رواية تمارا (كاملة جميع الفصول) حصريا عبر دليل الروايات بقلم مريم احمد
رواية تمارا الفصل الثالث 3
فضلت طول الوقت بتعيط لحد ما جت ملك و قالتلها و هي بتحضنها:
خلاص بقي يا تمارا كفاية عياط انا مبحبش اشوفك بتعيطي كدا
-. ردت عليها بحزن... انا زعلانه اوي يا ملك عشان كنت خلاص فرحت اني بقي عندي حتي صاحبه واحده تقعد معايا و تلعب معايا
_طب ما انا موجوده!!
-.قالتلها بإنفعال و هي دموعها نازله علي وشها....لاا يا ملك انتي مش موجوده انتي اغلب الوقت بتساعدي ماما و حتي بعد ما بتخلصي بتبقي مش قادره تسمعي صوت بسبب الصداع من كتر الطلبات الي بيطلبوها منكوا
_طب مفكرتيش اني بعمل كدا و مشغوله ف مساعدة ماما عشانك و عشان الوقت الي هساعدها فيه هي تكون انجزت حاجه تانيه...احنا بنعمل كل دا عشان لما تيجي تطلبي مننا اي حاجه نعرف نجيبهالك يا تمارا !!
-.لا يا ستي انا مش عايزه حاجه
_بإبتسامه...بيتهيألك
" اكتفت تمارا بإبتسامه بسيطه و سكتت..."
-.هقوم انا بقي اكمل تنضيف عشان اخلص بسرعه و اجي اقعد معاكي
حضنتها تمارا بحب وهي بتقولها...شكرا يا ملك
__________________________
-.ماما هو خالو و سامر هايجوا امتي؟؟!
_مش عارفه يا حبيبتي بس غالبا انهارده
-.قالتلها حلا بفرحه..ماشي ابقي كلميهم و قوليلهم ميتأخروش بقي
_ضحكت جميله و قالتلها حاضر
ردت عليها حلا ببعض من الضيق و هي بتقولها:ماما انتي ليه كل يوم بتروقي مع ان طنط الهام موجوده و بتنضف انتي مش خدامه عشان تفضلي تنضفي كدا
-.اتنهدت جميله...اول حاجه انا بنضف عشان دا واجب عليا لأني صاحبة البيت دا و كل حاجه لازم ابقي انا الي بعملها... " و كملت بسخريه. " و بعدين يا حلا هانم لما الهام او ملك ينضفوا انا هبقي ايه لازمتي بقي....احنا اتخالقنا عشان نساعد بعض يا حلا مش عشان نعايرهم و نهينهم و مش هقولك الكلام دا تاني
_ ردت عليها بتذمر : بس دي شغلتهم زي كدا ما بابا صاحب شركات و معاه فلوس كتييير و ف نفس الوقت محدش بيساعده ف شغله ف ليه بقي انتي تساعديهم اصلا !!!!
-. قالت بإستغراب و صدمه.... ليه بساعدهم؟!!...
" و كملت ببعض من العصبيه ..." بساعدهم يا حلا عشان كلنا مخلوقين من طين و محدش فينا مخلوق من فضي او دهب و لو مبطلتيش تسمعي لكلام ابوكي دا انا هعرف اتصرف معاكي ازاااي و اتفضلي دلوقتي حالا روحي علي اوضتك
"خرجت حلا بلا مبالاه من كلام والدتها "
______________________________
_انا خلصت كل حاجه يا ماما هخرج بقي اقعد مع تمارا شويه عشان متزعلش
-. ماشي بس معلش يا ملك ممكن تكملي تنضيف الاوضه دي مكاني
_بإبتسامه حب :حاضر يا حبيبتي
" دعتلها والدتها بحب و مشيت. "
" و ملك كملت تنضيف لحد ما الباب اتفتح و دخلت حلا. "
-.كلمتها حلا بتكبر ميلقش علي سنها ابدا و هي بتقول...هو انتي كل دا لسه مخلصتيش الاوضه؟؟اييه هتفضلي فيها سنه؟؟!
_اتنهدت ملك من تلك الصغيره المتعجرفه ...معلش يا حلا قربت اخلصها اهو
-.ردت عليها بضيق: اسمي حلا هانم علي فكره و مش معني اني صغيره او انك اكبر مني يبقي تناديني بإسمي كدا انا هنا صاحبة البيت و انتي شغاله عندنا دا لو مش واخده بالك يعني
" فضلت ملك بصالها بصدمه من ان ازاي طفله بالسن دا تكون دي طريقة كلامها "
"هزتلها ملك راسها بهدوء و خرجت. "
_________________________________
" كانت نازله علي السلم بشرود و هي بتفتكر كمية الإهانات الي بتتعرضلهم من وقت ما بقوا يشتغلوا ف البيت دا لحد ما قطع أفكارها صوت نور و هي بتجري عليها و بتنادي عليها بأعلي صوتها بفرحه. "
ابتسمت ملك بحب و هي بتشيلها...عامله ايه يا جميله انتي
حضنتها نور و قالتلها..الحمدلله " و كملت بإبتسامه." ..تعرفي ..انا بحبك اوي و كمان بحب تمارا هي فين؟!
