رواية واغواهم الشيطان كاملة بقلم عادل عبد الله عبر مدونة دليل الروايات
رواية واغواهم الشيطان الفصل السادس 6
ناصر : متنساش تاخد فهمي معاك يا ايمن .
ايمن : يلا يا فهمي قوم معايا .
فهمي ( بغضب ) : لأ انزل انت يا ايمن انا قاعد مع ناصر .
ناصر ( بنظرة حادة ) : انزل يا فهمي مع ايمن .وخدوا وقتكم انا مش مستعجل .
ايمن اخد فهمي ونزلوا ، ياسمين فتحت باب اوضتها وخرجت وراحت الاوضة اللي كانوا قاعدين فيها لقيت ناصر قاعد لوحده !!!!!
ياسمين : تاني ؟؟؟؟؟؟
ناصر : شوفتي بقي ؟!!
ياسمين : ايمن فين ؟؟
: اخد فهمي ونزلوا زي المرة اللي فاتت .
: انت اللي نزلت ايمن وفهمي ؟
: ايوه .
: ليه ؟
: عايزك يا قمر .
جريت ياسمين علي اوضتها وناصر جري وراها ومسكها .
ياسمين : خلي بالك ايمن معرفش اللي حصل المرة اللي فاتت .
ناصر : كدابة ايمن عرف . وعموما مش هتفرق عرف او معرفش .
ياسمين : انت عاوز مني ايه ؟
ناصر : عاوزك .
: لما انت بتحبني كده طيب ما تطلقني من ايمن وتتجوزني !!
: لأ ، انا مليش في الجواز والمسئوليات والكلمات دي .
: اومال ليك في ايه ؟
: انتي عارفة يا جميل ليا في الحب و المتعة والفرفشة وبس .
: يعني انت بتحبني وعاوزني ابقي معاك وقت ما تعوزني انما من بعيد وانا مرات ايمن في نفس الوقت ؟؟
: بالظبط كده .
: ولو انا هوافق انا بقي هستفيد ايه ؟؟
: انا عينيا ليكي كل طلباتك مجابة وقبل كل ده حبي ليكي .
: يعني لو عاوزة حاجة وقولتلك عليها هتجيبهالي ؟
: جربي وانتي هتشوفي .
: طيب انا عايزة هدية .
: من عينيا .
: عايزاها دلوقتي .
: طيب غمضي عيونك .
: ليه ؟
: غمضي بس .
: ماشي اهو غمضت .
: فتحي بقي .
:ايه ده !!!! انت جبته امتي ده ؟
: ايه رأيك ؟
: حلو اوي الخاتم ده .
: شوفتي بقي انتي بس تحلمي وتتمني وانا احققلك كل اللي نفسك فيه في لحظتها .
: انت بجد مش ممكن ، ده ولا السحر !!!
: علشان بحبك .
: ربنا يخليك ليا .
: استاهل ايه بقي علي الهدية دي ؟
(ياسمين فهمت ان جوزها ديوث و عاوز يبيع شرفها لصحبه لمصلحته .
ياسمين دار في تفكيرها ازاي هتكون زوجة لرجل ورفيقة لرجل تاني وكل ده هيحصل في بيت وبعلم جوزها !!!!!
لو كان ناصر بتاع جواز كانت فكرت تطلق من ايمن وتتجوزه لكن ناصر مش بتاع جواز . فكرت انها تستفيد من ناصر زي ما ايمن بيستفيد منه .)
قالتله : تستاهل عمري كله !!!!!
وبعد حوالي ساعة نزل ناصر بعد ما ودعته ياسمين بقبله حارة علي باب الشقة .
ياسمين قعدت لوحدها بعد ما فرطت في شرفها لأول مرة بارادتها وفكرت انها لازم تستغل الموقف ده وتحاول تاخد من ناصر هدايا وفلوس علي قد ما تقدر وبعدين تهرب منه ومن ايمن وتبعد بعيد وتبدأ حياة جديدة !!!
بعد نص ساعة طلع ايمن و سألها : ناصر فين ؟
ياسمين : مشي .
ايمن : اوعي يكون حصل بينكم حاجة ؟
ياسمين (ضحكت اوي) : هو قالي انك عارف باللي هيعمله معايا .
ايمن : لأ ده كداب ابن ال …. . يعني المهم عمل حاجة ؟
ياسمين : اومال سيبته ونزلت ليه وانت عارف نيته وباللي عمله المرة اللي فاتت ؟؟
ايمن (بارتباك) : هقولك اصل انا …..
