رواية انت دقات قلبي (كاملة جميع الفصول) حصريا عبر دليل الروايات بقلم زينب علي
رواية انت دقات قلبي الفصل الرابع 4
البارت الرابع ✨ " اسفه علي التاخير 💜"
دخل رشاد وبعدها دخل باسم وراه الصالون..
بصتلهم نورسين بإستغراب بس اتوترت من نظرة باسم ليها
ابتسم باسم وقال لِخالد : همشي انا يا خالد بس اسبوع بالظبط وترجع شغلك علشان مش عايزين لكاعه
قام خالد وقف وقال : حضرتك ملحقتش تقعد اصلاً ، نفطر سوا وامشي
حط باسم ايديه في جيبه وقال : علشان الحق اسافر ، انت عارف الشغل مينفعش نغيب عنه وكدا ، عموماً الف مبروك وعقبال سبوع البيبي بإذن الله
حضنه خالد وقال : ان شاء الله ، نورتنا يا باسم بيه والله
بعد باسم عن حضن خالد وابتسملهم كلهم وثبت نظرو علي نورسين لِمدة دقيقه وبعدها قال : عن اذنكم
خرج من البيت وفرد دراعاته باريحيه في الهوا وقال : بدأنا..
جوا الفيلا ، قام رشاد وقف وقال : يلا علشان الحق أوصلك يا نورسين الكليه و اروح الشركة
رد خالد وقال : طب بما اني اجازة اسبوع هتفق معاكم في يوم كدا وتيجى تقضو اليوم معانا انا وفاطمه
اتفقو وبعدها خرج رشاد ومعاذ ونورسين من البيت
اتعلقت نورسين في دراع معاذ وقالت : ما توديني يا معاذ الكليه بعدها روح علي الشركة بتاعتك
زق ايديها وقال وهو بيبرق ليها : متاخر ومش هلحق
فهمت قصدو وغمزت وقالت : تمام ، بس بما اني عربيتي في الفيلا ف هتيجي انت تاخدني بقا يا برو
بصلها بقرف وركب عربيته ومشي
ركبت نورسين مع رشاد وراح بيها الكليه
نزلت نورسين من عربية رشاد ودخلت الكليه لقِت شادي وعهد قاعدين في الكافيتيريا
قربت منهم وقالت : Hi Guys
ابتسمت وكملت نورسين كلام وهي بتقعد علي الكرسي وقالت : مجيتيش ليه يا عهد عند خالد
ردت عهد بهدوء وقالت : هروح بعد الكليه
هزت راسها وقالت : مين علينا المحاضرة الجايه
ردت عهد وقالت وهي بتغمز : ابراهيم
خبطت نورسين علي وشها وقالت : يا خرابي هو البتاع دا علينا
ضحكت عهد وقالت : اه الحته
بصتلها نورسين بِقرف وقالت : حته ايه هي ناقصه قرف
غمزت عهد وقالت : بس هو معجب من بدري ها
شوحت نورسين وقالت : هوف أنا شايفاه ملزق والله ، مش عارفة شايفينو معجب ازاي
قامت عهد وقفت وقالت : طب يلا ياختي
قامت وقفت هي كمان ودخلو المحاضرة ومسلمتش نورسين من نظرات دكتور ابراهيم ليها
„ عند مُعاذ | في المستشفي „
نزل من عربيته ودخل المستشفي وراح عند الاستقبال وقال : مكان دكتورة رهف عبد الغني
ردت الموظفة وقالت : في مكتبها ، الدور التاني ، آخر الممر
شكرها وطلع وقبل ما يدخل عدل هدومه وبعدها خبط علي الباب
سمع صوتها الرقيق وهي بتقول : اتفضل
ابتسم وفتح الباب ودخل وقال : ممكن اكشف علي قلبي من فضلك ؟
اول ما شافته نفخت وقالت : خير يا استاذ معاذ جاي ليه ؟
قفل الباب ودخل قعد علي الكرسي وقال : اكشف
سندت بايديها علي المكتب وقالت بملل : من ايه
حط ايدو علي قلبو وقال بعشق : قلبي ، موجوع ومش لاقيله حل
ردت بنفس الملل وقالت : روح لدكتور قلب ، حضرتك أنا دكتورة جراحة ومش هقدر افيدك بِشئ
قرب جسمه من المكتب وقال بنفس النبرة : بس علاجه معاكي ، قلبي بين ايديكي ، هيتداوي بِوجودك
رفعت حاجبها وقالت : مش بالعافيه يا استاذ معاذ والله
رد بهدوء وقال : ليه ، هو انا انسان وحش اوي كدا ؟ ، دا انا بطلب قُربك ورضاكي من وقت خطوبة فاطمه وخالد ودلوقتي هما اتجوزو ولسه شغفي من ناحيتك زي ما هو مش هيقل
قبل ما ترد الباب هيخبط ودخل دكتور بيقول : رورو انا ه..
