رواية حظ الملايح كاملة بقلم حنين ابراهيم عبر مدونة دليل الروايات
رواية حظ الملايح الفصل الخامس 5
سمر :طب إهدي إهدي و أنا جيالك حالا
خرجت من غرفتها ترتدي حجابها لتقابل والدتها في الطريق
ساميه :رايحه فين يا سمر
سمر:عند بيت خالو
ساميه:حصل حاجه ؟
سمر:لا هروح أسلم عليهم و أرجع
ساميه:طب متتأخريش عشان أنا و نهاد خارجين نشتري لها هدوم للجامعه
سمر بسرعة:حاضر
خرجت مسرعه
بينما ساميه دخلت لزوجها لتطلب منه النقود
ساميه:بقولك نهاد محتاجه شويه فلوس عشان تشتري لبس و مصاريف جامعتها الي قربت
أيوب:إستني لما أقبض عشان تجيبي لسمر معاها
ساميه:سمر مش هتحتاج هدوم الفتره دي لأنها تكده كده هتقعد في البيت
أيوب:لا يا ساميه إنتي كده بتفرقي بين البنات و بتدخلي الغيره بينهم مش كفايه خليتي وحده تكمل جامعتها و التانيه تقعدلك في البيت ؟
ساميه:أنا مش بفرق بينهم بس كل وحده منهم ليها إهتماماتها نهاد تعبت و سهرت عشان تجيب مجموع حلو يدخلها الكليه الي هي عايزاها
في الوقت الي سمر مكانش فارقلها
و إنت يا خويا مرتبك يا دوب يقضي و أنا قولت بما إن سمر مش في دماغها خليها تقعد في البيت اهو تساعد في شغل البيت و توفر مصاريف على الفاضي و حتى هي كانت مبسوطه إنها هترتاح ذمن هم المذاكره
أكملت بضحك:إنت عارف إنها مش بتحب تصحى بدري وهي أول ما فاتحتها في الموضوع كأنها مصدقت
أيوب بشك: يارب دي متكونش حيله من حيلك الي بتحاولي تقومي سمر بيها على مزاجك
_____________
عند سمر كانت تدق الجرس لتفتح زوجة خالها
نوران حبيبة قلبى عامله ايه
نوران:سمر ؟إيه الي جابك ؟
سمر:إيه المقابله دي ؟ مفيش يا ستي وحشتيني قولت أجي أشقر هو خالو موجود؟
لسا مجاش كمان نص ساعه و يوصل هو و مهاب عقبال ما أجهز الغدا
نظرت لها سمر بتقييم من الأعلى لأسفل:هتلحقي تغيري هدومك و تضبطي نفسك ؟
نوران :ليه مين اللي جاي
سمر:هو لازم يكون في حد جاي ؟
خرجت نسرين من غرفتها عندما سمعت صوت سمر
رحبت بها و طلبت منها الذهاب الى غرفتها ليدردشو قليلا قبل وصول والدها
بعد قليل من الوقت
سمر:عرفتي إزاي بقا إن أبوكي ناوي يتجوز
نسرين:من تلفونه إمبارح أخدته أشوف عليه شويه دروس بحضر الثانويه العامه وكده و لقيته منزل المسنجر و بيكلم عليه زميله ليه و كانت أخر رساله ليهم بتسأله هييجي يطلب إيدها إمتى و هو قايل لها أنه هيفاتح مراته وولاده قريب
سمر:طب سألتيه عن حاجه أو عرفتي منه عايز يتجوز تاني ليه ؟
نسرين:لا أنا رجعت الموبايل مكانه قبل ما بابا يعرف إني شوفته و مسألتوش عن أي حاجة مكنتش عارفه أواجه إزاي ولا أقوله إيه ؟
سمر:و مهاب عرف ولا لسا
نسرين: معرفش بس حاسه إنه عنده علم بالموضوع لأنه طول الوقت بقا في مشاكل بينه و بين بابا
سمر بتفكير:امم و الحل دلوقتي؟
نسرين:مش عارفه منا عشان كده إتصلت بيكي
سمر:خلاص لما يبقى خالو ييجي هبقى أكلمه ،يلا بينا تساعد أمك في الغدا
نسرين:لا أمي مبتحبش حد يدخل معاها المطبخ أو يساعدها في الي بتعمله
سمر:لا مهي لازم تتعود بعد كده
سمر:نور حبيبة قلبي محتاجة مساعدة؟
نوران :لا أنا خلاص خلصت مستنياهم بس ييجو عشان أسخن و أغرفلهم الغدا
سمر:طيب تمام تعالي بقى نضبطك
نوران :يا بت هو ده وقته ؟
سمر:ده بذات الوقت المناسب عشان نعمل الي نفسنا فيه،بصي أنا كنت إتعلمت شوية مكياج مع الفستان الي لبستيه يوم الفرح هيطلعك إيه مزه
نوران :يا بت فستان إيه ده أنا شرياه أحضر بيه المناسبات بس
سمر: عزيزتي المرأه أنتي كربة بيت من حقك تدلعي نفسك و تعتبري كل يوم مناسبة ليكي و تضبطي نفسك و تتشيكي
قوليلي ليه
نسرين و نوران بصوت واحد:ليه
سمر بتذكر:عشان اا عشان أه إفتكرت عشان إحنا في وقت الي بقو النساء العاملات الغاوين يتعبو نفسهم جوه و بره البيت و يشتغلو مدراء يتأمر عليهم و يرجعو للبيت و يعملو الأكل أو أي حاجه تانيه و رغم كده تلاقيهم على سنجة عشره فساتين إيه و عطور إيه تخلي أي راجل ينحينيلها يعني زوجه و كمان تساعده في المرتب و تهنن جوزها
أما إنتي بقا ملكه في بيتك جوزك بيروح الشغل 7الصبح و موفرلك كل حاجه عشان يرجع من الشغل يلاقيكي بهدوم البيت الي ريحتهم توم ؟
طب إنتي قوليلي راجل طول اليوم بيتعامل مع زميلات و عميلات أشكال و ألوان و أم احمر و أصفر ويرجع البيت يلاقي المنظر ده نفسه تتسد من البيت ولا متنسدش عينه هتزوغ ولا لا ؟
نوران بضحكه ساخره:هو خالك بعد العمر ده هيبص بره ههه و مين الي هترضى بيه
سمر:يبص و ميبصش ليه وخصوصا لو الإغراءت كترت و الي المفروض تعصمه سايبه دورها لغيرها
ده حتى خاله لقطه و ميتسبش كفايه عضلاته الي بازه من البدله ولا شعره المسبسب أقطع ذراعي من هنا أن مكانش بيتعاكس كل يوم بحلاوة أمه دي
كانت نوران تمسح الأطباق بشرود
سمر: الشهاده للحق مراته مهتميه فيه مخلياه مرتب و حلو على سنجه عشره بس ناسية نفسها وهملاها
نوران بتأفف:يووه يا سمر إحنا كبرنا على الكلام ده هو إنتي عيزاني أرجع أصغر نفسي بالعافيه
سمر:يلا إذا إنتي كبرتي خلينا نشوف لخاله عروسه صغيره
في تلك اللحظة كان حسان داخل البيت وسمع أخر جمله ليقول بمرح:تبقي عملتي جميله في خاله
ركضت سمر لتعانقه:خاله وحشتني
يتبع….
- يتبع الفصل التالي اضغط على ( رواية حظ الملايح ) اسم الرواية