رواية ايلاف (كاملة جميع الفصول) حصريا عبر دليل الروايات بقلم اماني سيد
رواية ايلاف الفصل السادس 6
تانى يوم صحى صفوان وقرر انه مايروحش الشغل وكان قافل الفون عشان يقضي اكبر وقت مع إيلاف من غير ما مروه تكلمه وتعرف انه عندها وكان غارق في التفكير من جهه خوف على مروه من الانفعال ويسبب فى نزول الجنين لا قدر الله ومن جهه اخرى وجود ايلاف لوحدها الامر بقى خطر جدا لان حمل ايلاف اصعب من مروه هو شاف اعراض الحمل وامتعاض وشها من الاكل بالإضافة لقله اكلها اتصل بعامل من العمال ذو ثقه عنده
صفوان: الو يا سعيد
سعيد: اهلا يا معلم صفوان
صفوان: عايزك فى موضوع محدش تانى يعرف ولا يعرف انى طلبت منك حاجه سامع
سعيد: اتفضل يا معلم اؤمر
صفوان: عايز واحده ست امينه عشان المدام عندى حامل وعايزه حد يخدمها ويبات معاها
سعيد: طلبك عندى يا معلم اختى عندها ٤٠ سنه وارمله ومش بتخلف وكانت بتدور على شغل تحب ابعتها على البيت عندكم على طول
صفوان: لا هبعتلك عنوان تيجى عليه واوعاك حد يعرف
سعيد: حاضر يا معلم مسافة الطريق اكون عندك انا واختى
طلب صفوان اكل بتحبه إيلاف واستناها تصحى
وبعد فتره صحيت ايلاف
إيلاف: صباح الخير
صفوان: صباح النور ناموسيك كحلى
إيلاف: مش عارفه بقيت انام كتير ليه كده
صفوان: صحه وهنا تعالى افطرى انا جبت فطار ومستنيكى تصحى عشان تفطرى
واثناء الفطار
صفوان: صحيح يا ايلا فى واحده هتيجى تساعدك فى شغل البيت وهتبات معاكى عشان لو انا مش موجود يبقى في حد معاكى
إيلاف: بس انا عارفه انك مش بتحب تدخل حد غريب بيتك
صفوان: مجبر اخيك لا بطل
إيلاف: خايف عليا ولا على النونو
صفوان: انتوا الاتنين
إيلاف: هتحبه زى ابن مروه والناس كلها تعرف بيه ولا هيبقى في السر هو كمان
صفوان: اكيد هحبه بس مش هينفع اعلن حاجه دلوقتي عشان صحه مروه
ايلاف: اه طبعا طبعا لو مش عايزهه وحاسس انك اتورطت عرفنى
صفوان: ايه اللى بتقوليه ده بس يا ايلاف ده ابنى من صلبى
إيلاف بصتله وسكتت ومردتش تعلق على كلامه
انت اجازه انهارده
صفوان: اه واخد اجازه عشان اقضي اليوم معاكى
إيلاف: تعالى نخرج انا زهقت من قاعدة البيت
صفوان : يوم تانى عشان اخت سعيد جايه ومحتاج اعرفك عليها
ايلاف: مش خايف هى او سعيد يقولوا على موضوع جوازنا
صفوان: لا سعيد مايقدرش يتكلم
طيب تمام وصل سعيد واخته وارتاحت ايلاف لاخت سعيد
صفوان: خديها يا ايلاف فرجيها على البيت وعرفيها شغلها
واستغل صفوان انشغال إيلاف واتصل على مروه فى الوقت ده مروه كانت عماله تفكر في تغيير صفوان وشاكه انه متجوز وخصوصاً بعد ما شمت البرفان الحريمي فى لبسه وهى بتحطه في الغساله واثناء شرودها رن تليفونها وكان صفوان
صفوان: ازيك يا مروه عامله ايه
مروه سامعه هدوء فشكت انه عندها دلوقتي وعملت صوتها تعبان
مروه: تعبانه اوي اوي يا صفوان وبطنى وجعانى وعايزه انزل للدكتوره مش قادره انت هتيجى امته
كلام مروه ونحنحتها قلقت صفوان
صفوان: طيب يا مروه البسى على ماجيلك
"""""
عند مروه بتكلم نفسها