سكت لما لقاها مش لوحدها
اتكلم بإحراج وقال : اسف مكونتش اعرف ان معاكي شغل
ابتسمت وقالت برقة : عادي ولا يهمك يا دكتور
رد الدكتور وقال : طب هخرج انا ولما تخلصي شغلك هاجيلك
ابتسمت وهي بتهز راسها وبعدها هو خرج وقفل الباب وراه
بصِت ناحية معاذ اللي قال بغيرة واضحه : مين دا ؟
ردت ببرود وهي رافعه حاجبها : وانت مالك ؟
رزع علي المكتب وقال : ايه اللي انا مالي ، وبعدين بتاع ايه يقولك يا رورو وايه كمية الرقة والابتسامة اللي نورت وشك لما دخل وكلمك ، هو فيه حاجة بينكم
قامت وقفت وقالت : استاذ معاذ ، متعديش حدودك معايا ومتديش لنفسك حجم كبير في حياتي ، وسبق وقولتلك أنا مش عايزاك ومش بالعافيه ، واتفضل اطلع بدل ما اطلبلك الآمن يخرجوك برا
كان معاذ واقف بيسمعلها ومصدوم بس اخد نفس عميق وخرج من المكتب ورزع الباب وراه جامد
قعدت رهف علي كرسي المكتب وقالت بضيق : انسان فظيع بجد ، يارب يخلي عندو دم ويسيبني في حالي بقا
ركب معاذ العربيه وهو بياخد نفسه بعصبيه ، بص علي المستشفي شويه وبعدها مسح وشه و مشي
فونو رن فتح و قال : نعم يا سامي
رد سامي : اتاخرت لي
بص معاذ علي الساعه و غمض عينيه و نفخ و قال : جاي في الطريق اهو
قفل في وشه السكه من قبل ما يستني ردو
" في الكليه / الكافتيريا "
نورسين و عهد قاعدين سوا بيشربه قهوه سابت نورسين الفون علي الطرابيزه و قالت : هتكلمي زياد امتي
بصتلها عهد بحيره و قالت : مش عارفه يا نورسين
مسكت نورسين ايديها و طبطبت عليها و قالت : مش عاوزه اشوف الحزن في عينيكي مش بحب اشوفك كدا مهما حصل خليكي قويه اوعي تبيني ضعفك لحد أنا جنبك و ربنا اكيد هيعوضك بالاحسن , لو كان خيراً لبقي
ابتسمت عهد بهدوء و قالت : باذن الله , هرن عليه واجي
اخدت الفون وقامت طلعت برا الكافيتيريا و رنت عليه
رد زياد وقال : خير يا عهد
ردت عهد : عاوزه أشوفك نتكلم معلش
رد عليها : أنا دماغي وجعاني هتتكلمي و تهري كتير ف بلاش احسن
بلعت ريقها بحزن و قالت : لازم نتقابل معلش اعتبرها اخر حاجة , هبعتلك المكان و أنا كمان ساعه و هكون هناك , سلام
قفلت معاه و غمضت عينيها جامد و نفخت كذا مره عشان متعيطش و قالت : اوعي تعيطي يا عهد اوعي
" في الشركه / مكتب معاذ "
دخل سامي من غير ما يخبط علي الباب و قاعد علي طرابيزة المكتب بمرح وقال : واحشني يعم
اتعدل معاذ و رجع ضهره لورا علي الكرسي و القلم بين ايديه و قال : هو أنا كام مره هقولك تدخل باحترام ؟
هز سامي راسه و بيبرطم و قال : ماشي ماشي
قام معاذ و اخد الملفات بتاعت الاجتماع و قال : دماغي تعبانه خلقه مش ناقصاك و الحركه ديه متكررهاش تاني
سامي مردش عليه و قاعد يبرطم تاني
طلع معاذ من الكتب و ساب الباب مفتوح و قال للسكرتيرة : الغي كل حاجه النهارده
ردت عليه وقالت : بس يا فندم في اجتماع كمان خمس دقايق و والد حضرتك مستنيك في اوضه الاجتماع
رد عليها : الغي اللي بعده يا هدير بعد كدا
" علي البحر "
قاعده عهد مستنيه زياد , بصت جنبها لقتو جاي عليها , جيه وقف و قال ببرود : خير ؟
وقفت عهد و قالت : مش هتقعد
بصلها و بص علي البحر و بعدين قعد وحط ايديه في جيب الجاكيت
كانت عهد بتفرك في ايديها مش عارفه تبدا منين
قال زياد : ايوا يا عهد القطه اكلت لسانك ولا ايه؟
اخدت نفس و قالت : لسه بتحبها ؟
رد وقال : ايوا
ابتسمت بحزن و قالت : مش عارفه اتكلم اقول اي بس , أنا بحبك من واحنا عيال كنت دايما اقول زياد ليا , و هتجوزه لم اكبر
بصلها و شد علي ايديه و لسه هيتكلم قطعته وقالت : ششش انت اللي هتسمع المرادي
كملت و قالت : متعرفش فرحت قد اي لما نورسين قالتلي انك جاي تخطبني طلعت خاطبني غصب عنك , كنت دايما اقول هييجي الوقت و ياخد بالو مني و يحس بحبي ليه و بمشاعري ، لو بس تشوف كلامي عليك بين الناس هتخجل من معاملتك اللي كنت بتتعاملها معايا بس أصلا أنا مش موجوده في حياتك , هي اللي فقلبك مش أنا بس يا بختها..
