رواية حارس شخصي (كاملة جميع الفصول) حصريا عبر دليل الروايات بقلم حكاوي مصريه
رواية حارس شخصي الفصل التاسع 9
(حارس شخصى)
دعاء( اللهم انصر اخواننا المستضعفين فى كل مكان )
الفصل التاسع ........
بعد ان ترجلت مهجه من السياره .......
حازم للسائق :طيب روح انت يا عم محسن عشان انا ورايا مشوار
اسرع حازم للباب الخلفى ورأى مهجه الحمقاء وهى تركب سيارة مراد..
حازم :ماشى يا مهجه انا هعرفك مين حازم صفوان .
.....
فى كافيتيريا مطله على النيل ........تجلس مهجه امام مراد وهى خجله من نظراته الجريئه لها ...
مهجه:مراد بطل تبصلى كده ..
مراد بمكر :انت لسه بتنكسفى منى؟
مهجه:لا عادى يعنى بس برده
مراد :ايوه هو لازم عادى ولا انتى ناسيه اللى بنعمله عالنت؟
مهجه:النت حاجه والواقع حاجه تانيه..وبعدين تعالى هنا انت ازاى تقلى كده؟ ..متخلينيش اندم انى عملت كده..
مراد:عملتى ايه ؟؟
مهجه:نعم ..مراااد!!!
مراد:عملتى ايه يا بيبى ؟ الله ..دا انا حتى ببأى مبسوط اوى اوى وانا بكلمك ..
مهجه بقلق ...: مراد اوعى اوعى تكون بتسجل ليا ؟..انا مأتمناك على نفسى ..
مراد بانفعال زائف : مهجه انت اتجننتى .!.انت هتكونى مراتى يعنى امانك من امانى ..
مهجه : بجد يا مراد طمنى انا .....قبل أن تتم كلامها قاطعها رنين الهاتف ...
مهجه : يووووه ..الزفت حازم ....يا ترى عاوز ايه؟
مهجه : الو ايوه يا حازم ...
حازم : انا واقف عند باب الكليه ..انت فين ؟
مهجه : اييه ؟؟ وبارتباك شديد جدا ...ليه يا حازم ؟
حازم : كده حصلت ظروف وعاوزينك فى البيت ..انت فييين ؟؟
مهجه بارتباك شديد : انا اصلى خرجت اصور ورق ..
حازم : طيب انتى فين وهجيلك بالعربيه ؟
مهجه : لا متجيش ..انا هاجى حالا .
حازم : اها ماشى ..
بعد أن اغلقت مهجه الهاتف التفتت الى مراد ..
مهجه : حازم عاوزنى دلوقتى ادام الكليه ...يلا بسرعه ..
مراد : وهو يقوم من مكانه بضجر : ماشى بس بشرط ..
مهجه : اييه ؟
مراد : توعدينى بشات مزاج النهارده ..
مهجه بضحكه : طيب يلا ...
...............
راقب حازم مهجه وهى تترجل من سيارة مراد ولكن لم يقترب منها وانتظر حتى ابتعدت عن السياره ....
ذهب حازم لمهجه : ايه صورتى الورق ؟
مهجه : ها اه
حازم : اها هو فين ؟
مهجه : هو مين ؟؟
حازم : الورق ...
مهجه : اها اصلى شيلته مع واحده صحبتى ..
حازم : طيب يلا بينا ...
...............................
فى شركة مازن ...
يجلس خالد وجاسر ...
خالد : تمام كده اوى يا جاسر ..انت كده فهمت الشغل كله تقريبا ..
جاسر : الحمد لله والفضل لله ثم ليك ....
خالد : الفضل لله وحده يا جاسر ....
دلفت سلمى الى حجرة المكتب فى هذا الوقت ....
جاسر بابتسامه : وسلمى الصراحه عامله معايا شغل جامد ..
خالد بغيظ : والله !!
سلمى بتحفظ : ربنا يكرمك يا أستاذ جاسر ...
جاسر : لا بجد والله فعلا انتى وقفتك معايا فرقت جدااا ..
خالد : ايه يا جاسر باشا احنا هنقضيها شكر فى سلمى ولا ايه ؟ ثم تابع بابتسامه مغتصبه : انا هفتن لسميه ...