ف الوقت دا دخلت تمارا وهي بتقول...ملك ماما بتقولي يلا عشان تتغدي
راحتها نور بسرعه و هي بتقولها...كنت لسه بسأل ملك عليكي
ابتسمتلها تمارا بتوتر و هي بتقولها ..ش. شكرا
زعلت نور و قالت لملك...هي تمارا زعلانه مني؟؟
راحتلهم و هي بتبتسم و بتقولها ..لا طبعا متقدرش دي بتحبك اوي
حضنت تمارا بحب و قالت...و انا كمان بحبها اووي...
قطع كلامها صوت زعيق ابوها الي رعبهم و هو بيقول...نوور انتي بتعملي ايييه ؟!!
خافت نور و جريت استخبت ورا ملك و هي بتقول بصوت واطي يكاد يكون مسموع..ااا اسفه
تجاهلها زين و كمل كلامه لملك و تمارا و هو بيقول بغضب جحيمي:انتوا ازاي تسمحوا لنفسك انكوا تتعاملوا مع عيالي عاادي كدا ؟؟
فضلت ملك واقفه ساكته بخوف و توتر
ف كمل و هو بيقولها بزعيق اتنفضت ملك علي اثره:هااا؟؟؟.... انتوا هنا مجرد خدامين موجودين عشان تخدمونا كلنا و بس و ملكوش اي دعوه بحد فينا
بغضب مكتوم و ضيق=باباااا !!
لف زين بغضب و وقف بصدمه و هو بيقول...سامر!!
سامر بزهول...ليه كدا يا بابا!!!
رد زين بهدوء:متدخلش يا سامر و اسكت
رد عليه بغضب...لا مش هسكت لما اشوفك بتتكلم معاهم بالاسلوب دا يبقي مش هسكت...ايه الي غيرك كدا!!
ادخلت حلا في الكلام بثقه :بابا صح علي فكره هما ملهمش اي حق انهم يتكلموا معانا بالشكل دا..
اتسعت عين سامر بصدمه و زهول و هو بيقرب منها..ايه الي انا سمعته دا يا حلا!!!
راحت حلا عند باباها بخوف مظهرتهوش ببراعه...انا مقولتش اي حاجه غلط "و كملت و هي بتحط ايديها الصغيره ف وسطها و بتبص لباباها بإبتسامه...صح يا بابا
زين و هو فرحان بيها :صح يا روح بابا
فضل سامر ساكت بصدمه و هو بيبص علي والده بإستغراب و انه ازاي اتغير كدا و بقي بالجبروت دا...!!
قالت جميله بعد صمت طال منها و هي بتنظر لسامر بإبتسامه :عامل ايه يا سامر
هزلها راسه بهدوء و حزن:الحمدلله
في الوقت دا دخلت الهام و هي بتنادي لملك بس سكتت اول ما شافت سامر...
الهام:ازيك يا سامر يا بني
رد عليها بإبتسامه..الحمدلله بخير
الهام:معلش يا ست جميله استأذنك بس اخد ملك تتغدي عشان مكلتش حاجه من الصبح و ترجع تكمل شغلها
جميله..اكيد طبعا خليها تاكل و ترتاح كتر خيركوا في الي عملتوه
ردت عليها الهام بحب...شكرا يا ست جميله يلا يا ملك
ابتسمتلها ملك و اخدت تمارا و مشيوا بس كان اسمها بيتردد في ذهنه....فاق من شروده علي صوت اخته و هي بتقول بضجر...
حلا:إيه يا ماما كتر خيركوا دي انتي بتشكريهم علي ايه ؟علي شغلهم الي اصلا واجب عليهم يعملوه؟!!!
سكتت جميله و بصت علي زين الي بصلها بهدوء و مشيت للمطبخ
زين بهدوء : اطلع يا سامر اوضتك علي ما السفره تجهز
طلع سامر من غير ولا كلمه و هو مضايق من تصرفات ابوه الغريبه
______________________________
ما تاكلي يا ملك.
