك بعدم تصديق وضرب تيم فى كتفه:لا قول كلام غير ده متهزرش يا تيم مش وقت هزار
تيم :والله عملت كده و مش بهزر
مراد فجأه اختفت الضحكه من وشه و اتحولت تعابير وشه للغضب:و مسك وش تيم بايديه:انت غبي ياض!!!! ضيعت كل إللى عملناااااااه و إللى خططناله فى لمح البصر اهى ضاعت منك روان ابقي تف فى وشي لو ابوها وافق بيك
تيم:يعنى اتف دلوقتى؟
مراد :ايه؟
تيم :أبوها لما عرف فجأه حسيته اتعصب بس فجأه لقيته بيعاملنى كويس و اتفق ان الخطوبه بكره
مراد بعدم تصديق:انت بتقول اى هو منين بيودى على فين !؟ انت متاكد ان ده الحج صلاح؟و خطوبه اى دى
تيم بتفكير:تفتكر يكون واحد شبهه و مش هو؟ انا برضو شاكك
مراد :انت إللى دخلك كليه الشرطه ظلمك والله
تيم بتكشيره:مراد قولي اعمل اى انا خايف من تحول أبوها كده
مراد بتوتر:ما هو بصراحه انا لو مكانك اترعب مش اخاف بس
تيم بخوف:قولي اعمل اى ؟
مراد بتفكير:اهرب
تيم بصدمه:اهرب؟؟انت بتقول اى
مراد :اومال تروح بكره ذي ما قالك و يكون حاططلك سم فى العصير و يقتلك !
تيم بخوف:تفتكر يقدر يعملها!؟ انت بتخوفنى ليه؟
مراد بتوتر:ما هو إللى انت بتقوله ده ميدخلش العقل و اكيد الراجل ده عاوز يعمل حاجه و لازم تأمن نفسك كويس
تيم بتفكير:ءامن نفسي ازاى؟
مراد بتفكير:امممم مش عارف فكر كده
تيم:لقيتها!
مراد بانتباه:اى
تيم :انا أخ معايا قوات من الأمن و اكيد لما الحج صلاح يشوف كده هيخاف
مراد:قوات امن فى خطوبتك؟؟؟؟؟
تيم بيبلع ريقه بخوف:هى دى الطريقه الوحيده إللى تحمينى منو و هاخد القوات على انى عازمهم و خلاص
مراد بتفكير:انا معاك خلاص بس فكرت هتقول اى ل امك؟دى مش بطيقهم و كلمتنى النهارده و قالتلي لو انت صممت على جوازك من روان هتجوزنى فريده غصب عنى
تيم :يجدع ما تضحي فيها اى هو انا مش ذي اخوك يعنى ؟؟
مراد :لاااا كله الا دى انا اه ابن عمك بس اتجوز فريده لاااا
تيم بضحك:على فكره حرام عليك فريده مش وحشه اوى للدرجه دى !
مراد برفع حاجب:والنبي و لما هى مش وحشه للدرجه دى موافقتش بيها لي؟؟
تيم:مراد خليك جدع و اخطبها اى حاجه لحد ما انا اتجوز روان و بعد كده فشكل معاها ذي ما انت عايز و اقف جنبي
مراد بصدمه:تيم !!فريده لا على جثتى لو اخر بنت مش عايزها
........
فى صباح اليوم التالى ...
صفاء بفرحه:يعنى انت وافقت على فريده خلاص؟انا مش مصدقه نفسي
مراد بضحكه مزيفه:اه طبعا موافق بس هو كان فيه شرط كده
صفاء:شرط اى؟
مراد:تيم يتجوز روان
صفاء بغضب:انت بتقول اى؟.
مراد :ما هو لو انتى موافقتيش يبقي خلاص انسي انى اتجوز فريده او اخطبها حتى
تيم:اه يا ماما و بعدين انا خطوبتى النهارده الساعه ٨
صفاء بصدمه و غضب: خطوبتك؟؟؟؟ انت يواد انت هتجننى!!! و مش روان دى خلصنا منها اى رجع موضوعها ده تانى
تيم :القدر يا صفصف اى هتعترضي؟
صفاء:بس ازاااااى!!خطوبتك النهارده!!
