رواية كيندرا الفصل الحادي والثلاثون والاخير 31 - بقلم حليمة عدادي

 رواية كيندرا (كاملة جميع الفصول) حصريا عبر دليل الروايات بقلم حليمة عدادي

رواية كيندرا الفصل الحادي والثلاثون 31

الفصل 31  الاخير 

بعد مرور شهر جاد وكيندرا رجعوا من شهر العسل وانتقلوا لقصر جاد علشان يعيشوا فيه وانتقلت عيله كيندرا لبيتهم الجديد جنب قصر جاد 

في الصباح صحي جاد من النوم مفزوع على صراخ أمه نزل جري للمطبخ شاف أمه واقفه مصدومه وكيندرا واقعه على الأرض مغمى عليها جري ناحيتها شالها بين يديه وطلع بيها على أوضتهم 

جاد : ماما إتصلي بالدكتوره بسرعه ..

قعد جنبها وحاول يفوقها و قلبه يعتصر من الخوف عليها لأنها مش بس مراته دي بقت مراته وبنته  وجوهرته اللي بيخاف إن أي حاجة تمسها .. 

جت الدكتوره ودخلت مع سناء 

جاد بخوف : أرجوك اعملي حاجة..

 

الدكتوره : ماتقلقش ممكن تطلع برا علشان أكشف عليها ..

 

جاد : لا أنا مش هسيبها يا دكتوره ..

سناء : تعالى يابني سيب الدكتورة تكشف عليها ..

 

خرج جاد وهو حاسس بأنه ساب قلبه معاها 

جاد كان خايف ومتوتر وفضل رايح جاي لحد ماخرجت الدكتوره  

جاد بلهفة : خير يا دكتوره هي فيها إيه ..

الدكتوره ببتسامة : ماتقلقش دا شيء طبيعي في حالتها دي ..

 

جاد : طبيعي إزاي دي أغمى عليها .. 

 

الدكتوره بنفس الإبتسامة : في حد جاي في السكه وكان عايزكم تعرفوا بيه .. 

 

سناء بفرحة : إنتي بتتكلمي جد يادكتوره ..

الدكتوره : أيوه ألف مبروك أنا هستأذن ..

جاد : إيه اللي مبروك ماما أنا مش فاهم حاجة ..

سناء بفرحة : مبروك يابني إنت هتبقى أب أخيراً بعد السنين دي كلها هشوف ولادك ياجاد  ..

 جاد كان لسه مش مستوعب هي بتتكلم عن إيه 

الدكتوره بعمليه : هي هتفوق بعد شويه .. 

الدكتورة مشيت وجاد دخل أوضته بسرعة شافها وهي بتفتح عينيها جري عليها وباس إيدها والدموع في عينيه 

كيندرا : فيك إيه ياحبيبي إنت بتعيط ليه ..

 

ضمها جاد لحضنه كيندرا حست بالخوف عليه

كيندرا بدموع : جاد إنت كويس ..  

 

جاد مسح دموعها : دي دموع الفرح ياحبيبتي أنا هبقى أب يااااااا كيندرا 

قالها بصوت عالي والفرحه باينه على وشه 

كيندرا : إنت بتقول إيه أنا حامل وجوا بطني ثمرة حبنا ..

جاد : من النهاردة الحركة ممنوعه وأي حاجة تعوزيها تيجي لحد عندك ..

 

كيندرا : جاد حبيبي أنا لسه في الأول بلاش قلق ..

سناء بإبتسامة : ألف مبروك يابنتي ..

 

كيندرا : ربنا يبارك فيك يا ماما ..

سناء : أنا هنزل أكمل الفطار وهطلعهولكم لحد هنا .. خرجت سناء

 

جاد بصلها : إنتي قمتي قبلي ليه ..

 

كيندرا : قمت علشان احضرلك الفطار لكن فجأة حسيت بدوخه والدنيا لفت بيت وبعدها ماحستش بأي حاجة ..  

 

جاد بسعادة : النهاردة هصرف مكافأة لكل العمال وهطلع صدقة للفقراء  ..

كيندرا : جاد إنت فرحان للدرجة دي .. 

جاد بسعادة : النهاردة أنا أسعد واحد بالدنيا كلها أنا كنت خايف إن يكون عندي مشاكل ومقدرش أخلف وأنا بالسن دا وأكون السبب في إنك تتحرمي من إنك تكوني أم ..

بصلته كيندرا بحب : أنا أسعد واحده في الدنيا دي كلها إني متجوزة راجل زيك ياحبيبي..

بعد مرور ست شهور رزق يوسف و رنا بطفل سموه سليم 

اما جاد فكان نعم الزوج والسند لكيندرا في وقت تعبها كان مش مخليها تعمل حاجة 

 

في المساء جاد جه من الشركه دخل البيت شاف كيندرا حاطه إيدها على بطنها والألم باين على وشها جري ناحيتها وقعد جنبها

جاد بخوف : حبيبتي مالك إنتي كويسة .. 

كيندرا : أنا كويسة ياحبيبي مجرد ألم عادي  إبنك قاعد بيرفس برجليه ..

جاد ببتسامة : هو طالع شقي لمين ..

ضحكت كيندرا : ههههه لأبوه طبعاً..

جاد : لا بقى أبوه هادي جداً ..

 

كيندرا : جاد إنت عايز ولد ولابنت ..

جاد : أنا بحب الإثنين بنت ولد مش فارقه المهم يجي ويملى علينا البيت أنا بحب الأطفال أوي ..

 

كيندرا : كل اللي يجيبه ربنا كويس المهم الخلقه التامه ..

 

جاد ضمها لحضنه بحب 

جاد : كيندرا إنتي أغلى جوهرة عندي إنتي سبب سعادتي إنتي بنتي وحبيبتي أنا بحبك أوي ..

