رواية حظ الملايح كاملة بقلم حنين ابراهيم عبر مدونة دليل الروايات
رواية حظ الملايح الفصل السادس 6
حسان: حبيبة خالو عامله ايه
سمر: الحمد لله و إنت عامل ايه يا سونه
حسان بضحك: يا بنتي بطلي تناديني بالإسم ده و إحترمي السن الي ما بينا على الأقل
سمر : سن إيه يا أبو سن ده أنا لحد دلوقتي صحباتي لو يشوفونا مع بعض بيقولولي أخوكي متخرج جديد ولا إتوضف في شغل خلاص
حسان باستغراب ليه
إقتربت له لتهمس في أذنه: عشان يطلبوك مني رسمي
أطلق حسان ضحكه صاخبة: طب و بعد ما بيعرفو أني بشتغل بيطلبو إيدي ولا بيكنسلو
سمر: لا منا بقولهم إنك متجوز و عندك ولاد عشان كده بيصرفو نظر
أمسك بفكها بمزاح: و إنت تقوليلهم ليه يا مفتريه كنتي أديني نمرتها و أنا أقنعها
سمر بشهقه: هيه و تتجوز على نوران قرة عينك إخص عليك
حسان: عادي حقي الشرعي أدار وجهها ناحية نوران و نسرين الذان يقفان بعيدا بعض الشيء ويحاولان معرفة ما يتودود به سمر و حسان
حسان بخفوت: أنا راضي زمتك ده منظر وحده تقابل بيه جوزها
سمر: ما تحترم نفسك يا حسان إنت عايزها تلبسلك القصير وتمكيجلك قدام الولاد؟
حسان ضربها بكف يده على رقبتها : مش شرط قصير كفايه تلبس حاجة شيك تضبط شعرها مش عيب تحطلها ولو كحل تخفي هلات عنيها كده يعني
سمر: دفعتلها كام للكلام ده؟
حسان: أدفع أيه؟
قبل أن تنطق سمر بشيء أخر قاطعتها نوران: هتفضلو واقفين عندكم كتير؟
سمر: حاضر يا طنط جايين اهو
و أكملت بهمس نكمل كلامنا بعدين
دخلت سمر للمطبخ لحقتها نسرين لتسألها بفضول: كنتو بتتكلمو في إيه
سمر: بحاول أفتح معاه موضوع الجواز التاني يمكن يحكيلي بيفكر في إيه
نسرين: وقالك إيه
قاطع كلامهما الصوت العالي بالخارج
نوران: مية مره قولتلك متدوسش على السجاد بجزمتك
حسان بضيق: منا ملقيتش الشبشب
نوران بنفس النبره: كنت قولتلي أجيبهولك من البلكونة
حسان: و إنتي ايه الي خلاكي توديه هناك مخليتهوش هنا في الجزامه ليه ولا هو نكد و خلاص
نوران: حطيتها تنشف بعد ما غسلتها
حسان مسح على وجهه بضيق: أنا أسف يا ستي ممكن تجيبيه و تخلصيني؟
خرجت للشرفه متأففه وضعت صندله أمامه و غادرت ليدخل هو للحمام ليغتسل
سمر بتعجب: هما على طول كده؟
نسرين: بصراحه هما كل فترة كده ناقر و نقير بس إحنا كنا متعودين إنهم على طول كده يتخانقو فتره و يرجعو يتعاملو عادي
سمر: عادي الي هو بيكبرو دماغهم من المشاكل ولا بتصالحو
نسرين: مش فاهمه
دخلت نوران للمطبخ لتغير سمر الموضوع: أنا رايحه بقا عشان إتأخرت
خرجت تلبس حذائها باستعجال: خالو متنساش تكلمني قبل الماتش بنص الساعة هروح أعمل مشوار صغير و راجعه
نوران: ودا يصح برضو يا سمر تطلعي من غير ما تتغدي معانا
سمر: معلش يا طنط مره تانيه ماما أكدت عليا متأخرش عشان طالعة مشوار هي ونهاد
نوران: ماشي متنسيش تسلميلي عليها
سمر: حاضر
خرجت لتتنفس نوران بضيق: يا ساتر يا رب دمها سم
نسرين: حرام عليك يا ماما ليه تتكلمي عليها كده
نوران: بت إنتي إحترمي نفسك و إنتي بتكلميني كان عندها حق نبيلة لما قالتلي إنها علمتك قلة الادب بمصاحبتك ليها
نسرين: حوش الأدب الي هتعلمه من مصاحبة جنى الي كل قعدتها بتجيب في سيرة الناس و تشيلنا ذنوب ولا تقعد تسم بدني بتريقتها على نضارتي الكباية و تقويم سناني
تركتها و دخلت غرفتها بضيق بينما نوران إكتفت بالسكوت بعد أن شعرت بألم إبنتها من تنـ.مر جنى و زميلاتها عليها و على شكلها
نوران بحزن ربنا يصلح حالك يا بنتي
و أكملت بغضب: ويهديكي يا جنى قبل ما أديكي على دماغك ولا هيهمني زعل أمك
____
عند سمر وصلت للبيت
وجدت ولادتها و أختها على وشك الخروج و ينتظرون عودتها
سمر: كويس أني لحقتكم اخرجت ورقه من جيبها: بابا ممكن تجيبلي شوية حاجات
أيوب وهو يفتح الورقه: ايه الحاجات دي ريزن؟ وألوان
سمر: احم أصلي بفكر أعمل مشروع صغير من البيت
نظرت لها والدتها بغضب و…
يتبع….
- يتبع الفصل التالي اضغط على ( رواية حظ الملايح ) اسم الرواية