رواية انت دقات قلبي (كاملة جميع الفصول) حصريا عبر دليل الروايات بقلم زينب علي
رواية انت دقات قلبي الفصل الاول 1
- لو سمحت يا مدام ا..
قطعت كلامو و قالت بقرف : مدام!
رد عليها ببرود : يا سينيوريتا
كمل كلامو وهو بيشاور علي باب القاعه وقال : دا فرح خالد الالفي ؟
هزت راسها وردت ببرود : اه مين حضرتك بقا !
تجاهلها و سابها و دخل
برطمت و قالت : اشكال زباله
قرب منها شاب و اتعلقت في حضنو و هي بتقول : كل دا عشان تيجي
ضمها لحضنو و قال : معلش يحبيبتي لحد ما خلصت المؤتمر
بعدت عن حضنو و مسكت ايدو و قالت : يلا عشان ابن عمك زعلان انك اتأخرت
دخلو القاعه سوا و قربت من واحد و قالت : بابا معاذ جيه و موجود عند خالد
قرب الاب البت منو و قال : تعالي اعرفك علي باسم باشا
شاور الاب علي بنتو و قال : ديه نورسين بنتي
شاور الاب علي باسم و قال : ودا النقيب باسم الروبي قائد فريق خالد ابن عمك ينورسين
بصت نورسين علي باسم و افتكرت لما قال المدام و ردت ببرود و قالت : اهلا وسهلا
ابتسم باسم بهدوء و هز راسو ومردش عليها بس وجه كلامو لِابوها و قال : اتشرفت بِحضرتك يا رشاد بيه وبِبنتك
ابتسم رشاد وقال : ولسه فيه ابني بس مع خالد دلوقتي
ابتسم باسم واستأذن وراح قعد علي طرابيزه وبيبص للكل ببرود لِحد ما لاحظ شلة بنات واقفه بيبصو ناحيتو وبيشاورو عليه ، قام غامزلهم وهو مُبتسم
صوتو البنات لِبعض وضحكو
قرب معاذ من خالد و قال : وقعت في المصيده يا وحش
ضحك خالد و بعدها كشر و قال : كنت في لحظه هنسي ان انا زعلان منك
ضحك معاذ و قال و هو بيقرب علشان يحضنو : قلبك ابيض يا عم ما انت عارف ظروف شغلي
حضنو خالد و قال : حتي يوم فرحي معرفتش تخلع من شغلك بدري
قربت نورسين و حضنتهم و قالت : حضن من غيري
ضحكو كلهم سوا و بعدين نورسين شدت العروسه و قالت : يلا نرقص
„ علي طرابيزه باسم „
كان قاعد عينو متشالتش من علي نورسين لحد ما في بنت من شله البنات قربت و سندت علي الطبريزه و قالت : هو انته جاي تبع العريس ولا العروسه
رفع راسو و بصلها و قال : انتي تبع مين
غمزت و قالت : العريس و لو عاوزاني اكون تبع اللي انت تبعو
قرب بجسمو من علي الطرابيزه و قال : من غير بذل مجهود ، كدا كدا أنا تبع العريس
ضحكت وقالت : حلو اوي دا ، يبقا نتعرف بقا
مسكت فونو وقالت : افتحهولي
بصلها لقاها بتغض علي شفتها اللي تحت وهي بصالو
ضحك وفتح الفون واداهولها
مسكت الفون وكتبت رقمها ورنت علي نفسها وبعدها وقالت : ميرنا ، هستناك تكلمني ونتعرف .. متنساش بقا
بصلها بِخبث وقال : مقدرش
ضحكت بِمياعه وراحت لِصحابها البنات اللي اول ما شافوها بتقرب شدوها وهما عمالين يسألو فيها
قالت واحده منهم : عملتي اييي
ردت ميرنا و هي بتغمز و قالت : هو حد يقدر يقول لميرنا لا
ردت صحبتها و قالت : جبتي سكه يعني
ردت واحده و قالت : باين عليه سو باد
قربت نورسين منهم و قالت : اي يبنات بتتكلمو علي مين
ردت واحده من اللي واقفين وهي بتضرب ميرنا علي كتفها وبتقول وهي بتضحك : اصل ميرنا عملت انجاز عظيم
كشرت نورسين وهي بتضحك وقالت : انجاز ايه ؟
ردت نفس البنت و قالت : راحت جابت سكه مع شاب
فضلت نورسين بصالهم باستغراب ، كملت البنت كلام وقالت وهي بتشاور ورا نورسين : الشاب دا
لفت نورسين وبصت وراها لقت باسم قاعد علي الطرابيزه مع باباها وبيبص علي كل اللي في الفرح
لفت وبصلتهم وهي مكشره وقالت : انتو بجد عملتو كدا ؟
بصيتلهم من فوق لِتحت ومشيت لقِت رشاد بيشاورلها علي انها تيجي
قربت منهم بصت لابوها رجع الكرسي اللي جمبو و قالها : تعالي اقعدي
قربت بنت عمها و قالت : سايبه صحابك و قاعده معانا ! ، غريبه يعني
ضحكت نورسين و قالت : مش مستلطفهاهم النهارده
وشوشتها في ودانها و قالت : في واحد قريب العريس خبط فيا بكرشو و كان هيوقعني علي الارض
ضحكت نورسين بصوت عالي
بصلها باسم بتركيز وهو مضيق عينيه وبيخبط صوابع ايديه بانتظام علي الترابيزة
نورسين لما لاقتو بيبصلها قامت بصالو وفضلت مثبته نظرها عليه ببرود لحد ما هو بص بعيد
قامت بنت عمها وقالت : انا هقوم اروح الحمام اظبط الميكب واجي
هزت نورسين راسها ومشيت بنت عمها للحمام
اول ما وصلت ممر الحمامات اتصدمت لما شافت...
•تابع فصول الرواية "رواية انت دقات قلبي" اضغط على اسم الرواية