رواية طريقي الى الله (كاملة جميع الفصول) حصريا عبر دليل الروايات بقلم سلام
رواية طريقي الى الله الفصل الثالث 3
البااارت الثالث
(ربِّ ادخلني مدخل صدق واخرجني مخرج صدق واجعل لي من لدنك سلطانا نصيرا)
ممكن لايك ي حلوين ❤️رأيكم ب الرواية يهمني! 😍😚
كُنت ماسكه الفازه اللي ع الكومادينه وعاوزة اخبط فيها المجرم اللي خاطفني، كنت متوقعه يدخل عليا تنين بودي جارد ملثمين وأكشن وأجواء حاجه زي كده انتوا فاهميني صح؟
بس تفاجأت من اللي دخل عليا... دخلت عليا بنت يبدو أنها ب العشرينات بشرتها بيضا وعيونها رماديه وجميلة جداً لابسة زي شرعي بلون بيبي بلو، وقفت متنحه فيها، بأنه ازاي وحده زي دي تكون اللي خاطفتني، اكيد لا دي مبينه بريئة وطيبه جداً ، ملامحها هاديه وبتشبه شخص عزيز عليا جداً وقابلتني ب ابتسامة وقالت
ريما:ازيك ي مريم، انا ريما، وبعدين شافت الفازه بايدي وفهمت انا كنت عاوزة اعمل ايه، وضحكت ضحكة رقيقة وقالت : ههه اي ده ي مريم إنتِ كنتي متوقعه مين اللي يدخل عليكِ؟
جاوبتها ب عصبية وقولت:أنتِ مين يختي؟ تعرفيني منين
قربت مني وقالتلي، اهدي واقعدي ي مريم هحكيلك الحكايه، اقعدي يختي مش هاكلك واللّٰه!
كانت رقيقة جداً ب تعاملها وأسلوبها
قعدنا احنا الاتنين ع الانتريه وقالت : ماشاءالله تبارك الرحمـٰن ي مريم كبرتي، طلعتي أجمل من اللي انوصفلي، وبقيتي عروسه
قلتلها: مرسي، تنحت فيها لمن قالت عروسه، احييييييييه بجد، عروسة م فهمتش هي قصدها ايه؟
قلتلها ب عصبيه :ايه ي ماما عروسه؟
قالتلي : اهدي اهدي يمريم والله هفهمك هتاكليني يختي
بصيت عليها باهتمام وقالتلي بنبرة صادقه، ريما : بصي ي ستي انا مش هكدب عليكِ لأن الكدب حبله قصيير ف هقولك الحقيقة ،انا بعرفك من يمكن اكتر من خمس سنين ولكن ما حصلتش فرصه نتعرف face to face وكنت بسمع عنك قد ايه انتي انسانه قريبة من ربنا، وتساعدي الأطفال الأيتام والمشرد*ين ب نيويورك وكمان بالرغم من انك وقتها عمرك أقل من ١٨ بس مساعدتي بابا يا في فتح مركز معالجة الإدم*ان من المخ*درات والكحو*ل
وكنت بسمع عنك كتيير و كتييير من والدي الله يرحمه لانه صاحب باباكي الله يرحمهم أجمعين يارب، وكنت حابه اعرفك بس للأسف انا اتربطت هنا لاني حمل*ت ببنتي نور وكان صعب إني اسيبها وابقى بالمركز مع بابا لحد ما جانا خبر وفاته لمن عملوا حادث سير مع اهلك وكان حادث مميت ولكن كلنا ضيوف هنا ع الدنيا ومصير الأمانة تنرد لبارئها ، هنا بصيت عليها ب حزن لما جابت سيرة أهلي اللي توفوا وسابوني ل الدنيا القذ*رة، ومرق قدامي الشريط نفسه وكأن الزمن بيرجع فيا ل اليوم المشؤ*ووم
قطع تفكيري
