رواية عاشق مجهول الهويه (كاملة جميع الفصول) حصريا عبر دليل الروايات بقلم روما جمعه
رواية عاشق مجهول الهويه الفصل السادس 6
part 6
عاشق مجهول الهاويه
صلي على الحبيب المصطفى ❤🩹
••••••••••••••••••••••••••••••••♡
عمر دخل من باب البيت وهوا معاه اسر
عمر ببتسامه..: " ادخل يا اسر البيت بيتك
اسر بحرج وهوا داخل...: " تسلم ياعمر
عمر بصوت عالي..: " ياااا اميي تعاااالي معاياا ضييف
كوثر طلعت من المطبخ ببتسامه جميله وقربت عليهم.... قرب منها عمر وباس راسهاا
عمر ببتسامه..: " ده اسر يا امي صاحبي وبص لـ اسر... ودي بقاا امي يا اسر ست الحبااايب
اسر بصلهم ببتسامته الجميله..: "اتشرفت بمعرفتك ياطنط
كوثر ببتسامه بشوشه..:" الله يخليك يابني نورتنا
اسر بصلها بحزن وابتسامه مهزوزه..: " البيت منور بأهله
عمر فهم حزن اسر وغييير الموضووع
اسر بمرح..: "ادخل يا اسرر تعاااله....وبص لأمه عامله اكل ايه النهارده ياست الكل
كوثر بضحك..:" محشي ورق عنب وبشااميل وفي دكر بط انما ايه في الفرن...وبصت لـ اسر
كوثر.. ببتسامه..: " حماتك بتحبك جيت في الوقت المنااسب يلا ادخلو
اسر بصلها ببتسامه ودخل الصالون وقعد هوا وعمر
كوثر بصتلهم بتزمر..: "انتو هتقعدو ولا ايه فزز منك ليه ساعدووني في المطبخ
بصولها لتنين بصدمه وسكتو
كوثر بضحكه مكتومه..؛:" هتفضلو مبلمين كده قوم يلا انت وهوا وبصت لـ اسر انت بقاا ياحليوه يابو عيون خضر انت هتجهز السفره ورجعت بصت لعمر الي بيبصلها بغباء....:: "وانت ياعين امك وراياا علي المطبخ لحد البغل التاني مايجي وسابتهم ودخلت المطبخ
اسر وعمر بصو لبعض وضحكو علي تصرفاتها
عمر وهوا بيقوم وبيحاول يتحكم في ضحكته...:" معلش بقا يا اسر ياخوويا الست دي امي لازم نسمع كلامها لاحسن تجري ورانا بالشبشب انا وانت
اسر بصله بضحك وقام معاه يجهز السفره
داخل المطبخ واقفه عماله تدندن في دخلتهم
اسر اتكلم بهدوء وابتسامه...: " عاوزاني اعمل ايه ياطنط
كوثر بصتله ببتسامه..: " بص يابو عيون خضر عندك الاطباق اهي وشورت علي كام طبق محطوتين علي بعض....: "جهز السفره وتعاله ساعدنا في المطبخ
هز راسه بالموافقه وبصلها ببتسامه وطلع يجهز السفره
♡•••••••••••••••••••••••••••••••••••••••••••♡
عند حازم في كليه الهندسه واقف مع اصحابه بيهزو ويتكلمو مع بعض في داخله واحده عليهم
شخص...:" حازم بص وراك كده البت مايا جت
حازم بقرف..: "كانت نقصاها هياا طيب اهرب يعني ولا اعمل ايه يامحمد
دخلت عليهم بنوته جميله بيضه وعنيها زرقه وشعرها بني
ماياا بدلع...:" ازيك ياحازم
حازم بقرف وهوا بيبصلها من فوق لتحت..: "اهلا يختي
محمد بضحكه مكتومه...:" نورتي يا ماياا
مايا ببسمه..: "بنورك يامحمد وبصت لحازم ببتسامه حالمه
حازم وهوا ملاحظ نظراتها ليه
حازم بسماجه..:" خير يا اختاااه هتكليني بعنيكي
مايا بحرج..: " احمم انا اسفه
محمد بتغيرر الموضوع وتلطيف الجوو...: " امال كنت مختفيه فين ياماياا محدش كان بيشوفك
حازم ببرطمه..: " ولا حد كان عاوز يشوفها اصلا
مايا بدلع..: " اصلي كنت بجهز لعيد ميلادي وطبعا انت معزوم يامحمد وبصت لحازم....: " زووومي اكيد هتيجي عيدميلادي
حازم ببرود..: " لا مش جاي ماليش في الجو ده
مايا بحزن..: " بس انت لازم تيجي
محمد ببتسامه..: "انشاء الله هنيجي ياماياا
حازم بسخط وهوا بيبص لـ محمد بغييظ....:" انا ماااشي
حازم مشي وركب تاكسي لحد البيت
♡•••••••••••••••••••••••••••••••••••••••••••♡
في شريكات العمري قاعد سليم بتعب علي مكتب اوس سليم رفع تليفونه...: " الغي كل المواعيد انهارده واتنهد ورن علي اوس يطمن عليه بعد شويه جاله الرد
سليم بهدوء..: " عامل ايه
اوس بهدوء...: " كويس
سليم..: "اخدت علاجك
اوس ببرود..:" مش قولت محدش يقلق عليا واني كويس
سليم بتعب وهدوء..: " بطمن عليك يااوس انت اخويا يابني لي مش عاوز تفهم
اوس بتنهيده..: " انا كوويس ياسليم واخدت علاجي
سليم ببتسامه..: " هترجع امتي
اوس بهدوء..: " لسه مش عارف
سليم...: " ناوي عليه يا اوس
اوس بغموض..: " كل خير
