رواية العشق الممنوع كاملة بقلم مارلي ايهاب عبر مدونة دليل الروايات
رواية العشق الممنوع الجزء (2) الفصل التاسع عشر 19
في الكلية عمرو دخلت رحمة بهمجية علي عميد الكلية
والعميد رفع راسه بصدمة وقال… انتي ازاي تدخلي كدة انتي فيها رفدك انهاردة
رحمة كان شكلها صغير وهي قصيرة مش باين انها كبيرة او في سن الثلاثينات
رحمة بغضب… انا مش طالبة اهنا انا واليه امر اهنا
العميد اتصدم لان شكلها ميدلش انها ام ولشاب كبير
عمرو دخل بسرعة ورا امه وقال بخوف.. ماما تعالي معايا لو سمحتي
العميد اتكلم ببعض الضيق… اتفضل اخرج بره وسيب والدتك تقول اللي هي عايزاه اتفضل
عمرو نظر له بقلق وخرج. بره
العميد بهدوء… اتفضلي استريحي يا مدام و تقدري تقوللي اية المشكلة
رحمة بغضب… ابني نجل ورجه اهنا علشان خاطر الدكتور الزفت اللي في الصعيد مستجصده و بينزله في الدرجات و عايز يسجطه ونجل. هنا ودكتور الغبره كلم الدكتور اللي اهنا و قالوا ينجص ابني في الدرجات ويسجطه وروحت اتكلم معه و اجوله رح بيكلمني بكل بجاحة ويجولي انا حر وادي الدرجات اللي علي مزاجي و جالي ان الدكتور الصعيد جاله يستجصد ابني و يسجطه
العميد سمع بهدوء…. اسمه اية الدكتور ده
رحمة بعصبية…. اسمه حسن معرفاش اسم ابوه
العميد بابتسامة… طيب ممكن تهدي الاول مفيش داعي للعصبية دي الموضوع هيتحل تشربي اية الاول
رحمة حاولت تهدي نفسها وقالت بهدوء… شكرا معوزاش حاجه
العميد ابتسم…. لا طبعا مينفعش قولي تشربي اية
رحمة وهي بتجز علي اسنانها… يا دكتور جولت لحضرتك شكرا معوزاش
العميد حمحم باحراج وقال… طيب زي ما تحبي اولا اسمي الدكتور عاصم واكيد عارفة اني عميد الكلية انا دلوقتي عايز اعرف الدكتور اللي كنتي بتكلمية اسمه اية
رحمة بضيق… كان مكتوب علي المكتب بتاعه ياسر اشرف.
عاصم بابتسامة .. تمام انا هتصل بيه حالاً
اتصل علي الدكتور ياسر وقاله بجدية… تعالي علي مكتبي حالاً يا دكتور
ياسر بقلق… حاضر يا دكتور
قفل عاصم و قال بهدوء…. حضرتك منين من الصعيد
رحمة بهدوء…… من المنيا
عاصم ابتسم وكان ينظر لملامحها السمراء الجميلة و الغمازتين الذي في خديها الايمن والايسر و عيونها البنية كالقهوة
وهي لحظت نظراته وقالت بحدة.. في حاچة يا دكتور
عاصم حمحم باحراج… لا ابدا مفيش.
الباب خبط و دخل دكتور ياسر واول ما شاف رحمة نظر لها بغيظ وسكت
عاصم بجدية… اتفضل يا دكتور
جلس ياسر امام رحمة وهو مضايق وقلقان.
عاصم بجدية…. الاستاذة قالت انك مستقصد ابنها و بتنقصه في الدرجات وان في دكتور في الصعيد موصي عليه جامد علشان يسقط
ياسر بتوتر… محصلش يا دكتور دي. كدابة
رحمة اتعصبت اوي وردت رغم ان عاصم. كان هيتكلم
رحمة بغضب.. اما انت راجل مشوفتش تربية بتكدب عيني عينك كدة مفيش عندك د*م ولو انا كذابة هات كاميرات مكتبك ونشوف مين فينا اللي كداب يا ظالم.
