رواية كيندرا (كاملة جميع الفصول) حصريا عبر دليل الروايات بقلم حليمة عدادي
رواية كيندرا الفصل الرابع 4
سأكتفي بك....ولن اسمح ....
لأحد سواك.....بالدخول الى قلبي.....
سأكتفي بك.....في حياتي كلها.....
سأكتفي بك ....في احلامي....
ولن احلم.....الا بك....
سأكتفي بك في مخيلتي....ولن افكر الا فيك....
ساكتفي بك... في خواطري....واشعاري....
ولن اكتب ....الا لك
سأحافظ...على حبي من نسمة الهواء....
كي لا يستنشق عطرك.....غيري....
سأبقيك سرا.....بعيدا عن اعينهم....
وأعشقك ....بكل تفاصيلك....
وطقوسك.....الجنونية....
احبك💜 وليس لحبي لك حدود ..
***********************************************
الفصل 4
الفصل 4
وصل حسام المستشفى لقى جاد قاعد و ساند راسه بين يديه جرى عليه بقلق.
حسام :: جاد انت بخير ايه اللى حصل وبتعمل ايه فى المستشفى.
جاد :: انا جيت مع عم خالد بنته بتعمل عمليه واحنا قاعدين منتظرين.
حسام :: جاد حالك مش عاجبنى وشك تعبان و شكلك حزين يلا خلينا نروح عشان ترتاح.
جاد :: انا فعلا تعبان.. وعاوز ارتاح بس مش همشى الا ما اطمن عليها.. تعالى خلينا ندخل نشوف خرجت من العمليات ولا لا.
بعد ما دخلوا لقوا الدكاترة خارجين طلعوا يجروا عليهم عشان يطمنوا..
خالد :: بنتى عامله ايه يا دكتور طمنى عليها هى كويسه.
الطبيب :: متقلقوش العمليه نجحت وهى كويسه وشويه وننقلها اوضة عادية.
زينب :: طيب ممكن نشوفها يا دكتور.
الطبيب :: بمجرد ما ننقلها اوضه عاديه تقدرى تشوفيها.
بعد مدة اتنقلت كيندرا لغرفة عادية دخلوا عندها كانت كالعادة بتبص للفراغ بدون أي حركة
زينب بدموع:: بنتي حبيبتي الحمد لله على سلامتك يا قلبى.
خالد :: الحمد لله انى شوفتك على خير.. هتبقى كويسه انشاء الله.
( نزلت دموعها في صمت حس هو كأن خنجر اتغرز في قلبه لما شاف دموعها و لكن اللى خوفه هو صمتها.
جاد :: عم خالد هي ساكته ليه كده هي بخير..انا هجيب الدكتور واجى.
خرج من غير ما يسمع حد رد لسؤاله و رجع بالدكتور عشان يفحصها.
الطبيب :: حالتها كويسه جدا دى عملية عادية بعد يومين ممكن تاخدوها البيت.. متقلقوش هى كويسه.
جاد :: بس دى مبتكلمش ازاى بتقول انها كويسه.
خالد :: شكرا ليك يا دكتور.. انا هقولك كل حاجه تعالى معايا بره شويه.
خرج الطبيب
جاد :: فى ايه يا عم خالد عاوز تقولى ايه.. خى مش كويسه الدكتور هو اللى المفروض يقول فيها ايه.
خالد :: هي كويسه تعالى بس معايا بره وانا هفهمك كل حاجه.
كان القلق هيقتله منتظر خالد عشان يقوله.
خالد :: بنتي اتعرضت لحادثه و من وقتها و هي بالحالة دى مبتكلمش اتعرضت لصدمة عقلها متحملهاش دايما ساكته كده وبتبص للفراغ.
عقله مقدرش يستوعب ان البنت اللى سرقت قلبه و عقله تعاني كل ده.
جاد :: ايه اللى ممكن يكون حصل يخليها بالحاله دى.
خالد :: لحد دلوقتي مش عارفين ايه اللى حصل
وحكاله كل اللى حصل معاها.
جاد :: و ما دورتوش ورا الموضوع عشان تفهموا ايه اللى حصلها يومها.