مراد:معلش بقي عديها قولي ل فريده ان خطوبتنا هتكون بعد بكره ان شاء الله
صفاء :بس
مراد:مبسش وافقي بقي
صفاء بعد وقت ..:خلاص موافقه و امرى لله بس شوف ابوك اكيد هيرفض
تيم :لا انا كلمته فى الموبايل و هو وافق متقلقيش
صفاء باستسلام:خلاص بس انا مش فاهمه حاجه ازاى أبوها وافق!؟ده طردنا من بيته
تيم بتوتر:ربنا بيغير الحال يا ماما يعنى فى لحظه
مراد:ايوا تيم معاه حق !
صفاء بصت ليهم بعدم ارتياح بس وافقت و راحت تكلم سمر اختها تعرفها ان مراد وافق يخطب فريده
سمر بفرحه:انتى بتتكلمى بجد؟؟؟
صفاء:اه والله
سمر :اوعي تكونى اجبرتيه!!
صفاء :يستى لا والله المره دى بإرادته هو إللى جه و قالي عاوز يخطب فريده
سمر بفرحه:انا لما هقول ل فريده مش هتصدق نفسها
صفاء :ربنا يسعدها فريده تستاهل كل خير و بصي فى حاجه تانيه كده عايزه اقولهالك
سمر:قولي فى اى
صفاء:تيم النهارده خطوبته على اللى متتسماش روان دى
سمر بصدمه:النهارده!!!ازاى يعنى و مش كان الموضوع ده اتقفل؟ده أبوها طردنا من بيته
صفاء:مش عارفه بقي الواد بيحبها ذي ما يكون عملاله عمل المهم انا قولت اعرفك علشان تيجى
سمر :خلاص ماشي هاجى مع انى مش مرتاحه
صفاء:ولا انا يا اختى مرتاحه بس هعمل اى
.........
بالليل ...الساعه ٧
كان تيم بيلبس جاكت البدله بتاعته و تيم جنبه
تيم بقلق :انا خايف يا مراد
مراد :خايف من اى ؟ مش انت هتجيب القوات ؟
تيم:اه هجيبهم
مراد:يبقي خلاص يا اخى طه انا ضحيت علشانك حس بقي
تيم حضن مراد و ابتسم:شكرا يا مراد على إللى بتعمل معايا انت ابن عمى اه بس اخويا بجد
مراد بابتسامه:انا مش عارف من غيري كنت هتعمل اى اصلا يلا بينا بقي اتاخرنا
تيم بابتسامه:يلا
كانت صفاء جاهزه و عز كمان و ركبوا تربيتهم و فجأه صفاء شافت قوات أمن راكبين عربيه بوليس
صفاء:مين دول يا تيم؟
تيم :دول زمايلي يا ماما انا عزمتهم
صفاء بلامبالاه:طيب
.........
كانت روان قاعده مش فاهمه حاجه و بتعيط
صلاح:انتى لسه ملبستيش؟
روان بدموع:انا مش فاهمه انت ناوى على اى يا بابا و لي عملت كده
صلاح :بصي انتى تلبسي يلا بسرعه و الا مش هيحصل كويس انتى فاهمه!!! و بص ل منى امها و قال عقليها يا منى
منى:يا بنتى الله يهديكى تعالى البسي فستانك و اعملي اى مكياج و عدى اليوم ده بقي
روان بخوف :حاسه ان اليوم ده مش هيعدى على خير
تسنيم فى لوقت ده دخلت اوضه روان
روان اول ما شافتها جريت عليها و عيطت
تسنيم بقلق:فى اى يا روان يا حبيبتى مالك؟
روان حكتلها على كل حاجه ...
تسنيم:طب و فيها اى يا روان ! ما هو عمو وافق اهو اى مزعلك بقي
روان بصدمه:تسنيم!!! انا بابا عمره ما كان بيستسلم كده بسهوله و اكيد ناوى على حاجه
تسنيم:هيكون ناوى على اى بس ! صدقينى كل ده وهم البسي بس فستانك و جهزى نفسك زمانهم على وصول
لبست روان فستانها و حطت ميكاب خفيف و فجأه سمعوا حد بيقول العريس جه و بصت روان من الشباك و شافت القوات الامن مع تيم
روان بصدمه:جاى يقبض على ابويا!!!
يتبع......
•تابع الفصل التالي "رواية عريس اونلاين" اضغط على اسم الرواية