سلمى باحراج من أسلوب خالد : طيب معلش الورق ده يتمضى ...
خالد : هاتى الورق يا سلمى لو سمحتى ..
سلمى وقد ارادت استفزازه : بس أستاذ جاسر هو اللى المفروض يمضى ..
خالد : لا مهو انا معاكم ........يعنى همضى برده..............................
..........................
فى فيلا مازن ..
تجلس مهجه امام الحاسوب ....
مراد : يلا يا قمر ...
مهجه : مراد مش ممكن هو كل يوم ...
مراد:هو ايه اللى كل يوم ؟
مهجه : اوووف ..مراد بلاش تحسسنى انى مجرد جسد وخلاص ...
مراد : بقلك ايه يا ست البنات ...اقلعى أحسنلك بدل ما ازعلك ..
مهجه بشك : تزعلنى ازاى ؟؟
مراد : ثوانى هبعتلك حاجه تعجبك ...
مهجه وقد بدأ الشك يساورها بشأن ما سيرسله لها وقد كان ...فقد فوجئت به يرسل لها صور ومقاطع فيديو خاصه بها وهى عاريه ...
مهجه : يا نهار أسود ..ايه ده ؟؟
......................
فى الاسفل يجلس جاسر مع سميه ...
جاسر : بس يا ستى وسبت الشرطه واشتغلت حارس خاص ...
سميه : اه ...يعنى مش عجبتك سياسة الشرطه ؟
جاسر : لا خالص ..فيها كتير قسوه وظلم وجبروت الا من رحم ربى .
سميه بابتسامه : ربنا يبارك فيك ..
جاسر : قوليلى رأيك ايه فى الفيلا والتشطيبات ؟
سميه :جميله ..ممكن سؤال ؟
جاسر : لا معلش كل حاجه بتمنها ؟
سميه : يعنى ايه ؟
جاسر : يعنى سؤال ادام سؤال ؟
سميه : اتفضل ..
جاسر: انت وافقتى عليا ليه ورأيك فيا ايه ؟
سميه بهدوء : بس دول سؤالين مش سؤال واحد ...
جاسر : مممم متعشم فيكى ...
سميه : طيب خلاص هجاوبك ....
وافقت لانك حد كويس ومحترم ...
جاسر : يعنى مش انقاذا للموقف والصور وكلام الناس ..
سميه باندفاع : لا طبعا ...انت لو مش عاجبنى عمرى ما هوافق ؟
جاسر بصوت هامس : اه انا متأكد انى عجبك اصلى مز زى ما انتى شايفه ..
سميه باحراج : هو انا ممكن اسألك سؤال ؟
جاسر : أكيد ..
سميه : يعنى انا مش حلوه زى نهى وكده فيعنى الامر ده مش هيأثر ؟
أدرك جاسر أن سميه تخاف أن يتكرر منه ما حدث من مازن من تجاهل ونفور ...
جاسر : دا على اساس انك وحشه يعنى ..
سميه وقد أصابها الخجل : ممكن تردعلى سؤالى وبس ..
جاسر : هرد حاضر ..
اولا انا شايفك جميله جدا والجمال وجهات نظر يا سميه ..
ثانيا : مش انا الللى اتهبل من جمال وحده ست أيا كانت ...ثالثا ودا أهم ما فى الامر انى همحى من دماغك فكرة انك مش جميله دى خالص ...
سميه وهى تنظر الى الارض : ربنا ييسر ....
....
جالسه على أرض حجرتها تبكى وهى تحدث سلمى ....
سلمى : خبر اسود فيديوهات ايه وصور ايه؟
مهجه : حجات بتاعتى وانا ..اهئ اهئ...
سلمى : وانتى ايه انطقى .
مهجه : وانا عريانه ..
سلمى : خبر اسود انتى اتجننتى ..ازاى تعملى كده ..تسلميه نفسك كده ؟
مهجه : مكنتش اعرف انه هيخدعنى .....