خالد :: لا يا ابني والله ومعرفش ايه اللى حصل لبنتى يخليها بالحال ده.
جاد :: متقلقش انا مش هسكت وهفضل ورا الموضوع ده لحد ما اعرف ايه اللي حصل بالظبط.. انا همشى دلوقتي عندى شغل هخلصه و ارجعلك.
____________________________
وصلوا المزرعة غير جاد هدومه عمل لنفسه فنجان قهوة وقاعد حاسس بحزن شديد علشانها.
حسام :: جاد ايه اللى حصلك من يوم ما جينا و انت حالك متبدل خالص.
جاد :: مش عارف يا حسام كل حاجه اتغيرت فى يوم واحد مش عارف اقولك ايه.
حسام :: جاد انت قلقتنى.. اتكلم معايا فيك ايه.
جاد :: طوال حياتي و انا وحيد مجربتش طعم الحب فى حياتى شوفت بنات كتير جدا و لكن مكنتش بهتم... لحد ما جت هى وخلتنى زى المراهق من النظرة الاولى..ادمنت البصه فى وشها مش عارف ازاى.
حسام :: ده الحب يا بطل.. الف مبروك.. اخيرا هتودع العزوبيه.. انا استنيت اليوم ده كتير اوى.
جاد :: بس يا حسام مشفتش حالتها عامله ازاى ولا نظرة الحزن اللى فى عنيها.. كل ما اشوفها بالحاله دى قلبى بيوجعنى اوى مش عارف ليه.
حسام :: لو فعلا حبتها زى ما بتقول يبقى لازم تكون جمبها طول الوقت لحد ما تتجاوز الازمه دى و تبقى كويسه.
جاد :: انا عمرى ما صدقت الحب من اول نظرة بس فعلا دلوقتي صدقته.
حسام:: طيب انت هتعمل ايه دلوقتي.. انا عاوز ارجع انا قولت لريم انى راجع.
جاد :: انا هفضل هنا لحد ما تبقى كويسه ارجع انت و انا هسبلك كل اعمال الشركه لحد ما ارجع.
حسام :: تمام ماشي.. انا همشى وانت لو حصل اى حاجه كلمنى.
____________________________
وهى هناك عماله تجرى ورا ولادها وهى غضبانه لحد ما رن جرس الباب.
ريم :: ااااه والله ما هرحمكم.. هفتح الباب بس و ارجعلكوا.
فتحت الباب لقت حسام قدامها وفى ايده بوكيه ورد جميل و علبة الشوكولاته اللي بتحبها
ريم :: حسام
خدته فى حضنها بقوة
ريم:: وحشتني اوى..انت مش هتروح تانى مع جاد
حسام:: وانتى كمان وحشتيني ياقلبي..اخبارك ايه.
ريم :: مش كويسه عيالك جننونى.. من الصبح وانا بجرى وراهم
حسام :: انا جيت خلاص.. متقلقيش هعلمهم الادب وهربيهم من اول وجديد.
ريم :: لا لا متعملهمش حاجه انا مش عاوزه ازعلهم.
حسام :: مش عارف اقولك ايه والله... بتشتكى منهم وبعدين تدافعى عنهم.. يا ام قلب حنين انتى.
ريم :: طيب يلا عشان ندخل دنا محضرالك كل الاكل اللي بتحبه.. سام... وسيم... انتوا فين.
خرجوا من تحت السفرة اول ما سمعوا صوت ابوهم..خدهم فى حضنه
حسام :: ايه بقى يا حبايب بابا..عاملين مشاكل ليه و مزعلين ماما
ردوا فى نفس واحد.
سام وسيم :: احنا معملناش حاجه.. احنا كنا عاوزين اكل... بس هى بتطبخلك انت بس الاكل الحلو يا سى بابا.
حسام ؛: أميرة قلبي دى... يلا يا حبيبتي عشان ناكل سوا.
وقعدوا سوا ياكلوا فى جو مليان حب وفرفشه......
الكاتبه/حليمة عدادي
•تابع الفصل التالي "رواية كيندرا" اضغط على اسم الرواية