رواية قسوة امير العشق كاملة بقلم منة سمير عبر مدونة دليل الروايات
رواية قسوة امير العشق الفصل الثلاثون 30
أيتن بانهيار : كفايه بجد كفايه أنا مليت بجد جاي تسالني انا ليه ماتروح تسأله هو
بطل شك بقا شويه وارحمني
أمير بحده : وانا بسالك انتي مش هروح أسأله هو ده انتي تحمدي ربنا اني مقومتش من على الكوشه وروحت كسحته
ايتن : وانا مالي هو كان من باقيه اهلي
أمير : والله اتمنى كده بدل ما تكون ليله سوده على دماغك ودماغه
ايتن بغضب : انتي الكلام معاك غلط اصلا اتكلم معايا حلو
أدهم بصدمه : هو أمير بيغير ولا ايه
احم
يا جدعان انتوا لسه عرسان دي ليله تتخانقوا فيها
أمير : ركز انت كمان في السواقة وخليك في حالك
ايتن : هو عنده حق قلبت الليله نكد وغم
أمير : طب اسكتي َوعدي يومك
وقف أدهم العربيه قدام الفيلا
وامير نزل وجه يساعد ايتن بس هي مشت لوحدها واتجاهلت مساعدتها
امير بنفاذ صبر : اللهم طولك ياروح
أدهم : معلش طول بالك عليها شويه
امير : عملت ال قولتلك عليه
أدهم : كله حصل
أمير بخبث : طب يلا اتكل
….
ايتن دخلت بصعوبه بفستانها واتنفست براحه انها دخلت جوا اخيرا ومستغربه ازاي الفيلا فاضيه
ومره واحده سمعت صوت الباب وهو بيترزع وراها
انتفضت بخضه وقالت بغضب : ما براحه انت بترزع الباب كده ليه
أمير : انا حر
ايتن شتمته في سرها وقالت بصوت باين فيها ضيقها : فين ماما وطنط انجي احنا وصلنا قبلهم ولا ايه
أمير اقترب بهدوء خطوات بسيطه قدامها : وانتي عاوزاهم لايه
ايتن ببساطه : عشان مش عاوزه اقعد معاك انا وانت لوحدنا
أمير ضحك ضحكته الرجوليه الرنانه : هو انتي هطله صح
ايتن بغضب : والله
امير قرب منها خالص وقال بتحذير : لما اقربلك متبعدش، انا لو دوست على ديل الفستان
انتي هتتقلبي بيه…
ايتن بغيظ : ماهو فستان رخم زي ال جايبه
جذبها من خصرها قائلا بهمس : ده انتي خدتي عليا اوي
وبقيتي تشتمي وانا سايبك براحتك
بس انتي سوقتي فيها…
هي دي مكفأتي على شهامتي معاكي
ايتن رفعت حاجبيها باستنكار : نعم شهامه… شهامه ايه
أمير : هو انتي نسيتي يا حياتي ولا ايه
اولهم انا رفضت خروجك لمكتب الطب الشرعي
تاني حاجه وقفت قصاد ابوكي
والأستاذ ال بيقول انه كان عايش معاكي قصه حب غراميه محصلتش
واخر حاجه وأهم حاجه بالنسبه ليا
الواد ال **** ال كان في الفرح انهارده ده
جاي ليه
ايتن بسخريه : هو ده معنى الشهامه بالنسبه ليك اه وانت قصاد ده كله اتجوزتني وسترت عليا مش كدا
الكلام ده تقوله لواحده غبيه مش فاهمه حاجه او لوحدها انت لمتها من الشارع وجبتها مش ليا انا
محدش جبرك على الجوازه دي
وقصادها بالعكس انا اتجبرت عليك
وانت ال أجبرتني فاكر لما هربت منك يوم كتب الكتاب انت عملت فيا ايه
فاكر ولا تحب افكرك؟
مسحت دموعها وقالت انا للمره الاخيره بقولها ليك انا مافيش بيني وبين اي حد كلام فارغ من ال انت بتقوله وانت حر تصدق مين
مش مشكلتي
وبالنسبه للشاب ال انت قلبت الدنيا عشانه في الفرح
انا معرفوش ولا اصلا فاكراه
ومش عارفه ليه عامل الموضوع ده كله عليه مع انه ميستاهلش والله
أمير بحده : لا انا فاكر كل حاجه كويس ومش ناسي
وزي ما انا كمان مش ناسي
عاوزك انتي كمان تفضلي فاكره كويس انا لو عرفت انك مخبيه حاجه او بتعملي حاجه من ورايا
انا ردت فعلي هتكون ايه
ال عملته مره انا معنديش اي مشكله اني اكرره تالت ورابع
يا أيتن
طول ما انتي على ذمتي.. يبقى تمشي على مزاجي وال انا عاوزه
ايتن بغضب : لا مش همشي على مزاجك انت مشترتنيش
والجواز ده اصلا مؤقت
ال مفروض هو حمايه ليا بس انا مش شايفه غير قرف َوخنقه وعذاب وبس
ضحك باستهزاء وجذب شعرها بحده : مش عاوز ابدا الليله دي بالعنف ده
واعمل حاجه تزعلك مني
بس انتي شكلك ال بتحبي تجيبه لنفسك
ايتن دفعته بعيد عنها وقالت بالم : فعلا هتدفع التمن غالي اوي على جوازي منك
ياريتني سمعت كلام بابا
ناره ولا جنتك انت
انت مفتري وظالم
أمير : ماتغيري الاسطوانه دي اصلي مليت ورمي المفاتيح وحاجته على الكنبه وقال بأمر : ا طللعي على اوضتي فوق يلا
ايتن : انا مش هروح في حته الا لما ماما وطنط يجوا الاول
امير : طنط مين يا حبيبتي وماما ايه…. ماحدش في الفيلا ولا هيدخلها انهارده غيري انا وانتي بس
اطلعي يلا يا عروسه على الاوضه فوق وغيري هدومك دي
ايتن : يعني ايييه مش جاااين انت ودتهم فين
أمير : ناس كلهم زوق
هيفضلوا مع عريس وعروسته ليله فرحهم لايه؟؟
انت كلك مفهوميه بقا؟؟
ايتن بعدت بخوف وهو ابتسم وهو بيشيح بَوجهه بعيدا عنها ‘ حلو… ابتديتي تفهمي
ايتن بحده رغم خوفها : ده في أحلامك
مافيش حاجه هتحصل بينا
الجواز ده مؤقت ولمده سته شهور زي ما اتفق…
أمير : طززز
ايتن : نعم
أمير : طززز في اي اتفاق انتي اخذتيه مع حد تاني
طالما الكلمه مطلعتش مني انا… يبقى
تبلي الاتفاق بتاعك وتشربي ميته
ال اعرفه حاجه واحده
واشتلها مره واحده وقال بخبث : انك بقيتي مراتي قدام ربنا والناس كلها
وانا جوزك وليا حقوق عندك ولازم اخدها
وطلع بيها على فوق وو.
- يتبع الفصل التالي اضغط على ( رواية قسوة امير العشق ) اسم الرواية