سلمى : لا مش كده لكن عشان انتى انسانه غبيه وغبيه جداااا
مهجه ببكاء :ااه انا خايفه
سلمى :خايفه بس حقك تترعبى
مهجه :سلمى اتصرفى كلميه
سلمى :اكلمه وانا مالى أدخل نفسى مع انسان قذر زى ده ليه ؟
مهجه :سلمى ارجوكى هتفضح
سلمى :هانت عليكى نفسك ..هان عليكى جسمك كده تبينيه عادى ..اخص يا مهجه اخص
مهجه :سلمى ارجوكى
سلمى :بلا سلمى بلا زفت ,,انت تنسى انك تعرفينى اصلا ومتكلمنيش تانى
فور جملتها هذه أغلقت سلمى الهاتف بوجه مهجه ..
مهجه :يا لهوى هعمل اييه هتفضح منك لله يا مراد..
.....................
صباح اليوم التالى فى شركة مازن ......
خالد :يعنى انت شايف كده يا جاسر اتقدملها وخلاص ..
جاسر :ايوه طبعا وانا بأكدلك ان سلمى من البنات الممتازه
خالد :المشكله انى مش بثق فى اى بنت بسهوله من اللى بشوفه
جاسر :صوابعك مش زى بعضها ..
خالد بفرح :اه عندك حق انا هقوم اروح لها واكلمها ...
حاسر :ربنا يسعدك يا خالد
.فى هذا الوقت كانت سلمى قد طلبت مراد فى الشركه وطلبت منه الحضور لامر هام ...فقد ارهقت مهجه بالكلام ولكن فى قرارة نفسها لن تتخلى عنها ...
مراد :سلمى بنفسها طالبانى
سلمى :من غير لف والا دوران عاوزه الصور والفيديوهات
مراد بادعاء لعدم فهم :صور ايه؟
سلمى :مهجه يا استاذ مراد
مراد:اااه مهجه يا سلمى خضتينى بحسب صورك انتى
سلمى :نعمممم!!!
مراد :بقول نتقابل بره نتكلم
كان خالد على وشك الدخول عندما ميز صوت مراد واستمع للحديث التالى ..
سلمى :ولا بره ولا جوه ..عاوزه الصور والفيديوهات وخلصنا على كده
مراد :والله الفيديوهات بتسلينى ..انت عارفه المواقع الاباحيه اليومين دول تحميلها وحش ههههه
سلمى :انت مش خايف وانت بتهدد وحده بصور ليها وفيديوهات ؟.انت مش ممكن تكون انسان طبيعى
مراد وقد لمح طيف بالخارج فانتهز الفرصه قائلا :
يعنى تقلعى كله وتصوريلى نفسك وبعدين تقولى استرنى اذا كان انت مسترتيش نفسك
لم تنتبه سلمى انه يخاطبها لشدة انفعالها وخوفها على مهجه ..
سلمى :عاوز كام من الاخر ؟؟
مراد وهو مازال ملاحظ للخيال المستتر بالباب :ايوه كده نتفاهم يا جميل ...
ف الخارج كان خالد يقف مصدوما ..خالد:كلكم صنف زباله .....
بعد انتهاء الشركه نزلت سلمى لركوب اى مواصله والذهاب للمنزل ..
خالد:سلمى تعالى اوصلك
سلمى :شكرا مش بركب مع حد غريب
خالد بتهكم :هه لا انا متأكد
سلمى :نعم!!
خالد :متشغليش بالك ..بس اركبى اصلى عاوزك فى امر مهم
بعد عدة محاولات ركبت سلمى لتعرف ما هو الامر المهم من وجهة نظر رئيسها فى العمل
فى السياره ..
سسلمى :هو انت طالع طريق مصر اسكندريه ليه؟
خالد بهدوء :عاملك مفاجأه
سلمى :بس يا ريت منتأخرش
خالد بغموض:والله على حسب ..
سلمى :طيب
توقفت السياره على جمب الطريق وفوجئت سلمى بخالد يقول لها :عاوز اصورك فيديو وهديكى اللى انت عاوزاه ..
واتبع قوله بأن القى فى وجهها حفنه من المال ...
يتبع .............
بقلم /حكاوي مصريه
•تابع الفصل التالي "رواية حارس شخصي" اضغط على اسم الرواية