ملك...حاضر يا بابا
الهام...كلي و نامي خلاص متعمليش حاجه تاني و شكرا يا حبيبتي علي مساعدتك ليا
ملك بهدوء...متشكرينيش يا ماما دا واجب عليا
الهام بحنان و حب:ربنا يكرمك يا حبيبتي انتي و اختك يا رب
خليل بشك:مالك يا ملك ساكته ليه هو زين بيه قالك حاجه زعلتك؟؟
لأ يا بابا مفيش حاجه حصلت
في اللحظه دي بصتلها تمارا ف زاد شك خليل و قالها بصرامه..
خليل: ايه الي حصل يا ملك
ردت بتوتر... م.. احم مفيش حاجه يا بابا صدقني
الهام بهدوء:تلاقيها بس تعبانه ما هي من الصبح شغاله برضو يا خليل
هزلها خليل راسه بشك و قال لملك و هو بيقوم:خلي بالك انتي متعودتيش تخبي عليا حاجه و اي حاجه بتقوليهالي علي طول انا موجود في اي وقت لو حابه تتكلمي معايا
ردت عليه بحب ...اكيد طبعا يا بابا
مشي خليل و اول ما اختفي قالت تمارا :ليه ما مقولتلهووش ليه؟؟!
اسكتي شويه ممكن؟؟!
سكتت تمارا بغضب طفولي ف قالت الهام بهدوء
الهام:ايه الي حصل تاني...؟؟
تمارا بضيق طفولي...فضل يزعق كتير عشان نور اتكلمت معانا و قالتنا انها بتحبنا ...."سكتت شويه و كملت " انا مش بحبه ابدا
ابتسمت ملك علي برائة اختها
اتنهدت الهام بقلة حيله ف قالتلها ملك و هي بتمسك ايديها بحب...معلش يا ماما لازم نستحمل شويه عشان نعرف نعيش
قالتلها و هي بتقوم ...طب يلا عشان نشيل الأطباق دي
ملك:بس سبحان الله يا ماما الي يشوف زين بيه و حلا و نور ميقولش خالص انه اخوهم
ضحكت الهام و قالتلها....عشان أكبر منهم يعني
قالتلها ملك بزهول...بكتيييير دا تلاقيه أكبر مني انا شخصيا
ضحكت الهام بشده و هي بتقولها...دا علي اساس انك عندك كام سنه يعني ؟؟دا انتي يا دوب ١٨ بس
ردت عليها بثقه و هي بتقول....هكمل ال١٩ كمان ٦ شهور علي فكره
ضحكت الهام علي بنتها:مهما كبرتي هفضل شايفاكي بنتي الصغيره الي كنت باخد بإيديها عشان اساعدها و اعلمها تمشي
جريت عليها ملك و حضنتها بحب
_______________________________
...........تاني يوم............
الهام..يلا يا ملك بسرعه عشان السفره تكون جاهزه قبل ما زين بيه يصحي
تأففت ملك بسبب سيرته و الرعب الي مسببه ليهم
قالتلها و هي بتحط اخر طبق علي السفره :حاضر يا ماما انا خلصت اهو
لفت لاقت نور قصادها بتبتسملها
ف همستلها ملك بخوف و بإبتسامه بسيطه...عامله ايه
قالتلها نور بنفس هدوئها بسبب خوفها من والدها...الحمدلله
ابتسمتلها ملك و مشيت للمطبخ
نزل سامر بهدوء و هو بيقولهم:صباح الخير
جريت عليه نور... صباح الخير يا ابيه
شالها سامر و هو بيقولها:عامله ايه انهارده...الحمدلله و بعدين بصت حواليها و هي بتطمن و قالت واطي:مستنيه بابا يروح الشغل عشان اقعد مع تمارا و ملك
ابتسملها سامر بهدوء و هو بينزلها و بيتجهه للخارج
الهام...مش هتفطر يا بني؟؟
سامر:لا يا طنط اعمليلي قهوه بس بسرعه عشان خارج
الهام ...حاضر و اتجهت للمطبخ
الهام..ملك معلش اعملي لسامر بيه قهوه و خرجيهاله الجنينه علي اجهز لبوكي و تمارا فطار
ملك...حاضر يا ماما
جهزت ملك القهوه و خرجت
_____________________________
........في الجنينه .........
قالت و هي بتحط القهوه علي الطربيزه...القهوه يا سامر يا بيه
شكرا يا ملك و كمل بتنهيده...معلش يا ملك علي اسلوب بابا انا معرفش ايه الي غيره كدا
ملك..مفيش حاجه كفاية معاملة والدة حضرتك الطيبه
رد عليها بإستغراب و ابتسامه..والدة حضرتي؟؟! والدة حضرتي مين
قالتله بتلعثم و استغراب:جميلة هانم
ضحك و قالها مش لما تكون والدتي اصلا؟!!
ملك بصدمه و استغراب ....اييه***
•تابع الفصل التالي "رواية تمارا" اضغط على اسم الرواية