رواية وعد (كاملة جميع الفصول) حصريا عبر دليل الروايات بقلم ميرفت السيد
رواية وعد الفصل التاسع عشر 19
بقلم_مرفت_السيد
عشان انا ابقى .......
*تبقي إيه ؟
:ابقى زيك
*يعتي إيه مش فاهم
:زياد أنا قت. لت قبل كدة
*إيه انتي بتقولي ايه
بكت وعد :انا قت... لت يازياد بس عشان شرفي وعرضي وبابا هو الي انقذني من السجن
ارتمى زياد على الكرسي وهو مصدوم :فهميني الكلام دة بجد ولا بتهزري
*انا معرفش ليه قولتلك اصلا يمكن عشان انت فكرتني بالاحساس الي حسيت بيه وقت ماعملت كدة، احساس الغدر والخيانة
وبكت بحرقة فاقترب زياد منها وضمها إلى صدره وقال:اهدي ياوعد انا عمري ماهابعد عنك انا فرحان انك صارحتيني انا بحبك ياوعد بس زي ما حكيتلك كل حاجه فهميني ازاي دة حصل
هدأت وعد قليلا وقالت*انا فاكرة الي حصل زي مايكون إمبارح كان عندي 11 سنة كنا وقتها عايشين بمنطقة تانية غير الي احنا فيها حاليا كان بابا وارث بيت من دورين وعايشين فيه انا وبابا ووليد ماما كانت ماتت من وانا صغيرة
بابا كان له اخ غير شقيق اخوه من الأم اسمه سامي كنت اسمع من بابا انه فاشل وعاطل طلق مراته وجه عندنا واترجى بابا يقعد عندنا د قبل مابابا يرجع ووليد كان اغلب وقته بيلعب أو في الدرس مع أصحابه كان سامي دة يخبط عليا ويطلب مني اني اطلع معاه اتفرج على الحمام واكل معاه وطبعا بابا كان كل مايجيبله شغل مايكملش كام يوم ويمشي فبابا كان بيسيبه قاعد بالبيت ويوصيه يخلي باله مني انا ووليد
وانهارت من البكاء فشعر زياد بالخزن والغضب وظل محتضنا اياها وهو يربت على شعرها بحنان محاول تهدئتها وهو يقول:اهدي خلاص مش عاوز أعرف بس مش قادر اتحمل اشوفك بالحالة دي
بدأت تهدأ وهي باحضانه وقالت : لا انا عاوزة احكيلك انت الوحيد الي حسيت اني محتاجةاصارحه بالموضوع دة
: لو دة هايريحك احكي ياحبيبتي
فاكملت وعد: كنت باطلع معاه بكل براءة ويدخلني اوضته ويجيبلي اكل وافضل العب مع الحمام واتفرج عليه وهو بيطير وييوم لقيته جايبلي طيارة ورق طويلة طلب مني العب بيها وقف ورايا على أساس انه بيعلمني
وهو طبعا بيت..حرش بيا وانا مش فاهمة لانه كان بيظهر انه واقف ورايا وميقصدش إنما هو كان قاصد ومرة في مرة اتمادى على مدار سنة وانا مش فاهمة ولا حد وعاني ان دة غلط
وقي يوم حاول وبعنف انه يبوٍ... سني وانا قاومته ودخلت شقتنا وقفلتها من جوة وهو فضل يخبط ويتحايل عليا افتح
وقتهابس حسيت ان في حاجة مش طبيعية بابا جه هو ووليد لقوني نايمة مايعرفوش اني من كتر الخوف والعياط نمت وتاني يوم روحت لمدرسةكانت بتحبني وباحبها اوي
حكيتلها وطبعا وقتها فهمتني ان ماينفعش حد يلمسني واتصلت ببابا على تليفون شغله وجه مخضوض وشجعتني احكيله
طبعا بابا ضربه وطرده ونبه عليا مافتحش لحد وكان ناوي يشوفلي دادة بس الي حصل بعد كدة كان ابشع من الخيال
كان جوايا احساس اني عاوزة انتقم لنفسي كنت بدأت افهم انه كان بيستغل برائتي وانا باقوله ياعمي