سليم بشك...: "مش مرتاحك
اوس بضحك..:" من امتي وانت بترتحلي
سليم ضحك علي صاحبه...: " ياعم مش لدرجادي عيب عليك بس انت غااامض
اوس بهدوء..: " هقفل يسلم دلوقتي وقفل من غير ميستني رد
سليم وهوا بيبص للتليفون بغييظ...: " اسفووخس ابو معرفتك يا اخي
اتنهد وقام طلع من الكتب ركب الاسنسير ونزل ركب عربيته واتحرك علي بيته
♡•••••••••••••••••••••••••••••••••••••••••••♡
حازم وهوا بيفتح الباب وبيدخل...: "" امااااااااي انا جعااااان فجأه سكت لما شاف واحد واقف عن السفره
حازم بولوله..: "" يختااااااي حرااااامي الحقووووناا
طلعو من المطبخ يجرو يشوفو اي الي بيحصل
حازم بصوت عاالي بعد الشخص ده مقرب منه...:: " حرراااامي في بيتناا وفي العز النهاار لا وبعيون خضرر
حازم قرب من اسر بهدوء...: " يعني حراامي وعيونك حلووه
اسر بصله بستغرااب
كوثر بعد مطلعت من المطبخ وهيا بتبصله بقرف...: " كانت خلفه هباب انا عارفه اتحركت ودخلت المطبخ تاني
عمر بضحكه مكتوومه وهوا بيبص لـ اسر...: " معلش يا اسر علي الي حصل اقدملك ياسيدي اخويا حازم في كليه هندسه وجنون شويه
اسر بسخريه..: " واضح انه مجنون
حازم بغباء...: " يعني انت مش حرامي
اسر ببتسامه...: " لا مش حرامي عفرييت
عمر بضحك..: " ده اسر صاحبي ياحاازم مش حراامي ولا عفريت
حازم ببتسامه ومرح وهوا بيقرب من اسر وبيسلم عليه...: "انا اسف علي حصل اتشرفت بيك يا اسووره
اسر ببتسامه..:" الشرف لياا ياززوومي
حازم وهوا بيحط ايده علي كتف اسر وداخل اوضة السفره...: " عيونك دي ولا لنسز بقاا
اسر بصله بضحكه مكتومه...: " لا عيوني
حازم بمرح..: " وراثه يعني....معندش اخت بنفس العيون الحلوه دي نفسي اجدد نسل العيله دي من العيون الرماادي
اسر بصله ببتسامه وحزن...: " لا معنديش
عمر بتغيير الموضوع.. "يلا الاكل جهز
قعدو كلهم علي طربيزه السفره وبدائو اكل بين ضحك وهزار وجنون حازم
♡•••••••••••••••••••••••••••••••••••••••••••♡
حل الليل علي ابطالنا ✨
في مكان ما علي طريق الغردقه
مجهول....:" نفز حالا
....: "امرك يابيه
وعلي الناحيه التانيه كان البااص مااشي وفي عربيات ماشيه... داخل الباص كانو بيغنو مع بعض وضحكهم بيرن في الباص
رووقيه وهيا بتغني..:" رو روق صحح ليناا
روز بغناء....: " ده اليوم ده بتعنااا لواحديناا
سلمي..: " هنقضيهاا بالطول والعرض مهما اتوبيسناا يواديناا
كل الي في الباص كانو بيغنو ويردو علي بعض وفي اول الباص قاعد رعد بيتفرج عليهم بهدوء وفجأه الباص وقف والكل خااف وفهد طلع مسدسه ووجه كلامه للسواق....: "في اي وقفت لي
السواق بخوف...:" في عربيات وقفه قدام الاتوبيس يابيه
وقبل ميفتح رعد باب الاتوبيس الباب اتفتح ودخل عليهم ناس ملثمين والبنات بدائو يصرخو والملثمين ضربو رعد بالنار
شخص ملثم بحده...: " ببسسسس مسمعش صوت حد فيكم بدل مخلص علي الي في الاتوبس كلهم
قعد يدور بعنيه علي هدفه لحد ملقاها قاعده تبصله برعب راح مسكها من دراعها وقومها
الملثم..: " يلا قدااامي
سلمي بخوف..: "سيبهااا انت اخدها فيين
روز بخوف وعياط..:" سبني انا معملتش حاجه
رووقييه وهيا بتهجم عليه وبتضربه : "سييبها انت اخدها فين بقوولك سبهاا
الملثم خبط روقيه بالمسدس في دمغها وقعت علي الارض سلمي طلعت تجري عليها طلع منديل من جيبه وخدر روز وشالها ونزل وباقي الرجاله نزلو وراه حطها في عربيه من الي كانو وقفين واتحرك بعيد عن الباص وباقي العربيات وراه وعمل تليفون
الملثم بهدوء..:" كله تمام ياباشا الامانه معانا
...: "" عفاارم عليك....اطلع علي المكان الي اتفقنا عليه وقفل
ابتسم الشخص بشرر....: " كده دخلنا في الجد
♡•••••••••••••••••••••••••••••••••••••••••••♡
ياتري ايه الي هيحصل مع روز؟!
ومايا عاوزه ايه من حازم؟!
ومين الي عاوز روز وناويلها علي ايه؟!
وهنا يكون خلص بارت النهارده ياحلوووين اشوفكم البارت الجااي يسكاكر 🥹❤️❤️❤️🫶🏻
عاشق مجهول الهاويه
تأليف /🦋 ROMA GOMAA
•تابع فصول الرواية "رواية عاشق مجهول الهويه" اضغط على اسم الرواية