رواية انت دقات قلبي (كاملة جميع الفصول) حصريا عبر دليل الروايات بقلم زينب علي
رواية انت دقات قلبي الفصل الخامس 5
البارت الخامس 💞 ( يجدعان ولله اسفه علي التاخير دا , بعد كدا تنزل كل جمعه ✨)
سند رشاد علي المكتب بهدوء وقال : في حد متقدملك
عقدت نورسين حواجبها باستغراب وقالت : و دا مين ؟
رجع رشاد بضهره علي الكرسي و خلع نضاره النظر بتاعته و قال : الباشا , باسم بيه
بصتلو شويه تستوعب بعدها ضحكت و قالت بسخريه : مستحيل .!
استغرب رشاد رد فعلها وقال : ليه مستحيل ؟ ، شخص محترم وكويس ، وانا عاوز اطمن عليكي قبل ما اموت عاوز اشوفك بالابيض ي نورسين
قامت قربت منه و حضنته و قال : بعد الشر عليك يا بابا , بس لو سمحت متضغطش عليا انت عارف اني ضد الفكره دي , المهم في حياتي دراستي في مجالي و بس لو سمحت سيبني براحتي أنا مش موافقه
باست راسو وبعدت عن حضنو و قبل م تطلع من المكتب قام رشاد وقف و قال : طب فكري
ردت بهدوء : ان شاءالله
وطلعت اوضتها
قعد رشاد علي الكرسي تاني و فتح درج المكتب طلع منه صوره ليه هو و مراته و ابتسم علي ابتسامتها في الصوره و قال : وحشتيني اوي يَسحر سبتيني و مشيتي هونت عليكي
ضحك و كمل : شوفتي العيال كبرو و نورسين مش هاين عليا أجوزها عاوزها تقعد جنبي كل م بشوفها بحس اني بشوفك ، نسخه منك و ضحكتها ، كبرت قدام عيني و بقت هي اللي بتاخد قرار بنفسها ولا معاذ بقا شقي , وحشتيني اوي مش عارف هاجي عندك امتي بس اكيد هاجي
مسح دمعته و حط الصوره علي صدره ورجع سند ضهره علي الكرسي و غمض عينيه اخد نفسه و ابتسم
" قدام فيلا رشاد "
قاعده عهد علي الرصيف مخنوقه لدرجه مش عاوزه تدخل جوا حد يشوفها و يشمت فيها , من بعد موت امها و الكل بيحاول يكسرها باي طريقه مكنتش تتوقع ان الطعنه تجيلها من اقرب الناس ليها , قطع تفكيرها الحارس و قال : انسه عهد حضرتك كويسه , قاعده هنا لي
مسحت دموعها و قامت و قالت بتنهيدة : تعبت شويه و قعدت
سابته و دخلت الفيلا حمدت ربنا ان مفيش حد كلهم في الجنينة طلعت كانت هتدخل اوضتها بس راحت عند نورسين , كانت نورسين نايمه في نص السرير و بتبص علي السقف , دخلت عهد وحطت شنطتها علي الارض باهمال و راحت نامت جنب نورسين و بصت هي كمان علي السقف , استغربت نورسين هدوها بس محبتش تبدا هي كلام و تسيبها براحتها فضلو الاتنين باصين علي السقف لمده دقيقتين
قالت عهد وهي بتاخد نفسها : حاسه انو قلبي وجعني اوي , مش عارفه أبدا ازاي من جديد من غيرو
دمعتها نزلت علي خدها مسحتها نورسين و قامت قعدت و ربعت رجليها و حطت راس عهد علي رجليها و لعبت في شعرها و قالت : أنا جنبك وتبدأي من غيرو و تبقي عهد واحده تانيه مدتيش قلبك غير اللي يستاهل
ضحكت عهد وقالت : مش هجرح قلبي تاني مستحيل الفكره دي عندي بقت معدومه
بصت لنورسين و قالت بهدوء : ممكن انام جنبك النهارده
ابتسمت نورسين و قالت : اكيد طبعا
" في المستشفي عند رهف "
طلعت رهف من اوضه العمليات و شالت الماسك اللي علي وشها و قربت من الناس اللي قاعدين قدام الاوضه و قالت بهدوء : الحمدلله هي كويسه و العمليه نجحت و هينقلوها دلوقتي علي الاوضه
قربت ست كبيره منها وحضنتها و قالت بود : شكرا جدا يَدكتوره شكرا
طبطبت رهف علي كتف الست و قالت : ولا حاجه دا شغلي , ربنا يقومها بالسلامه
و مشيت و قابلت دكتور نادر واقف مستنيها و اول م شافها مشي جنبها و قال : برافو عليكي , تعالي أعزمك علي حاجه تهدي أعصابك بقا
ضحكت رهف و قالت : موافقه
طلعو قعدو في كافيه المستشفى و طلبو اتنين قهوه و قاعدين سوا , اتكلمت رهف وهي بتشيل التوكه علشان تفرد شعرها و قالت : بجد العمليه كانت صعبه اوي
حط نادر ايدو في جيب البالطو و سند ضهره علي الكرسي و قال : بس انتي دكتوره شاطره و نجحتي فيها , فخور بيكي
