رواية موعدي مع الحب الحقيقي كاملة بقلم نشوة عادل عبر مدونة دليل الروايات
رواية موعدي مع الحب الحقيقي الفصل الثالث 3
– اسماء اوعى حسك عينك تاخدى من الدوا ده لانه بيسبب صرع والجرعة الزيادة منه ممكن تعمل سكتة دماغية مين قالك عليه الدوا ده؟!
اسماء: ده كان موصوف لواحدة صاحبتى وبحثت عنه عن النت فمعرفتش تلاقى عنه نتايج فقولت اسال حضرتك ع العموم شكرا يادكتور
كريم: العفو هبقى اكلمك اطمن عليكى
قفلت اسماء وبصت لسارة اللى كانت مصدومة: يا ابن الك..لب يا عادل يعنى عاوز يإذى حسام طب ليه ليه؟!
اسماء: حبيبتى اهدى الحمدلله اننا عرفنا قبل ما كنتى تعملى حاجة تندمى عليها وبما انك عرفتى الحقيقة كلميه وعرفيه انك مش هتكملى
سارة: لو عملت كده هيجيب غيرى تعمل كده وانا مستحيل اخليه يإذى حسام
اسماء: ناوية ع ايه بلاش تكملى الموضوع ده عشان خاطرى انا خايفة عليكى
سارة: سبيها لله يا قلبى كله خير متخافيش عليا
اسماء: طب ناوية تعملى ايه؟!
سارة: مش عارفة لسه سبينى بس افكر كده واكيد هعرفك ان شاء الله
تانى يوم صحيت سارة ولبست ونزلت ع الشغل ووصلت قبل ما حسام يجى ولما وصل وشافها ابتسم وقال: برافو جيتى فى ميعادك
سارة: انا بقدس الوقت يا فندم عيب عليك
حسام: عيب عليك! انتى بتكلمى واحد صاحبك يا بنتى
سارة: وهو يعنى انا اللى بنتك اظن كده خالصين واحدة قصاد واحدة
حسام بابتسامة: انتى لمضة كده ليه؟!
سارة كانت مشدودة لوسامته وقالت: عشان اعرف اتعايش فى الزمن ده يا باشا
حسام: طيب ورايا ع المكتب عشان نعرف عندنا شغل ايه النهاردة
دخلت سارة وقالت المواعيد لحسام وجابتله الملفات اللى طلبها وكانت بتعمل شغلها بسلاسة وده اللى عجبه جدا فيها وبعد ما اليوم خلص
سارة: استأذن انا بقا يا مستر حسام
حسام: استنى يا سارة انا عاوزك النهاردة معايا فى العشاء بتاع العمل اللى قولتلك عليه
سارة: ايوة حضرتك بس انا دورى سكرتيرة هنا بالشركة مش برة
حسام: واظن انك السكرتيرة الخاصة وواجبك تأديه جوة الشركة وبراها وكمان لو فيه سفر ومحتاجلك لازم تكونى معايا
سارة: العشا ده هيكون الساعة كام وهيخلص امتى؟!
حسام: هيكون ٩ وممكن يخلص ١٢ او ١
سارة بصدمة: يالهوى انت عاوزنى ادخل بيتنا فى وقت زى ده عشان الجيران يقولوا عليا ايه وكمان انا مينفعش اسيب اسماء لوحدها الوقت ده كله
حسام باهتمام: مين اسماء؟!
سارة: اختى الكبيرة
حسام بضحك: فكرتها نونة بتغيرى ليها البامبرز طب ما هى كبيرة يا بنتى
سارة بحزن: ايوة بس دى مشل..ولة ومحتاجة رعاية
حسام: انا …انا اسف مكنتش اعرف
سارة: عادى ولا يهمك ع العموم انا هحضر مع حضرتك بس اول ما الصفقة تتم انا همشى ع طول
حسام: انا عندى حل تانى احسن تجيبى اسماء معاكى وووووو…….
يتبع….
- يتبع الفصل التالي اضغط على ( رواية موعدي مع الحب الحقيقي ) اسم الرواية