عاصم. ابتسم ودرا الابتسامة بسرعة وقال بجدية…. انا هشغل كاميرات مكتبك دلوقتي وهنشوف لو كانت هي ولا انت بس صدقني لو طلعت بتكذب انت هتتجزا جامد يا دكتور
فتح عاصم كاميرات مكتب ياسر بهدوء و سمع كل كلامه و ياسر يجلس وجهه احمر كالد، م وينظر في الارض
عاصم بجدية… مين الدكتور اللي موصيك عليه
ياسر بتوتر… انا اسف يا دكتور انا هصلح الدرجات والحاجة انا بتعذر
عاصم بجدية… اسم الدكتور لو سمحت الا اذا كنت عايز تشيل المسؤليه كاملة
ياسر قال بتوتر…. دكتور حسن محمد الدسوقي
عاصم بجدية… اتفضل علي مكتبك و انت متحول لتحقيق و موقوف عن العمل لغاية ما التحقيق يخلص وتصلح درجات الطالب قبل ما تمشي و تجيب الكشوفات بتوع الطلاب يلا
ياسر بحزن… حاضر يا دكتور بعد اذنك
خرج ياسر وهو يندم انه سمع كلام صديقه الذي بسببه خسر عمله
عاصم بابتسامة… كل حاجه هتتظبط و هو هياخد محاضراته و حاجته ومتقلقيش. كله هيبقي تمام
رحمة بملامح جامدة… شكرا يا دكتور علي تعبك
عاصم بابتسامة… لا ابدا مفيش تعب ولا حاجه يا مدام
رحمة بهدوء… متشكرة بعد اذنك
عاصم بابتسامة……. العفو اتفضلي
قامت رحمة وخرجت بره المكتب و شافت ابنها يقف قلقان
عمرو بقلق… ها يا ماما عملتي اية
رحمة بابتسامة… متجلجش اتحول لتحقيق علشان يبقي يفتري علي مخاليج ربنا ودرجاتك كلها هتتحط زي ما كانت
عمرو بصدمة… بجد ولا بتهزري
رحمة بابتسامة… مجنون وانا ههزر ليه يلا انا همشي انت كمل باجي محاضراتك
عمرو بابتسامة…… ربنا يخليكي ليا ياماما و متحرمش منك ابدا مع السلامه لما توصلي كلميني
رحمة بابتسامة…. ويخليك يا حبيبي يلا سلام
عمرو بابتسامة… سلام.
خرجت رحمة وعمرو ذهب ليقف مع مجموعة من اصدقائه
وبعد مرور دقايق جه الامن وقال… عمرو عمر فين
عمرو بقلق… انا
الدكتور عاصم عميد الكلية عايزك
عمرو بقلق.. ليه
الامن.. معرفش روح شوفه
عمرو هز راسه بقلق وذهب اتجاه المكتب وخبط
عاصم بابتسامة… ادخل.
دخل عمرو بتوتر.. وقال… حضرتك طلبتني. يا دكتور
عاصم بجدية… اه تعالي يا عمرو مش. المفروض لما يكون في مشكله زي دي. تجي و تتكلم ليه تستني لما تجيب حد من اهلك. يشوف الموضوع و يحله انت كبير كفاية انك تعمل كل حاجه لنفسك. و تحل مشاكلك لنفسك. وبعدين اشمعني مامتك يعني ليه والدك مجاش هو
عمرو باحراج و قال… مفيش بس بابا مشغول علشان كدة انا ماما عرضت عليا انها تجي معايا
عاصم بابتسامة… ده الملف بتاعك راجعته من الاول و الدرجات بتاعتك كويسة جدا في جميع المراحل التعليمية
وان شاءلله هنا تجيب اعلي الدرجات وتطلع الاوائل
عمرو بابتسامة… متشكر يا دكتور وان شاءلله لو في اي مشكلة هاجي. وهقول لحضرتك
عاصم ابتسم… لحقت تتعلم تتكلم بالغة القاهرة
عمرو بابتسامة… لا اصل انا هنا كنت بجي اقعد مع ابويا فترة و كان بيتكلم عادي فا اتعلمت منه لكن امي مفيش غير شهرين بس هنا لسه ملقطتش اللغه
عاصم بأستغراب… يعني والدك قاعد هنا و والدتك لوحدها في الصعيد
عمرو بهدوء… لا بابا و ماما منفصلين.