ياسمين : ولا اصل ولا فصل انا داخله انام .
ايمن : لأ استني علشان عاوزك .
ياسمين : انا هدخل انام علشان تعبانه .
********
فهمي اتصل بناصر قبل ما يروح بيته وقاله : انت فين يا ناصر ؟
ناصر : روحت البيت .
فهمي : انزل علشان عاوزك .
ناصر : لأ تعبان وعاوز انام مش هينفع انزل دلوقتي .
فهمي : انت كنت بتضحك عليا ؟
ناصر : ضحكت عليك في ايه بس ؟
فهمي : قولتلي هتخليني اعمل مع ياسمين اللي انا عاوزه .
ناصر : ايوه وقولتلك اتقل شوية .
فهمي : طيب ما انت نزلتني مع ايمن تاني النهاردة ولما قولت اني مش هنزل قولتلي لأ انزل معاه !!!
ناصر : ياض يا اهبل مينفعش من اولها كده .
فهمي : ازاي يعني مش فاهم ؟
ناصر : يعني لما اخد عليها هخليك تعمل اللي انت عاوزه بالطريقة .
فهمي : اوعي تكون بتشتغلي يا ناصر احسن ازعل منك وانا زعلي وحش ؟
ناصر : تصدق عيب عليك يا صحبي !! وبعدين انت بتهددني ياض ولا ايه ؟
فهمي : مش بهددك بس انا بفهمك ان موضوع ياسمين ده مش هشيله من دماغي .
ناصر : ماشي يا فهمي متخافش ، سيبني بقي علشان عاوز انام .
فهمي : طيب احكيلي الاول عملت معاها ايه النهاردة ؟
ناصر (ضحك اوي) : لما تكبر هقولك .
فهمي : بتكلم بجد احكيلي عملت ايه النهارده ؟ ياسمين رضيت ولا قاومتك زي المرة اللي فاتت ؟
ناصر : لما تشوفها ابقي اسألها ، يلا بقي اقفل علشان انام .
فهمي شعر ان ناصر كان بيضحك عليه من الاول وكان واخده سلمه علشان يطلع يسهر عند ايمن ودلوقتي هو عاوزه يفضل ساكت ومش يفضحهم لحد ما يزهق من ياسمين ويسيبها .
تاني يوم قابلت فهمي وهو راجع من الشغل وشوفته بيضحك اوي فسألته : مالك ياض يا فهمي بتضحك اوي كده ليه ؟
قالي : شوفت يا محسن الواد ناصر ده طلع شيطان .
: حصل ايه تاني ؟
: عمل مع ياسمين تاني زي المرة اللي فاتت .
: بتتكلم بجد ؟
: اومال يعني بهزر .
: وايمن فين من اللي بيحصل ده ؟
: ايمن عارف وساكت .
: بتتكلم جد يا فهمي ؟
: ايوه يا محسن ليك حق متصدقش انا نفسي مش مصدق !!
: وايه اللي يخليه موافق علي اللي بيحصل ده ؟
: مش عارف يا محسن بس كسرة النفس وحشة ، وهو عينه ونفسه مكسورة علشان الفلوس اللي بياخدها من ناصر .
: طيب ما يشوف شغلانة يشتغلها حتي لو هيمسح سلالم احسن له من اللي بيحصل ده ؟
: ما انت عارف ايمن ولا متعلم ولا معاه صنعة ومن الاخر المخدرات هي اللي وصلته لكده .
: انا هشوف له شغل يمكن يتعدل ، انا مش مصدق ايمن يطلع كده !!!!!!
: سلام بقي يا محسن علشان هشوف ناصر فين علشان نطلع نسهر عند الموزة بتاعتنا .
فهمي مشي وراح قابل ناصر وطلعوا عند ايمن وسهروا زي كل يوم وياسمين قعدت معاهم وهما بيشربوا وبيضحكوا وبعدين قامت تحضرلهم العشا ، بعدها قام ناصر وقال لأيمن انه هيدخل الحمام .
ناصر اتأخر اكتر من ربع ساعة ، ولما رجع فهمي شعر انه حصل حاجة مع ياسمين !!! فهمي ناره اشتعلت وقال لأيمن انه عاوز يدخل الحمام ……..
يتبع….
- يتبع الفصل التالي اضغط على ( رواية واغواهم الشيطان ) اسم الرواية