وهي بتقول: شوفي ي مريم بصراحه اللي هقوله هيزعلك بس لازم اعرفك الحقيقة ، عمك مضاكِ على أوراق تنازل بكل املاكك ليه، وطبعاً دا حصل بس كنتي ف ليلة مروحه ونتي سك*رانه للأسف ف استغل الموقف واتفق مع واحده صاحبتك عشان تمضيكي على أوراق التنازل، ومش هقدر اكملك الحقيقة لأن في شخص أحق مني يحكيلك ياها كاملة
بصيت ليها ب صدمه وقلتلها :انتي كدابه ،عمي ده بيحبني وبيعتبرني زي بنته تماماً
بصتلي بنظرة كلها حزن عمري ما هنسى بصتها ليا وقالتلي : انا عارفه انك مش هتصدقيني، عشان كده دا الفيديو اهو افتحيه وشوفي واسمعي كل حاجه
اخدت الفون منها وكان مبين في عمي اه عمي اهوو، وفي واحد مدي للكاميرا ظهره وكانوا بيتناقشوا
شخص بس صوته مألوف ليا بيقول : يعني حضرتك مش هترجع لمريم املاكها وورثتها
رد العم ب استهزاء : ههه انت بتهزر، هي كانت سهله جداً وقدرت اني اضحك عليها وخليت وحده من صاحباتها تمضيها ع التنازل وهي سك*رانه ومش فاكرة حاجه
رد الشخص ب عصبيه : ازاي تعمل فيها كده، انت ايه يخي الطمع عمى على عيونك وخلاص، دي قد بناتك حرام عليك، هي هتروح فين؟
رد العم: في ستين داهيه، دا انا أحق فالورث دا منها، ومن اللي هيلف عليها ويتجوزها ويكوش ع كل حاجه،
وقف الفديو وانا ماسكه نفسي بالعافية، انا اتغشيت ب عمي عمي اللي كنت متوقعه منه كل حاجه الا الخيانه وبصحبتييي، بس مين هي؟
قلتلها بهدوء الفديو ليه تكمله صح؟
قالتلي صح بس مش معايا،
قلتلها طب انتي مين؟وازاي وصلتي ليا؟ ومين الشخص اللي كان بيتكلم معاه ده؟
قالتلي بهدوء : اسمعيني ي مريم، أنتِ هتتجوزي
انصدمت وصرخت فيها وقلتلها: اتجوز مييين يختي؟وليه اتجووووز؟ انا همشي من هنا ودلوقتي
وقفت قدامي وقالتلي : حقك ي مريم انا فاهماكي ، بس اخويا محمد هيعرف يصونك ويحافظ عليكِ ويساعدك ترجعي ل طريق ربنا اللي تهتي عنه، مسكت ايدي ب حنان وكملت : مريم قدي نفسك فرصه صدقيني،
قلتلها : واخوكي فينه ده؟ وانا ايش ضمني أن الفيديو ده مش مفبرك
ردت عليا وقالت: اخويا مش ينفع يكلمك لانه م يصحلوش وهو مش عايز يكسبك إثم،والفيديو ده تقدري تتاكدي انه مفبرك أو لا بس تتدققي ولا التكملة الفيديو هتاخديها ووقتها هتصدقيني بس لازم تتجوزي الأول عشان تقدري توقفي ع رجليكِ وتاخدي حقك بما يرضي الله
مش هكدب عليكوا انا حسيت بالأمان من كلامها ولقيت نفسي تلقائي بسألها
اخوكِ محمد؟
محمد مين؟كان نفسي بوقتها انها تقولي اسمه، اسم الشخص اللي دق قلبي ليه من زمان
فتحت عيوني بصدمه بس قالتلي محمد،
محمد الكيلاني،وجهزي نفسك عشان الليلة كتب الكتاب
طريقي_إلى_الله
•تابع الفصل التالي "رواية طريقي الى الله" اضغط على اسم الرواية