رواية موعدي مع الحب الحقيقي كاملة بقلم نشوة عادل عبر مدونة دليل الروايات
رواية موعدي مع الحب الحقيقي الفصل الثاني 2
-ورق ايه ده اللى حضرتك ملهوف عليه اوى كده ودوا ايه اللى عاوزنى اعطيه لحسام بدون علمه؟!
عادل: وانتى جاية تسألى دلوقتى مسألتنيش ليه من اول ما طلبت منك تساعدينى!؟
سارة: يمكن لانى مكنش عندى الجرأة انى اسألك وقتها واظن ان حقى اطمن انى اللى بعمله ده مش غلط
عادل : تمام عندك حق.. الدوا اللى طلبت منك انك تحطيه لحسام ده علاج هيساعده كتير ان نفسيته تتحسن وهو بيرفض ياخده
سارة: طب والورق؟!
عادل: الورق ده لصفقة حسام عملها لكن فيه ناس بسبب الصفقة دى عاوزين يأذوه وممكن يقت..لوه
سارة بلهفة: وهو يعرف بحاجة زى دى!
عادل: لا طبعا ميعرفش بصى يا سارة حسام طالع لابوه الله يرحمه عنيد ومغامر ومستحيل يقبل بالتهديد عشان كده انا معرفتوش بنيتهم اتجاهه يا سارة انا بعتبر حسام ابنى مش ابن اخويا وعاوز مصلحته واشوفه سعيد فى حياته
سارة: حاضر يا عادل بيه ان شاء الله هعمل كل المطلوب فى اقرب وقت
عادل: وانا واثق انك تقدرى عشان كده اختارتك انتى يلا سلام
قفلت سارة ورجعت ع البيت لقت اسماء اختها فى انتظارها واسماء اكبر من سارة لكنها مشل..ولة ع كرسى متحرك وتعتبر صديقة سارة مش بس اختها الكبيرة
اسماء بلهفة: ها عملتى ايه طمنينى ؟
سارة: الحمدلله يا حبيبتى حسام وافق ع انى اكون سكرتيرته الخاصة
اسماء: طب كويس وعادل هيعطيكى الفلوس امتى؟
سارة بحزن واضح من كلامها : لما انفذ اللى طلبه منى
اسماء مسكت ايدها: مالك فى ايه شكلك زعلانة احكيلى!؟
سارة: بصراحة يا اسماء انا مش مطمنة للموضوع ده حاسة ان فيه حاجة غلط خايفة يكون مضحوك عليا واكون طعم وبسببى يتأذى حسام
اسماء: وايه سبب احساسك ده ؟!
حكت لها سارة ع كلام عادل ليها فى الفون وكملت: حاسة ان كلامه فيه حاجة غلط لما كنت بعمل الانترفيو مع حسام النهاردة كان طبيعى جدا مش باين عليه اى مشاكل شخصية او نفسية وبالعقل لو فيه حد عاوز يإذيه بسبب الصفقة كان عمل كده بمجرد ما حسام مضى عليها ولا انتى ايه رأيك!
اسماء: فعلا معاكى حق بصى يا سارة لو حاسة ان فيه حاجة غلط اعتذرى عن الموضوع ده الله الغنى عن كده
سارة بدموع: طب والفلوس اللى كنت هعملك بيها العملية
اسماء: تولع الفلوس دى مش احسن ما نكون سبب فى اذى لبنى ادم ومش اى حد ده حبيبك
سارة بتنهيدة: حبيبى …. حب من طرف واحد يا اسماء انا فين وهو فين تعرفى ان انا وحسام اتقابلنا كذا مرة لكن بالرغم انه شافنى النهاردة معرفنيش
اسماء : اهدى ومتفقديش الثقة فى نفسك مش معنى انه اغنى منك انك ناقصك حاجة بالعكس انتى ست البنات كلها
سارة ارتمت بحضنها: يخليكى ليا يا عمرى
اسماء: ويخليكى ليا يا حبيبى بصى بقا فيه حاجة لازم تعمليها عشان تطمنى
سارة باهتمام: حاجة ايه؟!
اسماء: مش انتى معاكى الدوا اللى المفروض تحطيه لحسام
سارة: ايوة معايا
اسماء: طيب اعطينى اسمه وانا هتصل بدكتور كريم بتاع الصيدلية اللى انا كنت شغالة معاه واسأله عنه
سارة : فكرة برضه …. مسكت شنطتها وطلعت الدوا واتصلت اسماء بكريم وبعد السلام …. اسماء: دكتور كنت عاوزة اسألك ع اسم دوا كده كنت عايزة اعرف ده بتاع ايه
كريم: اكيد
بمجرد ما ذكرت اسم الدوا …. كريم: مين اللى عطاكى النقط دى حسك عينك تاخدى منها
اسماء: ليه يعنى مالها؟!
كريم: اسماء ده مش علاج ده حاجة بتسبب الصرع للشخص اللى ممكن ياخدها ومش بس كده دى كمان الجرعة الزيادة منها تسبب للشخص ده سكتة دماغية وووووووووو…………………
يتبع….
- يتبع الفصل التالي اضغط على ( رواية موعدي مع الحب الحقيقي ) اسم الرواية