انا كده اتاكدت انك متجوز عليا يا صفوان بس انا مش هعمل زى الهبله ايلاف واعرفك انى عرفت او اطلب الطلاق انا اللى هخليك ماتقدرش تبعد عني لحد ما اعرف مين دى اللى اتجوزتها عليا
"""""
عند صفوان قام لبس بسرعه وجهز نفسه دخلت عليه إيلاف
إيلاف: ايه ده انت مش خارج وقلت انك اجازه انهارده
صفوان: مروه تعبانه اوي وعايزه تروح للدكتور ومحدش معاها معلش يا ايلا وعد هعوضهالك يوم ونخرج
ايلاف: بخبث اه طبعا يا حبيبي الحق روحلها
صفوان باسها من راسها : يسلملي هالفهمان هكلمك
وصل صفوان عند مروه واخدها وراح للدكتوره
فى العيادة
دخل صفوان ومروه غرفة الكشف
الدكتوره: أهلا يا مدام مروه مممن اعرف حاسه بايه
مروه : بطنى بتوجعنى وحاسه بدوخه مش بقدر اتحرك
الدكتوره: طيب يلا نكشف
كشفت الدكتوره على مروه
الدكتوره: عال عال كل حاجه كويسه جدا وزى الفل
صفوان: طيب الأعراض والتعب ده ايه يا دكتوره
الدكتوره: حاجه طبيعية جدا انا هتكبلك على فيتامينات تخديها وهتبقى احسن ان شاء الله وهتكبلك تحاليل تجبيها المره الجايه وقت الكشف
مروه: طيب بالنسبه للعلاقة يا دكتوره
الدكتوره: يفضل انك توقفيها اول تلات شهور
صفوان : تمام يا دكتوره هنمشى على التعليمات واخدها واخد مروه ومشيوا
مروه : صفوان بقولك ايه بما اننا خرجنا ايه رايك نتعشى في مطعم
صفوان: انتى تعبانه يا مروه
مروه: لا التعب بيروح ويجى واديك سمعت ده شئ عادى بسبب الحمل
صفوان : تمام امرى لله تحبى نروح فين
مروه: ندخل سينما
صفوان ماشى يا ستى واخدها ودخلوا سينما وقابل هناك أسماء صاحبه ايلاف ورحيم جوزها
ورحيم راح يسلم على صفوان وطبعا صفوان سبق وراح عليه عشان مايتكلمش في حاجه قصاد مروه وسلم عليه ومشى
ودخلوا واتفرجوا على الفيلم وبعدين كل واحد روح بيته
عند إيلاف
اسماء أتصلت بيها وعرفتها وقالتلها انها شافت صفوان مع مروه
ايلاف: على فكره يا اسماء انا واثقه انها عارفه انه متجوز وكانت عامله المسلسل ده عشان يروحلها
اسماء: طيب هتعملى ايه
هنلعب على المكشوف بقى انا زهقت انا خلاص خدت اللى انا عايزاه وكمان حملت كده الكوره فى ملعبه يا يعترف بقى يا كل واحد يروح لحاله
اسماء: طيب ومروه وحملها هترضى بضره
ايلاف: لسه مش عارفه اذا كنت هعرف اتقبل الوضع على كده بشكل مستمر ولا لأ خصوصا بعد تغيره معايا
اسماء: وهتعرفى كده امته
إيلاف: مش عارفه خايفه اتشتت او اتوه ومش وقت انى اتشتت خالص سبيها بظروفها في موضوع مروه ده
اسماء: طيب هتعملى ايه دلوقتي ناويه على ايه
إيلاف: هسكت خالص وهسيبه براحته الشهر ده اكون اتعلمت السواقه وفضيتلها بقى عشان مروه مش سهله لا هى ولا الحيه الكبيره
بقولك ايه انا عيد ميلادى الشهر الجاى
عارفه هتعملى ايه طبعا
اسماء بخبث : يا بنت الايه طبعا 😂😂😂😂😂
وساعتها هتبقى الملاك البريء اللى بيطير بجنحاته ومش بتعملى حاجه وهى عرفت لوحدها
إيلاف: هههههههههههه طبعا يا بنتى سبيه واخد الامان كده الاسبوعين دول