اتكسفت رهف و حطت شعرها ورا ودنها و سكتت , فضل بصصلها بابتسامه
" في الجنينة "
قاعده رحاب ماسكه كوبايه القهوه و حاطه رجل علي رجل و قالت بتكبر : مش هتشوفي نفسك شويه و تخلي معاذ يحبك
نفخت ملك بزهق و قامت و قالت : مش هينفع انتي معرفش بتفكري ازاي
و سابتها و دخلت الفيلا بعصبيه , قالت رحاب بزهق : غبيه زي ابوكي
" بعد مرور يومين | مكتب رشاد "
بيتكلم في التلفون و هو بيشرب القهوه و قال : النهارده هرد عليك
وقفل المكالمه و قام حط الكوبايه علي المكتب و طلع الصالون , لقاهم كلهم قاعدين علي السفره مستنينه علي الفطار قال بابتسامه : صباح الخير
ردو كلهم : صباح النور
كملت نورسين وقالت : امال معاذ فين
رشاد كان هيرد عليها بس معاذ دخل و قال : صباح الخير
و طلع الاوضه بتاعته
قرصت رحاب ملك في رجليها علشان تقوم وراه تشوف ماله , غمضت ملك عينيها بوجع وقالت : عن اذنكم
وطلعت وراه
" قدام اوضه معاذ "
كان هيقفل الباب بس ملك مسكت الباب بايديها و قالت : انت كويس
شد علي اُكره الباب و لف ليها و قال : كويس تصبحي علي خير
توترت ملك و فكرت في كلام امها و لو معملتش كدا مش هتخلص من كلامها قالت وهي متوتره : كنت فين من امبارح , قلقت عليك
مسكها من دراعها و شدها ليه جامد و قال بعصبيه : بقولك اي انا مش فايق لشغل النسو*ان بتاعك انتي وامك دا , ابعدي عني
سابها و رزع الباب في وشها , فضلت واقفه شويه ماسكه دراعها عشان وجعها وعينيها دمعت طلعت تجري علي اوضتها و قفلت الباب علي نفسها بالمفتاح و قعدت تعيط علي الارض بحرقه , قعدت تعيط علي كل حاجه , مبقتش حاسه بامان من بعد موت ابوها حتي امها مش شايفاها ومش حاسه بيها كل اللي فارق معاها الفلوس وبس , بسببها بقت بتجبر نفسها علي معاذ و حتي مش بتسألها قالك حاجه جرحتك , عيطت كتير لحد م نامت مكان ما هي قاعده
" بعد ساعه قدام الفيلا "
ركبت عهد عربيه نورسين لحد ما تخلص كلام مع ابوها و بتكلم شادي في التلفون , واقفه نورسين وحاطه النظارة فوق راسها و رشاد واقف قدامها و قال : انا سبتك يومين تفكري , موافقه ولا
ردت عليه : مش موافقه يا بابا , حلو كدا
قال رشاد وهو مش عاوز يضغط عليها : براحتك يا حبيبت بابا , خلي بالك علي نفسك
باس راسها و مشي ركبت العربيه و اتحركت و قعدت تهزر مع عهد و شادي شويه
" في الشركه "
دخل رشاد و السكرتيره ورا بتعرفه الجدول بتاع النهاردا و قالت بتذكر : صح في حد مستنيك في المكتب
بصلها رشاد باستغراب , قالت باحترام : هي قالتلي انها حد مهم عشان كدا دخلتها
دخل رشاد اتصدم لما شافها قدامه قال : سيده !
قامت سلمت عليه و قالت : عارفه انك بتسال سبب وجودي هنا بس قولي اي اخبار الأولاد
خلع النظاره علي المكتب و قاعد حط أيديه علي المكتب و قال : كويسين , بس غريبه بتعملي اي هنا بعد السنين دي كلها
ضحكت وقعدت قدامه و حطت رجل علي رجل و قالت بابتسامه : دايما مستعجل متغيرتش
" بعد عدة ساعات ، قدام الكليه "
خرجت نورسين وعهد وقالت عهد : مشوفتش شادي النهاردة خالص
ردت نورسين بضيق وقالت : تلاقيه بيصيع
كشرت عهد وقالت : مالك يا نورسين قالبه وشك ليه من ساعة ما طلبك دكتور ابراهيم ورجعتي وانتي كدا
نفخت نورسين وقالت : مفيش ، يلا لو هنروح
رجعت عهد شعرها ورا ودنها وقالت : ممكن بعد ما نروح تديني عربيتك بس اروح بيها مشوار صغير ؟
ابتسمت نورسين وحطت مفتاح العربيه في ايد عهد وقالت : انا اصلاً مش حابه اروح دلوقتي ، حابه اتمشي شوية ، خدي المفتاح اهو وروحي مشوارك وانا هروح بِتاكسي او اوبر
حضنت عهد نورسين وقالت : انا بحبك اوي
بادتلها نورسين الحضن وقالت : ونا كمان ، خلي بالك علي نفسك
ركبت عهد العربيه ولبست نورسين النضاره وفضلت تتمشي لِحد ما وصلت لِشارع جانبي بعد الكليه بِمسافه وشهقت فاجأه بِخضه لما..
•تابع فصول الرواية "رواية انت دقات قلبي" اضغط على اسم الرواية