رواية ايلاف (كاملة جميع الفصول) حصريا عبر دليل الروايات بقلم اماني سيد
رواية ايلاف الفصل الثاني 2
عوده الزوجة الأولى
إيلاف
البارت الثاني
جه بليل صفوان اتعشوا وطلعت غرفتها عشان تنام وطبعا حاولت انها تسهر معاه لكن مقدرتش بسبب غسيل السجاجيد ظبطت المنبه وصحيت تانى يوم حضرت الفطار وصحت صفوان عشان يفطر وجهزتله علبه الغدا بتاعته كالعاده ونزلت عند حماتها عشان تفطرها ولما صفوان مشى كملت فرش الشقه لأنها كانت منتظره السجاجيد تنشف وبقت كل يوم على هذا المنوال وحماتها مره نضفى المطبخ ورصيه من اول وجديد ومره الدواليب وبعد فتره او بعد اى عزومه ترجع تخليها تغسل السجاجيد مره تانيه وطبعا ايلاف ماكنتش بتشتكى لانها خايفه ان يحصل اى مشاكل بسببها او زعل عدى شهرين بدون حدوث حمل
صفوان: بقولك يا ايلا مانفسكيش تاكلى حاجه كده ولا كده اجبهالك
إيلاف بدون فهم لقصده : لا يا حبيبي شكرا كل حاجه موجوده واى حاجه نفسى فيها بطبخها انت نفسك في اكله معينه
صفوان فهم انها مش فاهمه قصده : طيب بقولك ايه يا ايلا عندك موانع من الصلاه
ايلاف بكسوف : لانعا فهمت حاجه تانيه . لا يا حبيبي
صفوان : يعنى مجتش ولا معادها لسه مجاش
ايلاف: هتفرق
صفوان: اه هتفرق عشان اعرف إذا كان فى حمل ولا لأ
إيلاف: لا للاسف هى لسه خلصانه
صفوان: طيب بقولك ايه بدل ما ننتظر تانى كام شهر ايه رايك تروحى تكشفى ونعرف ايه سبب التأخير عشان لاقدر الله فى حاجة نلحق نعالجها مافيش ناخد حاجه تنشط
إيلاف: خلاص يا حبيبي حاضر بس انا معرفش دكتوره نسا
صفوان: انا هسال واحجزلك ماتشغليش بالك وفعلا حجزلها واتصل بيها وراحوا للدكتوره
عند الدكتورة: مساء الخير اتفضلوا
إيلاف مساء النور
الدكتوره: اتفضلى عايزه تسالى عن ايه
إيلاف: احنا بقالنا شهرين متجوزين ومافيش حمل
الدكتوره: شكلكم مستعجلين. طيب اخر مره البريود جتلك فيها امته
ايلاف: من اسبوع
الدكتوره: اتفضلى معايا أكشف عليكى
دخلت إيلاف والدكتوره كشفت عليها وخرجوا
صفوان: ها يا دكتوره إن شاء الله يكون خير
الدكتوره: بص يا أستاذ صفوان عشان اكون صريحة مع حضرتك المدام عندها دهون على المبيض وهتسبب في تاخر الحمل
صفوان: طيب ودى سببها ايه وهى ليها علاج ولو ليها علاج هيطول
الدكتوره: اولا ليها علاج انها تنزل الوزن وتمشى على نظام غذائي
صفوان : طيب معلش سؤال تاتى انا بشوف ستات اتخن منها وبتحمل
الدكتوره: فى ستات للاسف بيكون اغلبيه الدهون متراكمه في منطقة البطن وده للاسف بيكمل تكيسات على المبايض بس هى حالتها بسيطه وبإذن الله فى اقرب وقت يحصل حمل
صفوان: تمام شكرا يا دكتوره عن اذنك
مشى صفوان وايلاف وهما فى العربيه كانت إيلاف بتعيط
صفوان: فى ايه يا ايلا بتعيطى ليه شوفتى ان عندى حق واننا نكشف بدرى والحمد لله طلعت صح وطلع الموضوع بسيط خسى شويه وبعدها هاتنلنا احلى عيل
ايلاف: طيب هتقول لمامتك ايه
صفوان: الحقيقة طبعا
ايلاف : مكنتش عارفه تطلب منه ازاى مايبغلش امه وسلمت امرها لربنا
روحوا وطلعوا عند امه وحكالها كل حاجه حصلت عند الدكتوره