عدت سنة كاملة مانستش فيها الي حصل بابا اشتركلي في نادي دفاع عن النفس وبابا كان تعب وعمل عملية ووليد كان بيبات معاه وانا المفروض ابات عند ماريا ماهي عاليا صحابي من الصغر طبعا اليوم دة كنت غايبة من المدرسة وعاليا قالتلي ان بكرة في إمتحان وكان لازم اجيب كتب من البيت
استاذنت من ام ماريا وروحت لوحدي اتاريه بيراقب البيت وشافني وانا داخلة لوحدي وبسرعة كان دخل ورايا بدون ماحد يلمحه
دخلت اوضتي جبت حاجتي ولسة بالف لقيته ورايا وبيقفل باب الاوضة وبيضحك وبيقولي :وحشتيني
وبيقرب عليا انا الي حصلي وقتها خوف على غيظ على غضب بس كل الي فكراه اني حسيت اني لازم افكر بسرعة وضربته تحت الحزام وجريت وجري ورايا وقعني على الارض وانا باقاومه ترابيزة السفرة وقعت وكان عليها فازة وطبق فاكهة وس... كينة وقعوا على الارض
بدون تفكير غرزت الس... كينة في صدره
وفضلت اترعش واعيط خايفة اصرخ صوتي مش طالع وانا في وسط كل دة ربنا بعتلي وليد
كان جاي ياخد غيار لبابا اتفاجئ بالمنظر كان كل همه اذاني ولا لأ ولما اتطمن اني كويسة حضني وهداني وطلب مني اتماسك واني اتصرفت صح وروق الدنيا ولف سامي السجادة وشده لحد اوضة عاملينها مخزن ونضف الشقة مكان الد... م وساعدني اغير هدومي ولم الهدوم و المفرش الي فيها د... م وحرقهم واخدني معاه الأول عند ام ماريا وطمنها اني هابات معاه
وطلع على المستشفى كان بابا فايق شوية وبابا لاحظ ارتباكنا وصمم يعرف في إيه وليد حكاله
بابا صمم يخرج وهو لسة جرحه مفتوح واخد الجث... ة بنص الليل ووداها ارض صحراوية وح... رقها.
ورجع لامن شاف ولامن دري وبعد شهرين اكتشفوا الجث... ة ولما عرفو هو مين استدعو بابا للتحقيق ولان سامي كان سيء السلوك محدش اهتم بموته وبابا قال انه كان تعبان وبيعمل عملية وانه ماشافش سامي من اكتر من سنة وعدت على خير
وبعدها بابا قرر نعزل من البيت واشترالنا شقتين بالعمارة الي احنا فيها وكان الله يرحمه دارس علم نفس كويس وقدر يخرجني من حالة الرعب الي كنت بامر بيها وفهمني ان الق... تل حلال بحالة الدفاع عن العرض والشرف. ومات بعدها بسنة وقبل مايموت وصى وليد مايسبنيش لوحدي ووليد رباني وكان جنبي لحد ماكبرت وهو أتجوز وخلاص نسينا الحكاية دي وتناسيت الموضوع لحد النهاردة
قال زياد: الله يرحم والدك ويبارك في اخوكي للأسف لو الموضوع دة كان اتعرف الناس مش بترحم
انتي فعلا اتصرفتي صح وكان لازم تدافعي عن نفسك
ولو كان الكلب دة لسة عايش كنت هق... تله أنا
*زياد أنا مش معقدة من شوية انا عارفة إني كنت بارفضك وقبل منك خطيبي قبل الجواز منه كنت خايفة وكنت بابعد عنه لدرجة انه قرب من صاحبتي يعني دة مش لاني كارهاك او مش عاوزاك دة كان غصب عني
احتضنها زياد:اوعدك انك عمرك ماهاتحسي بخوف تاني انا جنبك عمري ماهاسيبك او اخليكي تفقدي الثقة فيا
*انا كمان عمري ماهابعد عنك
:شوفتي احنا طلعنا شبه بعض إزاي كنا فاقدين الثقة وجوانا سر تاعبنا نفسيا لحد مالقينا بعض
*انا جنبك على طول وعمري ماهابعد عنك
:وانا ملكك وعمري وحياتي كلها انتي
امسكت وعد بهاتفها وقامت بمسح التسجيل
•تابع الفصل التالي "رواية وعد" اضغط على اسم الرواية