تانى يوم اتصل صفوان بايلاف ومكنتش بترد وكلم سعيد يكلم اخته وكان تليفونها مقفول وده خلى صفوان يبقى قاعد قلقان ومش عارف يشتغل وقام اخد بعضه وراح عند ايلاف
اول ما دخل كانت إيلاف قاعده بتتفرج على التلفزيون بصتله ورجعت تانى بصت للتلفزيون
صفوان بعصبية: اقدر اعرف مش بتردى على التليفون ليه
إيلاف ببرود : مش سمعاه
صفوان: يا شيخه ونادى على ناديه ( اخت سعيد )
ناديه يا ناديه تليفونك فين
ناديه: فاصل شحن وانا كنت ناسيه الشاحن ونزلت اشتريت شاحن ولسه هحط التليفون عليه عشان اشحنه
صفوان: طيب بعد كده لازم تتاكدى طول الوقت ان تليفونك مفتوح وشغال فاهمه
ناديه: حاضر يا بيه عن اذنك
رجع بص لايلاف اللى مش مهتمه اصلا باللى بيعمله او يقوله ( كانت متفقه مع ناديه انها تقفل تليفونها عشان مايعرفش يوصلها )
عدى اسبوعين خلالهم كانت إيلاف اتعلمت السواقه وباعت شقه ابوها وامها واشترت شقه تانيه وفرشتها ويوم عيد ميلاد ايلاف اسماء كتبت بوست تهنى فيه ايلاف بعيد مولدها وكانت عامله منشن على برنامج من برامج التواصل الاجتماعي لجميع اصدقاء إيلاف بما فيهم صفوان وكانت حاطه صوره تجمعهم كلهم بما فيها صفوان كانت صوره ليهم يوم كتب كتابهم بحيث ان مروه وكل الناس اللى عند صفوان يشوفوها وفعلا مروه شافتها ومكنتش عارفه تعمل ايه هى كانت شاكه ماكنتش متاكده أتأكدت لما لقت البوست بتاع اسماء ونزلت لحماتها وورتها الصورة
مروه : اتفضلى يا خالتى بصى ابنك
ام صفوان: ماله ابنى
مروه : البيه رجع تانى لايلاف هانم متجوزها
ام صفوان: انتى بتهبلى تقولى ايه مين ده اللى رجعلها
مروه : اتفضلى الصوره اهى منوره الفيس والله اعلم رجعلها امته وواخدلها شقه بعيد وانا هنا شغاله خدامه ليكوا بدالها
ام صفوان: اتصليلى بيه
اتصلت مروه بصفوان وكلمته الاول
مروه : مش تقولى يا عريس
صفوان: اقولك ايه
مروه: انك رجعت للهانم عشان اباركلكم واعمل الواجب
صفوان فهم انهم عرفوا برجوعه لايلاف فقرر انه يستغل الفرصه ويواجههم بالحقيقة وليه كلام مع إيلاف بعد كده عشان اتصرفت بدون ماترجعلوا
صفوان : واديكى عرفتى ايه المشكلة
مروه: نعم يعنى ايه كلامك ده معناه ايه
ام صفوان شدت التليفون من ايديها وقالتله تعلالى دلوقتي حالا
صفوان قفل معاهم وبالفعل راحلهم
ام صفوان: كده يا ابن بطنى بتتجوز من ورايا
صفوان: ايه المشكلة لما اتجوز اكتر من واحده مش ده كان كلامك ولا اتغير دلوقتي انا معملتش حاجه حرام انا اتجوزت على سنه الله ورسوله
مروه : بقى دى اخرتها تتجوز عليا يا صفوان
صفوان: لا يا مروه شكلك نسيتى انها كانت الزوجة الأولى يعنى متجوزك انتى عليها وكل الحكايه انى رجعتلها تانى
انا من البداية مكنش فى نيتى اطلقها ومقلتش لحد فيكوا انى هطلقها اصلا وطلقتها لما هى اصرت على الطلاق
وبص لامه
على فكره هى كمان حامل في نفس اليوم اللى مروه حامل فيه
سكتت مروه وحماتها مابقوش عارفين يرضوا
ام صفوان: خلاص رجعها تانى تعيش هنا زى ماكانت عايشه
صفوان: ربنا يسهل نتكلم فى الموضوع ده بعدين
خرج صفوان متعصب من موقف إيلاف لحد مافتح الفيس بوك وعرف ان اسماء هى اللى منزله مباركه لعيد ميلاد إيلاف