مسحت دموعها و بصت للدبله و دموعها نزلت تاني مسحتها و بصت للبحر و خلعت الدبله , مسكت ايدو حطت الدبله و قالت : بس عارف طول ما انت مبسوط اكيد انا هبقا مبسوطه
بصلها و شد علي الدبله بين ايديه و قال : عهد أنا اسف بس..
سكت مش عارف يقول اي , بص في الارض و متكلمش
غمضت عينيها تمنع دموعها تنزل و قالت بإبتسامة : ممكن حضن
بصلها واتنهد وفتح دراعاتو
قربت وحضنتو وعيطت بِحُرقه وهي بتقول : متنسانيش
طبطب عليها وقال : انا اسف
شدت علي حضنه اكتر وقالت : افتكرلي كل الحلو اللي عملتو ، افتكر ان قلبي كان بين ايديك ، خليك فاكرني دايماً
رد بحزن وقال : حاضر
بعدت عنه و مسحت دموعها بسرعه و ابتسمت و قالت : متبقاش واطي بقا و متعزمنيش علي الخطوبه
ضحك وقال : اختي لازم تبقا اول الحضور
بصتلو شوية وبعدها حطت ايديها علي خدو وقالت بحنيه بانت في نبرة صوتها المكسورة : عايزاك دايماً تكون كويس ، خلي بالك علي حالك يا حبيب عمري
فضل باصصلها شوية وبعدها بص في الارض
فضلت بصالو و اخدت نفس عميق و سلمت عليه مشيت وقفت تاكسي وركبت و عرفت مكان البيت للسواق و وسندت راسها علي الشباك و عيطت , قررت تدوس علي قلبها و تطلعه من عقلها و تبدا من جديد و متفكرش ابدا في الحب , فعلاً محدش واخد من الحب غير الكسر و الخذلان
" قدام الكليه "
طلعت نورسين مع شادي كانت هتروح مع شادي بس لقِت ابوها واقف مستنيها بالعربيه سلمت علي شادي و قالت : هشوفك بكره , و بطل صياعه يشادي
ضحك شادي وقال بغمزه : عينيا , يلا باي
ركبت نورسين جنب رشاد و قالت : اهلا وسهلا , كان معاذ هيجي ياخدني بس برن عليه مش بيرد
شغل رشاد العربيه و اتحرك و قال : خلص الاجتماع و مشي مقالش رايح فين , مش مظبوط النهارده حاسس في حاجه
استغربت نورسين و سكتت مردتش تتكلم , يمكن رهف زي كل مره بس فضلت تسكت ولما تشوفه تتكلم معاه , بعد شويه نزلو من العربيه و دخلو الفيلا سوا نورسين كانت هتطلع اوضتها بس رشاد وقفها و قال : علي مكتبي في موضوع هكلمك فيه
سابها و دخل مكتبه
بصت نورسين لقت ملك نازله وباين عليها لسه صاحيه قالت نورسين : مساء الخير يا مزه
ردت ملك بضحك : مساء النور , مالو عمو عاوزك في ايه
رفعت نورسين ايديها الاتنين و قالت : معرفش , هروح أنا عشان ميعلقنيش
نزلت من علي السلم و دخلت المكتب , قعدت علي الكرسي قدام المكتب و ربعت ايديها وقالت : في ايه يا بابا حصل حاجه !
سند رشاد علي المكتب و قال بهدوء : …
•تابع فصول الرواية "رواية انت دقات قلبي" اضغط على اسم الرواية