ام صفوان بطيبه مصطنعه : طيب يا حبيبي ربنا يتم شفاها على خير والموضوع مايطولش انت سنك بيكبر وهى كمان
طلعوا شقتهم وقضوا اليوم مع بعض وتانى يوم نزلت ايلاف لحماتها كالعاده وطبعا لو اللى فات كان سئ فالقادم اسوأ
ام صفوان: بصتلها بتكبر . شوفتى بقى ان كان عندى حق لما كنت بقولك خسى وكنت كل اما اقولك اغسليلك سجاده تتلوى عشان تعرفى انى كان عندى حق يلا يلا قومى اغسلى السجاجيد وجهزى الغدا بتاع بكره عشان اختى جت من بره هى وولادها وانا عزماهم عايزه بقى اكل مصرى من كل نوع وشكل محاشى وممبار وبشاميل وجلاش وملوخيه وسمبوسه واه اعملى كمان صنيه لازانيا عشان خاطر مروه بنت اختى بتحبها
إيلاف: طيب انا هلحق اعمل كل ده ازاى وانا لسه هغسل السجاجيد
ام صفوان: منا بقولك بكره جهزى انهارده وبكره ولا انتى عايزه تانتخى ووتخنى وماتعرفيش تخلفى خالص
سكتت ايلاف وبدات شغل البيت وفضلت سهرانه طول الليل تجهز فى الاكل عشان تانى يوم تلحق تفرش وتسوى الاكل
وفعلا قدرت تنام ساعتين عند حماتها وقامت بدرى عشان تلحق تحضر الفطار كالعادة لجوزها وتفطر حماتها قبل ماتكمل شغل البيت على الفطار
صفوان: هو انتى صاحيه من امبارح
إيلاف: لا نمت ساعتين
صفوان: طيب ماطعلتيش تباتى فوق ليه
ام صفوان: انت عارف خالتك سماح جت من السفر امبارح وانا عزماهم كلهم عندى فمراتك سهرت معايا تساعدنى .
صفوان: طيب اذا كان كده ماشى بس دى اخر مره تنام بره بيتها تانى مفهوم اى شغل ممكن يتاجل
وعدى نص اليوم وكانت ايلاف خلصت كل حاجه وجه وقت العزومه غرفت وجهزت السفره
اام صفوان: بقولك ايه مش انتى الدكتوره قالتلك اعملى معرفش ده اللى اسمه دا ايه
ايلاف: دايت يا ماما
ام صفوان: اه هو ده والاكل اللى انتى عاملاه ده بيتخن انا بكلمك عشان مصلحتك عشان صفوان مايطلقكيش ويتجوز غيرك
ايلاف: بس الدكتوره قالت دى حاجة بسيطه وانا كده كده هاكل حاجه بسيطه عشان المجهود اللى عملته
ام صفوان: لا انتى كلى ساندوتش جبنه وكوبايه شاى هيسدوا نفسك انا بقولك كده لمصلحتك
ايلاف: طيب حاضر يا ماما
وفعلا حضر الكل للعزومه وساعت الاكل
صفوان: ايلا مابتكليش ليه
حماتها : قدام الكل : مانت عارف كلام الدكتوره لازم تخس عشان تحمل وهى عامله دايت سيبها براحتها
صفوان: طيب ماتكلى دلوقتي وابداى بكره
مروه : على فكره موضوع الرجيم ده بياخد وقت ومابيكتش مضمون خليها تبدا من دلوقتي افضل عشان متاخدش وقت اطول
ايلا بصتلهم كلهم بعيون مدمعه وسكتت خافت تتكلم او تمشى يبان عليها الزعل ومن بعد العزومه دى ومروه بقت تيجى دايما لخالتها واحيانا بتبات معاهم وكانت بتقرب بكل الوسائل من صفوان وفى الفتره دى ايلاف كانت بتخس وبتهتم باكلها من ورا حماتها وكانت بتلبس واسع عشان مايبانش خست ولا لأ لحد ما فيوم جت حماتها اتكلمت مع صفوان وطلبت منه يتجوز مروه وانها بنت خلته وفضلت وراه بكل الأساليب والحجج هى ومروه لحد ما فيوم كلهم خرجوا وسابوا إيلاف فى البيت لوحدها واتفاجئت بصفوان داخل وفى ايده ماسك مروه
إيلاف : ايه ده
صفوان: بدون مقدمات إيلاف مروه مراتى دلوقتي
إيلاف: طيب وانا ولحقت امته تتجوزها وتتعرفوا على بعض
