رواية بيان العشق (كاملة جميع الفصول) حصريا عبر دليل الروايات بقلم سلمى ابراهيم
رواية بيان العشق الفصل الرابع عشر 14
بيان العشق 💞
بارت 14
عمرو بحده..اسمع بقا يا معتز...لو جبت سيرة حبيبه ع لسانك تاني صدقني نا هنسي اننا اصحاب اصلا وهتشوف واحد تاني خالص ..سامع
معتز بقا في ذهول ومش مصدق ان دا عمرو هو ازاي واثق فيها اوي كدا..نت بتقول اي يا عمرو...وزعق اوي..نت سااامع نت بتقول ايي
عمرو بحده اكتر..ايوه سامع..حبيبه دي خط أحمر فاهم
معتز زعق اوي..نت غبي...اغبي انسان شوفتو في حياتي.....انا اي مصلحتي يا عمرو اني اخليك تسيبها
عمرو مفكرش واتكلم..هي ديما كانت تقولي انك عينك منها
ضحك معتز بسخريه شديده..ونت صدقتها
عمرو..بعد كلامك دا..اه هصدقها
معتز بزعل شديد ع صاحب عمره..يبقي خلاص يا صاحبي..نت اللي خلصتها....
عمرو ..معتز..نت جاي تقولي حب عمرك بتخو"نك وكل الكلام دا وعاوزني اصدقك من غير حتي دليل
معتز..الحوار مش دليل يا عمرو..الحوار انك مكدب صاحب عمرك وكمان بتقولي عيني منها..نت خلاص خلصتها بيننا يا عمرو
عمرو سكت شويه و..طب نت بتقول معاك صور ليها مع حازم الزفت..وريهملي ونا هصدقك طبعا
معتز بصلو بزعل شديد..مش هوريهملك يا عمرو..عارف لي...عشان اللي بيني وبينك اكبر من اني أوربك صور..كلمتي المفروض تبقي سيف ليك ومتحتاجش اصلا تدور ورا كلامي...هو نت فاكر يعني اي صاحب بجد يا عمرو..صاحبك يبقي دراعك..سندك لو يوم ميلت صاحبك سرك صاحبك دا هيخاف عليك اكتر من نفسك حتي..هيصدقك مش هيكدب حتي لو قولتلو نا كنت بطير أمبارح....هي دي الصحاب يا......يا صاحبي...انا همشي ..
عمرو مسكو بسرعه..معتز...عشان خاطري اهدي لازم نتكلم
معتز زق ايده..ابعد عني يا عمرو..نت خلاص ناهيتها...خليك مع حبيبه اللي هتخسرك مراتك وابوك وشركتك وأهلك...واديها بدأت بصاحبك..وخبط ع كتفو..سلام يا صاحبي.....وسابو ومشي....بقي عمرو واقف مش عارف يعمل اي بس كلام معتز وجعو اوي ..قفل الباب بص عالاوضه اللي فيها بيان بحزن وحس انو تفكيرة باظ ودماغه وجعتو...راح قعد عالكنبه تاني ..تعب من التفكير وغلبه النوم........
الصبح صحيت بيان وهي ع وشها الحزن وبس ..غسلت وشها واتوضت وصلت ...خرجت للصاله لقيتو نايم عالكنبه ونومته مش مظبوطه ..قربت منو شويه بتردد...عدلتو وهو نايم ورفعتلو رجلو..كانت بتعدلو المخده صحي هو وفتح عينه وهي كان وشها قريب منو اوي ...بصتلو كدا وهو باصصلها وبس ....جات تمشي مسك ايديها وثبتها انها متقدرش تمشي
بيان..عمرو لو سمحت ...
عمرو..انا اسف لكل كلمه قولتهالك وزعلتك
بيان كانت قالبه وشها جدا بسبب حزنها..ماشي سيبني بقا
عمرو..بيان...صدقيني مخدتش بالي اني بقولك كدا...بس نتي زعقتي اوي
بيان دمعت..عمرو ممكن تسيبني...انا مش حابة قربك مني
عمرو قربها عليه اكتر..بس انا بحب قربك
بيان بدموع..كداب..نت بتحب حبيبه يا عمرو وقربها منك..متضحكش عليا
عمرو اتنهد..بيان انا.....
قاطعته بيان..سيبني يا عمرو لو سمحت......سكت عمرو دقيقه وبعدها سابها وهي بعدت بسرعه وجريت عالاوضه وفضلت تعيط اوي ....