بقى قاعد في العربيه مش عارف يعمل ايه يروح يتخانق معاها ولا يقولها كل سنه وانتى طيبه ويحاول يصلح الوضع اللى بينهم
كده كده الوضع بايظ بينهم بقالوا فتره ففرصه بقى يستغل الموقف لصالحه
راح صفوان اشترى هديه لايلاف وراح على البيت عشان يديها الهديه لكن للأسف مالقهاش في البيت ولا لقى اى حد خالص واتصل على ناديه قالتله ان ايلاف قالتلها خدى اجازه بقى ماشى زى المجنون فى الشقة ومش عارف يعمل ايه وكل اما يكلمها يلاقي تليفونها مقفول
بص على السفره لقى جواب منها
. صفوان بما انك شفت الجواب معنى كده انك عرفت انى مشيت انا للاسف كنت عايزه اديك فرصه تانيه لكن انت ضيعتها ابنك لما يتولد ويبقى يوعى للدنيا ساعتها هكلمك عشان تشوفه انما دلوقتي انا اسفه مش هقبل تانى اعيش في الوضع المهين ده زوجه فى السر حتى العامل اللى عندك لما جبتلى اخته نبهت عليه مايجبش سيره لحد كاننا متجوزين فى السر او عاملين حاجه وحش.ه انا مش هقبل بكده تانى وخليك بقى مع مروه وابنك او بنتك منها انما انا عايزاك تبعتلى ورقه طلاقى مع الماذون اللى اتجوزنا عنده وانا هبقى اخدها بعدين
صفوان بقى خلاص هيتجنن ومش عارف يعمل ايه اتصل برحيم واسماء وكل الناس محدش فاده بأى حاجه خالص
راحلها بيتها القديم اتفاجئ انها بعته ومشيت بقى عامل زى المجنون وفضل طول الليل يلف فى الشارع يدور عليها
رجع تانى عند امه وكان شكله تعبان ومرهق
مروه لسه هتكلمه راح باصصلها
صفوان: مروه مش عايز اسمع نفس سمعانى ويفضل انك تباتى هنا مش عايز حد يطلع فوق نهائى
طلع فوق فى شقته وفضل يعيط عليها هو بيحبها ماينكرش الاول ماكنتش فارقه معاه لكن كانت مريحاه لكن بعد ما حبها وبقت حامل في طفل منه تختفى كده
على الاقل الاول كان عارف مكانها انما دلوقتي مش عارف يوصلها ازاى ليه كده ليه كده يا إيلاف كنت هعملك اى حاجه تطلبيها منى ليه بعدتى خفت اتخانق معاكى واضربك تانى يارب يارب رجعهالى تانى
فضل طول الليل يفكر اذا كان ليها قرايب ولا لا مافيش اى حاجه جت فى باله غير اسماء صاحبتها انه يخلى حد يراقبها ويكلم حد يدور على العربيه ممكن يوصلها من خلالها وفعلا قام تانى يوم وقرر انه مش هيسكت لحد مايلاقيها
عند إيلاف كانت اسماء وناديه بايتين معاها
ايلاف: بقولك ايه يا سمسم خدى بالك للن صفوان احتمال كبير يخلى حد يراقبك
اسماء: ياشيخه مش للدرجادى
إيلاف: اسمعى الكلام انا عارفه دماغه ايه
اسماء: لما انتى عارفاه اوى كده سبتيه ليه
إيلاف: كان لازم اعاقبه
اسماء: وهتظهرى امته تانى
إيلاف: هسيبه هو اللى يلاقينى
اسماء: نعم يا ختى
إيلاف: خو انتى ليه مستعجله دايما
اسماء: طلعتى مش قليله يا ايلوو
إيلاف: الظلم يعمل اكتر من كده وعلى فكره انا عارفه كويس انه بيدور عليا عشان عايزنى مش عشان البيبى لانه طلب منى نتجوز تانى رغم انو عارف انى عندى مشاكل في الرحم صفوان مشكلته معايا انه مكنش حبنى زيادة عشان يحافظ عليا ولما حبنى مبقاش للاسف فى وقت للتراجع فاكره لما سالتينى ترضى تبقى زوجه تانيه قلولتك ايه ساعتها معرفش لكن لما خرج معاها سينما وانا لا عرفت وقتها انى مش هقدر اعيش وفى حد تاني في قلبه غيرى