عاصم كان عايز يبتسم ولكن قال بجدية…. تمام يا عمرو اتفضل روح انت محاضراتك زي ما قولتلك اي حاجة تحصل تعالي قولي
عمرو بابتسامة.. حاضر بعد اذنك يا دكتور
عاصم بابتسامة… اتفضل
خرج عمرو وهو بيبتسم وحاسس بفرح انه قدر ياخد حقه
……………………..
في بيت صغير في حارة شعبية
كان يجلس احمد زوج نور مع صديقه نادر
نادر بحزن…. انت غلطان يا احمد ليه كدة مراتك ست محترمه و اهلها محترمين وعارفيين الاصول والست اللي انت فضلتها علي مراتك اهي سابتك بعد ما وجية بيه خد كل حاجه منك حق بهدله بنته
حرام عليك حرام عليك خسرت مراتك وابنك واحترام اهلها ليك حتي فلوسك خسرتها بسبب الزبالة اللي فضلتها علي مراتك
احمد بغل… انا مش هسيب حقي وهرجعها ليا تاني. وهكسر عينيهم عشان يعرفوا هما بيتعاملوا
مع مين
نادر بضيق…. يا احمد بلاش كلامك ده انت مش قد وجية وعيالة هيكلوك ابعد عنهم او سمحت علشان خاطر ابنك اللي هيتبهدل
احمد بغل… لا أنا مش هسكت وهيشوفوا
نادر هز راسه بنفاذ صبر من صديقه الذي يصمم علي الانتقام
……
……………………
في الشارع كانت تمشي روفان ولا تعلم الي اين تذهب وهي ليس لها مكان بعدما طلقها وجية
روفان جلست بتعب في مطعم وهي بتقول…. ممكن لو سمحت تجبلي ماية وعايزة اتنين سندوتشات شاورما سوري
…. امرك يا فندم حاجه تاني
روفان… لا شكرا
روفان بعدما ذهب الجرسون جلست تفكر ماذا تعمل وهي ليس لهااحد غير اعمامها واذا رجعت لهم سوف يجوزوها الي احد ابنائهم وهم لم يعلموا انها تزوجت
فاقت علي الجرسون يضع لها الاكل و انينة ماية
روفان بهدوء…. متعرفش حد هنا يجبلي شقة لو سمحت تبقي ايجار
…. حضرتك عايزها شقة كام اوضة
روفان بهدوء…… اي حاجه حتي لو اوضة واحدة
موجود انا عارض شقه للايجار هي اوضتين بس صغيرين يعني اعتبريهم اوضة واحدة و متشتبطة لوكس وهنا في المنطقة دي و ايجارها 700 جنية في الشهر وهي شقة جاهزة من مجميعها مفروشة يعني
روفان بهدوء…. طيب تقدر تخليني اشوفها دلوقتي
حضرتك هتقعدي فيها لوحدك
روفان بهدوء… اه في مانع
لا ابدا مفيش مانع هروح استأذن من المدير و هاجي علي طول مش هتاخر
روفان بهدوء…. براحتك
طلعت روفان تمن الاكل والماية
بعد عشر دقايق جه الجرسون واسمه ماجد
روفان بابتسامة.. اتفضل الحساب ممكن كيس اوي حاجه احط فيها السندوتشات
… من غنيا يا استاذة دقيقه واحده
اخد الفلوس ودخل تاني وجاب كيس تحط فيهم السندوتشات
وقال… اتفضلي
روفان بهدوء…. شكرا
ماجد بابتسامة… العفو اتفضلي معايا
روفان بهدوء… اوك لا
خرجوا الاتنين وذهبوا في الطريق الذي امام المطعم واخذها ماجد الي الشقة و كانت في الدور الثاني
فتح ماجد باب الشقة بهدوء وقال… اتفضلي يا استاذة
دخلت روفان و ماجد ساب الباب مفتوح
وروفان نظرت ونوعا ما اعجبتها الشقة وقالت بهدوء…. نكتب العقد
ماجد بابتسامة… خلاص خليكي هنا و انا هروح اجيب العقد و نكتبه
روفان بهدوء… تمام
خرج ماجد بسرعة وهي طلعت من شنطتها فلوس الشهر وكمان الف جنيه علشان لو طلب مقدم
بعد خمس قايق طلع و في ايده العقد
وابتداء يمليه وهي تنتظره بهدوء
ماجد بابتسامة بعد عشر دقايق… خلصت اتفضلي امضي واعطاها البطاقة بتاعتها
روفان مضت علي العقد بهدوء و قالت
.المقدم هتاخد كام….