عدي كام يوم عالوضع دا عمرو وبيان مش بيتكلمو اصلا ومعتز مبيردش ع عمرو خالص وفعلا زعلان منو جدا...
حبيبه بتكلم عمرو كتير وهو بتكلمها بس ديما حاسس انو في حاجات كتير ناقصاه ..اهمها صاحبو معتز ...وديما حاسس ان حضن بيان وحشو اوي ...رجلو خفت وبقا يقدر يخرج عليها...كان بيلبس عشان الشركه الصبح.....
صحيت بيان من النوم مكلمتوش ودخلت الحمام ..شويه وخرجت
عمرو..عامله اي يا بيان.....
بيان بصتلو ومردتش وكانت بتعمل حاجة فالمطبخ
عمرو..بيان بقالك فترة مش بتكلميني ولا حتي بتردي عليها...
بيان..ونت عاوزني اكلمك لي..ماعندك اللي بتكلمها كل يوم
عمرو..بيان نتي لازم تعملي التمرينات زي ما الدكتوره قالت
بيان بصتلو بحده..عمرو تعرف تخليك في حالك وملكش دعوه بيا خالص..وتعرف حاجه احنا إيمنا مع بعض معدوده فخليها بقا يعدو بسلام
عمرو باستغراب شديد..أيامنا معدوده؟؟...اي اللي بتقوليه دا
بيان..زي ما سمعتك...وهتعرف يا عمرو قريب اوي اني مش بقولك اي كلام وخلاص...صدقني نت لسه متعرفنيش
عمرو..بيان مالك..ماحنا عايشين عادي لي عاوزانا نبعد
بيان..ايي...هي مش حبيبه قالتلك اسبوع وتطلقني والا تنساها..اي هو نت قررت تنساها
عمرو اتنهد..نتي بتفكري في اي بيان
بيان..كل خير...بفكر فاللي هيريحنا....يلا امشي بقا..بجد مبقتش اطبق اشوفك....وسابتو ودخلت الاوضه وعيطت اوي لان كل كلامها من ورا قلبها بس بتكتم عياطها عشان ميسمعهاش ويعرف انها لسه بتحبو.....
عمرو فضل واقف خايف شويه..هي ممكن تعمل اي بس....يارب أقف معايا....معتز بجد وحشني اوي
وصل عمرو للشركه...
عمرو..فين راضي بيه ومصطفي بيه
السكرتيرة..مجوش يا مستر عمرو....
عمرو باستغراب شديد..ازاي بس اول مرة يعملوها
السكرتيرة..ايوه يا فندم..نا كنت هسال حضرتك عليهم اصلا بجد قلقت
عمرو..طب ومعتز جهه
السكرتيرة..لا بردو يا فندم
اتنهد عمرو بزعل..طب رحي هاتيلي قهوه......رن ع ابوه ومردش وبردو ع مصطفي ومردش ..رن ع رغد اختو ..
عمرو..اي يا رغد ...بابا فين
رغد..معرفش يا عمرو نا مطبقه في المستشفى من امبارح كان عندي ورديه
عمرو..طب يحبيبتي ربنا معاكي
رغد..ونت وبيان عاملين اية
عمرو اتنهد..هبقي احكيلك يا رغد ...يلا اقفلي عشان عندي شغل.......
خلص عمرو شغل بس بليل وخرج راكب العربيه رنت عليه حبيبه
حبيبه..نت فين يا عمرو
عمرو..خلصت شغل وهروح
حبيبه..يعني مش هتيجي النايت كلوب
عمرو بتعب..لا مش هاجي..ونتي كمان اوعي تروحي فاهمه
حبيبه..معقول بردو يا حبيبي هروح منغيرك متقلقش
عمرو..طب يلا سلام....
حبيبه..سلام.....هفف مش جاي الحمدلله
حازم..اشطا ولا معتز كمان هنا..يلا بقا نقوم نرق"ص شويه.....
حبيبه بضحكه..اشطا يلا.....
