رواية رؤيا كاملة بقلم دنيا محمد عبر مدونة دليل الروايات
رواية رؤيا الفصل التاسع 9
في المستشفى
رؤيا وندى منتظرين مامتها تفوق، رؤيا شمت ريحه برفان هي عارفاه كويس
ندى هو في حد معانا هنا
ندى بإستغراب حد مين، استني كده ايوه فعلا استاذ عاصي داخل علينا
رؤيا اتوترت: هو عرف منين، ندى هاتي النظاره من الشنطه بتاعتي بسرعه
ندى استغربت رؤيا بتخلي النظاره معاها بس مش بتستخدمها خالص، ليه المره دي عايزه تخبي عنيها
رؤيا: ندى بسرعه لو سمحتي
ندى طلعتها من الشنطه، اساعدك تلبسيها
رؤيا: لا هلبسها لوحدي شكرا ليكي ياندى
عاصي ومروان وصلو عندهم
عاصي: السلام عليكم، ازيك يا رؤيا طمنيني طنط عامله ايه دلوقتي
رؤيا: الحمد لله الدكتور طمنا بس يارب تفوق عايزه اطمن عليها
عاصي مستغرب شكلها اول مره يشوفها بالنظاره ليه مخبيه عنيها
عاصي باحراج: ازيك يا آنسه ندى
ندى كانت سرحانه في لهفه عاصي اللي ظاهره جدًا عليه، وتوتر رؤيا بدأت تحس ان في حاله غريبه ما بينهم هما الاتنين
فرحت جدا وقررت تتكلم مع رؤيا بس اكيد مش دلوقتي
ندى انتبهت لعاصي اهلا بحضرتك استاذ عاصي
عاصي: نسيت اعرفكم مروان صاحبي وأخويا
مروان: أهلًا بيكم وألف سلامه على والدة حضرتك ان شاء الله هتقوم بالسلامة
رؤيا: ان شاء الله شكرا لحضرتك
ندى كانت مركزه جدًا مع مروان متأكده انها شافته قبل كده
بس مش فاكره فين
مروان استأذن يرد علي الموبايل اللي كان بيرن
وندى استأذنت هتروح الكافتيريا
عاصي: رؤيا ممكن تطمنيني عليكي أنا من ساعة لما عرفت، من ندى وأنا هموت من القلق عليكي ولاقيت نفسي بجري على هنا علشان اكون معاكي
رؤيا كلامه مطمنها جدا اول مره تحس بالامان في وجود حد
لاقيت نفسها بتتكلم معاه من غير القيود اللي كانت حطاها لنفسها
رؤيا: أول مره احس إني ضعيفه كده أنا من غيرها ولا حاجه انا كنت بأخد قوتي منها لو كان حصلها حاجه كنت هروح وراها
عاصي موجوع عليها
بعد الشر عليكي وبعدين فين رؤيا اللي بترد الكلمه بعشره لو سمحتي خليها تطلع أنا مش متعود عليكي كده
رؤيا ابتسمت
عاصي: ايوه كده خلي الدنيا كلها تضحك صدقيني هتبقي كويسه ان شاء الله
رؤيا: يارب
ندى خلصت ورايحه لرؤيا كانت باصه في الموبيل فخبطت في مروان
ندى بتوتر: اسفه مأخدتش بالي
مروان ابتسم مفيش مشكله
ندى: أنا متأكده اني شوفت حضرتك قبل كده بس مش فاكره فين
مروان بيحاول يفتكر مش عارف بس افتكر اننا ماتقبلناش قبل كده
ندى مش عارفه بس اكيد هفتكر شوفتك فين
مروان بإستغراب: للدرجادي متأكده تمام مستنيكي تفتكري
بعد اذنك
ندى راحت لرؤيا
معلش حبيبتي اتأخرت عليكي
عاصي: كويس انك جيتي يا آنسه ندى
رؤيا هروح اعمل حاجه وهاجي علطول
رؤيا:تمام
ندى استنت عاصي لحد مابعد شويه
لا انا مش قادره استني اكتر من كده اتفضلي اعترفي حالًا ايه اللي بينك وبين استاذ عاصي
رؤيا: بينا ايه انتِ بتهزري يا ندى وبعدين أنا في ايه ولا ايه دلوقتي
ندى: اهربي اهربي طنط تطلع بس بالسلامه ولينا قاعده طويله مع بعض
الممرضه: المريضه فاقت وبتسأل عليكي
رؤيا بفرحه بجد هدخلها حالًا
عاصي في الحسابات
كده فاضل اي حاجه تاني
الموظف: لا يافندم كده حساب الحاجه تمام
عاصي: تمام شكرا ليك
في غرفه الام
رؤيا: ماما حبيبتي طمنيني عليكي
الام: أنا بخير يا حبيبتي
رؤيا: كنت قلقانه عليكي أوي
أنا الحمد لله بقيت كويسه، عايزه اخرج من هنا مش بحب القعدة في المستشفيات
رؤيا: أشوف الدكتور الاول ولو قال ينفع تخرجي هنروح ياحبيبتي
الباب بيخبط
ندى وعاصي بيدخلو
ندى: كده ياطنط تخضيني عليكي عايزه تعرفي غلاوتك عندنا
الأم: تعالي يابكاشه
عاصي: حمدالله علي سلامه حضرتك
الأم مستغربه وجود عاصي بس برضو مبسوطه بيه
تسلم يا ابني مكنش له لزوم تتعب نفسك
عاصي: ما تقوليش كده يا أُمي، أهم حاجه ان حضرتك تقومي بالسلامة، أنا اتكلمت مع الدكتور وهو طمني عليكي، استأذن أنا وهطمن على حضرتك ان شاء الله
بعد ما طلعو من الغرفه
رؤيا: عايزه اروح الحسابات علشان اشوف المبلغ قد ايه
ندى اتوترت: رؤيا استاذ عاصي بلغني انه دفع مصاريف المستشفي
- يتبع الفصل التالي اضغط على ( رواية رؤيا ) اسم الرواية