ماجد بابتسامة…. اللي تقدري تدفعيه
روفان ادتله الالف جنية وقالت… اذكرهم بقي في العقد
ماجد بابتسامة…. هذكرهم متقلقيش
واخد العقد و كتب فيه المقدم و الشهر اللي اخده
وهي قالت بهدوء… كدة انا اقدر اقعد في الشقة من دلوقتي
ماجد بابتسامة….. طبعا تقدري وانا ساكن فوق حضرتك علي طول لو في حاجه في حاجه في الشقة تقدري تبلغيني بيها والمفتاح موجود في الباب
روفان بابتسامة… تمام شكرا
ماجد بابتسامة… العفو بعد اذنك
روفان… اتفضل
خرج ماجد بهدوء وهي جلست قالت… لازم اروح اخد هدومي و حاجتي من هناك و كمان الورقتين لازم يتقطعوا علشان يبقي كدة خلصين
بس لو اتقطعوا مش هقدر لو حصل حاجه اثبت انه كان متجوزني انا هسيبهم كدة يمكن احتاجهم وبعدين هو رمي يمين الطلاق يبقي خلاص خلصنا
قامت حتي تذهب لبيت وجية وتاخد متعلقاتها الشخصية من المنزل…….
……………..
في العيادة كان يجلس الدكتورمع ريان و عمر ورهف
الدكتور بضيق…. مع الاسف البنت سنها صغير جدا و كمان حامل والمخدرات خطر علي الجنين وعليها
عمر بحزن… طيب واية العمل يا دكتور
الدكتور…. هي مش هتقدر تستحمل اعراض الانسحاب وهي حامل ممكن تموت فيها لا قدر الله بس احنا ممكن نديها جرعة مخدر صغيرة لغاية ما تولد هي في اخر الشهر التاني مش كدة
عمر بحزن….. ايوة
خلاص ابعدوا عنها جميع انواع الحاجات اللي بتاخدها و انا هكتب ليها علي نوع مخدر تجيبه من الصيدليه وتاخد بس الجرعة اللي هكتبها لان دي بس بخليها تستحمل اعراض الانسحاب وفي نفس الوقت بتديها جزء بيخدر حواسها وبيخليها تنام اكبر وقت ممكن لحد ما فترة الحمل تعدي
ريان بحزن…. تمام يا دكتور
الدكتور كتب الروشتة. وعمر خدها وكان حزين
وريان مسك ايد رهف اللي ماشية تايهة ومش معاهم
خرجوا من عند الدكتور
ريان بهدوء… هات يا استاذ عمر وانا هجيب الروشتة.
عمر ادله الروشتة ونظر لرهف بحزن شديد وقال… خد بالك منها يا ريان مش عارف عملت اية في الدنيا علشان اتعاقب كدة
ريان طبط علي كتفه وقال…معلش ربنا لما بيحب عبده بيبتله بمحنة ويشوف هيقدر يكمل ولا لاء
عمر بحزن…. معاك حق تعالي يلا علشان اوصلكم
ريان بابتسامة… مفيش داعي انا هاخد رهف و هنتمشي شويه يمكن اقدر اعرف مكان الحاجة اللي بتاخدها اهو احاول اسايرها شوية لحد ما ربنا يحلها
عمر هزراسه بحزن… طيب ابقي طمني
ريان بابتسامة… متقلقش يا استاذ عمر
عمر هز راسه بحزن و ضيق ومشي اما ريان كان يقف يشتري العلاج
رهف بابتسامة وهي تضع راسها علي كتفه….. هنروح نتمشي فين
ريان بابتسامة… لا احنا مش هنتمشي ولا حاجه احنا هنروح انا قولت لابوكي كدة علشان ميتعبش نفسه ويجي يوصلنا مخصوص
رهف بابتسامة….. ايوة نروح احسن انا بقول كدة برضه
ريان اشتري العلاج واخدها وروح.
………………
- يتبع الفصل التالي اضغط على ( رواية العشق الممنوع ) اسم الرواية