كان عمرو خلاص مروح البيت...افتكر كلام معتز...طب وفيها لما اروح واشوفها كدا بتخرج من ورايا ولا اي...ولف العربيه وراح لحد هنا
قفل العربيه ونازل..هو نت مش واثق فيها فعلا ..ولا نفسك صاحبك يطلع مبيكدبش ولا اي...هووف نا هدخل عشان ارتاح..خايف لما ادخل مرتاحش واتعب اكتر......دخل عمرو جوه وزمايله سلمو عليه....بيبص عالمسرح لقا حازم وحبيبه بير"قصو مع بعض وحازم بيحضنها وبيحط ايده ع جسمها وهي بترقص وفرحانه عادي.....عمرو بصلهم كدا ونار خرجت من عينو ..
عمرو زعق وصوتو اعلي من الأغاني.. حبيييييبه
حبيبه اتنفضت برعب والاغاني اتقفلت بسرعه ..فضلت حبيبه تبصلو برعب شديد وحازم كمان اللي كان هيموت من الرعب
قرب عليها عمرو اوي وفضل يبصلها باستحقار شديد...
حبيبه كانت بتترعش ومرعوبه..عمرو بالله عليك متفهمش غلط نا بس كنت
عمرو رفع ايده وضر"بها علي وشها بالقلم وقعت فالأرض والكل اتلم حواليهم
عمرو بصلها وهي عالارض كدا وقلبو كان موجوع اوي ع صاحبو وكمان ع حبو..نتي اقل من الحشرة بجد..انا مش مصدق اني كنت بحب واحده زيك
حازم كان واقف مرعوب....قرب عليه عمرو..نا مش هعملك حاجه..عشان بس العيب مش عليك....وبص ع حبيبه..هي لو كانت بتصوني عمرها ما كانت خلت راجل..ولا راجل اي ..عمرها ما كانت خلت عيل زيك يقرب منها او يبصلها اصلا......
حبيبه كانت بتعيط جدا بصوت وهي عالارض ومرعوبه منو.....
عمرو..خلاص كدا يحبيبه ...مبقاش ليكي ذرة احترام واحده عندي .....اشبعي بيه بقا.....وجاي يمشي مسكت رجلو
حبيبه بذل ..ابوس رجلك يا عمرو متسيبنيش انا بحبك ومقدرش اسيبك
عمرو بصق عليها وزقها جامد وبصلها باحتقار شديد وسابها ومشي.....
فضلت هي تعيط اوي والكل بيبصلها بقرف وبيتكلمو عليها حتي حازم سابها ومشي وهي حست انها خسرت كل حاجه و....
خرج عمرو وهو قلبو موجوع ع صاحبو اوي انو كدبو ..إنما حبيبه هو خلاص رماها من قلبو ومبقاش طايقها فضل يخبط علي الدريكسيون جامد بغيظ شديد وقرر انو هيعمل اي حاجه عشان بس صاحبو يرضي عنو تاني.....نزل من العربيه وهو مبسوط بس انو هيشوف بيان..نفسو بجد يترمي في حضنها ويحكيلها كل حاجه وهي تحضنو اوي وتطبطب عليه وينام في حضنها..عاوز يهرب من الدنيا لحضنها وبس.......
طلع عمرو وبيفتح باب البيت لقا ابوه وابو بيان ومعاهم راجل كمان شكلو مأذون وامو وختو وكلهم قاعدين وبيان واقفه باصه ليه بقوة ..
عمرو كان باين عليه التعب وعيونه نازل منها دموع اصلا..في اي يا جماعه..مين دا
راضي بزعيق..دا المأذون اللي هيطلقكم يا عمرو...شكرا عالامانه اللي نت صونتها
عمرو دموعه نزلت اكتر بتعب شديد..عملتي لي كدا يا بيان
بيان قربت منو بقوة وابتسامه خفيفه وكانها بتنتصر عليه..عشان تروحلها وتبقى معاها ..عشان نت مبتطيقنيش.يلا بقا خلصني مش دا اللي نت عاوزه
عمرو بتعب اكتر..نا مكنتش عاوز غير اني اترمي فحضنك وبس انهارده ..مش عاوز غير كدا
بيان..ونا بقا مش عاوزه ابص فوشك تاني ....يلا بقا طلقني .....
عمرو بحده..مش هطلقك يا بيان
بيان زعقت..ونا بقولك هتطلقني يعني هتطلقني
عمرو زعق اوي وصوتو رعبها..قولت مش هطلقك يا بيان
راضي زعق.،اييي...ملكش كبير ولا اي..هتطلقها ورجلك فوق رقبتك.......
يتبع.........
•تابع الفصل التالي "رواية بيان العشق" اضغط على اسم الرواية