رواية وعد (كاملة جميع الفصول) حصريا عبر دليل الروايات بقلم ميرفت السيد
رواية وعد الفصل الثاني 2
وجدت وعد باقة من الورود على مكتبها وفوقها كارت
القت بحقيبتها وتناولت الكارت لتقرأ الاتي :
وعد الحر دين ياوعد الجمعة ٧ م تحت بيتك
يارب هديتي تعجبك
توقيع زياد
ابتسمت وهي تشعر بالغرابة ولسة هاتقعد على مكتبها
لقت حد بيخبط قالت:ادخل
لتجد دليفري معاه بوكس كبير بإسمها وقعت بالاستلام
لسة هاتفتح البوكس لقت عاليا وماريا اعز صحباتها وبيشتغلو سوا بنفس الشركة داخلين مكتبها والفضول هايجننهم
عاليا:اين دة بقى في إيه
ماريا:ورد وبوكس كبير انتي عملتي ايه امبارح بالظبط
وعد:لو مستر هادي او مستر توني عدو وشافوكم هنا هايرفدوكم على مكاتبكم وبعد الشغل نتغدا وهاحكيلكم
عاليا :طب نبص بصة على الي جوة البوكس بس
دفعتهم وعد برفق :برة على مكاتبكم
ليجدو امامهم هادي ينظراليهم بكل حزم ويقول:الاساتذة بيعملوا إيه هنا ومش على مكاتبكم ليه
تلعثمت عاليا وماريا فردت وعد: كانو بيسألوني على ميعاد الحفلة
نظرهادي الى وعد وتبدلت ملامحه و ابتسم واشار لهما بالرحيل
فذهبتا بسرعة وهمست ماريا: اراهنك انه بيحبها
همست عاليا:كلنا عارفين الا هي
دخلت وعد مكتبها فلحق بها هادي وجلس امامها على المكتب وقال: تسمحيلي اشرب قهوتي معاكي
*ياخبر صاحب الشركة بنفسه هايشرب معايا قهوته بمكتبي المتواضع
ضحك هادي وقال : احنا صحاب وانا متواضع
ضككت وعد*لا ماهو باين
وطلبت من الساعي قهوة و نسكافيه
نظر هادي إلى وعد ثم تنهد وقال: محتاج اتكلم معاكي ياوعد
* مالك ياهادي شكلك مش عاجبني
اتى الساعي بالمشروبات
:عارفة احنا كنا زمايل وصحاب وبنشتغل سوا يعني عارفة عني كل حاجه
* عندي احساس ان ايمي ورا حالتك دي
: صدقتي ياوعد مش قادرة تفهمني البيت كله بقى عبارة عن اونلاين ٢٤ ساعة
*تحب اكلمهالك
رد بسرعة:لأ انتي بالذات لأ
نظرت له بدهشة:اشمعنى
:ا ا اصل هي غيورة من اي حد حتى لو اختي وانتي عارفة طبعها
*اوك اشرب قهوتك
:انتي زعلتي
بقلم مرفت السيد
*لأ عادي بقولك توني عمل ايه
:هانت هو قافل على نفسه بقاله ٣ ايام كلهايوم وهايخرج ومعاه كل الديزاين للكوليكشن الجديد
اسيبك تكملي شغلك واعملي حسابك انتي الي هاتنظمي حفلة مرور ١٠ سنين على انشاء الشركة الاسبوع الجاي انتي سبب وجودها لو تفتكري بعد مااتخرجنا وقولتلك بابا بيخيرني مابين اني اسافر لماما إيطاليا ولااكمل وافتح مشروع هنا ورديتي عليا افتح هنا وانا معاك بالفكرة هنشتغل بتصميم الأزياء و فعلا بقينا اكبر بيت ازياء بالشرق الأوسط بفضل الله ثم فضلك وقدرتي تقنعي توني اخويا من الام ييجي هنا ويشتغل معانا
* ماانت كمان خليت اسمي شعار للشركة
: اه (وعد لعملائنا بتقديم الارقى دائما) دةاقل حاجة أقدمها لك
* خلاص بقى بدل ما اطلب زيادة
ابتسم وانصرف وهو يقول:هايحصل
انشغلت وعد بممارسة عملها ثم انتبهت للهدية فقررت ان تفتحهالتتفاجيء بفستان اسود قصير لامع من تصميم فلانتينو وهيلز اسود بشريط فضي طويل لامع يلتف ليعانق اقدام من ترتديه ويصل حتى الركبة واستغربت انه نفس مقاسها وحقيبةكلاتش فضية اللون من كوكو وعلبة قطيفة بهاعقد من الالماس وبرفان كوكو شانيل مدموزيل
بقلم مرفت السيد
شعرت بأنها شافت كل دة قبل كدة وقالت محدثة نفسها:انا شغالة بالازياء اه بس مقدرش اشتري كل دة بس هو عرف مقاسي منين ااااه انا غبية الي خلاه عرف شغلي مش هيعرف مقاسي
شعرت بالفضول ففتحت موقع جوجل وبحثت عن اسمه لتتفاجيء بأن الصدفة قادتها لواحد من اكبر رجال الأعمال وعائلته من أكبر واغنى عائلات الصعيد
عادت لممارسة عملها حتى انتهى اليوم ذهبت بصحبة عاليا وماريا الى الغداء وامام الحاحهم أخبرتهم بكل ماحدث
انتهت لتجدهما بحالة من الصدمة واخيرا نطقت عاليا:زياد العزايزي ياوعد يلهوي
وعد:ماله يابنتي
ماريا:انتي ازاي متعرفيش ياوعد
وعد بعصبية:خضتوني ماله مانا بحثت عالنت وسمعته حلوة وعيلته كبيرة وبعدين دة رد لجميل وخلاص
اتسعت عين عاليا على اخرها و قاطعتها : ماهو طبيعي الصحافة متذكرش عنه الكلام الي احنا وناس كتير عارفينه
قاطعهم اتصال لوعد من رقم غريب فاجابت:آلو مين معايا
صوت رجالي جذاب:زياد معاكي
:اهلا ياباشا
*عجبتك الهدايا
:حد قالك إني قبلت هداياك بمزاجي وبعدين انا مبحبش حد ينقي ليا اي حاجة على مزاجه
*بس دة ذوقك انا اشتريت وبس عشان تكوني لابسة حاجة تحسسك بالراحة والثقة
:لحظة ذوقي ازاي
*بسيطة صفحتك عالانستا
:ااااااه وانا اقول شوفت كل دة فين بس دي هدية غالية مقدرش اردها
بقلم مرفت السيد
* صدقيني هاتقدري ترديها
:إزاي وبلاش قلة أدب انا مش ش...
ضحك بصوت عالي:تاني انتي يوم الجمعة هاتعرفي زي مااتفقنا الوعد ياوعد اسيبك تكملي أكل
واغلق الخط وهي بحالة دهشة تحاول إخفائها
وهمست :شخص عجيب
نظرت الي عاليا وماريا وهما ينظران اليها فاتحي افواههما وقالت: مالكم في إيه
ماريا:ياوعد هو دة زياد صح
أومأت برأسها بالايجاب فقالت عاليا:وعد احنا لازم نعرفك
وعد بفضول:ايه خوفتوني في إيه
عاليا:لازم تخافي زياد دة يبقى..........
😱😱😱🤔🤔🤔
يتبع
#وعد
#بقلم_مرفت_السيد
#M_s
مش مسامحة اي ناقل للقصة بدون ذكر اسمي
حسبنا الله ونعم الوكيل في كل سارق لمجهودي
•تابع الفصل التالي "رواية وعد" اضغط على اسم الرواية