اسماء: طيب هو بيحب مروه
إيلاف: لا بس انا هسيبه لحد ما يتاكد انه محبش ولا هيحب غيرى وقتها هرجلعه بشروطى وبرضو بعاقبه على القلم اللى ضربهونى انا عارفه اسلوبى كان وحش لكن مش لدرجه انه يضربنى
اسماء: عندك حق خليه يتعلم الادب
عدا اسبوعين وخلال الأسبوعين دول مروه كانت بتحاول تقرب من صفوان بكل الطرق الممكنة لكن صفوان كان كارهها اوى حس اد ايه كان بيحب إيلاف وانه غبى فعلا انه ضيعها من ايده فراغه عينه وتسرعه على الخلفه ضيعوها منه لو كان صبر عليها كام شهر بس كان زمانه فضل عايش معاها فى جنتها مكنش رمى نفسه في نار مروه اللى مش عارف يخلص منها ازاى قربها منه بقى يقرفه مش بيحب يقرب منها انسانه فاضيه من جوه ومن بره عامله زى الباربى بدون روح شويه مكياج هما الفرق بينها وبينه 😂😂 انما إيلاف كانت المعنى الحقيقي للست مكنتش محتاجه مجهود عشان تبقى حلوه حتى وهى تخينه اتصل صفوان بجميع المستشفيات ونبه عليهم اى مريضه هتجيلهم باسم ايلا يتصلوا يبلغوه على طول وبلغ عن رقم عربيتها يمكن يقدر يوصلها من خلاله
اثناء تفكيره امه خبطت على الباب ودخلت
ام صفوان: هتفضل كده كتير مروه بتشتكيلى منك
صفوان: اعملها ايه يعني مش طايقها
ام صفوان: وهى مالها يابنى
صفوان: مروه كانت نزوه في حياتى لون جديد من الستات عدا عليا وانتى حلتيها في عينى لحد ماتجوزتها وعرفت الفرق بينها وبين ايلاف ايلاف زى الدهب عمره مايصدى مهما عملتى فيه انما مروه زى الفلصو فى او فرصه بتأشر ويبان معدنها
ام صفوان: منا قلتلك هاتها تقعد معانا تانى
صفوان: انتى فكرانى مكنتش واخد بالى من معاملتك ليها لأ كنت واخد بالى بس كنت بقول فى مقام امها سيبهم ايلاف ماشتكتش هتتدخل انت ليه وهى كانت ساكته وخايفه تشتكى وانا غلط انى متدخلتش ومنعتك
تقدرى تقوليلى معملتيش مع مروه نص ماكنتى بتعملى مع إيلاف ليه عشان مروه مش سهله ومش قادرة تسيطرى عليها انما إيلاف طيبه وكانت بتيجى على نفسها عارفه عمرى ابدا ابدا مااجبها وتعيش معاكى تانى
ام صفوان: ده اللى انا كنت خايفه منه انها تاخدك بعيد عنى وتقسيك عليا واهو حصل
صفوان: ليه دايما معتقده انها هتاخدنى منك وهى عمرها ماصدر منها اى شئ يخليكى تشكى حتى فى كده ماما لو سمحت سبينى سبينى فى حالى لحد ما الاقيها وهفضل برضه مخليها بعيد عنك انتى ومروه بس هعرف الناس كلها لنها مراتى وام ابنى
خرجت ام صفوان وهى بتفكر في كلام ابنها وبتقارن بين مروه وايلاف وشافت مروه وهى بتحاول تبعد صفوان عنها وازاى ايلاف كانت بترفض حتى تشتكى منها عشان ماتحطهوش في موقف حكم بينهم وحست انها غلطت بس هل يا ترى الندم هيفيد
وزى ماتفقنا سرعه نزول البارت هتكون متوقفه على التفاعل يعمى لو التفاعل بقى كبير ممكن انزل بارتين فى اليوم
•تابع فصول الرواية "رواية ايلاف" اضغط على اسم الرواية