صفوان: ماتنسيش انها بنت خلتى من زمان يعني اعرفها كويس الفترة دى هنقعد عند ماما لحد مافرش الشققه اللى فى الدور التالت ونقعد فيها
إيلاف: دانت مستعجل بقى
فى دخلت حماتها اه طبعا مرووه وجميله وجسمها حلو وتقدر تخلف كمان مش زيك
ايلاف بقوه اول مره يشفوها
طيب حلو اوى انا مش بخلف وهو مستعجل وانا هساعدكم واسيبلكم الشقه اللى فوق تتجوزوا فيها
صفوان: هتقعدى انتى مع امى معقول
إيلاف بضحكه سخرية: لا يا معلم هسيبلكم البيت واروح بيت ابويا وورقتى توصلنى وبصت لحماتها واهو بقى عندك واحده تانيه تشيل شيلتى وتخلفللك
صفوان: اعقلى يا إيلاف واقعدى فى البيت فوق
ايلاف: لا على حثتى وسابتهم ومشيت وهو طلع وراها حاول معاها كتير لكن هى صممت على الطلاق وطبعا امه سخنته عليها هى ومروه لحد ما طلقها
فاقت من شرودها ومسحت دمعه من عنيها
ايلاف: عايز ترجع فى السر يا صفوان حاضر هرجع
مساء الخير نجماتى
بعد ازنكم يا جماعه عشان الانتقادات اللى سمعتها وعارفه انى هسمعها اولا انا رواياتى كلها كنت بطلع فيها البطله قويه زى انا لست قبيحه وليتك تعلم ودهبيه والشخصية الوحيدة اللى كانت ضعيفة كانت علا فى ولاد المعلم وفى الاخر اتجوزت واحد احسن واغنى من بيجاد جوزها فانا للاسف مش هحرق اى احداث ولا هحاول انى اوضح اى حاجه اللى حابب يقراها ويقول رايه بعد كل الأحداث ما تخلص على دماغى اللى هينتقد ويهدد ويقولى لو معملتيش كده مش هكمل زى الرواية اللى فاتت فهو ليه كامل الحريه وعلى راسى برضو الرواية دى مقتبسه من الواقع وليها ترتيب وتسلسل في الأحداث وإن شاء الله تعجبكم
اتصلت إيلاف على صديقتها الوحيده اسماء
ايلاف: ازيك يا سمسم عامله ايه
اسماء: ايفا عامل ايه يا قلبى
ايلاف: بخير الحمدلله بقولك صحيح انا هرجع لصفوان
اسماء: نعم يا ختى
إيلاف: حكتلها كل اللى حصل وانه عايز يرجع فى السر
اسماء: ايلاف انتى بتهزرى انا عارفه او عايزه تشتغيله وتعشميه وتخلى بيه صح اتمنى يكون تخمينى صح
إيلاف: لا يا اسماء هرجعه بشروطه بتاعت دلوقتي
اسماء : استن يا ايلاف كده ثوانى
إيلاف: بتعملى ايه
اسماء : بدور على عروض للكرامة على امازون عشان اشتريلك واحده منها
إيلاف: اه يا جزمه بجد يا اسماء انا ناويه ارجعله
اسماء: طيب ليه دانتى اللى طالبه الطلاق
ايلاف : افهمينى بس انا اه اطلقت لكن حقى ماخدتوش
اسماء : يابنت يا جامده اتلهى وانتى هتعرفى تاخدى حقك انتى بتعرفى تاخدى على دماغك بس
إيلاف: عشان كده هرجعله
اسماء : طيب ماتعدى عن الشر وتغنيله ليه تروحى برجليكى
ايلاف : انا مش هروح
اسماء : امال هما اللى هيجوا 🤔🤔🤔
إيلاف: اسمعى بس
وحكتلها اللى فى دماغها
أسماء: يابنتى مش عارفه اقولك ايه بس هتقدرى يا ايفو
إيلاف: معنديش حاجة اخسرها يبقى اكسب كل حاجه يا اما كده كده مافيش حاجه اخسرها يبقى مافيش خسارة
اسماء: تمام يا حبيبتي وانا معاكى
إيلاف : طمنيني ابنك عامل ايه وجوزك
اسماء: بخير بيسلموا عليكى
Stop
نتعرف على الشخصيات الجديدة
اسماء صاحبه ايلاف من حضانه ومتربيين مع بعض ورحيم جوز اسماء كانوا شغالين مع بعض في شركة استيراد وتصدير اللى اتعرف صفوان فيها على إيلاف