 

دخل سام و وسيم جريوا ناحية كيندرا وحضنوها

سام : إحنا اشتقنالك أوي .. 

كيندرا : وأنا كمان اشتقتلكم أوي ..

جاد بغيظ : حسام أبعد ولادك عن مراتي قبل ما كسر دماغهم ..

بصله سام وطلعله لسانه 

سام : كيندرا حبيبتي أنا وأنا جيت علشان أشوفها هي مش إنت ..

 

وسيم : وأنا جيت علشان أشوف البيبي جه ولا لسه علشان أخذوا ..

 

جاد بغيظ : تأخذ مين يلا أنا مش هسمحلكم تاخذوا إبني أو حتى تقربوا منه وبص لريم بغيظ ريم ابعدي ولادك عن مراتي ..

  

                            *********************

بعد مرور ثلاثه شهور العيلة اتجمعت على الغدا وسط جو عائلي مليان سعادة وبهجه 

ووسط ماهما قاعدين حست كيندرا بألم فظيع حاولت إنها ماتبينش حاجة لكن لما الألم زاد مقدرتش تستحمل وصرخت جري عليها جاد 

كيندرا بألم : جاد جاد أنا بولد ياجاد أعمل حاجة .. 

جاد بخوف : اتصلوا بالإسعاف بسرعه استحملي ياحبيبتي هتكوني بخير ..

                         ***********************

وصلت الإسعاف للمستشفى شالوها ودخلوها المستشفى

كيندرا بألم : جاد الألم فضيع أعمل حاجة..

 

خذها دخلوها غرفة العمليات 

سناء : اهدى يابني هتبقى كويسه ..

جاد بخوف : يارب احميها وخرجها بالسلامه ..

يوسف : ماتقلقش هتبقى بخير ..

 

بعد مدة قصيرة سمعوا صوت بكاء طفل صغير يأتي من الغرفه 

نزلت دموع جاد بفرحة لكن قلبه بيتألم علشان صغيرته 

خرجت الدكتوره تحمل في كل يد طفل 

الدكتوره : مبروك ياجاد بيه بنت وولد زي القمر ماشاءالله ..

أول ماحطت البنت بين إيديه جاد حس بإحساس مايتوصفش وهو شاف أد إيه هي صغيره ارتعشت إيديه و هو بيكبر في وذنها 

نزلت دموعه بفرحه وبعدها خذ الولد في الإيد الثانية .. 

جاد بلهفه : دكتوره كيندرا عامله إيه ..

الدكتوره : ماتقلقش هي بخير شوية وهننقلها لأوضة عاديه ..

تم نقل كيندرا لأوضتها بعد مدة قصيرة  فتحت عينيها شافت الكل قاعد حواليها 

كيندرا بتعب : جاد إبني فين ..

 

جاد : حبيبتي ارتاحي أنا هجيبهوملك ..

خرج جاد ورجع وهو شايل ولاده  

كيندرا بفرحه لا توصف وهي شايفه ولادها 

كيندرا بفرحة : بص ياجاد دول شبهك ..

يوسف :  هههه لا هما شبهي أنا ..

كيندرا : لا هما شبه جاد وبس ..

خالد : ألف مبروك يابنتي وحمدالله على سلامتك..

زينب : ما شاءالله ربنا يحفظهم ..

حسام : إنتوا هتسموهم إيه ..

  

جاد : أنا قلت لوبنت هسميها جوهرة لأنها من جوهرتي ..

كيندرا : وأنا قلت لو ولد هسميه أمان لأنه من أماني ..

 

سناء : جوهرة جاد المالكي و أمان جاد المالكي ..

ريم : كلنا كنا بنتمنى إننا نشوف ولادك ياجاد وأهو اتحقق الحمدلله  ..

                       ************************

بعد خمس سنوات في قصر جاد كانت العيله كلها متجمعه 

جوهرة : بابا شوف ثليم  بيضربني ..

جاد بغيظ : يوسف ابعد إبنك عن بنتي ولا مش هرحمه ..

أمان :  لوقرب من أختي مرة ثانية أنا اللي هحاسبه ..

حسام بضحكه : ههههه جاد ماتخفش بنتك عندها اللي يحميها ..

 

جاد بحب : ربنا يحفظكم ياولادي وتكونوا دائما سندا لبعض ..

حسام : عايزين ناخذ صورة عائليه ..

جاد : إستنى هجيب كيندرا ..

جاد راحلها علشان يجيبها كانت حامل وماتقدرش تتحرك  كثير

جاد : أنا شايف إنك تعبانه ..

 

كيندرا : لا حبيبي دا مجرد تعب عادي أنا كفاية عليا إني شيفاك مبسوط أنا بحبك ياأجمل زوج وأغلى سند ..

جاد بحب : إنتي سر سعادتي الحقيقيه إنتي و أمان و جوهرة بحبك ياأجمل زوجه وأجمل صدفه في حياتي ..

 

الجميع : جااااااااااد تعالى بسرعه ..

ضحك جاد : هههه طيب طيب أنا جاي شالها بين إيديه وجري عليهم وسط خجل كيندرا وضحك الجميع 

نزلها على الأرض وضمها لحضنه وولاده قعدوا قدامه كانت أجمل صوره لأجمل عيله 

كيندرا : مهما مر علينا من صعاب وأحزان وألم لوكان الحب حقيقي وقوي هينتصر

          تمت  الحمد لله  ما  رأيكم

اريد ان اعرف ما رأيكم فيها

لقراءة ومتابعة روايات جديده وحصريه انضم الينا هنا:- اضغط هنا 

  •تابع الفصل التالي "رواية كيندرا" اضغط على اسم الرواية