Back
عدى اليوم وكان صفوان بيفكر فى ايلاف وعايز يرجعها وكان بيبعتلها رسايل عشان يخليها تحن تانى ليه هو عارف انها طيبه عشان كده مراهن نفسه انها ترجعله وتوافق على شروطه وكان حاسس ان البيت مالوش طعم من غيرها ورفض ان مروه تقعد فى شقتها وفرشلها شقه تانيه
وفى الناحيه التانيه ايلاف قررت تساويه على نار هاديه عشان يوافق على كل طلباتها فمكنتش قفاله الباب اوى ولا فتحاه اوى
صفوان اتصل بايلاف وهى ردت
صفوان: الو يا ايلا ازيك
إيلاف: انا بخير انت عامل ايه
صفوان: انا ناقصنى انتى
إيلاف: منا مش قادره انسى موقفك معايا وانك اتجوزت عليا وخصوصا بعد اللى امك كانت بتعمله معايا
صفوان: بس انتى مشتكتيش قبل كده
إيلاف: مكنتش عايزه اعمل مشاكل بينكم لكن انت لما كانت بتعمل حاجه قدامك مكنتش حتى بترد عليها
صفوان: يعنى عايزاني اخد حقك من امى دى مهما كان امى وست كبيرة
إيلاف فى سرها : قصدك خبيثة بس ما علينا
بص يا صفوان الكلام في التليفون مش هينفع نتقابل ونتكلم
صفوان: عين العقل ده رأيى برضو ايه رايك بكره نتغدى مع بعض اعدى عليكى في البيت وتحضرلنا اكله حلوه من ايدك وحشنى اكلك اوى
إيلاف: 😏😏 فى سرها كان في وخلص .
ماينفعش طبعا انت ناسى ان احنا مطلقين الناس تقول عليا ايه
صفوان: طيب اعدى عليكى واخدك ونقعد في مطعم نتغدا سوا
إيلاف: لا بص ايه رايك نتقابل الساعه ٤ في مطعم (....)
صفوان: خلاص ماشى هستناكى هناك
روح صفوان بيته بعد العشا وكانت امه عامله مشكله مع مروه انها مش بتنزلها ولا بتساعدها
صفوان: هو أنا كل يوم هرجع البيت الاقى مشكله
مروه : ماهى امك مش مقدره انى عروسه جديده وعايزانى كل يوم انزل افطر واغدى وانضف واغسل محدش بيستحمل كده
ام صفوان: غيرك كان مستحمل وراضى باكتر من كده كمان ماتسوقيش العوج احسلك
صفوان: بقولك ايه يا مروه انتى كده كده بتعملى غدا هيجرى ايه لو زودتى حساب امى فى الاكل واكلما معاها بدل ما ناكل لوحدنا على الاقل دى خالتك مش حد غريب
مروه : طيب انا عايزه شغاله تساعدنى
صفوان: لا يا مروه احنا تلاته مش مستاهله شغاله وكلامى يتسمع وانتى يا اما خفى عليها شوية
ودلوقتي بقى هلاقى اقل ولا اروح اتعشى بره
مروه : لا يا حبيبي انا عاملالك اكل طبعا
صفوان: اطلعى هاتى الاكل وهناكل كلنا سوا يلا
طلعت مروه وهى متغاظه انها مقدرتش تحقق اللى كانت عايزاه وانه جه فى صف امه
مروه لنفسها : ماشى يا خالتى صبرك عليا انا هخليكى تقوليلى اوعى تدخلى المطبخ تانى لما نشوف مين هيضحك في الاخر
عدى اليوم بدون احداث جديده تانى يوم عند ايلاف
قامت جهزت لبسها كان فستان جديد هى اشترته مبين جسمها بعد ما خسرت كتير من وزنها وكانت مهتمه بشرتها وعامله ميكب رقيق كانت مطلعها حلوه اوى ولابشه جزمه بكعب عالى كانت طلعه كتير تاخد العقل وراحت المطعم الساعه ٥ وكل اما صفوان يكلمها تقوله فى الطريق فضلت سايباه ساعه كامله منتظر واول ماشافها من جمالها مقدرش حتى يعاتبها
إيلاف بعد ما شافت شكله زادت ثقتها بنفسها وحست إن اللى هى ناويه عليه هيبقى سهل
إيلاف: معلش اتاخرت عليك على ملاقيت عربيه
صفوان: منا قلتلك اعدى عليكى
إيلاف: منا برضو قلتلك مايصحش الناس تقول عليا ايه
صفوان: بس ايه الحلاوه دي هو الطلاق بيحلى ولا ايه
إيلاف: شفت بقى بيحلى ازاى عندك حق خلينى مطلقه عشان افضل حلوه
صفوان بتسرع : لا طبعا انتى طول عمرك حلوه بس التغيير اللى عاملتيه في نفسك زادك حلاوه
إيلاف: بتتكلم بدلع . عشان بقى عندى وقت اهتم بنفسي وبطلت اعمل شغل البيت بص حتى ايدى وضوافرى بقت عامله ازاى كانت مربيه ضوافرها وحاطه مانيكير احمر وكانت لابسه فستان اسود وطرحه مشجره بس اللون الاحمر اللى غالب وشوز وشنطه نبيتى ولابسه حزام عريض من النص مبين وسطها
صفوان : مسك ايدها عشان كده بقولك خلينا فى السر بعيد عن امى ومروه
إيلاف: بس الجيران يقولوا عليك ايه معندكش بيت تتجوز فيه رايح تتجوز فى شقته مراتك
صفوان: خلاص هاخدلك شقه في مكان تانى
إيلاف: بص خليها كومبوند عشان بيكون في امن ولما انت تغيب اكون مطمنه ان مافيش حرامى يتهجم عليا
صفوان: عندك حق من بكره ننزل نختار احلى شقه لاحلى ايلا فى الدنيا يعنى افهم من كده انك وافقتى
ايلاف : مانت عارف انى بحبك وعايزه افضل معاك منكرش انى مجروحه منك بس هستنى معاملتك ليه تنسينى جرحك عليا
صفوان: اذا كان على كده كل ده امره بسيط وفعلا طلبت اكل غالى لنفسها وهو طلب زيها وخرجوا وخلته جابلها شابكه من اول وجديد كانه لسه بيتجوزها لاول مره وتانى يوم
إيلاف اتصلت على صفوان
ايلاف : بقولك يا حبيبى فى كومبوند حلو اوى واسعاره تحفه ايه رايك نروح نشوفوا انا كلمت المبيعات وهما بعتولى المساحات والاسعار
صفوان : طيب ابعتيها
شاف صفوان الاسعار ولقاها مناسبه وقرر انه يروحوا تانى يوم يكون سحب فلوس من البنك
وبليل اتصل بيها
صفوان: بقولك انا جهزت الفلوس عشان اروح اشترى الشقه
إيلاف: ايه ده مش هتاخدنى معاك افرض المكان فى الحقيقة ماعجبنيش
صفوان: خلاص يا ستى اخدك ونروح
إيلاف: خلاص تمام هستناك تعدى عليا وبالمره اعرف الجيران اننا خلاص هنرجع لبعض عشان لما يشوفوك محدش يتكلم
وصل صفوان عند بيت ايلاف
صفوان: ايلا انزلى يلا مستنيكى في العربيه
ايلاف : انا لسه مخلصتش اطلع اشرب كوبايه عصير على مخلص
طلع صفوان وكانت ايلاف جهزتله العصير على ماخلص وهو قايم من مكانه عملت انها هتقع ومسكت فيه وخرجت المحفظه بتاعته ورامتها على الكنبه
ونزلوا وراحوا الكمبوند وعجابهم اوى المكان وفعلا خلاص قرروا يشتروا واثناء تجهيز العقد اتفاجئ صفوان انوالمحفظه مش فى جيبه
صفوان: ايلاف المحفظه مش فى جيبى
إيلاف: يا خبر طيب هتعمل ايه والناس هتقول ايه رجعت فى كلمتك تانى وواخدها حجه اكيد
صفوان: طيب ايه العمل ماهى ضاعت
إيلاف: عملت نفسها بتفكر طيب انا معايا البطاقه بتاعتى ايه رايك اكتب العقد باسمى وبعد كده لما تتسحل اعملك عقد بيه
صفوان ماشكش لحظه في ايلاف
صفوان: خلاص يا ايلا ماشى وفعلا اتكتبت الشقه باسمها 😉😉 ودى كانت تانى حاجة اول حاجه شبكه تانى حاجة شقه
تالت حاجه ايه خمنوا بقى يا نجماتى يلا 🤔🤔🤔 عايزه اسمع تخميناتكم
•تابع فصول الرواية "رواية ايلاف" اضغط على اسم الرواية